บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๗ ภาษาบาลี อักษรไทย ม.อ. (ปปญฺจ.๑) หน้าที่ ๒๔๔.
สุตฺวา "อยฺเย พุทฺธรกฺขิโต สกุเณน คหิโต, โมเจม นนฺ"ติ เลฑฺฑุอาทีนิ คเหตฺวา อนุพนฺธิตฺวา โมเจสุํ. ตํ อาเนตฺวา ปุรโต ปิตํ เถรี อาห "พุทฺธรกฺขิต สกุเณน คหิตกาเล กึ จินฺเตสี"ติ. น อยฺเย อญฺ จินฺเตสึ, "อฏฺิปุญฺโชว อฏฺิปุญฺชํ คเหตฺวา คจฺฉติ, กตรสฺมึปิ าเน วิปฺปกิริสฺสตี"ติ เอวํ อยฺเย อฏฺิปุญฺชเมว จินฺเตสินฺติ. สาธุ สาธุ พุทฺธรกฺขิต อนาคเต ภวกฺขยสฺส เต ปจฺจโย ภวิสฺสตีติ. เอวํ ตตฺถ ติรจฺฉานคตาปิ สติปฏฺานมนสิการยุตฺตา, ตสฺมา เนสํ ภควา สติปฏฺานวฑฺฒิเมว ๑- ชเนนฺโต อิทํ สุตฺตํ อภาสิ. ตตฺถ เอกายโนติ เอกมคฺโค. มคฺคสฺส หิ:- "มคฺโค ปนฺโถ ปโถ ปชฺโช, อญฺชสํ วฏฺมายนํ นาวา อุตฺตรเสตู จ, กุลฺโล จ ภิสิ สงฺกโม"ติ *๒- พหูนิ นามานิ. สฺวายํ อิธ อายนนาเมน วุตฺโต. ตสฺมา เอกายโน อยํ ภิกฺขเว มคฺโคติ เอตฺถ เอกมคฺโค อยํ ภิกฺขเว มคฺโค, น เทฺวธาปถภูโตติ เอวมตฺโถ ทฏฺพฺโพ. อถวา เอเกเนว อยิตพฺโพติ เอกายโน, เอเกนาติ คณสงฺคณิกํ ปหาย วูปกฏฺเน ปวิวิตฺตจิตฺเตน. อยิตพฺโพติ ปฏิปชฺชิตพฺโพ. อยนฺติ วา เอเตนาติ อยโน, สํสารโต นิพฺพานํ คจฺฉนฺตีติ อตฺโถ. เอกสฺส อยโน เอกายโน, เอกสฺสาติ เสฏฺสฺส. สพฺพสตฺตานํ เสฏฺโ จ ภควา, ตสฺมา ภควโตติ วุตฺตํ โหติ. กิญฺจาปิ หิ เตน อญฺเปิ อยนฺติ, เอวํ สนฺเตปิ ภควโต ว โส อยโน เตน อุปฺปาทิตตฺตา. ยถาห "โส หิ พฺราหฺมณ ภควา อนุปฺปนฺนสฺส มคฺคสฺส อุปฺปาเทตา"ติอาทิ. ๓- อยตีติ วา อยโน, คจฺฉติ ปวตฺตตีติ อตฺโถ. เอกสฺมึ อยโนติ เอกายโน, อิมสฺมึเยว ธมฺมวินเย ปวตฺตติ, น อญฺตฺราติ วุตฺตํ โหติ. ยถาห "อิมสฺมึ โข สุภทฺท ธมฺมวินเย อริโย อฏฺงฺคิโก มคฺโค อุปลพฺภตี"ติ. ๔- เทสนาเภโทเยว เหโส, อตฺโถ ปเนโก. อปิจ เอกํ อยตีติ เอกายโน. ปุพฺพภาเค นานามุขภาวนานเยน ปวตฺโตปิ อปรภาเค เอกํ นิพฺพานเมว คจฺฉตีติ วุตฺตํ โหติ. ยถาห พฺรหฺมา สหมฺปติ:- @เชิงอรรถ: ๑ ฉ.ม. สติปฏฺานพุทฺธิเมว *๒ ปาลิ. อุตฺตรเสตุ ปกุลฺโล สงฺกโม.., ขุ. @จูฬ. ๓๐/๕๖๘/๒๗๗ (สฺยา) ๓ ม. อุปริ. ๑๔/๗๙/๕๙ โคปกโมคฺคลฺลานสุตฺต @๔ ที. มหา. ๑๐/๒๑๔/๑๓๒ สุภทฺทปริพฺพาชกวตฺถุเนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๒๔๔. http://84000.org/tipitaka/read/attha_page.php?book=7&page=244&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=6238&pagebreak=1 http://84000.org/tipitaka/atthapali/th_line.php?B=7&A=6238&pagebreak=1#p244
จบการแสดงผล หน้าที่ ๒๔๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]