บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 284.
Niruddhe yava ankuruppada bijam viya yava vipakuppada kammupacayo titthatitissa laddhi, tasma patijanati. Tanneva kammam, so kammupacayo, so kammavipakoti yasma kammamhi kammupacayo, so ca yava vipakuppada titthatitissa laddhi, tasma nam tesam tinnampi ekattam pucchati. Vipako sarammanoti idam vipako viya vipakadhammadhammopi arammanapatibaddhoyevati codanattham pucchati. Itaro pana laddhivasena ekam patijanati, ekam patikkhipati. Patilomepi eseva nayo. Sesamettha yathapalimeva niyyatiti. Kammupacayakathavannana nitthita. Pannarasamo vaggo nitthito. Tatiyo pannasako samatto. ---------- 16. Solasamavagga 1. Niggahakathavannana [743-744] Idani niggahakatha nama hoti. Tattha ye loke balappatta vasibhuta, te yadi parassa cittam nigganhitum na sakkuneyyum, ka tesam balappatti, ko vasibhavo. Balappattiya pana vasibhavena ca addha te parassa cittam nigganhantiti yesam laddhi seyyathapi mahasamghikanam, te sandhaya paro parassati puccha sakavadissa, patinna itarassa. Tattha nigganhatiti sankilesapattito nivareti. Sesamettha yathapalimeva niyyatiti. Paggahakathayapi eseva nayo. Niggahakathavannana nitthita. -----------The Pali Atthakatha in Roman Character Volume 55 Page 284. http://84000.org/tipitaka/read/attha_page.php?book=55&page=284&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6397&modeTY=2&pagebreak=1 http://84000.org/tipitaka/atthapali/rm_line.php?B=55&A=6397&modeTY=2&pagebreak=1#p284
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]