ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๕๖๓.

     ทสฺสนตฺติเก ทสฺสเนน ปหาตพฺโพ ราโค อุปฺปชฺชตีติอาทีสุ ทสฺสเนน
ปหาตพฺโพ ปุถุชฺชนสฺส อุปฺปชฺชติ, ภาวนาย ปหาตพฺโพ โสตาปนฺนสฺสาปีติ
เอวํ อุปริมสฺส อุปริมสฺส เหฏฺิมา เหฏฺิมา นุปฺปชฺชนฺตีติ เวทิตพฺพา. ทสฺสเนน
ปหาตพฺโพ ธมฺโม ภาวนาย ปหาตพฺพสฺส ธมฺมสฺส เอเกนปิ ปจฺจเยน ปจฺจโย
น โหติ. เสสเมตฺถ ปาลึ อนุคนฺตฺวา กุสลตฺติเก วุตฺตลกฺขณวเสเนว เวทิตพฺพํ.
     ทสฺสเนนปหาตพฺพเหตุกตฺติเก ทสฺสเนนปหาตพฺพเหตุกาทีนํ วิภาโค
อฏฺกถากณฺเฑ วุตฺตนเยเนว เวทิตพฺโพ. วิจิกิจฺฉุทฺธจฺจสหคโต โมโห อเหตุกตฺตา
ตติยราสึ ๑- ปวิฏฺโ. เอวเมตฺถ เยสํ ทสฺสนภาวนาหิ ปหาตพฺโพ เหตุ อตฺถิ,
เต ปหาตพฺพเหตุกา. เยสํ โส นตฺถิ, เต เนวทสฺสเนนนภาวนายปหาตพฺพเหตุกาติ
อิมํ ปหาตพฺพเหตุกนปหาตพฺพเหตุกวิภาคํ ๒- ตฺวา เสสํ ทสฺสเนนปหาตพฺพตฺติเก
เจว กุสลตฺติเก จ ทสฺสิตลกฺขณานุสาเรเนว เวทิตพฺพํ.
     อาจยคามิตฺติเก ปฏิจฺจวารสํสฏฺวาเรสุ อนุโลมํ กุสลตฺติกสทิสเมว. เสสํ
วิสฺสชฺชนโต คณนโต จ ยถาปาลิเมว นิยฺยาติ.
     เสกฺขตฺติเก อเสกฺโข ธมฺโม เสกฺขสฺส ธมฺมสฺส น เกนจิ ปจฺจเยน
ปจฺจโย, เสกฺโข อเสกฺขสฺส อนนฺตรปกตูปนิสฺสโย ปน โหติ. เสสเมตฺถ
ยถาปาลิเมว นิยฺยาติ, ตถา ปริตฺตตฺติเก.
     ปริตฺตารมฺมณตฺติเก อปฺปมาณารมฺมณา เจตนาติ เสกฺขานํ โคตฺรภูเจตนา,
ปจฺจเวกฺขณเจตนาติปิ วตฺตุํ วฏฺฏติ. วิปากานํ ปริตฺตารมฺมณานนฺติ ปฏิสนฺธิยํ
กมฺมํ อารมฺมณํ กตฺวา, ปวตฺเต จกฺขุวิญฺาณาทิวเสน รูปาทิอารมฺมณํ ตทารมฺมณ-
วเสน ชวเนน คหิตปริตฺตารมฺมณญฺจ อารมฺมณํ กตฺวา อุปฺปนฺนานํ. เย ปน
"โคตฺรภูจิตฺเตน นตฺถิ ปฏิสนฺธี"ติ วทนฺติ, เต อิมินา สุตฺเตน ปฏิเสเธตพฺพา.
เสสเมตฺถ ปาลินเยเนว เวทิตพฺพํ. หีนตฺติโก สงฺกิลิฏฺตฺติกสทิโส.
@เชิงอรรถ:  ฉ.ม. ตติยปเท      ฉ.ม. ปหาตพฺพเหตุกวิภาคํ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๖๓. http://84000.org/tipitaka/read/attha_page.php?book=55&page=563&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12719&pagebreak=1 http://84000.org/tipitaka/atthapali/th_line.php?B=55&A=12719&pagebreak=1#p563


จบการแสดงผล หน้าที่ ๕๖๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]