Vuttam. Tasma tattha abyakatahetusamutthanarupam, okkantikkhane katattarupampi
sangahitam. 1- Imina upayena sesesupi evarupesu vissajjanesu attho veditabbo.
[404] Danam datvati deyyadhammam cajitva. Yaya va cetanaya so
diyyati, sa cetana danam. Datvati tam cetanam pariyodapetva visuddham katva.
Silam samadiyitvati pancangadasangadivasena 2- niccasilam ganhitva. Imina
samadanaviratiyeva dassita. Sampattaviratisamucchedaviratiyo pana loke silanti
apakatatta na vutta. Kincapi na vutta, arammanapaccaya pana hontiyeva. Tattha
samucchedavirati sekkhanamyeva kusalassa arammanam hoti, na itaresam. Uposathakammam
katvati "panam na hanne *- na cadinnamadiye"ti 3- evam vuttam uposathadivasesu
atthanguposathakiriyam katva. Tam paccavekkhatiti tam kusalam sekkhopi puthujjanopi
paccavekkhati, arahapi paccavekkhateva. Arahatopi hi pubbe katam kusalam kusalameva,
yena pana cittena paccavekkhati, tam kiriyacittam nama hoti. Tasma etam "kusalo
dhammo kusalassa dhammassa"ti imasmim adhikare na labbhati. Pubbe sucinnaniti
"datva samadiyitva katva"ti hi asannakatani vuttani, imani na asannakatani 4-
veditabbani. Danadihi va sesani kamavacarakusalani dassetum idam vuttam.
Jhana vutthahitvati jhana vutthahitva. Ayameva va pali. Sekkha gotrabhunti
sotapannam sandhaya vuttam. So hi gotrabhum paccavekkhati. Vodananti idam pana
sakadagamianagamino sandhaya vuttam. Tesanhi tam cittam vodanam nama hoti.
Sekkhati sotapannasakadagamianagamino. Magga vutthahitvati maggaphala-
bhavangatikkamavasena attana patiladdha magga vutthahitva, suddhamaggatoyeva pana
vutthaya paccavekkhanannama natthi.
@Footnote: 1 cha.Ma. sangaham gatam 2 cha.Ma. pancangadivasena
@3 an.tika. 20/72/208 4 cha.Ma. na asanne kataniti * cha.Ma. na hane
The Pali Atthakatha in Roman Character Volume 55 Page 500.
http://84000.org/tipitaka/read/attha_page.php?book=55&page=500&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=11289&modeTY=2&pagebreak=1
http://84000.org/tipitaka/atthapali/rm_line.php?B=55&A=11289&modeTY=2&pagebreak=1#p500
