4. Pattikathavannana
[837-840] Idani pattikatha nama hoti. Tattha "yam yam patilabhati, 1-
tassa tassa patilabho patti nama, sa ca asankhata"ti yesam laddhi seyyathapi
pubbaseliyananneva, te sandhaya puccha sakavadissa, patinna itarassa.
Sesamidhapi hettha vuttanayatta yathapalimeva niyyatiti. Na vattabbantiadi
yaya laddhiya patti asankhatati pannatti, 2- tam pakasetum vuttam. Tattha sakavadi
"na hevam vattabbe"ti patikkhipanto kevalam pattiya rupadibhavam na sampaticchati.
Na hi patti nama koci dhammo atthi, na pana asankhatabhavam anujanati. Itaro
pana patikkhepamatteneva asankhatati laddhim patitthapeti, sa ayoniso patitthapitatta
appatitthitayevati.
Pattikathavannana nitthita.
---------
5. Tathatakathavannana
[841-843] Idani tathatakatha nama hoti. Tattha yesam "rupadinam
sabbadhammanam rupadisabhavatasankhata tathata nama atthi, sa ca sankhatesu rupadisu
apariyapannatta asankhata"ti laddhi seyyathapi ekaccanam uttarapathakanam, te
sandhaya puccha sakavadissa, patinna itarassa. Sesamidhapi hettha vuttanayatta
pakatamevati.
Tathatakathavannana nitthita.
-----------
@Footnote: 1 cha.Ma. patilabbhati 2 cha.Ma. mannati
The Pali Atthakatha in Roman Character Volume 55 Page 306.
http://84000.org/tipitaka/read/attha_page.php?book=55&page=306&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6889&modeTY=2&pagebreak=1
http://84000.org/tipitaka/atthapali/rm_line.php?B=55&A=6889&modeTY=2&pagebreak=1#p306
