Manussalokena anupalittatanneva sandhaya vadati, sattha pana lokadhammesu kilesehi
anupalitto vihasi. Tasma asadhakametanti.
Manussalokakathavannana nitthita.
------------
2. Dhammadesanakathavannana
[804-806] Idani dhammadesanakatha nama hoti. Tattha "tusitapure
thito bhagava dhammadesanatthaya abhinimmitam pesesi, tena ceva tassa ca dhammadesanam 1-
sampaticchitva ayasmata anandena dhammo desito, na buddhena bhagavata"ti
yesam laddhi seyyathapi vetullakananneva, te sandhaya puccha sakavadissa, patinna
itarassa. Atha nam "yadi tena dhammo desito, sveva sattha bhaveyya"ti codetum
abhinimmito jinotiadimaha. Itaro tatha asampaticchanto patikkhipati. Sesamettha
uttanatthamevati.
Dhammadesanakathavannana nitthita.
------------
3. Karunakathavannana
[807-808] Idani karunakatha nama hoti. Tattha piyayitanam vatthunam
vipattiya saraganam ragavasena karunapatirupikam pavattim disva "ragova karuna
nama, so ca bhagavato natthi, tasma natthi buddhassa bhagavato karuna"ti yesam
laddhi seyyathapi uttarapathakanam, te sandhaya puccha sakavadissa, patinna
itarassa. Atha nam "karuna namesa nikkilesataya ceva sattarammanataya ca
cetovimuttitaya ca ekadasanisamsataya ca mettadihi samanajatika, tasma yadi
@Footnote: 1 cha.Ma. desanam
The Pali Atthakatha in Roman Character Volume 55 Page 298.
http://84000.org/tipitaka/read/attha_page.php?book=55&page=298&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6709&modeTY=2&pagebreak=1
http://84000.org/tipitaka/atthapali/rm_line.php?B=55&A=6709&modeTY=2&pagebreak=1#p298
