[๑๓๑๒] ยสฺส ยตฺถ ฆานินฺทฺริยํ น อุปฺปชฺชิตฺถ ตสฺส ตตฺถ
ชีวิตินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ ตตฺถ
ฆานินฺทฺริยํ น อุปฺปชฺชิตฺถ โน จ เตสํ ตตฺถ ชีวิตินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ เตสํ ตตฺถ
ฆานินฺทฺริยญฺจ น อุปฺปชฺชิตฺถ ชีวิตินฺทฺริยญฺจ น อุปฺปชฺชิสฺสติ ฯ ยสฺส
วา ปน ยตฺถ ชีวิตินฺทฺริยํ น อุปฺปชฺชิสฺสติ ตสฺส ตตฺถ ฆานินฺทฺริยํ
น อุปฺปชฺชิตฺถาติ: กามาวจเร ปจฺฉิมภวิกานํ เตสํ ตตฺถ ชีวิตินฺทฺริยํ
น อุปฺปชฺชิสฺสติ โน จ เตสํ ตตฺถ ฆานินฺทฺริยํ น อุปฺปชฺชิตฺถ
รูปาวจเร อรูปาวจเร ปจฺฉิมภวิกานํ เตสํ ตตฺถ ชีวิตินฺทฺริยญฺจ
น อุปฺปชฺชิสฺสติ ฆานินฺทฺริยญฺจ น อุปฺปชฺชิตฺถ ฯ
[๑๓๑๓] ยสฺส ยตฺถ ฆานินฺทฺริยํ น อุปฺปชฺชิตฺถ ตสฺส ตตฺถ
โสมนสฺสินฺทฺริยํ น อุปฺปชฺชิสฺสตีติ: รูปาวจรานํ เตสํ ตตฺถ
ฆานินฺทฺริยํ น อุปฺปชฺชิตฺถ โน จ เตสํ ตตฺถ โสมนสฺสินฺทฺริยํ
น อุปฺปชฺชิสฺสติ รูปาวจเร ปจฺฉิมภวิกานํ อสญฺญสตฺตานํ อรูปานํ
เตสํ ตตฺถ ฆานินฺทฺริยญฺจ น อุปฺปชฺชิตฺถ โสมนสฺสินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ โสมนสฺสินฺทฺริยํ น อุปฺปชฺชิสฺสติ
ตสฺส ตตฺถ ฆานินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ
เย จ สฆานกา อุเปกฺขาย อุปปชฺชิตฺวา ปรินิพฺพายิสฺสนฺติ เตสํ
ตตฺถ โสมนสฺสินฺทฺริยํ น อุปฺปชฺชิสฺสติ โน จ เตสํ ตตฺถ ฆานินฺทฺริยํ
น อุปฺปชฺชิตฺถ รูปาวจเร ปจฺฉิมภวิกานํ อสญฺญสตฺตานํ อรูปานํ
เตสํ ตตฺถ โสมนสฺสินฺทฺริยญฺจ น อุปฺปชฺชิสฺสติ ฆานินฺทฺริยญฺจ
น อุปฺปชฺชิตฺถ ฯ
[๑๓๑๔] ยสฺส ยตฺถ ฆานินฺทฺริยํ น อุปฺปชฺชิตฺถ ตสฺส ตตฺถ
อุเปกฺขินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ ฆานินฺทฺริยํ น อุปฺปชฺชิตฺถ โน จ เตสํ ตตฺถ อุเปกฺขินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ อสญฺญสตฺตานํ
เตสํ ตตฺถ ฆานินฺทฺริยญฺจ น อุปฺปชฺชิตฺถ อุเปกฺขินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ อุเปกฺขินฺทฺริยํ น อุปฺปชฺชิสฺสติ
ตสฺส ตตฺถ ฆานินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ
เย จ สฆานกา โสมนสฺเสน อุปปชฺชิตฺวา ปรินิพฺพายิสฺสนฺติ
เตสํ ตตฺถ อุเปกฺขินฺทฺริยํ น อุปฺปชฺชิสฺสติ โน จ เตสํ ตตฺถ
ฆานินฺทฺริยํ น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ
อสญฺญสตฺตานํ เตสํ ตตฺถ อุเปกฺขินฺทฺริยญฺจ น อุปฺปชฺชิสฺสติ
ฆานินฺทฺริยญฺจ น อุปฺปชฺชิตฺถ ฯ
[๑๓๑๕] ยสฺส ยตฺถ ฆานินฺทฺริยํ น อุปฺปชฺชิตฺถ ตสฺส ตตฺถ
สทฺธินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ ฆานินฺทฺริยํ น อุปฺปชฺชิตฺถ โน จ เตสํ ตตฺถ สทฺธินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ อสญฺญสตฺตานํ
เตสํ ตตฺถ ฆานินฺทฺริยญฺจ น อุปฺปชฺชิตฺถ สทฺธินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ สทฺธินฺทฺริยํ น อุปฺปชฺชิสฺสติ
ตสฺส ตตฺถ ฆานินฺทฺริยํ น อุปฺปชฺชิตฺถาติ: กามาวจเร
ปจฺฉิมภวิกานํ เตสํ ตตฺถ สทฺธินฺทฺริยํ น อุปฺปชฺชิสฺสติ โน จ เตสํ
ตตฺถ ฆานินฺทฺริยํ น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ
อสญฺญสตฺตานํ เตสํ ตตฺถ สทฺธินฺทฺริยญฺจ น อุปฺปชฺชิสฺสติ
ฆานินฺทฺริยญฺจ น อุปฺปชฺชิตฺถ ฯ
[๑๓๑๖] ยสฺส ยตฺถ ฆานินฺทฺริยํ น อุปฺปชฺชิตฺถ ตสฺส ตตฺถ
