อรรถกถาเล่มที่ ๕๕ หน้าที่ ๕๐๘.

กามาวจรติเหตุกอุเปกฺขาสหคตกิริยาทฺวยํ เตสํเยว เตรสนฺนํ ภวงฺคานํ, ตทารมฺมณวเสน ปวตฺตานํ ฉนฺนํ อุเปกฺขาสหคตวิปากานํ, ปริกมฺมวเสน ปวตฺตมานาย ^๑- เอกิสฺสา รูปาวจรกิริยาย จตุนฺนํ อรูปาวจรกิริยานํ อรหตฺตผลสมาปตฺติยา อตฺตโน ปจฺฉิมสฺส จาติ อคฺคหิตคฺคหเณน จตุวีสติยา. ทุเหตุกอุเปกฺขาสหคต- กิริยาทฺวยํ เตสญฺเญว เตรสนฺนํ ภวงฺคานํ ฉนฺนํ ตทารมฺมณานํ อตฺตโน ปจฺฉิมสฺส จาติ อคฺคหิตคฺคหเณน อฏฺฐารสนฺนํ. รูปาวจรกิริยาสุ เอเกกา ^๒- นวนฺนํ ปญฺจโวกาเร ติเหตุกภวงฺคานํ อตฺตโน ปจฺฉิมสฺส จาติ ทสนฺนํ. อรูปาวจรกิริยาสุ ปฐมา ^๓- ปญฺจโวกาเร นวนฺนํ ภวงฺคานํ จตุโวกาเร เอกสฺส อตฺตโน ปจฺฉิมสฺส จาติ เอกาทสนฺนํ. ทุติยา ^๔- จตุโวกาเร เทฺว ภวงฺคานิ ลภติ. ตติยา ^๕- ตีณิ, จตุตฺถา ^๖- จตฺตาริ ผลสมาปตฺติญฺจาติ ตาสุ เอเกกา ^๗- ยถาปฏิปาฏิยา เอกาทสนฺนํ ทฺวาทสนฺนํ เตรสนฺนํ ปญฺจทสนฺนญฺจ อนนฺตรปจฺจโย โหติ. เอวํ พหุวิเธนาปิ นิทฺเทสํ ลภติ. เตน วุตฺตํ:- "ทสธา สตฺตรสธา สมสฏฺฐิวิเธน จ พหุธาปิ จ นิทฺเทสํ สาธุกํ อุปลกฺขเย"ติ. สมนนฺตรปจฺจยาทโย อุตฺตานตฺถาเยว. [๔๒๓] อุปนิสฺสยปจฺจเย ^๘- สทฺธํ อุปนิสฺสายาติ กมฺมกมฺมผลอิธโลก- ปรโลกาทีสุ สทฺธํ อุปนิสฺสยํ กตฺวา. ยถา หิ ปุริโส เหฏฺฐา ปฐวิยํ อุทกํ อตฺถีติ สทฺทหิตฺวา ปฐวึ ขนติ, เอวํ สทฺโธ กุลปุตฺโต ทานาทีนํ ผลญฺจ อานิสํสญฺจ สทฺทหิตฺวา ทานาทีนิ ปวตฺเตติ. ตสฺมา "สทฺธํ อุปนิสฺสายา"ติ วุตฺตํ. สีลํ อุปนิสฺสายาติอาทีสุปิ อิเม สีลาทโย ธมฺเม อุปนิสฺสยํ กตฺวาติ อตฺโถ. สีลวา หิ สีลานุภาเวสุ สีลานิสํเสสุ จ กุสโล สีลํ อุปนิสฺสาย สีลวนฺตานํ @เชิงอรรถ: ^๑ ฉ.ม. ปวตฺตานํ ^๒ ฉ.ม. เอเกกํ ^๓ ฉ.ม. ปฐมํ ^๔ ฉ.ม. ทุติยํ @^๕ ฉ.ม. ตติยํ ^๖ ฉ.ม. จตุตฺถํ ^๗ ฉ.ม. เตสุ เอเกกํ ^๘ ฉ.ม. อุปนิสฺสเย

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๐๘. http://84000.org/tipitaka/read/attha_page.php?book=55&page=508&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=11471&modeTY=2&pagebreak=1 http://84000.org/tipitaka/atthapali/th_line.php?B=55&A=11471&modeTY=2&pagebreak=1#p508