พระไตรปิฎกเล่มที่ ๓๗ ภาษาบาลี อักษรไทย
พระอภิธรรมปิฎกเล่มที่ ๔ อภิ. กถาวตฺถุ

                             ธมฺมตณฺหา น ทุกฺขสมุทโยติกถา
     [๑๕๔๓]   ธมฺมตณฺหา  น  ทุกฺขสมุทโยติ  ฯ  อามนฺตา  ฯ รูปตณฺหา
น    ทุกฺขสมุทโยติ    ฯ   น   เหวํ   วตฺตพฺเพ   ฯเปฯ   ธมฺมตณฺหา
น   ทุกฺขสมุทโยติ   ฯ   อามนฺตา   ฯ   สทฺทตณฺหา  ฯเปฯ  คนฺธตณฺหา
ฯเปฯ   รสตณฺหา   ฯเปฯ   โผฏฺฐพฺพตณฺหา   น   ทุกฺขสมุทโยติ  ฯ  น
เหวํ วตฺตพฺเพ ฯเปฯ
     [๑๕๔๔]   รูปตณฺหา   ทุกฺขสมุทโยติ  ฯ  อามนฺตา  ฯ  ธมฺมตณฺหา
ทุกฺขสมุทโยติ   ฯ   น   เหวํ   วตฺตพฺเพ   ฯเปฯ   สทฺทตณฺหา  ฯเปฯ
คนฺธตณฺหา   ฯเปฯ   รสตณฺหา  ฯเปฯ  โผฏฺฐพฺพตณฺหา  ทุกฺขสมุทโยติ  ฯ
อามนฺตา   ฯ   ธมฺมตณฺหา   ทุกฺขสมุทโยติ   ฯ   น   เหวํ   วตฺตพฺเพ
ฯเปฯ   ธมฺมตณฺหา   น   ทุกฺขสมุทโยติ   ฯ  อามนฺตา  ฯ  นนุ  ตณฺหา
ทุกฺขสมุทโย    วุตฺโต   ภควตาติ   ฯ   อามนฺตา   ฯ   หญฺหิ   ตณฺหา
ทุกฺขสมุทโย   วุตฺโต   ภควตา   โน   วต   เร  วตฺตพฺเพ  ธมฺมตณฺหา
น ทุกฺขสมุทโยติ ฯ
     [๑๕๔๕]   ธมฺมตณฺหา   น   ทุกฺขสมุทโยติ  ฯ  อามนฺตา  ฯ  นนุ
โลโภ    ทุกฺขสมุทโย    วุตฺโต    ภควตา   ธมฺมตณฺหา   โลโภติ   ฯ
อามนฺตา   ฯ   หญฺจิ   โลโภ  ทุกฺขสมุทโย  วุตฺโต  ภควตา  ธมฺมตณฺหา
โลโภ โน วต เร วตฺตพฺเพ ธมฺมตณฺหา น ทุกฺขสมุทโยติ ฯ
     [๑๕๔๖]   ธมฺมตณฺหา  โลโภ  น  ทุกฺขสมุทโยติ  ฯ  อามนฺตา  ฯ
รูปตณฺหา   โลโภ   น   ทุกฺขสมุทโยติ   ฯ  น  เหวํ  วตฺตพฺเพ  ฯเปฯ
ธมฺมตณฺหา   โลโภ   น   ทุกฺขสมุทโยติ   ฯ   อามนฺตา  ฯ  สทฺทตณฺหา
ฯเปฯ    คนฺธตณฺหา    ฯเปฯ    รสตณฺหา    ฯเปฯ    โผฏฺฐพฺพตณฺหา
โลโภ น ทุกฺขสมุทโยติ ฯ น เหวํ วตฺตพฺเพ ฯเปฯ
     [๑๕๔๗]   รูปตณฺหา   โลโภ   ทุกฺขสมุทโยติ   ฯ   อามนฺตา  ฯ
ธมฺมตณฺหา   โลโภ   ทุกฺขสมุทโยติ   ฯ   น   เหวํ   วตฺตพฺเพ  ฯเปฯ
สทฺทตณฺหา  ฯเปฯ  โผฏฺฐพฺพตณฺหา  โลโภ  ทุกฺขสมุทโยติ  ฯ  อามนฺตา ฯ
ธมฺมตณฺหา โลโภ ทุกฺขสมุทโยติ ฯ น เหวํ วตฺตพฺเพ ฯเปฯ
     [๑๕๔๘]   ธมฺมตณฺหา   น   ทุกฺขสมุทโยติ  ฯ  อามนฺตา  ฯ  นนุ
วุตฺตํ    ภควตา    ยายํ    ตณฺหา    โปโนพฺภวิกา    นนฺทิราคสหคตา
ตตฺรตตฺราภินนฺทินี    เสยฺยถีทํ    กามตณฺหา    ภวตณฺหา    วิภวตณฺหาติ
อตฺเถว  สุตฺตนฺโตติ  ฯ  อามนฺตา  ฯ  เตน  หิ  น  วตฺตพฺพํ  ธมฺมตณฺหา
น ทุกฺขสมุทโยติ ฯ
     [๑๕๔๙]   น  วตฺตพฺพํ  ธมฺมตณฺหา  น  ทุกฺขสมุทโยติ ฯ อามนฺตา ฯ
นนุ   สา   ธมฺมตณฺหาติ   ฯ   อามนฺตา   ฯ   หญฺจิ   สา  ธมฺมตณฺหา
โน วต เร วตฺตพฺเพ ธมฺมตณฺหา น ทุกฺขสมุทโยติ ฯ
                           ธมฺมตณฺหา น ทุกฺขสมุทโยติกถา ฯ
                                      เตรสโม วคฺโค ฯ
                                        ตสฺส อุทฺทานํ
                  กปฺปฏฺโฐ กปฺปํ ติฏฺเฐยฺย กปฺปฏฺโฐ กุสลํ จิตฺตํ
                  น ปฏิลเภยฺย อนนฺตราปยุตฺโต ปุคฺคโล สมฺมตฺตนิยามํ
                  โอกฺกเมยฺย นิยโต นิยามํ โอกฺกมติ นีวุโต นีวรณํ ชหติ
                  สมฺมุขีภูโต สญฺโญชนํ ชหติ ฌานนิกนฺติ อสาตราโค
                  ธมฺมตณฺหา อพฺยากตา ธมฺมตณฺหา น ทุกฺขสมุทโยติ ฯ
                                         -------------

             เนื้อความพระไตรปิฎกฉบับภาษาบาลีอักษรไทย เล่มที่ ๓๗ หน้าที่ ๕๑๘-๕๒๐.
https://84000.org/tipitaka/read/pali_item.php?book=37&item=1543&items=7
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=37&item=1543&items=7&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=37&item=1543&items=7
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=37&item=1543&items=7
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=37&i=1543
             สารบัญพระไตรปิฎกเล่มที่ ๓๗
https://84000.org/tipitaka/read/?index_37
https://84000.org/tipitaka/english/?index_37