Pasanam pavattehi"ti aha. So tam pavattetva uparupari thapita va kucchiya
kucchim ahacca thita va ekadasa kumbhiyo passeyya, evam ekappayogena
ekadasannam nidhinam adhigamo hoti.
Acariyadhanam pariyesissantiti annatitthiya hi yassa santike sippam
ugganhanti, tassa sippuggahanato pure va paccha va antare va gehato
niharitva dhanam denti. Yesam gehe natthi, te natisabhagato pariyesanti, tatha
alabhamana bhikkhampi caritva dentiyeva. Tam sandhayetam vuttam.
Kimangampanahanti bahiraka tava aniyyanikepi sasane sippamattadayakassa
dhanam pariyesanti, aham pana evamvidhe niyyanikasasane ekadasavidham amatuppattipatipadam
desentassa acariyassa pujam kim na karissami, karissamiyevati vadati.
Paccekadussayugena acchadesiti ekamekassa bhikkhuno ekekam dussayugam adasiti
attho. Samudacaravacanam panettha evarupam hoti, tasma acchadesiti vuttam.
Pancasataviharanti pancasatagghanikam pannasalam karesiti attho. Sesam sabbattha
uttanatthamevati.
Papancasudaniya majjhimanikayatthakathaya
atthakanagarasuttavannana nitthita.
Dutiyam.
--------------
The Pali Atthakatha in Roman Character Volume 9 Page 12.
http://84000.org/tipitaka/read/attha_page.php?book=9&page=12&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=9&A=282&modeTY=2&pagebreak=1
http://84000.org/tipitaka/atthapali/rm_line.php?B=9&A=282&modeTY=2&pagebreak=1#p12
