บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.) หน้าที่ ๕๖๕.
อชฺฌตฺตตฺติเก อชฺฌตฺตพหิทฺธาปทํ น คหิตํ. อชฺฌตฺตพหิทฺธาสงฺขาตา หิ อุโภ ราสโย เนว เอกโต ปจฺจยา โหนฺติ, น ปจฺจยุปฺปนฺนา, ตสฺมา หตฺถตเล ปิตสาสปสฺส วณฺโณปิ หตฺถตลวณฺเณน สทฺธึ เอกโต อารมฺมณํ น โหตีติ เวทิตพฺโพ. ยถา จ อชฺฌตฺตพหิทฺธาปทํ, เอวเมตฺถ อชฺฌตฺตารมฺมณตฺติเกปิ อชฺฌตฺตพหิทฺธารมฺมณปทํ น ลพฺภติ. เสสํ ยถาปาลิเมว นิยฺยาติ. สนิทสฺสนตฺติเกปิ ปาลิวเสเนว อตฺโถ คเหตพฺโพ. คณนา เจตฺถ ๑- ปาลิยํ อาคตวาเรปิ สงฺขิปิตฺวา เหฏฺา วุตฺตนเยเนว สํสนฺทเนสุ สํสนฺทิตฺวา เวทิตพฺพาติ. ธมฺมานุโลเม ติกปฏฺานวณฺณนา นิฏฺิตา. ---------- ๒. ทุกปฏฺานวณฺณนา ทุกปฏฺาเนปิ สพฺพทุเกสุ ปญฺหาวิสฺสชฺชนานิ เจว คณนา จ ปาลิยํ อาคตนเยเนว เวทิตพฺพา. อปิเจตฺถ สเหตุกเหตุสมฺปยุตฺตทุกานํ วิสฺสชฺชนํ เหตุทุกวิสฺสชฺชนสทิสํ. ตถา เหตุ เจว สเหตุกเหตุ จ เหตุสมฺปยุตฺตทุกานํ. ตถา สปฺปจฺจยสงฺขตทุกานํ. อิทํ ทุกํ ยถา สปฺปจฺจยทุกํ, เอวํ กาตพฺพนฺติ อิทํ ยสฺมา สปฺปจฺจโย วิย อปฺปจฺจเยน, สงฺขโตปิ อสงฺขเตน สทฺธึ โยชนํ น ลพฺภติ, ตสฺมา วุตฺตํ. สารมฺมณจิตฺตสมฺปยุตฺตสํสฏฺทุกาปิ สทิสวิสฺสชฺชนาเยว. ตถา อาสวโอฆโยคโคจฺฉกา. เอเตปิ ๒- หิ ตโย อญฺมญฺสทิสวิสฺสชฺชนาเยว. อปิจ โลกิยสาสวสญฺโชนิยคนฺถนิยนีวรณิยปรามฏฺสงฺกิเลสิกทุกา อาสววิปฺปยุตฺต- สาสวสญฺโชนวิปฺปยุตฺตสญฺโชนิยคนฺถวิปฺปยุตฺตคนฺถนิยนีวรณวิปฺปยุตฺตนีวรณิย- ปรามาสวิปฺปยุตฺตปรามฏฺกิเลสวิปฺปยุตฺตสงฺกิเลสิกปริยาปริยาปนฺนสอุตฺตรทุกาติ อิเมปิ ทุกา สมานา. @เชิงอรรถ: ๑ ฉ.ม. คณนาเปตฺถ ๒ ฉ.ม. เอเตเนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๖๕. http://84000.org/tipitaka/read/attha_page.php?book=55&page=565&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12765&pagebreak=1 http://84000.org/tipitaka/atthapali/th_line.php?B=55&A=12765&pagebreak=1#p565
จบการแสดงผล หน้าที่ ๕๖๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]