ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 55 : PALI ROMAN Panca.A. (paramatthadi.)

Page 493.

Kusalo dhammo"ti anamasitva gananavaseneva varaparicchedam dassetum hetupaccaya
arammane sattatiadi araddham.
     Tattha kusalam dhammam paccaya kusalo dhammo uppajjati hetupaccaya
arammanapaccaya. Kusalam ekam khandham paccaya tayo khandhati imina nayena
arammane laddhavissajjanani vittharetabbani. Ayantava anulome nayo.
    [277-285] Paccaniye pana kusalam na labbhatiti akusalam dhammam
paccayati akusalamevadim katva vissajjanam araddham. Tam yathapalimeva niyyati.
Yanhettha vattabbam siya, tam paticcavarassa paccaniye vuttameva.
    [286-287] Yampanetam paccaniye laddhavissajjanaparicchedam gananato
dassetum nahetuya cattaritiadi vuttam, tattha cattari sattarasa satta panca
tini ekanti cha pariccheda. Tesam vasena dukatikadisu paccayasamsandane ganana
veditabba. Yo hi paccayo sattarasa vissajjanani labhati, tena saddhim sadisasamsandane
sattarasa, unatarasamsandane sesa chapi pariccheda labbhanti. Evam sesesupi
adhikapparicchedam thapetva samasama unatara ca labbhanti. 1-
     Ettha ca adhikatara na labbhantiti ayamettha niyamo, samasama pana
unatara ca attha virodhe sati labbhanti. Tenevettha "nahetupaccaya narammane
ekan"tiadi vuttam. Ettha hi nahetuya catunnam, narammane pancannam agatatta
nahetuvasena cattariti vattabbam siya, narammanena saddhim ghatitatta pana
sarammanadhammo 2- virujjhatiti akusalam dhammam paccaya akusalo dhammo, abyakatam
dhammam paccaya akusalo, akusalanca abyakatanca dhammam paccaya akusaloti tini
vissajjanani parihinani. Abyakatam dhammam paccaya abyakatoti rupavasena ekameva
@Footnote: 1 cha.Ma. labbhantiti      2 cha.Ma. arammanadhammo



The Pali Atthakatha in Roman Character Volume 55 Page 493. http://84000.org/tipitaka/read/attha_page.php?book=55&page=493&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=11132&modeTY=2&pagebreak=1 http://84000.org/tipitaka/atthapali/rm_line.php?B=55&A=11132&modeTY=2&pagebreak=1#p493


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]