ปญฺญินฺทฺริยํ ฯเปฯ มนินฺทฺริยํ น อุปฺปชฺชิสฺสตีติ: รูปาวจรานํ
อรูปาวจรานํ เตสํ ตตฺถ ฆานินฺทฺริยํ น อุปฺปชฺชิตฺถ โน จ เตสํ
ตตฺถ มนินฺทฺริยํ น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ
อสญฺญสตฺตานํ เตสํ ตตฺถ ฆานินฺทฺริยญฺจ น อุปฺปชฺชิตฺถ
มนินฺทฺริยญฺจ น อุปฺปชฺชิสฺสติ ฯ ยสฺส วา ปน ยตฺถ มนินฺทฺริยํ
น อุปฺปชฺชิสฺสติ ตสฺส ตตฺถ ฆานินฺทฺริยํ น อุปฺปชฺชิตฺถาติ: กามาวจเร
ปจฺฉิมภวิกานํ เตสํ ตตฺถ มนินฺทฺริยํ น อุปฺปชฺชิสฺสติ โน จ เตสํ
ตตฺถ ฆานินฺทฺริยํ น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ
อสญฺญสตฺตานํ เตสํ ตตฺถ มนินฺทฺริยญฺจ น อุปฺปชฺชิสฺสติ
ฆานินฺทฺริยญฺจ น อุปฺปชฺชิตฺถ ฯ
[๑๓๑๗] ยสฺส ยตฺถ อิตฺถินฺทฺริยํ น อุปฺปชฺชิตฺถ ตสฺส ตตฺถ
ปุริสินฺทฺริยํ น อุปฺปชฺชิสฺสตีติ: อามนฺตา ฯ ยสฺส วา ปน ยตฺถ
ปุริสินฺทฺริยํ น อุปฺปชฺชิสฺสติ ตสฺส ตตฺถ อิตฺถินฺทฺริยํ น อุปฺปชฺชิตฺถาติ:
กามาวจเร ปจฺฉิมภวิกานํ ยา จ อิตฺถิโย เอเตเนว ภาเวน กติจิ
ภเว ทสฺเสตฺวา ปรินิพฺพายิสฺสนฺติ เตสํ ตตฺถ ปุริสินฺทฺริยํ
น อุปฺปชฺชิสฺสติ โน จ เตสํ ตตฺถ อิตฺถินฺทฺริยํ น อุปฺปชฺชิตฺถ
รูปาวจรานํ อรูปาวจรานํ เตสํ ตตฺถ ปุริสินฺทฺริยญฺจ
น อุปฺปชฺชิสฺสติ อิตฺถินฺทฺริยญฺจ น อุปฺปชฺชิตฺถ ฯ
[๑๓๑๘] ยสฺส ยตฺถ อิตฺถินฺทฺริยํ น อุปฺปชฺชิตฺถ ตสฺส ตตฺถ
ชีวิตินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ อิตฺถินฺทฺริยํ น อุปฺปชฺชิตฺถ โน จ เตสํ ตตฺถ ชีวิตินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ เตสํ ตตฺถ
อิตฺถินฺทฺริยญฺจ น อุปฺปชฺชิตฺถ ชีวิตินฺทฺริยญฺจ น อุปฺปชฺชิสฺสติ ฯ
ยสฺส วา ปน ยตฺถ ชีวิตินฺทฺริยํ น อุปฺปชฺชิสฺสติ ตสฺส ตตฺถ อิตฺถินฺทฺริยํ
น อุปฺปชฺชิตฺถาติ: กามาวจเร ปจฺฉิมภวิกานํ เตสํ ตตฺถ
ชีวิตินฺทฺริยํ น อุปฺปชฺชิสฺสติ โน จ เตสํ ตตฺถ อิตฺถินฺทฺริยํ
น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ เตสํ ตตฺถ
ชีวิตินฺทฺริยญฺจ น อุปฺปชฺชิสฺสติ อิตฺถินฺทฺริยญฺจ น อุปฺปชฺชิตฺถ ฯ
[๑๓๑๙] ยสฺส ยตฺถ อิตฺถินฺทฺริยํ น อุปฺปชฺชิตฺถ ตสฺส ตตฺถ
โสมนสฺสินฺทฺริยํ น อุปฺปชฺชิสฺสตีติ: รูปาวจรานํ เตสํ ตตฺถ
อิตฺถินฺทฺริยํ น อุปฺปชฺชิตฺถ โน จ เตสํ ตตฺถ โสมนสฺสินฺทฺริยํ
น อุปฺปชฺชิสฺสติ รูปาวจเร ปจฺฉิมภวิกานํ อสญฺญสตฺตานํ อรูปานํ
เตสํ ตตฺถ อิตฺถินฺทฺริยญฺจ น อุปฺปชฺชิตฺถ โสมนสฺสินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ โสมนสฺสินฺทฺริยํ
น อุปฺปชฺชิสฺสติ ตสฺส ตตฺถ อิตฺถินฺทฺริยํ น อุปฺปชฺชิตฺถาติ:
กามาวจเร ปจฺฉิมภวิกานํ เย จ อุเปกฺขาย อุปปชฺชิตฺวา
ปรินิพฺพายิสฺสนฺติ เตสํ ตตฺถ โสมนสฺสินฺทฺริยํ น อุปฺปชฺชิสฺสติ โน จ
เตสํ ตตฺถ อิตฺถินฺทฺริยํ น อุปฺปชฺชิตฺถ รูปาวจเร ปจฺฉิมภวิกานํ
อสญฺญสตฺตานํ อรูปานํ เตสํ ตตฺถ โสมนสฺสินฺทฺริยญฺจ น อุปฺปชฺชิสฺสติ
อิตฺถินฺทฺริยญฺจ น อุปฺปชฺชิตฺถ ฯ
[๑๓๒๐] ยสฺส ยตฺถ อิตฺถินฺทฺริยํ น อุปฺปชฺชิตฺถ ตสฺส ตตฺถ
อุเปกฺขินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ อิตฺถินฺทฺริยํ น อุปฺปชฺชิตฺถ โน จ เตสํ ตตฺถ อุเปกฺขินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ อสญฺญสตฺตานํ
เตสํ ตตฺถ อิตฺถินฺทฺริยญฺจ น อุปฺปชฺชิตฺถ อุเปกฺขินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ อุเปกฺขินฺทฺริยํ น อุปฺปชฺชิสฺสติ
