บาลี ข้อ 756-758 พระไตรปิฎกเล่มที่ 19

     [๗๕๖]   เอวเมตํ  ภควา  เอวเมตํ  สุคต  เอกายนฺวายํ  ภนฺเต
มคฺโค   สตฺตานํ  วิสุทฺธิยา  โสกปริเทวานํ  สมติกฺกมาย  ทุกฺขโทมนสฺสานํ
อตฺถงฺคมาย    ายสฺส    อธิคมาย    นิพฺพานสฺส    สจฺฉิกิริยาย    ฯ
ยทิทํ     จตฺตาโร     สติปฏฺานา    ฯ    กตเม    จตฺตาโร    ฯ
กาเย   วา   ภนฺเต  ภิกฺขุ  กายานุปสฺสี  วิหเรยฺย  อาตาปี  สมฺปชาโน
สติมา   วิเนยฺย   โลเก   อภิชฺฌาโทมนสฺสํ   ฯ  เวทนาสุ  วา  ภนฺเต
ภิกฺขุ   ฯ   จิตฺเต   วา  ภนฺเต  ภิกฺขุ  ฯ  ธมฺเมสุ  วา  ภนฺเต  ภิกฺขุ
ธมฺมานุปสฺสี   วิหเรยฺย   อาตาปี   สมฺปชาโน   สติมา  วิเนยฺย  โลเก
อภิชฺฌาโทมนสฺสํ   ฯ   เอกายนฺวายํ   ภนฺเต  มคฺโค  สตฺตานํ  วิสุทฺธิยา
โสกปริเทวานํ    สมติกฺกมาย   ทุกฺขโทมนสฺสานํ   อตฺถงฺคมาย   ายสฺส
อธิคมาย นิพฺพานสฺส สจฺฉิกิริยาย ยทิทํ จตฺตาโร สติปฏฺานาติ ฯ
     [๗๕๗]   อิทมโวจ   พฺรหฺมา   สหมฺปติ   อิทํ   วตฺวา   พฺรหฺมา
สหมฺปติ ^๑- อถาปรํ เอตทโวจ
      เอกายนํ ชาติขยนฺตทสฺสี         มคฺคํ ปชานาติ หิตานุกมฺปี
      เอเตน มคฺเคน ตรึสุ ^๒- ปุพฺเพ  ตริสฺสนฺติ เย จ ตรนฺติ โอฆนฺติ ฯ
     [๗๕๘]   เอกํ  สมยํ  ภควา สุมฺเภสุ วิหรติ เสทกํ ^๓- นาม สุมฺภานํ
นิคโม   ฯ   ตตฺร   โข   ภควา   ภิกฺขู  อามนฺเตสิ  ภูตปุพฺพํ  ภิกฺขเว
จณฺฑาลวํสิโก    จณฺฑาลวํสํ    อุสฺสาเปตฺวา    เมทกถาลิกํ   อนฺเตวาสึ
อามนฺเตสิ   เอหิ   ตฺวํ   สมฺม   เมทกถาลิเก   จณฺฑาลวํสํ  อภิรูหิตฺวา
มม   อุปริกฺขนฺเธ   ติฏฺาหีติ   ฯ   เอวํ   อาจริยาติ   โข   ภิกฺขเว
เมทกถาลิกา    อนฺตวาสี    จณฺฑาลวํสิกสฺส    ปฏิสฺสุตฺวา    จณฺฑาลวํสํ
อภิรูหิตฺวา   อาจริยสฺส   อุปริกฺขนฺเธ   อฏฺาสิ   ฯ  อถ  โข  ภิกฺขเว
จณฺฑาลวํสิโก    เมทกถาลิกํ    อนฺเตวาสึ    เอตทโวจ    ตฺวํ   สมฺม
เมทกถาลิเก  มมํ  รกฺข  อหํ  ตํ  รกฺขิสฺสามิ  เอวํ  มยํ  อญฺมญฺคุตฺตา
@เชิงอรรถ: ^๑ ม. พฺรหฺมา สหมฺปตีติ เทฺว ปาา นตฺถิ ฯ ^๒ ยุ. อตรึสุ ฯ ^๓ เมทกนฺติ วา ปาโ ฯ
อญฺมญฺรกฺขิตา    สิปฺปานิ    เจว    ทสฺสิสฺสาม    ลาภญฺจ   ลจฺฉาม
โสตฺถินา จ จณฺฑาลวํสา โอโรหิสฺสามาติ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๑๙ หน้าที่ ๒๒๓-๒๒๕. https://84000.org/tipitaka/read/pali_item.php?book=19&item=756&items=3 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=19&item=756&items=3&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=19&item=756&items=3 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=19&item=756&items=3 ศึกษาอรรถกถานี้ได้ที่ :- https://84000.org/tipitaka/attha/attha.php?b=19&i=756 สารบัญพระไตรปิฎกเล่มที่ ๑๙ https://84000.org/tipitaka/read/?index_19 https://84000.org/tipitaka/english/?index_19