ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๔๙๗.

ยสฺมา เจตฺถ อรูปธมฺมาเยว ปจฺจยุปฺปนฺนา, ตสฺมา นเหตุนาธิปตินปุเรชาต-
นปจฺฉาชาตนาเสวนนกมฺมนวิปากนฌานนมคฺคนวิปฺปยุตฺตวเสน ทเสว ปจฺจยา
ปจฺจนีกโต ทสฺสิตา, เสสา จุทฺทส น ลพฺภนฺติ. เยปิ ลพฺภนฺติ, เตสุปิ
วิปาเก ปจฺจยุปฺปนฺเน นกมฺมนวิปากา น ลพฺภนฺติ.
    [๓๖๐-๓๖๘] นเหตุปจฺจยา นาธิปติยา เทฺวติ นเหตุยา ลทฺธํ ทฺวยเมว.
เสสทฺวเยสุปิ เอเสว นโย. นกมฺเม เอกนฺติ อเหตุกกิริยาเจตนํ ปจฺจยุปฺปนฺนํ
กตฺวา อพฺยากเตน อพฺยากตํ. นวิปาเก เทฺวติ อเหตุกโมหกิริยาวเสน เทฺว.
นฌาเน เอกนฺติ อเหตุกปญฺจวิญฺญาณวเสน อพฺยากตวิสฺสชฺชนํ เวทิตพฺพํ.
นมคฺเค เอกนฺติ อเหตุกวิปากกิริยาวเสน อพฺยากตวิสฺสชฺชนํ. อิมินา อุปาเยน
สพฺพสํสนฺทเนสุ อตฺโถ เวทิตพฺโพติ.
    [๓๖๙-๓๘๓] อนุโลมปจฺจนีเย เหฏฺฐา วุตฺตา นเหตุอาทโย ทเสว
ปจฺจนียโต ลพฺภนฺติ, น เสสา. เยปิ ลพฺภนฺติ, เตสุปิ เหตุมฺหิ อนุโลมโต
ฐิเตสุ ๑- ฌานมคฺคา ปจฺจนียโต น ลพฺภนฺติ. สพฺพํ เหฏฺฐา วุตฺตานํ วเสเนว ๒-
เวทิตพฺพนฺติ.
    [๓๘๔-๓๙๑] ปจฺจนียานุโลเม นเหตุปจฺจยุปฺปนฺเนสุ อเหตุกโมโหว
ฌานมคฺคปจฺจยํ ลภติ, เสสา น ลพฺภนฺติ. ๓- นฌานปจฺจเย อฏฺฐาเหตุกจิตฺตานิปิ.
นกมฺมปจฺจยา นเหตุปจฺจยา นอธิปติปจฺจยา นปุเรชาตปจฺจยา อารมฺมเณ
เอกนฺติ อารุปฺเป อเหตุกกิริยาเจตนาวเสน อพฺยากเตน อพฺยากตํ. อิมินา อุปาเยน
ยํ ลพฺภติ, ยญฺจ น ลพฺภติ, ตสฺส วเสน สพฺพตฺถ คณนา เวทิตพฺพาติ.
                       สํสฏฺฐวารวณฺณนา นิฏฺฐิตา.
                         --------------
@เชิงอรรถ:  ฉ.ม. ฐิเต   ฉ.ม. วุตฺตนเยเนว     ฉ.ม. น ลภนฺติ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๔๙๗. http://84000.org/tipitaka/read/attha_page.php?book=55&page=497&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=11220&modeTY=2&pagebreak=1 http://84000.org/tipitaka/atthapali/th_line.php?B=55&A=11220&modeTY=2&pagebreak=1#p497


จบการแสดงผล หน้าที่ ๔๙๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]