บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 9 : PALI ROMAN Ma.A. (papaca.3) Page 306.
[432] Saddham nivesetiti okappaniyasaddham niveseti. Upasankamatiti upagacchati. Payirupasatiti santike nisidati. Sotanti pasadasotam odahati. Dhammanti desanadhammam sunati. Dharetiti pagunam katva dhareti. Upaparikkhatiti atthato ca karanato ca vimamsati. Nijjhanam khamantiti olokanam khamanti, idha silam kathitam, idha samadhiti evam upatthahantiti attho. Chandoti kattukamyatachando. Ussahatiti vayamati. Tuletiti aniccadivasena tireti. Padahatiti maggappadhanam padahati. Kayena ceva paramatthasaccanti 1- sahajatanamakayena ca nibbanam sacchikaroti, pannaya ca kilese nibbijjhitva tadeva vibhutam pakatam karonto passati. [433] Saccanubodhoti magganubodho. Saccanuppattiti phalasacchikiriyata. 2- Tesamyevati hettha vuttanam dvadasannam, evam digham maggavadam anulometi, tasma nayamattho. Ayam panettha attho:- tesamyevati tesam maggasampayuttadhammanam. Padhananti maggappadhanam. Tam hi phalasacchikiriyasankhataya saccanuppattiya bahukaram, magge asati phalabhavatoti imina nayena sabbapadesu attho veditabbo. Sesam sabbattha uttanamevati. Papancasudaniya majjhimanikayatthakathaya cankisuttavannana nitthita. ------------- 6. Esukarisuttavannana [437] Evamme sutanti esukarisuttam. Tattha bilam olaggeyyunti kotthasam laggapeyyum, imina satthadhammam nama dasseti. Satthavaho kira mahakantaram patipanno antaramagge gone mate mamsam gahetva sabbesam satthikanam "idam khaditva ettakam mulam databban"ti kotthasam olaggeti, gomamsam nama khadantapi atthi akhadantapi, mulam datum sakkontapi asakkontapi. Satthavaho @Footnote: 1 cha.Ma. paramasaccanti 2 cha.Ma. phalasacchiriyaThe Pali Atthakatha in Roman Character Volume 9 Page 306. http://84000.org/tipitaka/read/attha_page.php?book=9&page=306&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=9&A=7709&modeTY=2&pagebreak=1 http://84000.org/tipitaka/atthapali/rm_line.php?B=9&A=7709&modeTY=2&pagebreak=1#p306
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]