อรรถกถาเล่มที่ ๕๕ หน้าที่ ๕๑๗.

[๔๒๖] อาเสวนปจฺจเย อนุโลมํ โคตฺรภุสฺสาติอาทีนํ วิสุํ คหเณ เหฏฺา วุตฺตนเยเนว การณํ เวทิตพฺพํ. [๔๒๗] กมฺมปจฺจเย กุสลา เจตนา สมฺปยุตฺตกานนฺติ เอตฺถ สหชาต- นานากฺขณิกวิภาคสฺสาภาวโต สหชาตาติ น วุตฺตา. อพฺยากตวิสฺสชฺชเน ปน โส วิภาโค อตฺถิ, ตสฺมา ตตฺถ วุตฺตา. ปฏิสนฺธิคฺคหณํ กฏตฺตารูปานํ วเสน กตํ. เจตนา วตฺถุสฺสาติ กิญฺจาปิ ปฏิสนฺธิกฺขเณ วตฺถุปฺปติฏฺิตา อรูปธมฺมา วตฺถุปจฺจยา วตฺตนฺติ, เจตนาปิ วตฺถุสฺส ปจฺจโยติ ทสฺเสตุํ วุตฺตํ. [๔๒๘] วิปากปจฺจเยปิ ^๑- ปฏิสนฺธิวาเร อิมินาว นเยน อตฺโถ เวทิตพฺโพ. [๔๒๙-๔๓๘] อาหารปจฺจเย อิมสฺส กายสฺสาติ อิมสฺมึ จตุสนฺตติวเสน ปวตฺเต จตุมหาภูติกกาเย อาหารสมุฏฺานสฺส ชนกวเสน, เสสสฺส อุปตฺถมฺภกวเสน อาหารปจฺจเยน ปจฺจโย. อินฺทฺริยปจฺจยาทีสุปิ ปฏิสนฺธิวาโร วุตฺตนเยเนว เวทิตพฺโพ. เสสํ สพฺพตฺถ อุตฺตานตฺถเมวาติ. ปญฺหาวารวิภงฺควณฺณนา นิฏฺิตา. ----------- ปญฺหาวารสฺส ฆฏเน อนุโลมคณนา [๔๓๙] อิทานิ เอตฺถ ยถาลทฺธานิ วิสฺสชฺชนานิ คณนาวเสน ทสฺเสตุํ เหตุยา สตฺตาติอาทิ วุตฺตํ. ตตฺถ สตฺตาติ กุสเลน กุสลํ, อพฺยากตํ, กุสลาพฺยากตนฺติ ตีณิ, ตถา อกุสเลน, อพฺยากเตนาพฺยากตเมวาติ เอวํ สตฺต. อารมฺมเณ นวาติ เอกมูลเกกาวสานานิ นว. อธิปติยา ทสาติ กุสลํ กุสลสฺส สหชาตโต เจว อารมฺมณโต จ, อกุสลสฺส อารมฺมณโตว, อพฺยากตสฺส สหชาตโต เจว อารมฺมณโต จ, กุสลาพฺยากตสฺส สหชาตโตวาติ กุสลมูลกานิ จตฺตาริ. อกุสลํ อกุสลสฺส @เชิงอรรถ: ^๑ ฉ.ม. วิปากปจฺจเย

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๑๗. http://84000.org/tipitaka/read/attha_page.php?book=55&page=517&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=11678&pagebreak=1 http://84000.org/tipitaka/atthapali/th_line.php?B=55&A=11678&pagebreak=1#p517