อรรถกถาเล่มที่ ๙ หน้าที่ ๓๔.

[๔๗] ยานํ โอโรเปยฺยาติ ^๑- ปุริสานุจฺฉวิกํ ยานํ โอโรเปยฺย. ^๒- ปวรมณิกุณฺฑลนฺติ นานปฺปการํ อุตฺตมมณิญฺจ กุณฺฑลญฺจ. ^๓- สานิหรนฺตีติ อตฺตโน ภณฺฑกานิ คณฺหนฺติ. [๔๘] สมฺปนฺนผลนฺติ มธุรผลํ. อุปปนฺนผลนฺติ ผลูปปนฺนํ พหุผลํ. [๔๙] อนุตฺตรนฺติ อุตฺตมํ ปภสฺสรํ นิรุปกฺกิเลสํ. [๕๐] อารกา อหํ ภนฺเตติ ปวิโต นภํ วิย สมุทฺทสฺส โอริมตีรโต ปรตีรํ วิย จ สุวิทูรวิทูเร อหํ. อนาชานีเยติ คิหิโวหารสมุจฺเฉทนสฺส การณํ อชานนเก. อาชานียโภชนนฺติ การณํ ชานนฺเตหิ ภุญฺชิตพฺพโภชนํ. อนาชานียโภชนนฺติ การณํ อชานนฺเตหิ ภุญฺชิตพฺพโภชนํ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย โปตลิยสุตฺตวณฺณนา นิฏฺิตา. จตุตฺถํ. ---------------- ๕. ชีวกสุตฺตวณฺณนา [๕๑] เอวมฺเม สุตนฺติ ชีวกสุตฺตํ. ตตฺถ ชีวกสฺส โกมารภจฺจสฺส อมฺพวเนติ เอตฺถ ชีวตีติ ชีวโก. กุมาเรน ภโตติ โกมารภจฺโจ. ยถาห "กึ ภเณ เอตํ กาเกหิ สมฺปริกิณฺณนฺติ. ทารโก เทวาติ. ชีวติ ภเณติ. ชีวติ เทวาติ. เตนหิ ภเณ ตํ ทารกํ อมฺหากํ อนฺเตปุรํ เนตฺวา ธาตีนํ เทถ โปเสตุนฺติ. ตสฺส ชีวตีติ ชีวโกติ นามํ อกํสุ, กุมาเรน โปสาปิโตติ โกมารภจฺโจติ นามํ อกํสู"ติ. ^๔- อยเมตฺถ สงฺเขโป. วิตฺถาเรน ปน ชีวกวตฺถุ ขนฺธเก อาคตเมว. วินิจฺฉยกถาปิสฺส สมนฺตปาสาทิกายํ วินยฏฺกถายํ วุตฺโต. อยํ ปน ชีวโก เอกสฺมึ สมเย ภควโต โทสาภิสนฺนํ กายํ ลหุกํ ^๕- วิเรเจตฺวา สีเวยฺยกทุสฺสยุคํ ทตฺวา วตฺถานุโมทนาปริโยสาเน โสตาปตฺติผเล @เชิงอรรถ: ^๑ ฉ.ม. ยานํ วา โปริเสยฺยนฺติ ^๒ ฉ.ม. อยํ ปาโ น ทิสฺสติ ^๓ สี. กุณฺฑเล จ @^๔ วินย. มหา. ๕/๓๒๘/๑๒๕ จีวรกฺขนฺธก ^๕ ฉ.ม. อยํ ปาโ น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๓๔. http://84000.org/tipitaka/read/attha_page.php?book=9&page=34&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=830&pagebreak=1 http://84000.org/tipitaka/atthapali/th_line.php?B=9&A=830&pagebreak=1#p34