บาลี ข้อ 1390-1399 พระไตรปิฎกเล่มที่ 27

                                            ๗ นิโคฺรธชาตกํ
     [๑๓๙๐]      น วาหเมตํ ^๔- ชานามิ      โกวายํ กสฺส จาริ วา ^๕-
                       ยถา สาโข วทิ ^๖- เอวํ       นิโคฺรธ กินฺติ มญฺญสิ ฯ
     [๑๓๙๑]      ตโต คลวินีเตน                 ปุริสา นีหรึสุ มํ
                       ทตฺวา มุขปฺปหารานิ         สาขสฺส วจนํ กรา ฯ
     [๑๓๙๒]      เอตาทิสํ ทุมฺมตินา            อกตญฺเญน ^๗- ทุพฺภินา
                       กตํ อนริยํ สาเขน              สขินา เต ชนาธิป ฯ
     [๑๓๙๓]      น วาหเมตํ ชานามิ            นปิ เม โกจิ สํสติ
                       ยํ เม ตฺวํ สมฺม อกฺขาสิ       สาเขน กฑฺฒนํ ^๘- กตํ ฯ
@เชิงอรรถ: ^๑ สี. พทฺธจรามิ ฯ ม. ปทฺธจรามฺหิ ฯ  ^๒ ม. มณฺฑพฺย ภาสึ ยมภาสเนยฺยํ ฯ
@^๓ ม. ปุตฺตกเหตุ มชฺช ฯ  ^๔ สี. จาหเมตํ ฯ  ^๕ ม. วาติ วา ฯ  ^๖ ม. จริ ฯ
@^๗ ม. อกตญฺญุน ฯ  ^๘ ม. การณํ ฯ
     [๑๓๙๔]      สขีนํ สาชีวงฺกโร              มม สาขสฺส จูภยํ
                       ตฺวํ โนสิสฺสริยํ ทาตา        มนุสฺเสสุ มหคฺคตํ ^๑-
                       ตุยฺหมฺหา ลพฺภิตา อิทฺธิ    เอตฺถ เม นตฺถิ สํสโย ฯ
     [๑๓๙๕]      ยถาปิ วีชํ อคฺคิสฺมึ           ฑยฺหติ น วิรูหติ
                       เอวํ กตํ อสปฺปุริเส           นสฺสติ น วิรูหติ ฯ
     [๑๓๙๖]      กตญฺญุมฺหิ จ โปสมฺหิ       สีลวนฺเต อริยวุตฺติเน
                       สุเขตฺเต วิย พีชานิ           กตํ ตมฺหิ น นสฺสติ ฯ
     [๑๓๙๗]      อิมญฺจ ^๒- ชมฺมํ เนกติกํ   อสปฺปุริสจินฺตกํ
                       หนนฺตุ สาขํ สตฺตีหิ          นาสฺส อิจฺฉามิ ชีวิตํ ฯ
     [๑๓๙๘]      ขมตสฺส มหาราช            ปาณา ทุปฺปฏิอานยา ^๓-
                       ขม เทว อสปฺปุริสสฺส       นาสฺส อิจฺฉามหํ วธํ ฯ
     [๑๓๙๙]      นิโคฺรธเมว เสเวยฺย          น สาขมุปสํวเส
                       นิโคฺรธสฺมึ มตํ เสยฺโย       ยญฺเจ สาขสฺมิ ชีวิตนฺติ ฯ
                                        นิโคฺรธชาตกํ สตฺตมํ ฯ
                                                ---------

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๒๘๔-๒๘๕. https://84000.org/tipitaka/read/pali_item.php?book=27&item=1390&items=10 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=27&item=1390&items=10&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=27&item=1390&items=10 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=1390&items=10 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=1390 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27