Yam patisandhiyam uppajjati, tam katattarupanancapi sahajatapaccayo hoti.
Arupavacaravipakam sampayuttadhammananneva. Lokuttaravipakam pancavokare sampayutta-
dhammananceva cittasamutthanarupananca, catuvokare arupananneva. Kamavacara-
rupavacarakiriya pancavokare sampayuttadhammananceva cittasamutthanarupananca sahajata-
paccayo hoti, catuvokare arupananneva. Rupavacarakiriya sampayuttadhammananceva
cittasamutthanarupananca ekantena sahajatapaccayo hoti.
Catusamutthanikassa rupassa kammasamutthanarupe ekam mahabhutam tinnam, tini
ekassa, dve dvinnam mahabhutanam, mahabhuta upadarupassa sahajatapaccayena paccayo
hoti. 1- Kamavacararupavacarapatisandhikkhane vatthurupam vipakakkhandhanam sahajatapaccayena
paccayo. Utucittaharasamutthanesu pana mahabhutani annamannanceva upadarupassa
ca sahajatapaccayena paccayoti evamettha paccayuppannatopi vinnatabbo vinicchayoti.
Sahajatapaccayaniddesavannana nitthita.
--------------
7. Annamannapaccayaniddesavannana
[7] Annamannapaccayaniddese sahajatapaccayaniddesassa purimanam tinnam
kotthasanam vasena pali agata, tassa tattha vuttasadisava vannanati puna na
gahita. Ayampi ca annamannapaccayo jativasena kusalo akusalo vipako kiriya
rupanti pancadha bhinno. Tattha kusalo bhumito catubbidho. Sabbam purimasadisamevati
evamettha nanappakarabhedato vinnatabbo vinicchayo.
Evam bhinne panettha sabbampi catubhumikam kusalam attana sampayuttadhammanam
annamannapaccayena paccayo hoti. 1- Tatha akusalam. Vipake pana kamavacara-
rupavacaravipakam patisandhiyam vatthurupassa, pavatte sampayuttadhammananneva.
@Footnote: 1 cha.Ma. ayam patho na dissati
The Pali Atthakatha in Roman Character Volume 55 Page 420.
http://84000.org/tipitaka/read/attha_page.php?book=55&page=420&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=9474&modeTY=2&pagebreak=1
http://84000.org/tipitaka/atthapali/rm_line.php?B=55&A=9474&modeTY=2&pagebreak=1#p420
