อรรถกถาเล่มที่ ๕๕ หน้าที่ ๔๙๗.

ยสฺมา เจตฺถ อรูปธมฺมาเยว ปจฺจยุปฺปนฺนา, ตสฺมา นเหตุนาธิปตินปุเรชาต- นปจฺฉาชาตนาเสวนนกมฺมนวิปากนฌานนมคฺคนวิปฺปยุตฺตวเสน ทเสว ปจฺจยา ปจฺจนีกโต ทสฺสิตา, เสสา จุทฺทส น ลพฺภนฺติ. เยปิ ลพฺภนฺติ, เตสุปิ วิปาเก ปจฺจยุปฺปนฺเน นกมฺมนวิปากา น ลพฺภนฺติ. [๓๖๐-๓๖๘] นเหตุปจฺจยา นาธิปติยา เทฺวติ นเหตุยา ลทฺธํ ทฺวยเมว. เสสทฺวเยสุปิ เอเสว นโย. นกมฺเม เอกนฺติ อเหตุกกิริยาเจตนํ ปจฺจยุปฺปนฺนํ กตฺวา อพฺยากเตน อพฺยากตํ. นวิปาเก เทฺวติ อเหตุกโมหกิริยาวเสน เทฺว. นฌาเน เอกนฺติ อเหตุกปญฺจวิญฺาณวเสน อพฺยากตวิสฺสชฺชนํ เวทิตพฺพํ. นมคฺเค เอกนฺติ อเหตุกวิปากกิริยาวเสน อพฺยากตวิสฺสชฺชนํ. อิมินา อุปาเยน สพฺพสํสนฺทเนสุ อตฺโถ เวทิตพฺโพติ. [๓๖๙-๓๘๓] อนุโลมปจฺจนีเย เหฏฺา วุตฺตา นเหตุอาทโย ทเสว ปจฺจนียโต ลพฺภนฺติ, น เสสา. เยปิ ลพฺภนฺติ, เตสุปิ เหตุมฺหิ อนุโลมโต ิเตสุ ^๑- ฌานมคฺคา ปจฺจนียโต น ลพฺภนฺติ. สพฺพํ เหฏฺา วุตฺตานํ วเสเนว ^๒- เวทิตพฺพนฺติ. [๓๘๔-๓๙๑] ปจฺจนียานุโลเม นเหตุปจฺจยุปฺปนฺเนสุ อเหตุกโมโหว ฌานมคฺคปจฺจยํ ลภติ, เสสา น ลพฺภนฺติ. ^๓- นฌานปจฺจเย อฏฺาเหตุกจิตฺตานิปิ. นกมฺมปจฺจยา นเหตุปจฺจยา นอธิปติปจฺจยา นปุเรชาตปจฺจยา อารมฺมเณ เอกนฺติ อารุปฺเป อเหตุกกิริยาเจตนาวเสน อพฺยากเตน อพฺยากตํ. อิมินา อุปาเยน ยํ ลพฺภติ, ยญฺจ น ลพฺภติ, ตสฺส วเสน สพฺพตฺถ คณนา เวทิตพฺพาติ. สํสฏฺวารวณฺณนา นิฏฺิตา. -------------- @เชิงอรรถ: ^๑ ฉ.ม. ิเต ^๒ ฉ.ม. วุตฺตนเยเนว ^๓ ฉ.ม. น ลภนฺติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๔๙๗. http://84000.org/tipitaka/read/attha_page.php?book=55&page=497&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=11220&pagebreak=1 http://84000.org/tipitaka/atthapali/th_line.php?B=55&A=11220&pagebreak=1#p497