พระไตรปิฎกเล่มที่ ๓๗ ภาษาบาลี อักษรไทย
พระอภิธรรมปิฎกเล่มที่ ๔ อภิ. กถาวตฺถุ

     [๑๖๖]   น  วตฺตพฺพํ  ปุคฺคโล  อุปลพฺภติ  สจฺฉิกฏฺปรมฏฺเนาติ  ฯ
อามนฺตา   ฯ   นนุ   มาตา   อตฺถีติ   ฯ  อามนฺตา  ฯ  หญฺจิ  มาตา
อตฺถิ  เตน  วต  เร  วตฺตพฺเพ ปุคฺคโล อุปลพฺภติ สจฺฉิกฏฺปรมฏฺเนาติ ฯ
น     วตฺตพฺพํ     ปุคฺคโล    อุปลพฺภติ    สจฺฉิกฏฺปรมฏฺเนาติ    ฯ
อามนฺตา   ฯ   นนุ   ปิตา   อตฺถิ   ฯเปฯ  ภาตา  อตฺถิ  ภคินี  อตฺถิ
ขตฺติโย    อตฺถิ   พฺราหฺมโณ   อตฺถิ   เวสฺโส   อตฺถิ   สุทฺโท   อตฺถิ
คหฏฺโ   อตฺถิ   ปพฺพชิโต   อตฺถิ   เทโว   อตฺถิ  มนุสฺโส  อตฺถีติ  ฯ
อามนฺตา   ฯ   หญฺจิ   มนุสฺโส   อตฺถิ   เตน   วต   เร   วตฺตพฺเพ
ปุคฺคโล อุปลพฺภติ สจฺฉิกฏฺปรมฏฺเนาติ ฯ
     [๑๖๗]   มาตา   อตฺถีติ   กตฺวา   เตน  จ  การเณน  ปุคฺคโล
อุปลพฺภติ   สจฺฉิกฏฺปรมฏฺเนาติ   ฯ   อามนฺตา   ฯ   อตฺถิ  โกจิ  น
มาตา  หุตฺวา  มาตา  โหตีติ  ฯ  อามนฺตา  ฯ  อตฺถิ  โกจิ  น ปุคฺคโล
หุตฺวา   ปุคฺคโล   โหตีติ   ฯ  น  เหวํ  วตฺตพฺเพ  ฯเปฯ  อตฺถิ  โกจิ
น   ปิตา   หุตฺวา   ฯเปฯ   น   ภาตา  หุตฺวา  น  ภคินี  หุตฺวา  น
ขตฺติโย   หุตฺวา   น   พฺราหฺมโณ   หุตฺวา   น   เวสฺโส   หุตฺวา  น
สุทฺโท    หุตฺวา   น   คหฏฺโ   หุตฺวา   น   ปพฺพชิโต   หุตฺวา   น
เทโว   หุตฺวา   น  มนุสฺโส  หุตฺวา  มนุสฺโส  โหตีติ  ฯ  อามนฺตา  ฯ
อตฺถิ   โกจิ   น   ปุคฺคโล   หุตฺวา   ปุคฺคโล   โหตีติ   ฯ  น  เหวํ
วตฺตพฺเพ ฯเปฯ
     [๑๖๘]   มาตา   อตฺถีติ   กตฺวา   เตน  จ  การเณน  ปุคฺคโล
อุปลพฺภติ   สจฺฉิกฏฺปรมฏฺเนาติ   ฯ  อามนฺตา  ฯ  อตฺถิ  โกจิ  มาตา
หุตฺวา   น   มาตา   โหตีติ   ฯ   อามนฺตา  ฯ  อตฺถิ  โกจิ  ปุคฺคโล
หุตฺวา  น  ปุคฺคโล  โหตีติ  ฯ  น  เหวํ  วตฺตพฺเพ  ฯเปฯ  อตฺถิ  โกจิ
ปิตา    หุตฺวา    ภาตา    หุตฺวา   ภคินี   หุตฺวา   ขตฺติโย   หุตฺวา
พฺราหฺมโณ    หุตฺวา    เวสฺโส    หุตฺวา    สุทฺโท   หุตฺวา   คหฏฺโ
หุตฺวา    ปพฺพชิโต    หุตฺวา   เทโว   หุตฺวา   มนุสฺโส   หุตฺวา   น
มนุสฺโส   โหตีติ   ฯ   อามนฺตา   ฯ  อตฺถิ  โกจิ  ปุคฺคโล  หุตฺวา  น