ตสฺส ตตฺถ อิตฺถินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ
เย จ โสมนสฺเสน อุปปชฺชิตฺวา ปรินิพฺพายิสฺสนฺติ เตสํ ตตฺถ
อุเปกฺขินฺทฺริยํ น อุปฺปชฺชิสฺสติ โน จ เตสํ ตตฺถ อิตฺถินฺทฺริยํ
น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ อสญฺญสตฺตานํ
เตสํ ตตฺถ อุเปกฺขินฺทฺริยญฺจ น อุปฺปชฺชิสฺสติ อิตฺถินฺทฺริยญฺจ
น อุปฺปชฺชิตฺถ ฯ
[๑๓๒๑] ยสฺส ยตฺถ อิตฺถินฺทฺริยํ น อุปฺปชฺชิตฺถ ตสฺส ตตฺถ
สทฺธินฺทฺริยํ ฯเปฯ ปญฺญินฺทฺริยํ มนินฺทฺริยํ น อุปฺปชฺชิสฺสตีติ:
รูปาวจรานํ อรูปาวจรานํ เตสํ ตตฺถ อิตฺถินฺทฺริยํ น อุปฺปชฺชิตฺถ โน
จ เตสํ ตตฺถ มนินฺทฺริยํ น อุปฺปชฺชิสฺสติ รูปาวจเร อรูปาวจเร
ปจฺฉิมภวิกานํ อสญฺญสตฺตานํ เตสํ ตตฺถ อิตฺถินฺทฺริยญฺจ
น อุปฺปชฺชิตฺถ มนินฺทฺริยญฺจ น อุปฺปชฺชิสฺสติ ฯ ยสฺส วา ปน
ยตฺถ มนินฺทฺริยํ น อุปฺปชฺชิสฺสติ ตสฺส ตตฺถ อิตฺถินฺทฺริยํ
น อุปฺปชฺชิตฺถาติ: กามาวจเร ปจฺฉิมภวิกานํ เตสํ ตตฺถ มนินฺทฺริยํ
น อุปฺปชฺชิสฺสติ โน จ เตสํ ตตฺถ อิตฺถินฺทฺริยํ น อุปฺปชฺชิตฺถ
รูปาวจเร อรูปาวจเร ปจฺฉิมภวิกานํ อสญฺญสตฺตานํ เตสํ ตตฺถ
มนินฺทฺริยญฺจ น อุปฺปชฺชิสฺสติ อิตฺถินฺทฺริยญฺจ น อุปฺปชฺชิตฺถ ฯ
[๑๓๒๒] ยสฺส ยตฺถ ปุริสินฺทฺริยํ น อุปฺปชฺชิตฺถ ตสฺส ตตฺถ
ชีวิตินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ ปุริสินฺทฺริยํ น อุปฺปชฺชิตฺถ โน จ เตสํ ตตฺถ ชีวิตินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ เตสํ ตตฺถ
ปุริสินฺทฺริยญฺจ น อุปฺปชฺชิตฺถ ชีวิตินฺทฺริยญฺจ น อุปฺปชฺชิสฺสติ ฯ
ยสฺส วา ปน ยตฺถ ชีวิตินฺทฺริยํ น อุปฺปชฺชิสฺสติ ตสฺส ตตฺถ
ปุริสินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ เตสํ
ตตฺถ ชีวิตินฺทฺริยํ น อุปฺปชฺชิสฺสติ โน จ เตสํ ตตฺถ ปุริสินฺทฺริยํ
น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ เตสํ ตตฺถ
ชีวิตินฺทฺริยญฺจ น อุปฺปชฺชิสฺสติ ปุริสินฺทฺริยญฺจ น อุปฺปชฺชิตฺถ ฯ
[๑๓๒๓] ยสฺส ยตฺถ ปุริสินฺทฺริยํ น อุปฺปชฺชิตฺถ ตสฺส ตตฺถ
โสมนสฺสินฺทฺริยํ น อุปฺปชฺชิสฺสตีติ: รูปาวจรานํ เตสํ ตตฺถ
ปุริสินฺทฺริยํ น อุปฺปชฺชิตฺถ โน จ เตสํ ตตฺถ โสมนสฺสินฺทฺริยํ
น อุปฺปชฺชิสฺสติ รูปาวจเร ปจฺฉิมภวิกานํ อสญฺญสตฺตานํ อรูปานํ
เตสํ ตตฺถ ปุริสินฺทฺริยญฺจ น อุปฺปชฺชิตฺถ โสมนสฺสินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ โสมนสฺสินฺทฺริยํ น อุปฺปชฺชิสฺสติ
ตสฺส ตตฺถ ปุริสินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ
เย จ ปุริสา อุเปกฺขาย อุปปชฺชิตฺวา ปรินิพฺพายิสฺสนฺติ เตสํ ตตฺถ
โสมนสฺสินฺทฺริยํ น อุปฺปชฺชิสฺสติ โน จ เตสํ ตตฺถ ปุริสินฺทฺริยํ
น อุปฺปชฺชิตฺถ รูปาวจเร ปจฺฉิมภวิกานํ อสญฺญสตฺตานํ อรูปานํ
เตสํ ตตฺถ โสมนสฺสินฺทฺริยญฺจ น อุปฺปชฺชิสฺสติ ปุริสินฺทฺริยญฺจ
น อุปฺปชฺชิตฺถ ฯ
[๑๓๒๔] ยสฺส ยตฺถ ปุริสินฺทฺริยํ น อุปฺปชฺชิตฺถ ตสฺส ตตฺถ
อุเปกฺขินฺทฺริยํ น อุปฺปชฺชิสฺสตีติ: รูปาวจรานํ อรูปาวจรานํ เตสํ
ตตฺถ ปุริสินฺทฺริยํ น อุปฺปชฺชิตฺถ โน จ เตสํ ตตฺถ อุเปกฺขินฺทฺริยํ
น อุปฺปชฺชิสฺสติ รูปาวจเร อรูปาวจเร ปจฺฉิมภวิกานํ อสญฺญสตฺตานํ
เตสํ ตตฺถ ปุริสินฺทฺริยญฺจ น อุปฺปชฺชิตฺถ อุเปกฺขินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ อุเปกฺขินฺทฺริยํ น อุปฺปชฺชิสฺสติ
