บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 517.
[426] Āsevanapaccaye anulomaṃ gotrabhussātiādīnaṃ visuṃ gahaṇe heṭṭhā vuttanayeneva kāraṇaṃ veditabbaṃ. [427] Kammapaccaye kusalā cetanā sampayuttakānanti ettha sahajāta- nānākkhaṇikavibhāgassābhāvato sahajātāti na vuttā. Abyākatavissajjane pana so vibhāgo atthi, tasmā tattha vuttā. Paṭisandhiggahaṇaṃ kaṭattārūpānaṃ vasena kataṃ. Cetanā vatthussāti kiñcāpi paṭisandhikkhaṇe vatthuppatiṭṭhitā arūpadhammā vatthupaccayā vattanti, cetanāpi vatthussa paccayoti dassetuṃ vuttaṃ. [428] Vipākapaccayepi 1- paṭisandhivāre imināva nayena attho veditabbo. [429-438] Āhārapaccaye imassa kāyassāti imasmiṃ catusantativasena pavatte catumahābhūtikakāye āhārasamuṭṭhānassa janakavasena, sesassa upatthambhakavasena āhārapaccayena paccayo. Indriyapaccayādīsupi paṭisandhivāro vuttanayeneva veditabbo. Sesaṃ sabbattha uttānatthamevāti. Pañhāvāravibhaṅgavaṇṇanā niṭṭhitā. ----------- Pañhāvārassa ghaṭane anulomagaṇanā [439] Idāni ettha yathāladdhāni vissajjanāni gaṇanāvasena dassetuṃ hetuyā sattātiādi vuttaṃ. Tattha sattāti kusalena kusalaṃ, abyākataṃ, kusalābyākatanti tīṇi, tathā akusalena, abyākatenābyākatamevāti evaṃ satta. Ārammaṇe navāti ekamūlakekāvasānāni nava. Adhipatiyā dasāti kusalaṃ kusalassa sahajātato ceva ārammaṇato ca, akusalassa ārammaṇatova, abyākatassa sahajātato ceva ārammaṇato ca, kusalābyākatassa sahajātatovāti kusalamūlakāni cattāri. Akusalaṃ akusalassa @Footnote: 1 cha.Ma. vipākapaccayeThe Pali Atthakatha in Roman Character Volume 55 Page 517. http://84000.org/tipitaka/read/attha_page.php?book=55&page=517&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=11678&pagebreak=1 http://84000.org/tipitaka/atthapali/rm_line.php?B=55&A=11678&pagebreak=1#p517
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]