|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ฉบับภาษาไทย บาลีอักษรไทย บาลีอักษรโรมัน |
พระไตรปิฎกเล่มที่ ๓๓ ภาษาบาลี อักษรไทย พระสุตตันตปิฎกเล่มที่ ๒๕ สุตฺต. ขุ. อปทานํ (๒) พุทฺธวํโส จริยาปิฏกํ
|
|
[๓๕] |๓๕.๑๒๐| สุสาเน เสยฺยํ กปฺเปมิ ฉวฏฺิกํ อุปนิธาย ๑- คามมณฺฑลา อุปาคนฺตฺวา รูปํ ทสฺเสนฺติ นปฺปกํ ฯ |๓๕.๑๒๑| อปเร คนฺธญฺจ มาลญฺจ โภชนํ วิวิธํ พหุ อุปายนานิ อุปเนนฺติ หฏฺา สํวิคฺคมานสา ฯ |๓๕.๑๒๒| เย เม ทุกฺขํ อุปหรนฺติ เย จ เทนฺติ สุขํ มม สพฺเพสํ สมโก โหมิ ทยา โกโป น วิชฺชติ ฯ |๓๕.๑๒๓| สุขทุกฺเข ตุลาภูโต ยเสสุ อยเสสุ จ สพฺพตฺถ สมโก โหมิ เอสา เม อุเปกฺขาปารมีติ ฯ มหาโลมหํสจริยํ ปณฺณรสมํ ฯ ตสฺสุทฺทานํ ยุธญฺชโย โสมนสฺโส อโยฆรภิเสน จ โสณนนฺโท มูคผกฺโข กปิราชา สจฺจสวฺหโย ฯ วฏฺฏโก มจฺฉราชา จ กณฺหทีปายโน อิสิ สุตโสโม ปุเร ๒- อาสิ สาโม จ เอกราชา ๓- จ อุเปกฺขาปารมี อาสิ อิติ วุตฺตํ มเหสินา ฯ เอวํ พหุวิธํ ทุกฺขํ สมฺปตฺติญฺจ พหูวิธํ ภวาภเว อนุภวิตฺวา ปตฺโต สมฺโพธิมุตฺตมํ ฯ ทตฺวา ทาตพฺพกํ ทานํ สีลํ ปูเรตฺวา อเสสโต นิกฺขมฺมปารมึ คนฺตฺวา ปตฺโต สมฺโพธิมุตฺตมํ ฯ @เชิงอรรถ: ๑ ม. อุปนิธายหํ ฯ ยุ. นิธายหํ ฯ ๒ ม. ยุ. ปุน อาสึ ฯ ๓ ม. ยุ. เอกราชหุ ฯ--------------------------------------------------------------------------------------------- หน้าที่ ๕๙๕.
ปณฺฑิเต ปริปุจฺฉิตฺวา วิริยํ กตฺวาน อุตฺตมํ ขนฺติยา ปารมึ คนฺตฺวา ปตฺโต สมฺโพธิมุตฺตมํ ฯ กตฺวา ทฬฺหมธิฏฺานํ สจฺจวาจานุรกฺขิย เมตฺตาย ปารมึ คนฺตฺวา ปตฺโต สมฺโพธิมุตฺตมํ ฯ ลาภาลาเภ ยสายเส สมฺมานนาวมานเน สพฺพตฺถ สมโก หุตฺวา ปตฺโต สมฺโพธิมุตฺตมํ ฯ โกสชฺชํ ภยโต ทิสฺวา วิริยารมฺภญฺจ เขมโต อารทฺธวิริยา โหถ เอสา พุทฺธานุสาสนี ฯ วิวาทํ ภยโต ทิสฺวา อวิวาทญฺจ เขมโต สมคฺคา สขิลา โหถ เอสา พุทฺธานุสาสนี ฯ ปมาทํ ภยโต ทิสฺวา อปฺปมาทญฺจ เขมโต ภาเวถฏฺงฺคิกํ มคฺคํ เอสา พุทฺธานุสาสนี ฯ อิตฺถํ สุทํ ภควา อตฺตโน ปุพฺพจริยํ สมฺภาวยมาโน พุทฺธาปทานิยํ นาม ธมฺมปริยายํ อภาสิตฺถาติ ฯ จริยาปิฏกํ นิฏฺิตํ ฯ [๑]- @เชิงอรรถ: ๑ ยุ. ยสฺมา ปน อยํ ปาลิ ปรมฺปราย ลิกฺขิตา @ วิปลฺลตฺถกฺขรา ตสฺมา สายํ สุฏฺฐุ วิโสธิตา @ ปญฺาสี โหติ นาเมน อนุเถเรน ธีมตา @ สาสนฺฏิติกาเมน พหุคนฺเธสุ อาคตํ @ อตฺถํ สํสนฺทิตฺวา มยา ตสฺส เตเชน ปาณิโน @ สมิทฺธสงฺกปฺปา โหนฺตุ เทวา รกฺขนฺตุ สาสนํ ฯ @ จริยาปิฏกปาลิ สมตฺตา ฯ--------------------------------------------------------------------------------------------- หน้าที่ ๕๙๖.
สโมธานกถา ๑-เนื้อความพระไตรปิฎกฉบับภาษาบาลีอักษรไทย เล่มที่ ๓๓ หน้าที่ ๕๙๔-๕๙๖. https://84000.org/tipitaka/read/pali_item.php?book=33.3&item=35&items=1&pagebreak=1&mode=bracket อ่านโดยใช้เนื้อความเป็นเกณฑ์แบ่งข้อ :- https://84000.org/tipitaka/read/pali_item.php?book=33.3&item=35&items=1&pagebreak=1 อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=33.3&item=35&items=1&pagebreak=1&mode=bracket อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=33.3&item=35&items=1&pagebreak=1&mode=bracket ศึกษาอรรถกถานี้ได้ที่ :- https://84000.org/tipitaka/attha/attha.php?b=33.3&i=35 สารบัญพระไตรปิฎกเล่มที่ ๓๓ https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]