ตสฺส ตตฺถ ปุริสินฺทฺริยํ น อุปฺปชฺชิตฺถาติ: กามาวจเร ปจฺฉิมภวิกานํ
เย จ ปุริสา โสมนสฺเสน อุปปชฺชิตฺวา ปรินิพฺพายิสฺสนฺติ เตสํ ตตฺถ
อุเปกฺขินฺทฺริยํ น อุปฺปชฺชิสฺสติ โน จ เตสํ ตตฺถ ปุริสินฺทฺริยํ
น อุปฺปชฺชิตฺถ รูปาวจเร อรูปาวจเร ปจฺฉิมภวิกานํ อสญฺญสตฺตานํ เตสํ
ตตฺถ อุเปกฺขินฺทฺริยญฺจ น อุปฺปชฺชิสฺสติ ปุริสินฺทฺริยญฺจ นอปฺปชฺชิตฺถ ฯ
[๑๓๒๕] ยสฺส ยตฺถ ปุริสินฺทฺริยํ น อุปฺปชฺชิตฺถ ตสฺส ตตฺถ
สทฺธินฺทฺริยํ ฯเปฯ ปญฺญินฺทฺริยํ มนินฺทฺริยํ น อุปฺปชฺชิสฺสตีติ: รูปาวจรานํ
อรูปาวจรานํ เตสํ ตตฺถ ปุริสินฺทฺริยํ น อุปฺปชฺชิตฺถ โน จ
เตสํ ตตฺถ มนินฺทฺริยํ น อุปฺปชฺชิสฺสติ รูปาวจเร อรูปาวจเร
ปจฺฉิมภวิกานํ อสญฺญสตฺตานํ เตสํ ตตฺถ ปุริสินฺทฺริยญฺจ
น อุปฺปชฺชิตฺถ มนินฺทฺริยญฺจ น อุปฺปชฺชิสฺสติ ฯ ยสฺส วา ปน ยตฺถ
มนินฺทฺริยํ น อุปฺปชฺชิสฺสติ ตสฺส ตตฺถ ปุริสินฺทฺริยํ น อุปฺปชฺชิตฺถาติ:
กามาวจเร ปจฺฉิมภวิกานํ เตสํ ตตฺถ มนินฺทฺริยํ น อุปฺปชฺชิสฺสติ
โน จ เตสํ ตตฺถ ปุริสินฺทฺริยํ น อุปฺปชฺชิตฺถ รูปาวจเร อรูปาวจเร
ปจฺฉิมภวิกานํ อสญฺญสตฺตานํ เตสํ ตตฺถ มนินฺทฺริยญฺจ
น อุปฺปชฺชิสฺสติ ปุริสินฺทฺริยญฺจ น อุปฺปชฺชิตฺถ ฯ
[๑๓๒๖] ยสฺส ยตฺถ ชีวิตินฺทฺริยํ น อุปฺปชฺชิตฺถ ตสฺส ตตฺถ
โสมนสฺสินฺทฺริยํ น อุปฺปชฺชิสฺสตีติ: อุปฺปชฺชิสฺสติ ฯ ยสฺส วา ปน
ยตฺถ โสมนสฺสินฺทฺริยํ น อุปฺปชฺชิสฺสติ ตสฺส ตตฺถ ชีวิตินฺทฺริยํ
น อุปฺปชฺชิตฺถาติ: อุปฺปชฺชิตฺถ ฯ
[๑๓๒๗] ยสฺส ยตฺถ ชีวิตินฺทฺริยํ น อุปฺปชฺชิตฺถ ตสฺส ตตฺถ
อุเปกฺขินฺทฺริยํ ฯเปฯ สทฺธินฺทฺริยํ ปญฺญินฺทฺริยํ มนินฺทฺริยํ
น อุปฺปชฺชิสฺสตีติ: อุปฺปชฺชิสฺสติ ฯ ยสฺส วา ปน ยตฺถ มนินฺทฺริยํ
น อุปฺปชฺชิสฺสติ ตสฺส ตตฺถ ชีวิตินฺทฺริยํ น อุปฺปชฺชิตฺถาติ อุปฺปชฺชิตฺถ ฯ
[๑๓๒๘] ยสฺส ยตฺถ โสมนสฺสินฺทฺริยํ น อุปฺปชฺชิตฺถ ตสฺส ตตฺถ
อุเปกฺขินฺทฺริยํ น อุปฺปชฺชิสฺสตีติ: สุทฺธาวาสานํ ทุติเย จิตฺเต
วตฺตมาเน เตสํ ตตฺถ โสมนสฺสินฺทฺริยํ น อุปฺปชฺชิตฺถ โน จ เตสํ
ตตฺถ อุเปกฺขินฺทฺริยํ น อุปฺปชฺชิสฺสติ อสญฺญสตฺตานํ เตสํ ตตฺถ
โสมนสฺสินฺทฺริยญฺจ น อุปฺปชฺชิตฺถ อุเปกฺขินฺทฺริยญฺจ น อุปฺปชฺชิสฺสติ ฯ
ยสฺส วา ปน ยตฺถ อุเปกฺขินฺทฺริยํ น อุปฺปชฺชิสฺสติ ตสฺส ตตฺถ
โสมนสฺสินฺทฺริยํ น อุปฺปชฺชิตฺถาติ: ปจฺฉิมจิตฺตสมงฺคีนํ ยสฺส จิตฺตสฺส
อนนฺตรา โสมนสฺสสมฺปยุตฺตปจฺฉิมจิตฺตํ อุปฺปชฺชิสฺสติ เตสํ ตตฺถ
อุเปกฺขินฺทฺริยํ น อุปฺปชฺชิสฺสติ โน จ เตสํ ตตฺถ โสมนสฺสินฺทฺริยํ
น อุปฺปชฺชิตฺถ อสญฺญสตฺตานํ เตสํ ตตฺถ อุเปกฺขินฺทฺริยญฺจ
น อุปฺปชฺชิสฺสติ โสมนสฺสินฺทฺริยญฺจ น อุปฺปชฺชิตฺถ ฯ
[๑๓๒๙] ยสฺส ยตฺถ โสมนสฺสินฺทฺริยํ น อุปฺปชฺชิตฺถ ตสฺส
ตตฺถ สทฺธินฺทฺริยํ ฯเปฯ ปญฺญินฺทฺริยํ มนินฺทฺริยํ น อุปฺปชฺชิสฺสตีติ:
สุทฺธาวาสานํ ทุติเย จิตฺเต วตฺตมาเน เตสํ ตตฺถ โสมนสฺสินฺทฺริยํ
น อุปฺปชฺชิตฺถ โน จ เตสํ ตตฺถ มนินฺทฺริยํ น อุปฺปชฺชิสฺสติ อสญฺญสตฺตานํ
เตสํ ตตฺถ โสมนสฺสินฺทฺริยญฺจ น อุปฺปชฺชิตฺถ มนินฺทฺริยญฺจ
น อุปฺปชฺชิสฺสติ ฯ ยสฺส วา ปน ยตฺถ มนินฺทฺริยํ น อุปฺปชฺชิสฺสติ
ตสฺส ตตฺถ โสมนสฺสินฺทฺริยํ น อุปฺปชฺชิตฺถาติ: ปจฺฉิมจิตฺตสมงฺคีนํ
เตสํ ตตฺถ มนินฺทฺริยํ น อุปฺปชฺชิสฺสติ โน จ เตสํ ตตฺถ โสมนสฺสินฺทฺริยํ
น อุปฺปชฺชิตฺถ อสญฺญสตฺตานํ เตสํ ตตฺถ มนินฺทฺริยญฺจ
น อุปฺปชฺชิสฺสติ โสมนสฺสินฺทฺริยญฺจ น อุปฺปชฺชิตฺถ ฯ
