Dve samadhi jhananeva, na jhanantarika, evam itarenapi jhaneneva bhavitabbam,
na jhanantarikayati.
Jhanantarikakathavannana nitthita.
---------
8. Samapananosaddamsunatitikathavannana
[823-825] Idani samapanno saddam sunatitikatha nama hoti. Tattha
"yasma pathamassa jhanassa saddo kantako 1- vutto bhagavata, yadi ca samapanno
tam na suneyya, katham kantako siya. Tasma samapanno saddam sunati"ti yesam
laddhi seyyathapi pubbaseliyanam, te sandhaya puccha sakavadissa, patinna
itarassa. Cakkhuna rupam passatitiadi "samapannassa tava pancadvarappavattam natthi,
tasmim asati yadi so saddam suneyya, rupampi passeyya"ti codanattham vuttam.
Saddo kantakoti vikkhepakaranatta 2- vuttam. Olarikena hi saddena sote
ghattite pathamajjhanato vutthanam hoti, tenetam vuttam, tasma asadhakam. Dutiyassa
jhanassatiadi "yatha annopi kantako antosamapattiyam natthi, evam
saddasavanampi"ti bodhanattham vuttam, tam sabbam uttanatthamevati.
Samapannosaddamsunatitikathavannana nitthita.
-------------
9. Cakkhunarupampassatitikathavannana
[826-827] Idani cakkhuna rupam passatitikatha nama hoti. Tattha
"cakkhuna rupam disva"ti vacanam nissaya "pasadacakkhumeva rupam passati"ti yesam
laddhi seyyathapi mahasamghikanam, te sandhaya puccha sakavadissa, patinna itarassa.
@Footnote: 1 cha.Ma. kandako. evamuparipi 2 cha.Ma. vikkhepakaratta
The Pali Atthakatha in Roman Character Volume 55 Page 302.
http://84000.org/tipitaka/read/attha_page.php?book=55&page=302&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6799&modeTY=2&pagebreak=1
http://84000.org/tipitaka/atthapali/rm_line.php?B=55&A=6799&modeTY=2&pagebreak=1#p302
