บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ฉบับภาษาไทย บาลีอักษรไทย บาลีอักษรโรมัน |
[๓๔๐] |๓๔๐.๙๑| นคเร หํสวติยา อโหสึ พฺราหฺมโณ ตทา อชฺฌายิโก มนฺตธโร ติณฺณํ เวทาน ปารคู ฯ |๓๔๐.๙๒| ปุรกฺขโต สสิสฺเสหิ ชาติโม ๑- จ สุสิกฺขิโต โตยาภิเสจนตฺถาย นครา นิกฺขมึ ตทา ฯ |๓๔๐.๙๓| ปทุมุตฺตโร ๒- โลกวิทู สพฺพธมฺมาน ปารคู ขีณาสวสหสฺเสหิ นครํ ปาวิสี ชิโน ฯ |๓๔๐.๙๔| สุจารุรูปํ ทิสฺวาน อเนญฺชํ การิตํ วิย ปริวุตํ อรหนฺเตหิ ทิสฺวา จิตฺตํ ปสาทยึ ฯ |๓๔๐.๙๕| สิรสิ อญฺชลึ กตฺวา นมสฺสิตฺวาน สุพฺพตํ ปสนฺนจิตฺโต สุมโน อุตฺตริยมทาสหํ ฯ |๓๔๐.๙๖| อุโภหตฺเถหิ ปคฺคยฺห สาฏกํ อุกฺขิปึ อหํ ยาวตา พุทฺธปริสา ตาว ฉาเทสิ สาฏกํ ฯ |๓๔๐.๙๗| ปิณฺฑจารํ จรนฺตสฺส มหาภิกฺขุคณาทิโน ๓- ฉาทํ กโรนฺโต อฏฺาสิ หาสยนฺโต มมํ ตทา ฯ @เชิงอรรถ: ๑ ม. ชาติมา ฯ ๒ ม. ยุ. ปทุมุตฺตโร นาม ชิโน ฯ ๓ ยุ. มหาภิกฺขุคณาทินํ ฯ--------------------------------------------------------------------------------------------- หน้าที่ ๔๒๓.
|๓๔๐.๙๘| ฆรโต นิกฺขมนฺตสฺส สยมฺภู อคฺคปุคฺคโล วีถิยํ ๑- ิตโก สตฺถา อกาสิ อนุโมทนํ ฯ |๓๔๐.๙๙| ปสนฺนจิตฺโต สุมโน โย เม ปาทาสิ ๒- สาฏกํ ตมหํ กิตฺตยิสฺสามิ สุณาถ มม ภาสโต ฯ |๓๔๐.๑๐๐| ตึสกปฺปสหสฺสานิ เทวโลเก รมิสฺสติ ปญฺาสกฺขตฺตุํ เทวินฺโท เทวรชฺชํ กริสฺสติ ฯ |๓๔๐.๑๐๑| เทวโลเก วสนฺตสฺส ปุญฺกมฺมสมงฺคิโน สมนฺตา โยชนสตํ ทุสฺสจฺฉนฺนํ ภวิสฺสติ ฯ |๓๔๐.๑๐๒| ฉตฺตึสกฺขตฺตุํ ราชา จ จกฺกวตฺติ ภวิสฺสติ ปเทสรชฺชํ วิปุลํ คณนาโต อสงฺขยํ ฯ |๓๔๐.๑๐๓| ภเว สํสรมานสฺส ปุญฺกมฺมสมงฺคิโน มนสา ปตฺถิตํ สพฺพํ นิพฺพตฺติสฺสติ ตาวเท ฯ |๓๔๐.๑๐๔| โกเสยฺยกมฺพลานิ ๓- จ โขมกปฺปาสิกานิ จ มหคฺฆานิ จ ทุสฺสานิ ปฏิลจฺฉติยํ นโร ฯ |๓๔๐.๑๐๕| มนสา ปตฺถิตํ สพฺพํ ปฏิลจฺฉติยํ นโร เอกทุสฺสสฺส วิปากํ อนุโภสฺสติ สพฺพทา ฯ |๓๔๐.๑๐๖| โส ปจฺฉา ปพฺพชิตฺวาน สุกฺกมูเลน โจทิโต โคตมสฺส ภควโต ธมฺมํ สจฺฉิกริสฺสติ ฯ |๓๔๐.๑๐๗| อโห เม สุกตํ กมฺมํ สมฺพุทฺธสฺส ๔- มเหสิโน เอกาหํ สาฏกํ ทตฺวา ปตฺโตมฺหิ อมตํ ปทํ ฯ @เชิงอรรถ: ๑ ม. ยุ. วิถิยํว ิโต สตฺถา อกาเม อนุโมทนํ ฯ ๒ ม. อทาสิ ฯ @๓ ม. โกเสยฺยกมฺพลิยานิ ฯ ๔ ม. ยุ. สพฺพญฺุสฺส ฯ--------------------------------------------------------------------------------------------- หน้าที่ ๔๒๔.
|๓๔๐.๑๐๘| มณฺฑเป รุกฺขมูเล วา วสโต สุญฺเก ฆเร ธาเรติ ทุสฺสฉทนํ สมนฺตา พฺยามโต มม ฯ |๓๔๐.๑๐๙| อวิญฺตฺตํ ๑- นิวาเสมิ จีวรํ ปจฺจยญฺจหํ ลาภิมฺหิ ๒- อนฺนปานสฺส อุตฺตเรยฺยสฺสิทํ ผลํ ฯ |๓๔๐.๑๑๐| สตสหสฺเส อิโต กปฺเป ยํ กมฺมมกรึ ตทา ทุคฺคตึ นาภิชานามิ วตฺถทานสฺสิทํ ผลํ ฯ |๓๔๐.๑๑๑| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุตฺตเรยฺยทายโก เถโร อิมา คาถาโย อภาสิตฺถาติ ฯ อุตฺตเรยฺยทายกตฺเถรสฺส อปทานํ สมตฺตํ ฯ นวมํ ธมฺมสฺสวนิยตฺเถราปทานํ (๓๓๙)
เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๒๒-๔๒๔. https://84000.org/tipitaka/read/pali_item.php?book=32&item=340&items=1&pagebreak=1&mode=bracket อ่านโดยใช้เนื้อความเป็นเกณฑ์แบ่งข้อ :- https://84000.org/tipitaka/read/pali_item.php?book=32&item=340&items=1&pagebreak=1 อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=32&item=340&items=1&pagebreak=1&mode=bracket อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=32&item=340&items=1&pagebreak=1&mode=bracket ศึกษาอรรถกถานี้ได้ที่ :- https://84000.org/tipitaka/attha/attha.php?b=32&i=340 สารบัญพระไตรปิฎกเล่มที่ ๓๒ https://84000.org/tipitaka/read/?index_32 https://84000.org/tipitaka/english/?index_32
|
บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]