5-7. Tissopikathavannana
[898-900] Idani tissopi katha nama honti. Tattha acirajatanam
pana sotapannanam arahattuppattim 1- suppavasaya ca upasikaya sattavassikam
gabbham disva "atthi gabbhaseyyaya arahattuppatti"ti ca supine akasagamanadini
disva "atthi dhammabhisamayo"ti ca "atthi tattha arahattuppatti"ti ca idhapi
yesam laddhi 2- seyyathapi tesanneva, te sandhaya puccha sakavadissa, patinna
itarassa. Sesamettha purimakathasadisamevati.
Tissopikathavannana nitthita.
-------------
8. Abyakatakathavannana
[901-902] Idani abyakatakatha nama hoti. Tattha "atthesa bhikkhave
cetana, sa ca kho abboharika"ti 3- vacanato "sabbam supinagatassa cittam
abyakatan"ti yesam laddhi seyyathapi ekaccanam uttarapathakananneva, te sandhaya
puccha sakavadissa, patinna itarassa. Sesamettha yathapalimeva niyyati.
Supinagatassa cittam abboharikanti idam apattim sandhaya vuttam. Supinagatassa hi
panatipatadivasena kincapi akusalacittam pavattati, vatthuvikopanam pana natthiti
na sakka tattha apattim pannapetum. Imina karanena tam abboharikam, na
abyakatanti. 4-
Abyakatakathavannana nitthita.
-------------
@Footnote: 1 cha.Ma. arahattappattim 2 cha.Ma. laddhiyo
@3 vinaYu. 1/235/169 4 cha.Ma. na abyakatattati
The Pali Atthakatha in Roman Character Volume 55 Page 321.
http://84000.org/tipitaka/read/attha_page.php?book=55&page=321&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=7226&modeTY=2&pagebreak=1
http://84000.org/tipitaka/atthapali/rm_line.php?B=55&A=7226&modeTY=2&pagebreak=1#p321
