บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 486.
Dhammo ime attha paccaye alabhanto nama natthi. Arammananantara- samanantarupanissayasampayuttanatthivigatapaccayesu pana anulomato thitesu arupatthanika paccanikato na labbhanti. Na hi arammanapaccayadihi uppajjamana anantarapaccayadayo na labbhanti. 1- Sahajataannamannanissayakammaharindriyaatthiavigatapaccayesu pana anulomato thitesu cattaro sabbatthanikayeva paccanikato na labbhanti. Etesanhi paccayanam vasena uppajjamano sabbatthanike alabhanto nama natthi. Pacchajatapaccayassa anulomato thanam nama natthi. Evam sesesu anulomato thitesu ye ca labbhanti, ye ca na labbhanti, te sallakkhetva sabbesupi dumulakadisu nayesu tesam tesam paccayanam samsandane unataraganananamyeva vasena ganana veditabbati. Paccayanulomapaccaniyavannana nitthita. ------------- Paticcavara paccayapaccaniyanulomavannana [190] Idani paccaniyanulome gananam dassetum nahetupaccaya arammane dvetiadi araddham. Tattha hetumhi paccanikato thite thapetva adhipatim avasesa anulomato labbhanti. Pacchajato pana anulomato sabbattheva na labbhati, ye nava paccaya "arupananneva"ti vutta, tesu purejatanca asevananca thapetva avasesesu sattasu paccanikato thitesu sesa arupatthanika anulomato na labbhanti. Yo hi arammanadihi nuppajjati, na so anantaradayo labhati. Patisandhivipako pana purejatato sabbavipako ca saddhim kiriyamanodhatuya asevanato anuppajjamanopi anantaradayo labhati, tasma "purejatanca asevananca thapetva"ti vuttam. @Footnote: 1 cha.Ma. anantarasamanantarapaccayadayo na labhantiThe Pali Atthakatha in Roman Character Volume 55 Page 486. http://84000.org/tipitaka/read/attha_page.php?book=55&page=486&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=10972&modeTY=2&pagebreak=1 http://84000.org/tipitaka/atthapali/rm_line.php?B=55&A=10972&modeTY=2&pagebreak=1#p486
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]