Sammāvācākammantājīvānañca cittavippayuttataṃ nissāya "nippariyāyena pañcaṅgikova
maggo"ti laddhi seyyathāpi mahisāsakānaṃ, te sandhāya pañcaṅgikoti pucchā sakavādissa,
paṭiññā itarassa. Sammāvācā maggaṅgaṃ, sā ca na maggotiādi parasamayavasena
vuttaṃ. Parasamayasmiñhi sammāvācādayo maggaṅganti āgatā. Rūpattā pana maggo
na hotīti vaṇṇitā. Sammādiṭṭhi maggaṅgantiādi maggaṅgassa amaggatā nāma
natthīti dassanatthaṃ vuttaṃ. Pubbeva kho panassāti sutte parisuddhasīlassa maggabhāvanā
nāma hoti, na itarassāti āgamanīyapaṭipadāya visuddhibhāvadassanatthaṃ "kāyakammaṃ
vacīkammaṃ ājīvo suparisuddho hotī"ti vuttaṃ, na imehi vinā pañcaṅgikabhāva-
dassanatthaṃ. Tenevāha "evamassāyaṃ ariyo aṭṭhaṅgiko maggo bhāvanāpāripūriṃ
gacchatī"ti. Sakavādinā ābhatasuttaṃ nītatthamevāti.
Maggakathāvaṇṇanā niṭṭhitā.
---------------
6. Ñāṇakathāvaṇṇanā
[876-877] Idāni ñāṇakathā nāma hoti. Tattha dhammacakkappavattane
dvādasākārañāṇaṃ sandhāya "dvādasavatthukaṃ ñāṇaṃ lokuttaran"ti yesaṃ laddhi
seyyathāpi pubbaseliyāparaseliyānaṃ, 1- te sandhāya pucchā sakavādissa, paṭiññā
itarassa. Atha naṃ "sace taṃ dvādasavatthukaṃ, dvādasahi maggañāṇehi bhavitabban"ti
codetuṃ dvādasātiādimāha. Itaro maggassa ekattaṃ sandhāya paṭikkhipati, ekekasmiṃ
sacce saccañāṇakiccañāṇakatañāṇānaṃ vasena ñāṇanānattaṃ sandhāya paṭikkhipati. 2-
Dvādasa sotāpattimaggātiādīsupi eseva nayo. Nanu vuttaṃ bhagavatāti suttaṃ
@Footnote: 1 cha.Ma. pubbaseliyānaṃ 2 cha.Ma. paṭijānāti
The Pali Atthakatha in Roman Character Volume 55 Page 313.
http://84000.org/tipitaka/read/attha_page.php?book=55&page=313&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=7046&pagebreak=1
http://84000.org/tipitaka/atthapali/rm_line.php?B=55&A=7046&pagebreak=1#p313