[๑๓๓๐] ยสฺส ยตฺถ อุเปกฺขินฺทฺริยํ น อุปฺปชฺชิตฺถ ตสฺส ตตฺถ
สทฺธินฺทฺริยํ น อุปฺปชฺชิสฺสตีติ: สุทฺธาวาสํ อุปฺปชฺชนฺตานํ เตสํ
ตตฺถ อุเปกฺขินฺทฺริยํ น อุปฺปชฺชิตฺถ โน จ เตสํ ตตฺถ สทฺธินฺทฺริยํ
น อุปฺปชฺชิสฺสติ อสญฺญสตฺตานํ เตสํ ตตฺถ อุเปกฺขินฺทฺริยญฺจ
น อุปฺปชฺชิตฺถ สทฺธินฺทฺริยญฺจ น อุปฺปชฺชิสฺสติ ฯ ยสฺส วา ปน
ยตฺถ สทฺธินฺทฺริยํ น อุปฺปชฺชิสฺสติ ตสฺส ตตฺถ อุเปกฺขินฺทฺริยํ
น อุปฺปชฺชิตฺถาติ: ปจฺฉิมจิตฺตสมงฺคีนํ เตสํ ตตฺถ สทฺธินฺทฺริยํ
น อุปฺปชฺชิสฺสติ โน จ เตสํ ตตฺถ อุเปกฺขินฺทฺริยํ น อุปฺปชฺชิตฺถ
อสญฺญสตฺตานํ เตสํ ตตฺถ สทฺธินฺทฺริยญฺจ น อุปฺปชฺชิสฺสติ
อุเปกฺขินฺทฺริยญฺจ น อุปฺปชฺชิตฺถ ฯ
[๑๓๓๑] ยสฺส ยตฺถ อุเปกฺขินฺทฺริยํ น อุปฺปชฺชิตฺถ ตสฺส ตตฺถ
ปญฺญินฺทฺริยํ ฯเปฯ มนินฺทฺริยํ น อุปฺปชฺชิสฺสตีติ: สุทฺธาวาสํ
อุปปชฺชนฺตานํ เตสํ ตตฺถ อุเปกฺขินฺทฺริยํ น อุปฺปชฺชิตฺถ โน จ เตสํ
ตตฺถ มนินฺทฺริยํ น อุปฺปชฺชิสฺสติ อสญฺญสตฺตานํ เตสํ ตตฺถ
อุเปกฺขินฺทฺริยญฺจ น อุปฺปชฺชิตฺถ มนินฺทฺริยญฺจ น อุปฺปชฺชิสฺสติ ฯ
ยสฺส วา ปน ยตฺถ มนินฺทฺริยํ น อุปฺปชฺชิสฺสติ ตสฺส ตตฺถ อุเปกฺขินฺทฺริยํ
น อุปฺปชฺชิตฺถาติ: ปจฺฉิมจิตฺตสมงฺคีนํ เตสํ ตตฺถ มนินฺทฺริยํ
น อุปฺปชฺชิสฺสติ โน จ เตสํ ตตฺถ อุเปกฺขินฺทฺริยํ น อุปฺปชฺชิตฺถ
อสญฺญสตฺตานํ เตสํ ตตฺถ มนินฺทฺริยญฺจ น อุปฺปชฺชิสฺสติ
อุเปกฺขินฺทฺริยญฺจ น อุปฺปชฺชิตฺถ ฯ
[๑๓๓๒] ยสฺส ยตฺถ สทฺธินฺทฺริยํ น อุปฺปชฺชิตฺถ ตสฺส ตตฺถ
ปญฺญินฺทฺริยํ ฯเปฯ มนินฺทฺริยํ น อุปฺปชฺชิสฺสตีติ: สุทฺธาวาสํ
อุปปชฺชนฺตานํ เตสํ ตตฺถ สทฺธินฺทฺริยํ น อุปฺปชฺชิตฺถ โน จ เตสํ
ตตฺถ มนินฺทฺริยํ น อุปฺปชฺชิสฺสติ อสญฺญสตฺตานํ เตสํ ตตฺถ
สทฺธินฺทฺริยญฺจ น อุปฺปชฺชิตฺถ มนินฺทฺริยญฺจ น อุปฺปชฺชิสฺสติ ฯ ยสฺส
วา ปน ยตฺถ มนินฺทฺริยํ น อุปฺปชฺชิสฺสติ ตสฺส ตตฺถ สทฺธินฺทฺริยํ
น อุปฺปชฺชิตฺถาติ: ปจฺฉิมจิตฺตสมงฺคีนํ เตสํ ตตฺถ มนินฺทฺริยํ
น อุปฺปชฺชิสฺสติ โน จ เตสํ ตตฺถ สทฺธินฺทฺริยํ น อุปฺปชฺชิตฺถ
อสญฺญสตฺตานํ เตสํ ตตฺถ มนินฺทฺริยญฺจ น อุปฺปชฺชิสฺสติ
สทฺธินฺทฺริยญฺจ น อุปฺปชฺชิตฺถ ฯ
[๑๓๓๓] ยสฺส ยตฺถ ปญฺญินฺทฺริยํ น อุปฺปชฺชิตฺถ ตสฺส ตตฺถ
มนินฺทฺริยํ น อุปฺปชฺชิสฺสตีติ: สุทฺธาวาสํ อุปปชฺชนฺตานํ เตสํ ตตฺถ
ปญฺญินฺทฺริยํ น อุปฺปชฺชิตฺถ โน จ เตสํ ตตฺถ มนินฺทฺริยํ
น อุปฺปชฺชิสฺสติ อสญฺญสตฺตานํ เตสํ ตตฺถ ปญฺญินฺทฺริยญฺจ
น อุปฺปชฺชิตฺถ มนินฺทฺริยญฺจ น อุปฺปชฺชิสฺสติ ฯ ยสฺส วา ปน ยตฺถ
มนินฺทฺริยํ น อุปฺปชฺชิสฺสติ ตสฺส ตตฺถ ปญฺญินฺทฺริยํ น อุปฺปชฺชิตฺถาติ:
ปจฺฉิมจิตฺตสมงฺคีนํ เตสํ ตตฺถ มนินฺทฺริยํ น อุปฺปชฺชิสฺสติ โน จ
เตสํ ตตฺถ ปญฺญินฺทฺริยํ น อุปฺปชฺชิตฺถ อสญฺญสตฺตานํ เตสํ ตตฺถ
มนินฺทฺริยญฺจ น อุปฺปชฺชิสฺสติ ปญฺญินฺทฺริยญฺจ น อุปฺปชฺชิตฺถ ฯเปฯ
ปวตฺติวารํ นิฏฺฐิตํ ฯ
--------------
ปริญฺญาวาโร
[๑๓๓๔] โย จกฺขุนฺทฺริยํ ปริชานาติ โส โสตินฺทฺริยํ ปริชานาตีติ:
อามนฺตา ฯ โย วา ปน โสตินฺทฺริยํ ปริชานาติ โส จกฺขุนฺทฺริยํ
ปริชานาตีติ: อามนฺตา ฯ
[๑๓๓๕] โย จกฺขุนฺทฺริยํ ปริชานาติ โส โทมนสฺสินฺทฺริยํ
ปชหตีติ: โน ฯ โย วา ปน โทมนสฺสินฺทฺริยํ ปชหติ โส จกฺขุนฺทฺริยํ
ปริชานาตีติ: โน ฯ
[๑๓๓๖] โย จกฺขุนฺทฺริยํ ปริชานาติ โส อนญฺญาตญฺญสฺสามีตินฺทฺริยํ
