5. Asavakathavannana
[724-725] Idani asavakatha nama hoti. Tattha yasma catuhi
asavehi uttarim anno asavo nama natthi, yena cattaro asava sasava
siyum, tasma cattaro asava anasavati yesam laddhi seyyathapi hetuvadanam, te
sandhaya puccha sakavadissa, patinna itarassa. Atha nam "yadi te asava
anasava, evam sante tehi maggadilakkhanappattehi bhavitabban"ti codetum
maggotiadimaha. Sesamettha uttanatthamevati.
Asavakathavannana nitthita.
----------
6. Jaramaranakathavannana
[726-727] Idani jaramaranakatha nama hoti. Tattha jaramaranam nama
aparinipphannatta lokiyanti va lokuttaranti va na vattabbam. "lokiya dhamma
lokuttara dhamma"ti hi duke jaramaranam neva lokiyapade, na lokuttarapade
niddittham. Tattha yesam imam lakkhanam anadiyitva lokuttaranam dhammanam jaramaranam
lokuttaranti laddhi seyyathapi mahasamghikanam, te sandhaya puccha sakavadissa,
patinna itarassa. Sesamettha yathapalimeva niyyatiti.
Jaramaranakathavannana nitthita.
---------
7. Sannavedayitakathavannana
[728-729] Idani sannavedayitakatha nama hoti, tattha sannavedayita-
nirodhasamapatti nama na koci dhammo, catunnam pana khandhanam nirodho. Iti
sa neva lokiya na lokuttaRa. Yasma pana lokiya na hoti, tasma lokuttarati
The Pali Atthakatha in Roman Character Volume 55 Page 280.
http://84000.org/tipitaka/read/attha_page.php?book=55&page=280&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6308&modeTY=2&pagebreak=1
http://84000.org/tipitaka/atthapali/rm_line.php?B=55&A=6308&modeTY=2&pagebreak=1#p280
