บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.) หน้าที่ ๓๐๕.
สงฺขารกฺขนฺโธ น อนิจฺโจติอาทิ นิพฺพานสงฺขาตาย สุญฺญตาย อนิจฺจภาวาปตฺติ- โทสสฺส ทสฺสนตฺถํ วุตฺตํ. [๘๓๓] สงฺขารกฺขนฺธสฺส สุญฺญตาติ "ยทิ อญฺญสฺส ขนฺธสฺส สุญฺญตา อญฺญกฺขนฺธปริยาปนฺนา, สงฺขารกฺขนฺธสุญฺญตายปิ เสสกฺขนฺธปริยาปนฺนาย ภวิตพฺพนฺ"ติ โจทนตฺถํ สุตฺตํ. สงฺขารกฺขนฺธสฺส สุญฺญตา น วตฺตพฺพาติอาทิ "ยทิ สงฺขารกฺขนฺธสุญฺญตา เสสกฺขนฺธปริยาปนฺนา น โหติ, เสสกฺขนฺธสุญฺญตาปิ สงฺขารกฺขนฺธปริยาปนฺนา น โหตี"ติ ปฏิโลมทสฺสนตฺถํ วุตฺตํ. [๘๓๔] สุญฺญมิทํ ภิกฺขเว สงฺขาราติ สุตฺตํ ปรสมยโต อาภตํ. ตตฺถ สงฺขาราติ "สพฺเพ สงฺขารา อนิจฺจา"ติ อาคตฏฺฐาเน วิย ปญฺจกฺขนฺธา, เตว ๑- อตฺตตฺตนิยสุญฺญตฺตา สุญฺญตาติ สาสนาวจรํ โหติ, น วิรุชฺฌติ, ตสฺมา อนุญฺญาตํ. ยสฺมา ปเนตํ น สุญฺญตาย สงฺขารกฺขนฺธปริยาปนฺนภาวํ ทีเปติ, ตสฺมา อสาธกนฺติ. สุญฺญตากถาวณฺณนา นิฏฺฐิตา. ------------ ๓. สามญฺญผลกถาวณฺณนา [๘๓๕-๘๓๖] อิทานิ สามญฺญผลกถา นาม โหติ. ตตฺถ มคฺควีถิยมฺปิ ผลสมาปตฺติยมฺปิ ๒- อริยมคฺคสฺส วิปากจิตฺตํ สามญฺญผลํ นามาติ สกสมเย สนฺนิฏฺฐานํ. เยสํ ปน ตถา อคฺคเหตฺวา "กิเลสปฺปหานญฺเจว ผลุปฺปตฺติ จ สามญฺญผลํ, ตสฺมา อสงฺขตนฺ"ติ ลทฺธิ เสยฺยถาปิ ปุพฺพเสลิยานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ เหฏฺฐา วุตฺตนยตฺตา ยถาปาลิเมว นิยฺยาตีติ. สามญฺญผลกถาวณฺณนา นิฏฺฐิตา. --------------- @เชิงอรรถ: ๑ ฉ.ม. เต จ ๒ ฉ.ม. ผลสมาปตฺติวีถิยมฺปิเนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๐๕. http://84000.org/tipitaka/read/attha_page.php?book=55&page=305&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6865&modeTY=2&pagebreak=1 http://84000.org/tipitaka/atthapali/th_line.php?B=55&A=6865&modeTY=2&pagebreak=1#p305
จบการแสดงผล หน้าที่ ๓๐๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]