บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 431.
14. Vipakapaccayaniddesavannana [14] Vipakapaccayaniddese vipaka cattaro khandhati yasma kammasamutthanapi rupa vipaka na honti, tasma "vipaka"ti vatva "cattaro khandha"ti vuttam. Evamayam pali arupadhammananneva vipakapaccayavasena agata. Panhavare pana "vipakabyakato eko khandho tinnannam khandhanam cittasamutthanananca rupanam vipakapaccayena paccayo. Patisandhikkhane vipakabyakato eko khandho tinnannam khandhanam katatta ca rupanam vipakapaccayena paccayo"ti agatatta cittasamutthanakammasamutthanarupanampi vipakapaccayo labbhati. Idha pana savasesa- desana 1- katati ayam tavettha palivannana. Ayam pana vipakapaccayo vipakabhavena jatito ekavidho, bhumibhedato kamavacaradivasena catudha bhijjatiti evamettha nanappakarabhedato vinnatabbo vinicchayo. Evam bhinne panettha kamavacararupavacaravipako attana sampayuttakkhandhanam 2- pavatte cittasamutthanarupanam patisandhiyam katattarupananca vipakapaccayo hoti. Arupavacaravipako sampayuttadhammananneva. Lokuttaravipako pancavokare sampayutta- dhammananceva cittasamutthanarupassa ca, catuvokare sampayuttadhammananneva 3- vipakapaccayo hotiti evamettha paccayuppannatopi vinnatabbo vinicchayoti. Vipakapaccayaniddesavannana nitthita. ------------ 15. Aharapaccayaniddesavannana [15] Aharapaccayaniddese kabalinkaro aharoti catusantatisamutthane rupe oja aharo nama. So pana yasma kabalam katva ajjhoharitova @Footnote: 1 cha.Ma. savasesavasena desana 2 cha.Ma. sampayuttadhammanam @3 cha.Ma. sampayuttakkhandhanannevaThe Pali Atthakatha in Roman Character Volume 55 Page 431. http://84000.org/tipitaka/read/attha_page.php?book=55&page=431&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=9734&modeTY=2&pagebreak=1 http://84000.org/tipitaka/atthapali/rm_line.php?B=55&A=9734&modeTY=2&pagebreak=1#p431
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]