อรรถกถาเล่มที่ ๙ หน้าที่ ๒๐๒.

กถาย กถิยมานาย อตฺตโน กามาธิมุตฺตตํ สลฺลกฺขิสฺสติ, เอวมสฺสายํ เทสนา สปฺปายา ภวิสฺสตีติ อิมํ เทสนํ อารภิ, กามคฺคสุขนฺติ นิพฺพานํ อธิปฺเปตํ. [๒๘๑] ปาปิโต ภวิสฺสตีติ อชานนภาวํ ปาปิโต ภวิสฺสติ, รามกํเยว ^๑- สมฺปชฺชตีติ นิรตฺถกํ วจนมตฺตเมว สมฺปชฺชติ. ติฏฺตุ ปุพฺพนฺโต ติฏฺตุ อปรนฺโตติ ยสฺมา ตุยฺหํ อตีตกถาย อนุจฺฉวิกํ ปุพฺเพนิวาสาณํ นตฺถิ, อนาคตกถาย อนุจฺฉวิกํ ทิพฺพจกฺขุาณํ นตฺถิ, ตสฺมา อุภยมฺเปตํ ติฏฺตูติ อาห. สุตฺตพนฺธเนหีติ สุตฺตมยพนฺธเนหิ. ตสฺส หิ อารกฺขณตฺถาย หตฺถปาเทสุ เจว คีวาย จ สุตฺตกานิ พนฺธนฺติ. ตานิ สนฺธาเยตํ วุตฺตํ. มหลฺลกกาเล ปน ตสฺส ตานิ สยํ วา ปูตีนิ หุตฺวา มุญฺจนฺติ, ฉินฺทิตฺวา วา หรนฺติ. เอวเมว โขติ อิมินา อิทํ ทสฺเสติ:- ทหรสฺส กุมารสฺส สุตฺตพนฺธนานํ อชานนกาโล วิย อวิชฺชาย ปุริมาย โกฏิยา อชานนํ, น หิ สกฺกา อวิชฺชาย ปุริมา โกฏิ าตุํ, โมจนกาเล ชานนสทิสํ ปน อรหตฺตมคฺเคน อวิชฺชาพนฺธนสฺส ปโมกฺโข ชาโตติ ชานนํ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย เวขณสสุตฺตวณฺณนา นิฏฺิตา. ตติยวคฺควณฺณนา นิฏฺิตา. --------- @เชิงอรรถ: ^๑ ฉ.ม. นามกํเยว

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๒๐๒. http://84000.org/tipitaka/read/attha_page.php?book=9&page=202&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=5090&pagebreak=1 http://84000.org/tipitaka/atthapali/th_line.php?B=9&A=5090&pagebreak=1#p202