ภาเวตีติ: โน ฯ โย วา ปน อนญฺญาตญฺญสฺสามีตินฺทฺริยํ ภาเวติ
โส จกฺขุนฺทฺริยํ ปริชานาตีติ: โน ฯ
[๑๓๓๗] โย จกฺขุนฺทฺริยํ ปริชานาติ โส อญฺญินฺทฺริยํ ภาเวตีติ:
อามนฺตา ฯ โย วา ปน อญฺญินฺทฺริยํ ภาเวติ โส จกฺขุนฺทฺริยํ
ปริชานาตีติ: อามนฺตา ฯ
[๑๓๓๘] โย จกฺขุนฺทฺริยํ ปริชานาติ โส อญฺญาตาวินฺทฺริยํ
สจฺฉิกโรตีติ: โน ฯ โย วา ปน อญฺญาตาวินฺทฺริยํ สจฺฉิกโรติ
โส จกฺขุนฺทฺริยํ ปริชานาตีติ: โน ฯ
[๑๓๓๙] โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ
ภาเวตีติ: โน ฯ โย วา ปน อนญฺญาตญฺญสฺสามีตินฺทฺริยํ
ภาเวติ โส โทมนสฺสินฺทฺริยํ ปชหตีติ: โน ฯ
[๑๓๔๐] โย โทมนสฺสินฺทฺริยํ ปชหติ โส อญฺญินฺทฺริยํ ภาเวตีติ:
อามนฺตา ฯ โย วา ปน อญฺญินฺทฺริยํ ภาเวติ โส โทมนสฺสินฺทฺริยํ
ปชหตีติ: เทฺว ปุคฺคลา อญฺญินฺทฺริยํ ภาเวนฺติ โน จ
โทมนสฺสินฺทฺริยํ ปชหนฺติ อนาคามิมคฺคสมงฺคี อญฺญินฺทฺริยญฺจ
ภาเวติ โทมนสฺสินฺทฺริยญฺจ ปชหติ ฯ
[๑๓๔๑] โย โทมนสฺสินฺทฺริยํ ปชหติ โส อญฺญาตาวินฺทฺริยํ
สจฺฉิกโรตีติ: โน ฯ โย วา ปน อญฺญาตาวินฺทฺริยํ สจฺฉิกโรติ โส
โทมนสฺสินฺทฺริยํ ปชหตีติ: โน ฯ
[๑๓๔๒] โย อนญฺญาตญฺญสฺสามีตินฺทฺริยํ ภาเวติ โส
อญฺญินฺทฺริยํ ภาเวตีติ: โน ฯ โย วา ปน อญฺญินฺทฺริยํ ภาเวติ
โส อนญฺญาตญฺญสฺสามีตินฺทฺริยํ ภาเวตีติ: โน ฯ
[๑๓๔๓] โย อนญฺญาตญฺญสฺสามีตินฺทฺริยํ ภาเวติ โส
อญฺญาตาวินฺทฺริยํ สจฺฉิกโรตีติ: โน ฯ โย วา ปน อญฺญาตาวินฺทฺริยํ
สจฺฉิกโรติ โส อนญฺญาตญฺญสฺสามีตินฺทฺริยํ ภาเวตีติ: โน ฯ
[๑๓๔๔] โย อญฺญินฺทฺริยํ ภาเวติ โส อญฺญาตาวินฺทฺริยํ
สจฺฉิกโรตีติ: โน ฯ โย วา ปน อญฺญาตาวินฺทฺริยํ สจฺฉิกโรติ
โส อญฺญินฺทฺริยํ ภาเวตีติ: โน ฯ
[๑๓๔๕] โย จกฺขุนฺทฺริยํ น ปริชานาติ โส โทมนสฺสินฺทฺริยํ
นปฺปชหตีติ: อนาคามิมคฺคสมงฺคี จกฺขุนฺทฺริยํ น ปริชานาติ โน จ
โทมนสฺสินฺทฺริยํ นปฺปชหติ เทฺว มคฺคสมงฺคิโน ฐเปตฺวา อวเสสา
ปุคฺคลา จกฺขุนฺทฺริยญฺจ น ปริชานนฺติ โทมนสฺสินฺทฺริยญฺจ นปฺปชหนฺติ ฯ
โย วา ปน โทมนสฺสินฺทฺริยํ นปฺปชหติ โส จกฺขุนฺทฺริยํ น ปริชานาตีติ:
อคฺคมคฺคสมงฺคี โทมนสฺสินฺทฺริยํ นปฺปชหติ โน จ จกฺขุนฺทฺริยํ
น ปริชานาติ เทฺว มคฺคสมงฺคิโน ฐเปตฺวา อวเสสา ปุคฺคลา
โทมนสินฺทฺริยญฺจ นปฺปชหนฺติ จกฺขุนฺทฺริยญฺจ น ปริชานนฺติ ฯ
[๑๓๔๖] โย จกฺขุนฺทฺริยํ น ปริชานาติ โส อนญฺญาตญฺญสฺสามีตินฺทฺริยํ
น ภาเวตีติ: อฏฺฐมโก จกฺขุนฺทฺริยํ น ปริชานาติ โน จ
อนญฺญาตญฺญสฺสามีตินฺทฺริยํ น ภาเวติ เทฺว มคฺคสมงฺคิโน
ฐเปตฺวา อวเสสา ปุคฺคลา จกฺขุนฺทฺริยญฺจ น ปริชานนฺติ
อนญฺญาตญฺญสฺสามีตินฺทฺริยญฺจ ทฺริยญฺจ น ภาเวนฺติ ฯ โย
วา ปน อนญฺญาตญฺญสฺสามีตินฺทฺริยํ น ภาเวติ โส จกฺขุนฺทฺริยํ
น ปริชานาตีติ: อคฺคมคฺคสมงฺคี อนญฺญาตญฺญสฺสามีตินฺทฺริยํ
น ภาเวติ โน จ จกฺขุนฺทฺริยํ น ปริชานาติ เทฺว มคฺคสมงฺคิโน
ฐเปตฺวา อวเสสา ปุคฺคลา อนญฺญาตญฺญสฺสามีตินฺทฺริยญฺจ
น ภาเวนฺติ จกฺขุนฺทฺริยญฺจ น ปริชานนฺติ ฯ
[๑๓๔๗] โย จกฺขุนฺทฺริยํ น ปริชานาติ โส อญฺญินฺทฺริยํ
น ภาเวตีติ: อามนฺตา ฯ โย วา ปน อญฺญินฺทฺริยํ น ภาเวติ
โส จกฺขุนฺทฺริยํ น ปริชานาตีติ: อามนฺตา ฯ
[๑๓๔๘] โย จกฺขุนฺทฺริยํ น ปริชานาติ โส อญฺญาตาวินฺทฺริยํ
น สจฺฉิกโรตีติ: โย อคฺคผลํ สจฺฉิกโรติ โส จกฺขุนฺทฺริยํ น ปริชานาติ
โน จ อญฺญาตาวินฺทฺริยํ น สจฺฉิกโรติ อคฺคมคฺคสมงฺคิญฺจ
