อรรถกถาเล่มที่ ๖ ภาษาบาลี อักษรไทย
ที.อ. (สุมงฺคล.๓)
หน้าที่ ๑๓๒.

จรนฺตีติ พหู ชนา สมานสุขทุกฺขา หุตฺวา ตสฺมึ ชนปเท อญฺมญฺสฺส
หิตญฺเจว สุขญฺจ จรนฺติ. วิปาโปติ วิคตปาโป. วิคตทรถกิลมโถติ
วิคตกายิกทรถกิลมโถ. มลขิลกลิกิเลเสปนุเทภีติ ราคาทิมลานญฺเจว
ราคาทิขีลานญฺจ ๑- โทสกลีนญฺจ สพฺพกิเลสานญฺจ อปนุเทภิ. ๒- เสสํ สพฺพตฺถ
อุตฺตานตฺถเมวาติ.
                       ลกฺขณสุตฺตวณฺณนา นิฏฺิตา.
                        -----------------
                           ๘. สิงคาลสุตฺต
                            นิทานวณฺณนา
     [๒๔๒] เอวมฺเม สุตนฺติ สิงฺคาลสุตฺตํ. ตตฺรายํ อนุตฺตานปทวณฺณนา:-
     เวฬุวเน กลนฺทกนิวาเปติ เวฬุวนนฺติ ตสฺส อุยฺยานสฺส นามํ. ตํ
กิร เวฬูหิ ปริกฺขิตฺตํ อโหสิ อฏฺารสหตฺเถน จ ปากาเรน โคปุรฏฺฏาลกยุตฺตํ
นีโลภาสํ มโนรมํ. เตน เวฬุวนนฺติ วุจฺจติ. กลนฺทกานญฺเจตฺถ นิวาปํ อทํสุ,
เตน กลนฺทกนิวาโปติ วุจฺจติ.
     ปุพฺเพ กิร อญฺตโร ราชา ตตฺถ อุยฺยานกีฬนตฺถํ อาคโต
สุรามเทน มตฺโต ทิวา นิทฺทํ โอกฺกมิ. ปริชโนปิสฺส "สุตฺโต ราชา"ติ
ปุปฺผผลาทีหิ ปโลภิยมาโน อิโต จิโต จ ปกฺกามิ. อถ สุราคนฺเธน อญฺตรสฺมา
สุสิรรุกฺขา กญฺหสปฺโป นิกฺขมิตฺวา รญฺโ อภิมุโข อาคจฺฉติ, ตํ ทิสฺวา
รุกฺขเทวตา "รญฺโ ชีวิตํ ทมฺมี"ติ กาฬกเวเสน อาคนฺตฺวา กณฺณมูเล
สทฺทมกาสิ. ราชา ปพุชฺฌิ. กณฺหสปฺโป นิวตฺโต. โส ตํ ทิสฺวา "อิมาย
กาฬกาย มม ชีวิตํ ทินฺนนฺ"ติ กาฬกานํ ตตฺถ นิวาปํ ปฏฺเปสิ, อภยโฆสญฺจ
โฆสาเปสิ. ตสฺมา ตํ ตโต ปภูติ "กลนฺทกนิวาโป"ติ สงฺขฺยํ คตํ. กลนฺทกาติ
หิ กาฬกานํ เอตํ นามํ.
@เชิงอรรถ: ๑ ฉ.ม. ราคาทิขิลานญฺจ        ๒ ฉ.ม., อิ. อปนุเทหิ


เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๑๓๒.
http://84000.org/tipitaka/read/attha_page.php?book=6&page=132&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=6&A=3300&pagebreak=1
http://84000.org/tipitaka/atthapali/th_line.php?B=6&A=3300&pagebreak=1#p132