บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 489.
[203-233] Napurejatamulake hetuya sattati hettha "aruppe kusalam ekam khandham paticca"tiadina nayena napurejate 1- dassitaneva. Sabbasattakesupi eseva nayo. Nakammamulake hetuya tinitiadisu cetanava paccayuppanna, tasma kusalam akusalam abyakatanca paticca uppattim sandhaya tiniti vuttam. Imina nayena "ekam dve tini panca satta nava"ti agatatthanesu ganana veditabba. "cattari cha attha"ti ima pana tisso ganana natthevati. Paccayapaccaniyanulomavannana nitthita. Nitthita ca paticcavarassa atthavannana. ------------- 2. Sahajatavaravannana [234-242] Sahajatavare kusalam dhammam sahajatoti kusalam dhammam paticca tena sahajato hutvati attho. Sesamettha paticcavare vuttanayeneva veditabbam. Avasane panassa "paticcattham 2- nama sahajatattham, sahajatattham nama paticcatthan"ti idam ubhinnampi etesam varanam atthato ninnanakaranabhavadassanattham vuttam. Atthato hi ete dvepi ninnanakarana. Evam santepi annamannassa atthaniyamanattham vutta. "cakkhunca paticca rupe ca"tiadisu hi asahajatampi paticca uppajjatiti vuccati. Sahajatampi ca upadarupam bhutarupassa paccayo na hoti. Iti paticcavarena sahajatapaccayabhavam, sahajatavarena ca paticcati vuttassa sahajatabhavam niyametum ubhopete vutta. Apica tatha bujjhanakanam ajjhasayavasena desanavilasena niruttipatisambhidappabhedajananavasena capi ete ubhopi vuttati. Sahajatavaravannana nitthita. -------------- @Footnote: 1 cha.Ma. purejate 2 Si.,Ma. paticcattham, cha. paticcattam. evamuparipiThe Pali Atthakatha in Roman Character Volume 55 Page 489. http://84000.org/tipitaka/read/attha_page.php?book=55&page=489&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=11041&modeTY=2&pagebreak=1 http://84000.org/tipitaka/atthapali/rm_line.php?B=55&A=11041&modeTY=2&pagebreak=1#p489
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]