อรหนฺตญฺจ ฐเปตฺวา อวเสสา ปุคฺคลา จกฺขุนฺทฺริยญฺจ น ปริชานนฺติ
อญฺญาตาวินฺทฺริยญฺจ น สจฺฉิกโรนฺติ ฯ โย วา ปน อญฺญาตาวินฺทฺริยํ
น สจฺฉิกโรติ โส จกฺขุนฺทฺริยํ น ปริชานาตีติ: อคฺคมคฺคสมงฺคี
อญฺญาตาวินฺทฺริยํ น สจฺฉิกโรติ โน จ จกฺขุนฺทฺริยํ น ปริชานาติ
อคฺคมคฺคสมงฺคิญฺจ อรหนฺตญฺจ ฐเปตฺวา อวเสสา ปุคฺคลา
อญฺญาตาวินฺทฺริยญฺจ น สจฺฉิกโรนฺติ จกฺขุนฺทฺริยญฺจ น ปริชานนฺติ ฯ
[๑๓๔๙] โย โทมนสฺสินฺทฺริยํ นปฺปชหติ โส อนญฺญาตญฺญสฺสามีตินฺทฺริยํ
น ภาเวตีติ: อฏฺฐมโก โทมนสฺสินฺทฺริยํ นปฺปชหติ โน จ
อนญฺญาตญฺญสฺสามีตินฺทฺริยํ น ภาเวติ เทฺว มคฺคสมงฺคิโน
ฐเปตฺวา อวเสสา ปุคฺคลา โทมนสฺสินฺทฺริยญฺจ นปฺปชหนฺติ
อนญฺญาตญฺญสฺสามีตินฺทฺริยญฺจ น ภาเวนฺติ ฯ โย วา ปน
อนญฺญาตญฺญสฺสามีตินฺทฺริยํ น ภาเวติ โส โทมนสฺสินฺทฺริยํ
นปฺปชหตีติ: อนาคามิมคฺคสมงฺคี อนญฺญาตญฺญสฺสามีตินฺทฺริยํ
น ภาเวติ โน จ โทมนสฺสินฺทฺริยํ นปฺปชหติ เทฺว มคฺคสมงฺคิโน
ฐเปตฺวา อวเสสา ปุคฺคลา อนญฺญาตญฺญสฺสามีตินฺทฺริยญฺจ
น ภาเวนฺติ โทมนสฺสินฺทฺริยญฺจ นปฺปชหนฺติ ฯ
[๑๓๕๐] โย โทมนสฺสินฺทฺริยํ นปฺปชหติ โส อญฺญินฺทฺริยํ
น ภาเวตีติ: เทฺว ปุคฺคลา โทมนสฺสินฺทฺริยํ นปฺปชหนฺติ โน จ
อญฺญินฺทฺริยํ น ภาเวนฺติ ตโย มคฺคสมงฺคิโน ฐเปตฺวา อวเสสา
ปุคฺคลา โทมนสฺสินฺทฺริยญฺจ นปฺปชหนฺติ อญฺญินฺทฺริยญฺจ
น ภาเวนฺติ ฯ โย วา ปน อญฺญินฺทฺริยํ น ภาเวติ โส
โทมนสฺสินฺทฺริยํ นปฺปชหตีติ: อามนฺตา ฯ
[๑๓๕๑] โย โทมนสฺสินฺทฺริยํ นปฺปชหติ โส อญฺญาตาวินฺทฺริยํ
น สจฺฉิกโรตีติ: โย อคฺคผลํ สจฺฉิกโรติ โส โทมนสฺสินฺทฺริยํ
นปฺปชหติ โน จ อญฺญาตาวินฺทฺริยํ น สจฺฉิกโรติ อนาคามิมคฺคสมงฺคิญฺจ
อรหนฺตญฺจ ฐเปตฺวา อวเสสา ปุคฺคลา โทมนสฺสินฺทฺริยญฺจ
นปฺปชหนฺติ อญฺญาตาวินฺทฺริยญฺจ น สจฺฉิกโรนฺติ ฯ โย วา ปน
อญฺญาตาวินฺทฺริยํ น สจฺฉิกโรติ โส โทมนสฺสินฺทฺริยํ นปฺปชหตีติ:
อนาคามิมคฺคสมงฺคี อญฺญาตาวินฺทฺริยํ น สจฺฉิกโรติ โน จ
โทมนสฺสินฺทฺริยํ นปฺปชหติ อนาคามิมคฺคสมงฺคิญฺจ อรหนฺตญฺจ
ฐเปตฺวา อวเสสา ปุคฺคลา อญฺญาตาวินฺทฺริยญฺจ น สจฺฉิกโรนฺติ
โทมนสฺสินฺทฺริยญฺจ นปฺปชหนฺติ ฯ
[๑๓๕๒] โย อนญฺญาตญฺญสฺสามีตินฺทฺริยํ น ภาเวติ
โส อญฺญินฺทฺริยํ น ภาเวตีติ: ตโย มคฺคสมงฺคิโน
อนญฺญาตญฺญสฺสามีตินฺทฺริยํ น ภาเวนฺติ โน จ อญฺญินฺทฺริยํ
น ภาเวนฺติ จตฺตาโร มคฺคสมงฺคิโน ฐเปตฺวา อวเสสา ปุคฺคลา
อนญฺญาตญฺญสฺสามีตินฺทฺริยญฺจ น ภาเวนฺติ อญฺญินฺทฺริยญฺจ
น ภาเวนฺติ ฯ โย วา ปน อญฺญินฺทฺริยํ น ภาเวติ โส
อนญฺญาตญฺญสฺสามีตินฺทฺริยํ น ภาเวตีติ: อฏฺฐมโก อญฺญินฺทฺริยํ
น ภาเวติ โน จ อนญฺญาตญฺญสฺสามีตินฺทฺริยํ น ภาเวติ
จตฺตาโร มคฺคสมงฺคิโน ฐเปตฺวา อวเสสา ปุคฺคลา อญฺญินฺทฺริยญฺจ
น ภาเวนฺติ อนญฺญาตญฺญสฺสามีตินฺทฺริยญฺจ น ภาเวนฺติ ฯ
[๑๓๕๓] โย อนญฺญาตญฺญสฺสามีตินฺทฺริยํ น ภาเวติ โส
อญฺญาตาวินฺทฺริยํ น สจฺฉิกโรตีติ: โย อคฺคผลํ สจฺฉิกโรติ โส
อนญฺญาตญฺญสฺสามีตินฺทฺริยํ น ภาเวติ โน จ อญฺญาตาวินฺทฺริยํ
น สจฺฉิกโรติ อฏฺฐมกญฺจ อรหนฺตญฺจ ฐเปตฺวา อวเสสา
ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ
อญฺญาตาวินฺทฺริยญฺจ น สจฺฉิกโรนฺติ ฯ โย วา ปน
อญฺญาตาวินฺทฺริยํ น สจฺฉิกโรติ โส อนญฺญาตญฺญสฺสามีตินฺทฺริยํ
น ภาเวตีติ: อฏฺฐมโก อญฺญาตาวินฺทฺริยํ น สจฺฉิกโรติ