ปุคฺคโล โหตีติ ฯ น เหวํ วตฺตพฺเพ ฯเปฯ
     [๑๖๙]   น  วตฺตพฺพํ  ปุคฺคโล  อุปลพฺภติ  สจฺฉิกฏฺปรมฏฺเนาติ  ฯ
อามนฺตา   ฯ   นนุ   โสตาปนฺโน   อตฺถีติ   ฯ   อามนฺตา   ฯ  หญฺจิ
โสตาปนฺโน   อตฺถิ   เตน   วต   เร   วตฺตพฺเพ   ปุคฺคโล  อุปลพฺภติ
สจฺฉิกฏฺปรมฏฺเนาติ   ฯ   น   วตฺตพฺพํ  ปุคฺคโล  อุปลพฺภติ  สจฺฉิกฏฺ-
ปรมฏฺเนาติ   ฯ   อามนฺตา   ฯ   นนุ   สกทาคามี   อตฺถิ   ฯเปฯ
อนาคามี    อตฺถิ   ฯเปฯ   อรหา   อตฺถิ   ฯเปฯ   อุภโตภาควิมุตฺโต
อตฺถิ     ปญฺาวิมุตฺโต     อตฺถิ     กายสกฺขี    อตฺถิ    ทิฏฺิปฺปตฺโต
อตฺถิ     สทฺธาวิมุตฺโต    อตฺถิ    ธมฺมานุสารี    อตฺถิ    สทฺธานุสารี
อตฺถีติ   ฯ   อามนฺตา   ฯ   หญฺจิ  สทฺธานุสารี  อตฺถิ  เตน  วต  เร
วตฺตพฺเพ ปุคฺคโล อุปลพฺภติ สจฺฉิกฏฺปรมฏฺเนาติ ฯ
     [๑๗๐]   โสตาปนฺโน  อตฺถีติ  กตฺวา  เตน  จ  การเณน  ปุคฺคโล
อุปลพฺภติ   สจฺฉิกฏฺปรมฏฺเนาติ   ฯ   อามนฺตา   ฯ   อตฺถิ  โกจิ  น
โสตาปนฺโน   หุตฺวา  โสตาปนฺโน  โหตีติ  ฯ  อามนฺตา  ฯ  อตฺถิ  โกจิ
น   ปุคฺคโล   หุตฺวา   ปุคฺคโล  โหตีติ  ฯ  น  เหวํ  วตฺตพฺเพ  ฯเปฯ
อตฺถิ   โกจิ   น   สกทาคามี  หุตฺวา  น  อนาคามี  หุตฺวา  น  อรหา
หุตฺวา    น    อุภโตภาควิมุตฺโต   หุตฺวา   น   ปญฺาวิมุตฺโต   หุตฺวา
น   กายสกฺขี   หุตฺวา   น   ทิฏฺิปฺปตฺโต   หุตฺวา   น   สทฺธาวิมุตฺโต
หุตฺวา   น   ธมฺมานุสารี   หุตฺวา  น  สทฺธานุสารี  หุตฺวา  สทฺธานุสารี
โหตีติ   ฯ   อามนฺตา   ฯ   อตฺถิ  โกจิ  น  ปุคฺคโล  หุตฺวา  ปุคฺคโล
โหตีติ ฯ น เหวํ วตฺตพฺเพ ฯเปฯ
     [๑๗๑]   โสตาปนฺโน  อตฺถีติ  กตฺวา  เตน  จ  การเณน  ปุคฺคโล
อุปลพฺภติ    สจฺฉิกฏฺปรมฏฺเนาติ    ฯ   อามนฺตา   ฯ   อตฺถิ   โกจิ
โสตาปนฺโน   หุตฺวา   น   โสตาปนฺโน  โหตีติ  ฯ  อามนฺตา  ฯ  อตฺถิ
โกจิ   ปุคฺคโล   หุตฺวา   น   ปุคฺคโล  โหตีติ  ฯ  น  เหวํ  วตฺตพฺเพ
ฯเปฯ   อตฺถิ  โกจิ  สกทาคามี  หุตฺวา  อนาคามี  หุตฺวา  น  อนาคามี
โหตีติ   ฯ   อามนฺตา   ฯ   อตฺถิ  โกจิ  ปุคฺคโล  หุตฺวา  น  ปุคฺคโล
โหตีติ ฯ น เหวํ วตฺตพฺเพ ฯเปฯ
     [๑๗๒]   น  วตฺตพฺพํ  ปุคฺคโล  อุปลพฺภติ  สจฺฉิกฏฺปรมฏฺเนาติ  ฯ
