บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 323.
Ekacittakkhanikati yasma nicca na honti, tasma ekacittakkhanikati attano ruciya karanam vadati. Tam avuttasadisamevati. Khanikakathavannana nitthita. Bavisatimo vaggo samatto. ---------- 23. Tevisatimavagga 1. Ekadhippayakathavannana [908] Idani ekadhippayakatha nama hoti. Tattha karunnena va ekena adhippayena ekadhippayo, samsare va ekato bhavissamati itthiya saddhim buddhapujadini katva panidhivasena eko adhippayo assati ekadhippayo, evarupo dvinnampi jananam ekadhippayo methuno dhammo patisevitabboti yesam laddhi seyyathapi andhakananceva vetullakananca, te sandhaya puccha sakavadissa, patinna itarassa. Sesamettha yathapalimeva niyyatiti. Ekadhippayakathavannana nitthita. -------------- 2. Arahantavannakathavannana [909] Idani arahantavannakatha nama hoti. Tattha iriyapathasampanne akappasampanne papabhikkhu disva "arahantanam vannena amanussa methunadhammam patisevanti"ti yesam laddhi seyyathapi ekaccanam uttarapathakanam, te sandhaya puccha sakavadissa, patinna itarassa. Sesamettha uttanatthamevati. Arahantavannakathavannana nitthita. ------------The Pali Atthakatha in Roman Character Volume 55 Page 323. http://84000.org/tipitaka/read/attha_page.php?book=55&page=323&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=7268&modeTY=2&pagebreak=1 http://84000.org/tipitaka/atthapali/rm_line.php?B=55&A=7268&modeTY=2&pagebreak=1#p323
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]