ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 55 : PALI ROMAN Panca.A. (paramatthadi.)

Page 293.

Ariyasaccanca, itaram pana dukkhamevati idam nanattam dassetum patijanati. Yatha
indriyabaddhassatiadivacanam indriyabaddhassa parinnaya brahmacariyavasam
parinnatassa puna anuppattim dipeti. Tenevettha sakavadina patikkhepo kato,
"yadaniccam tam dukkhan"ti vacanena pana sangahitassa anindriyabaddhassa dukkhabhavam
patisedhetum na sakkoti, tasma asadhakanti.
                     Indriyabaddhakathavannana nitthita.
                          ------------
                    5. Thapetvaariyamaggantikathavannana
     [789-790] Idani thapetva ariyamaggantikatha nama hoti. Tattha
"yasma ariyamaggo `dukkhanirodhagaminipatipada'ti vutto, tasma thapetva ariyamaggam
avasesa sankhara dukkha"ti yesam laddhi seyyathapi hetuvadanam, te sandhaya
puccha sakavadissa, patinna itarassa. Atha nam "yadi evam samudayassapi
dukkhabhavo apajjati"ti codetum dukkhasamudayopiti aha. Itaro hetulakkhanam
sandhaya patikkhipati. Puna puttho pavattipariyapannabhavam 1- sandhaya patijanati.
Tinevati panhesu suttavirodhabhayena patikkhipati, laddhivasena patijanati. Sesamettha
uttanatthamevati.
                  Thapetvaariyamaggantikathavannana nitthita.
                           ----------
                6. Navattabbamsamghodakkhinampatigganhatitikathavannana
     [791-792] Idani na vattabbam samgho dakkhinam patigganhatitikatha
nama hoti. Tattha "paramatthato maggaphalaneva samgho, maggaphalehi anno samgho
@Footnote: 1 cha. pavattapariyapannabhavam, Ma. parivattapariyapannabhavam



The Pali Atthakatha in Roman Character Volume 55 Page 293. http://84000.org/tipitaka/read/attha_page.php?book=55&page=293&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6599&modeTY=2&pagebreak=1 http://84000.org/tipitaka/atthapali/rm_line.php?B=55&A=6599&modeTY=2&pagebreak=1#p293


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]