อามนฺตา   ฯ   นนุ  จตฺตาโร  ปุริสยุคา  อฏฺ  ปุริสปุคฺคลา  อตฺถีติ  ฯ
อามนฺตา   ฯ   หญฺจิ   จตฺตาโร   ปุริสยุคา   อฏฺ  ปุริสปุคฺคลา  อตฺถิ
เตน วต เร วตฺตพฺเพ ปุคฺคโล อุปลพฺภติ สจฺฉิกฏฺปรมฏฺเนาติ ฯ
     [๑๗๓]   จตฺตาโร   ปุริสยุคา  อฏฺ  ปุริสปุคฺคลา  อตฺถีติ  กตฺวา
เตน   จ   การเณน   ปุคฺคโล   อุปลพฺภติ   สจฺฉิกฏฺปรมฏฺเนาติ   ฯ
อามนฺตา   ฯ   จตฺตาโร   ปุริสยุคา  อฏฺ  ปุริสปุคฺคลา  พุทฺธปาตุภาวา
ปาตุภวนฺตีติ   ฯ   อามนฺตา  ฯ  ปุคฺคโล  พุทฺธปาตุภาวา  ปาตุภวตีติ  ฯ
น   เหวํ   วตฺตพฺเพ   ฯเปฯ   ปุคฺคโล  พุทฺธปาตุภาวา  ปาตุภวตีติ  ฯ
อามนฺตา    ฯ    พุทฺธสฺส   ภควโต   ปรินิพฺพุเต   อุจฺฉินฺโน   ปุคฺคโล
นตฺถิ ปุคฺคโลติ ฯ น เหวํ วตฺตพฺเพ ฯเปฯ
     [๑๗๔]   ปุคฺคโล  อุปลพฺภติ  สจฺฉิกฏฺปรมฏฺเนาติ  ฯ  อามนฺตา ฯ
ปุคฺคโล  สงฺขโตติ  ฯ  น  เหวํ  วตฺตพฺเพ  ฯเปฯ  ปุคฺคโล อสงฺขโตติ ฯ
น เหวํ วตฺตพฺเพ ฯเปฯ
     {๑๗๔.๑}   ปุคฺคโล  เนวสงฺขโต  นาสงฺขโตติ  ฯ น เหวํ วตฺตพฺเพ
ฯเปฯ   ปุคฺคโล   เนวสงฺขโต  นาสงฺขโตติ  ฯ  อามนฺตา  ฯ  สงฺขตญฺจ
อสงฺขตญฺจ   เปตฺวา  อตฺถญฺา  ตติยา  โกฏีติ  ฯ  น  เหวํ  วตฺตพฺเพ
ฯเปฯ   สงฺขตญฺจ   อสงฺขตญฺจ   เปตฺวา  อตฺถญฺา  ตติยา  โกฏีติ  ฯ
อามนฺตา  ฯ  นนุ  วุตฺตํ  ภควตา  เทฺวมา  ภิกฺขเว  ธาตุโย กตมา เทฺว
สงฺขตา   จ  ธาตุ  อสงฺขตา  จ  ธาตุ  อิมา โข ภิกฺขเว เทฺว ธาตุโยติ
อตฺเถว   สุตฺตนฺโตติ  ฯ  อามนฺตา  ฯ  เตน  หิ  น  วตฺตพฺพํ  สงฺขตญฺจ
อสงฺขตญฺจ  เปตฺวา  อตฺถญฺา  ตติยา  โกฏีติ  ฯ  ปุคฺคโล  เนวสงฺขโต
นาสงฺขโตติ ฯ อามนฺตา ฯ
อญฺ    สงฺขตํ   อญฺ   อสงฺขตํ   อญฺโ   ปุคฺคโลติ   ฯ   น   เหวํ
วตฺตพฺเพ    ฯเปฯ    ขนฺธา    สงฺขตา   นิพฺพานํ   อสงฺขตํ   ปุคฺคโล
เนวสงฺขโต   นาสงฺขโตติ   ฯ   อามนฺตา   ฯ   อญฺเ   ขนฺธา  อญฺ
นิพฺพานํ อญฺโ ปุคฺคโล ฯ น เหวํ วตฺตพฺเพ ฯเปฯ
     {๑๗๔.๒}   รูปํ   สงฺขตํ  นิพฺพานํ  อสงฺขตํ  ปุคฺคโล  เนวสงฺขโต
นาสงฺขโตติ   ฯ   อามนฺตา   ฯ   อญฺ   รูปํ   อญฺ  นิพฺพานํ  อญฺโ
ปุคฺคโลติ  ฯ  น  เหวํ  วตฺตพฺเพ  ฯเปฯ  เวทนา  ฯเปฯ  สญฺา ฯเปฯ
สงฺขารา  ฯเปฯ  วิญฺาณํ  สงฺขตํ  นิพฺพานํ  อสงฺขตํ  ปุคฺคโล เนวสงฺขโต
