อรรถกถาเล่มที่ ๕๕ หน้าที่ ๓๒๓.

เอกจิตฺตกฺขณิกาติ ยสฺมา นิจฺจา น โหนฺติ, ตสฺมา เอกจิตฺตกฺขณิกาติ อตฺตโน รุจิยา การณํ วทติ. ตํ อวุตฺตสทิสเมวาติ. ขณิกกถาวณฺณนา นิฏฺิตา. พาวีสติโม วคฺโค สมตฺโต. ---------- ๒๓. เตวีสติมวคฺค ๑. เอกาธิปฺปายกถาวณฺณนา [๙๐๘] อิทานิ เอกาธิปฺปายกถา นาม โหติ. ตตฺถ การุญฺเน วา เอเกน อธิปฺปาเยน เอกาธิปฺปาโย, สํสาเร วา เอกโต ภวิสฺสามาติ อิตฺถิยา สทฺธึ พุทฺธปูชาทีนิ กตฺวา ปณิธิวเสน เอโก อธิปฺปาโย อสฺสาติ เอกาธิปฺปาโย, เอวรูโป ทฺวินฺนมฺปิ ชนานํ เอกาธิปฺปาโย เมถุโน ธมฺโม ปฏิเสวิตพฺโพติ เยสํ ลทฺธิ เสยฺยถาปิ อนฺธกานญฺเจว เวตุลฺลกานญฺจ, เต สนฺธาย ปุจฺฉา สกวาทิสฺส, ปฏิญฺา อิตรสฺส. เสสเมตฺถ ยถาปาลิเมว นิยฺยาตีติ. เอกาธิปฺปายกถาวณฺณนา นิฏฺิตา. -------------- ๒. อรหนฺตวณฺณกถาวณฺณนา [๙๐๙] อิทานิ อรหนฺตวณฺณกถา นาม โหติ. ตตฺถ อิริยาปถสมฺปนฺเน อากปฺปสมฺปนฺเน ปาปภิกฺขู ทิสฺวา "อรหนฺตานํ วณฺเณน อมนุสฺสา เมถุนธมฺมํ ปฏิเสวนฺตี"ติ เยสํ ลทฺธิ เสยฺยถาปิ เอกจฺจานํ อุตฺตราปถกานํ, เต สนฺธาย ปุจฺฉา สกวาทิสฺส, ปฏิญฺา อิตรสฺส. เสสเมตฺถ อุตฺตานตฺถเมวาติ. อรหนฺตวณฺณกถาวณฺณนา นิฏฺิตา. ------------

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๒๓. http://84000.org/tipitaka/read/attha_page.php?book=55&page=323&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=7268&pagebreak=1 http://84000.org/tipitaka/atthapali/th_line.php?B=55&A=7268&pagebreak=1#p323