Pucchā sakavādissa, paṭiññā itarassa. Atha naṃ "yadi te rūpaṃ vipāko,
evaṃvidhenānena bhavitabban"ti codetuṃ sukhavedanīyantiādimāha. Sesamettha 1-
yathāpālimeva niyyātīti.
Rūpaṃvipākotikathāvaṇṇanā niṭṭhitā.
-------------
9. Rūpaṃrūpāvacarārūpāvacarantikathāvaṇṇanā
[768-770] Idāni rūpaṃ rūpāvacarārūpāvacarantikathā nāma hoti. Tattha
yaṃ kāmāvacarakammassa katattā rūpaṃ, taṃ yasmā kāmāvacaraṃ, tasmā rūpāvacarā-
rūpāvacarakammānampi katattā rūpena rūpāvacarena 2- bhavitabbanti yesaṃ laddhi
seyyathāpi andhakānaṃ, te sandhāya atthi rūpaṃ rūpāvacarārūpāvacaranti pucchā
sakavādissa, paṭiññā itarassa. Sesamettha heṭṭhā vuttanayamevāti.
Rūpaṃrūpāvacarārūpāvacarantikathāvaṇṇanā niṭṭhitā.
------------
10. Rūparāgorūpadhātupariyāpannotiādikathāvaṇṇanā 3-
[771-775] Idāni rūparāgo rūpadhātupariyāpanno arūparāgo arūpadhātu-
pariyāpannotikathā nāma hoti. Tattha yasmā kāmarāgo kāmadhātupariyāpanno,
tasmā rūparāgehipi 4- rūpadhātuarūpadhātupariyāpannehi bhavitabbanti yesaṃ laddhi
seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ
heṭṭhā vuttanayeneva veditabbaṃ. Kevalañhi tattha "rūpadhātuṃ anuseti, arūpadhātuṃ
@Footnote: 1 cha.Ma. sesaṃ 2 cha.Ma. rūpāvacarārūpāvacarena
@3 cha.Ma. rūpārūpadhātupariyāpannakathāvaṇṇanā 4 cha.Ma. rūparāgārūparāgehipi
The Pali Atthakatha in Roman Character Volume 55 Page 288.
http://84000.org/tipitaka/read/attha_page.php?book=55&page=288&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6486&pagebreak=1
http://84000.org/tipitaka/atthapali/rm_line.php?B=55&A=6486&pagebreak=1#p288
