romanATTHA book 55 Page 562.

Nama kammasamutthananam rupanam abbhantare gata oja. Upadinnupadaniyassa kayassati tasseva kammasamutthanarupakayassa aharapaccayena paccayo. Rupajivitindriyam viya katattarupanam anupalanaupatthambhanavasena paccayo, na janakavasena. Yampana mandukadayo gilitva thitanam ahiadinam kayassa jivamanamandukadisarire oja aharapaccayena paccayoti vadanti, tam na gahetabbam. Na hi jivamanakasarire oja annassa sarirassa aharapaccayatam sadheti. Anupadinnupadaniyassa kayassati ettha pana janakavasenapi labbhati. Upadinnupadaniyassa ca anupadinnupadaniyassa cati ettha ekassa upatthambhakavasena, ekassa janakavasena, ubhinnampi va upatthambhakavaseneva vutto. Dve pana ahara ekato paccaya honta upatthambhakava honti, na janaka. Sesamettha palimeva sadhukam oloketva veditabbam. Upadinnattikavannana nitthita. ----------- 5-22. Sankilitthattikadivannana sankilitthasankilesattike sabbam kusalattike vuttanayanusareneva veditabbam. [79] Vitakkattike yathakammupagananassa parikammanti dibbacakkhuparikammameva tassa uppadanatthaya parikammam. Uppannassa pana valanjanakale parikammam sandhayetam vuttam. Sesamettha yathapalimeva niyyati. [27] Pitittike sukhasahagatam bhavangam upekkhasahagatassa bhavangassa anantara- paccayenati tadarammanabhavangamulabhavanganam vasena vuttam. Sesamettha sabbam palivaseneva veditabbam.

The Pali Atthakatha in Roman Character Volume 55 Page 562. http://84000.org/tipitaka/read/attha_page.php?book=55&page=562&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=12698&modeTY=2&pagebreak=1 http://84000.org/tipitaka/atthapali/rm_line.php?B=55&A=12698&modeTY=2&pagebreak=1#p562