ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๕ ภาษาบาลี อักษรไทย พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา
                 สุตฺตนฺตปิฏเก ขุทฺทกนิกายสฺส
                           ขุทฺทกปาโ
                             ---------
    นโม ตสฺส ภควโต อรหโต สมฺมาสมฺพุทฺธสฺส ฯ
                    ขุทฺทกปาเ สรณคมนํ
     [๑]   พุทฺธํ   สรณํ   คจฺฉามิ   ธมฺมํ   สรณํ   คจฺฉามิ   สงฺฆํ
สรณํ   คจฺฉามิ   ฯ   ทุติยมฺปิ   พุทฺธํ   สรณํ   คจฺฉามิ  ทุติยมฺปิ  ธมฺมํ
สรณํ   คจฺฉามิ   ทุติยมฺปิ   สงฺฆํ   สรณํ   คจฺฉามิ   ฯ  ตติยมฺปิ  พุทฺธํ
สรณํ    คจฺฉามิ    ตติยมฺปิ   ธมฺมํ   สรณํ   คจฺฉามิ   ตติยมฺปิ   สงฺฆํ
สรณํ คจฺฉามิ ฯ
                    สรณคมนํ ๑- นิฏฺิตํ ฯ
                              --------
                   ขุทฺทกปาเ ทสสิกฺขาปทํ
     [๒]   ปาณาติปาตา    เวรมณี    สิกฺขาปทํ    สมาทิยามิ   ฯ
อทินฺนาทานา    เวรมณี    สิกฺขาปทํ    สมาทิยามิ   ฯ   อพฺรหฺมจริยา
เวรมณี   สิกฺขาปทํ   สมาทิยามิ   ฯ   มุสาวาทา   เวรมณี   สิกฺขาปทํ
สมาทิยามิ     ฯ    สุราเมรยมชฺชปมาทฏฺานา    เวรมณี    สิกฺขาปทํ
@เชิงอรรถ:  สี. ม. สรณตฺตยํ ฯ
สมาทิยามิ    ฯ   วิกาลโภชนา   เวรมณี   สิกฺขาปทํ   สมาทิยามิ   ฯ
นจฺจคีตวาทิตวิสูกทสฺสนา     เวรมณี     สิกฺขาปทํ     สมาทิยามิ    ฯ
มาลาคนฺธวิเลปนธารณมณฺฑนวิภูสนฏฺานา        เวรมณี       สิกฺขาปทํ
สมาทิยามิ   ฯ   อุจฺจาสยนมหาสยนา  เวรมณี  สิกฺขาปทํ  สมาทิยามิ  ฯ
ชาตรูปรชฏปฏิคฺคหณา เวรมณี สิกฺขาปทํ สมาทิยามิ ฯ
                    ทสสิกฺขาปทํ นิฏฺิตํ ฯ
                              ---------
                   ขุทฺทกปาเ ทฺวตฺตึสากาโร
     [๓]   อตฺถิ   อิมสฺมึ  กาเย  เกสา  โลมา  นขา  ทนฺตา  ตโจ
มํสํ   นฺหารู   อฏฺี   อฏฺิมิญฺชํ   วกฺกํ   หทยํ   ยกนํ   กิโลมกํ  ปิหกํ
ปปฺผาสํ   อนฺตํ   อนฺตคุณํ   อุทริยํ   กรีสํ  [๑]-  ปิตฺตํ  เสมฺหํ  ปุพฺโพ
โลหิตํ   เสโท   เมโท   อสฺสุ   วสา  เขโล  สึฆานิกา  ลสิกา  มุตฺตํ
มตฺถเก มตฺถลุงฺคนฺติ ฯ
                   ทฺวตฺตึสากาโร นิฏฺิโต ฯ
                             -----------
                   ขุทฺทกปาเ สามเณรปญฺหา
     [๔]   เอกนฺนาม   กึ   สพฺเพ  สตฺตา  อาหารฏฺิติกา  ฯ  เทฺว
นาม   กึ   นามญฺจ   รูปญฺจ   ฯ   ตีณิ  นาม  กึ  ติสฺโส  เวทนา  ฯ
@เชิงอรรถ:  ม. มตฺถลุงฺคํ ฯ
จตฺตาริ    นาม   กึ   จตฺตาริ   อริยสจฺจานิ   ฯ   ปญฺจ   นาม   กึ
ปญฺจุปาทานกฺขนฺธา   ฯ   ฉ   นาม  กึ  ฉ  อชฺฌตฺติกานิ  อายตนานิ  ฯ
สตฺต   นาม   กึ   สตฺต   โพชฺฌงฺคา   ฯ   อฏฺ   นาม   กึ  อริโย
อฏฺงฺคิโก   มคฺโค   ฯ   นว   นาม   กึ   นว  สตฺตาวาสา  ฯ  ทส
นาม กึ ทสหงฺเคหิ สมนฺนาคโต อรหาติ วุจฺจตีติ ฯ
                   สามเณรปญฺหา ๑- นิฏฺิตา ฯ
                              -----------
                    ขุทฺทกปาเ มงฺคลสุตฺตํ
     [๕]   เอวมฺเม   สุตํ  ฯ  เอกํ  สมยํ  ภควา  สาวตฺถิยํ  วิหรติ
เชตวเน   อนาถปิณฺฑิกสฺส   อาราเม   ฯ  อถ  โข  อญฺตรา  เทวตา
อภิกฺกนฺตาย     รตฺติยา     อภิกฺกนฺตวณฺณา     เกวลกปฺปํ     เชตวนํ
โอภาเสตฺวา    เยน    ภควา   เตนุปสงฺกมิ   อุปสงฺกมิตฺวา   ภควนฺตํ
อภิวาเทตฺวา   เอกมนฺตํ   อฏฺาสิ   เอกมนฺตํ  ิตา  โข  สา  เทวตา
ภควนฺตํ คาถาย อชฺฌภาสิ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒๕ หน้าที่ ๑-๓. https://84000.org/tipitaka/read/pali_item.php?book=25&item=1&items=5              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=25&item=1&items=5&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=25&item=1&items=5              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=25&item=1&items=5              ศึกษาอรรถกถานี้ได้ที่ :- https://84000.org/tipitaka/attha/attha.php?b=25&i=1              สารบัญพระไตรปิฎกเล่มที่ ๒๕ https://84000.org/tipitaka/read/?index_25 https://84000.org/tipitaka/english/?index_25

แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]