นาสงฺขโตติ    ฯ    อามนฺตา   ฯ   อญฺ   วิญฺาณํ   อญฺ   นิพฺพานํ
อญฺโ ปุคฺคโลติ ฯ น เหวํ วตฺตพฺเพ ฯเปฯ
     [๑๗๕]   ปุคฺคลสฺส    อุปฺปาโท    ปญฺายติ   วโย   ปญฺายติ
ิตสฺส   อญฺถตฺตํ   ปญฺายตีติ  ฯ  อามนฺตา  ฯ  ปุคฺคโล  สงฺขโตติ  ฯ
น   เหวํ  วตฺตพฺเพ  ฯเปฯ  วุตฺตํ  ภควตา  ตีณิมานิ  ภิกฺขเว  สงฺขตสฺส
สงฺขตลกฺขณานิ    สงฺขตานํ    ภิกฺขเว   ธมฺมานํ   อุปฺปาโท   ปญฺายติ
วโย    ปญฺายติ    ิตานํ    อญฺถตฺตํ   ปญฺายตีติ   ๑-   ปุคฺคลสฺส
อุปฺปาโท     ปญฺายติ     วโย     ปญฺายติ     ิตสฺส    อญฺถตฺตํ
ปญฺายติ   เตน   หิ   ปุคฺคโล   สงฺขโตติ  ฯ  ปุคฺคลสฺส  น  อุปฺปาโท
ปญฺายติ   น   วโย   ปญฺายติ   น  ิตสฺส  อญฺถตฺตํ  ปญฺายตีติ  ฯ
อามนฺตา   ฯ   ปุคฺคโล   อสงฺขโตติ   ฯ   น  เหวํ  วตฺตพฺเพ  ฯเปฯ
@เชิงอรรถ: ๑ อํ. ติก. ๑๙๓ สํสนฺทนํ ฯ
วุตฺตํ    ภควตา    ตีณิมานิ    ภิกฺขเว    อสงฺขตสฺส   อสงฺขตลกฺขณานิ
อสงฺขตานํ   ภิกฺขเว   ธมฺมานํ   น   อุปฺปาโท   ปญฺายติ   น   วโย
ปญฺายติ    น    ิตานํ    อญฺถตฺตํ    ปญฺายตีติ    ปุคฺคลสฺส    น
อุปฺปาโท    ปญฺายติ   น   วโย   ปญฺายติ   น   ิตสฺส   อญฺถตฺตํ
ปญฺายติ เตน หิ ปุคฺคโล อสงฺขโตติ ฯ
     [๑๗๖]   ปรินิพฺพุโต    ปุคฺคโล   อตฺถตฺถมฺหิ   นตฺถตฺถมฺหีติ   ฯ
อตฺถตฺถมฺหีติ   ฯ  ปรินิพฺพุโต  ปุคฺคโล  สสฺสโตติ  ฯ  น  เหวํ  วตฺตพฺเพ
ฯเปฯ   นตฺถตฺถมฺหีติ   ฯ  ปรินิพฺพุโต  ปุคฺคโล  อุจฺฉินฺโนติ  ฯ  น  เหวํ
วตฺตพฺเพ ฯเปฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๗ หน้าที่ ๗๐-๗๕.
https://84000.org/tipitaka/read/pali_item.php?book=37&item=166&items=11
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=37&item=166&items=11&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=37&item=166&items=11
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=37&item=166&items=11
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=37&i=166
             สารบัญพระไตรปิฎกเล่มที่ ๓๗
https://84000.org/tipitaka/read/?index_37
https://84000.org/tipitaka/english/?index_37