โน จ อนญฺญาตญฺญสฺสามีตินฺทฺริยํ น ภาเวติ อฏฺฐมกญฺจ
อรหนฺตญฺจ ฐเปตฺวา อวเสสา ปุคฺคลา อญฺญาตาวินฺทฺริยญฺจ
น สจฺฉิกโรนฺติ อนญฺญาตญฺญสฺสามีตินฺทฺริยญฺจ น ภาเวนฺติ ฯ
[๑๓๕๔] โย อญฺญินฺทฺริยํ น ภาเวติ โส อญฺญาตาวินฺทฺริยํ
น สจฺฉิกโรตีติ: โย อคฺคผลํ สจฺฉิกโรติ โส อญฺญินฺทฺริยํ น ภาเวติ
โน จ อญฺญาตาวินฺทฺริยํ น สจฺฉิกโรติ ตโย มคฺคสมงฺคิโน จ
อรหนฺตญฺจ ฐเปตฺวา อวเสสา ปุคฺคลา อญฺญินฺทฺริยญฺจ น ภาเวนฺติ
อญฺญาตาวินฺทฺริยญฺจ น สจฺฉิกโรนฺติ ฯ โย วา ปน อญฺญาตาวินฺทฺริยํ
น สจฺฉิกโรติ โส อญฺญินฺทฺริยํ น ภาเวตีติ: ตโย มคฺคสมงฺคิโน
อญฺญาตาวินฺทฺริยํ น สจฺฉิกโรนฺติ โน จ อญฺญินฺทฺริยํ น ภาเวนฺติ
ตโย มคฺคสมงฺคิโน จ อรหนฺตญฺจ ฐเปตฺวา อวเสสา ปุคฺคลา
อญฺญาตาวินฺทฺริยญฺจ น สจฺฉิกโรนฺติ อญฺญินฺทฺริยญฺจ น ภาเวนฺติ ฯ
----------
[๑๓๕๕] โย จกฺขุนฺทฺริยํ ปริชานิตฺถ โส โทมนสฺสินฺทฺริยํ
ปชหิตฺถาติ: อามนฺตา ฯ โย วา ปน โทมนสฺสินฺทฺริยํ ปชหิตฺถ
โส จกฺขุนฺทฺริยํ ปริชานิตฺถาติ: เทฺว ปุคฺคลา โทมนสฺสินฺทฺริยํ
ปชหิตฺถ โน จ จกฺขุนฺทฺริยํ ปริชานิตฺถ อรหา โทมนสฺสินฺทฺริยญฺจ
ปชหิตฺถ จกฺขุนฺทฺริยญฺจ ปริชานิตฺถ ฯ
[๑๓๕๖] โย จกฺขุนฺทฺริยํ ปริชานิตฺถ โส อนญฺญาตญฺญสฺสามีตินฺทฺริยํ
สามีตินฺทฺริยํ ภาวิตฺถาติ: อามนฺตา ฯ โย วา ปน
อนญฺญาตญฺญสฺสามีตินฺทฺริยํ ภาวิตฺถ โส จกฺขุนฺทฺริยํ
ปริชานิตฺถาติ: ฉ ปุคฺคลา อนญฺญาตญฺญสฺสามีตินฺทฺริยํ ภาวิตฺถ
โน จ จกฺขุนฺทฺริยํ ปริชานิตฺถ อรหา อนญฺญาตญฺญสฺสามีตินฺทฺริยญฺจ
ภาวิตฺถ จกฺขุนฺทฺริยญฺจ ปริชานิตฺถ ฯ
[๑๓๕๗] โย จกฺขุนฺทฺริยํ ปริชานิตฺถ โส อญฺญินฺทฺริยํ ภาวิตฺถาติ:
อามนฺตา ฯ โย วา ปน อญฺญินฺทฺริยํ ภาวิตฺถ โส จกฺขุนฺทฺริยํ
ปริชานิตฺถาติ: อามนฺตา ฯ
[๑๓๕๘] โย จกฺขุนฺทฺริยํ ปริชานิตฺถ โส อญฺญาตาวินฺทฺริยํ
สจฺฉิกริตฺถาติ: โย อคฺคผลํ สจฺฉิกโรติ โส จกฺขุนฺทฺริยํ ปริชานิตฺถ
โน จ อญฺญาตาวินฺทฺริยํ สจฺฉิกริตฺถ โย อคฺคผลํ สจฺฉากาสิ
โส จกฺขุนฺทฺริยญฺจ ปริชานิตฺถ อญฺญาตาวินฺทฺริยญฺจ สจฺฉิกริตฺถ ฯ
โย วา ปน อญฺญาตาวินฺทฺริยํ สจฺฉิกริตฺถ โส จกฺขุนฺทฺริยํ
ปริชานิตฺถาติ: อามนฺตา ฯ
[๑๓๕๙] โย โทมนสฺสินฺทฺริยํ ปชหิตฺถ โส อนญฺญาตญฺญสฺสามีตินฺทฺริยํ
ภาวิตฺถาติ: อามนฺตา ฯ โย วา ปน อนญฺญาตญฺญสฺสามีตินฺทฺริยํ
ภาวิตฺถ โส โทมนสฺสินฺทฺริยํ ปชหิตฺถาติ: จตฺตาโร ปุคฺคลา
อนญฺญาตญฺญสฺสามีตินฺทฺริยํ ภาวิตฺถ โน จ โทมนสฺสินฺทฺริยํ
ปชหิตฺถ ตโย ปุคฺคลา อนญฺญาตญฺญสฺสามีตินฺทฺริยญฺจ ภาวิตฺถ
โทมนสฺสินฺทฺริยญฺจ ปชหิตฺถ ฯ
[๑๓๖๐] โย โทมนสฺสินฺทฺริยํ ปชหิตฺถ โส อญฺญินฺทฺริยํ
ภาวิตฺถาติ: เทฺว ปุคฺคลา โทมนสฺสินฺทฺริยํ ปชหิตฺถ โน จ
อญฺญินฺทฺริยํ ภาวิตฺถ อรหา โทมนสฺสินฺทฺริยญฺจ ปชหิตฺถ
อญฺญินฺทฺริยญฺจ ภาวิตฺถ ฯ โย วา ปน อญฺญินฺทฺริยํ ภาวิตฺถ
โส โทมนสฺสินฺทฺริยํ ปชหิตฺถาติ: อามนฺตา ฯ
[๑๓๖๑] โย โทมนสฺสินฺทฺริยํ ปชหิตฺถ โส อญฺญาตาวินฺทฺริยํ
สจฺฉิกริตฺถาติ: ตโย ปุคฺคลา โทมนสฺสินฺทฺริยํ ปชหิตฺถ โน จ
อญฺญาตาวินฺทฺริยํ สจฺฉิกริตฺถ อรหา โทมนสฺสินฺทฺริยญฺจ ปชหิตฺถ
อญฺญาตาวินฺทฺริยญฺจ สจฺฉิกริตฺถ ฯ โย วา ปน อญฺญาตาวินฺทฺริยํ
สจฺฉิกริตฺถ โส โทมนสฺสินฺทฺริยํ ปชหิตฺถาติ: อามนฺตา ฯ
[๑๓๖๒] โย อนญฺญาตญฺญสฺสามีตินฺทฺริยํ ภาวิตฺถ โส อญฺญินฺทฺริยํ
ภาวิตฺถาติ: ฉ ปุคฺคลา อนญฺญาตญฺญสฺสามีตินฺทฺริยํ ภาวิตฺถ
โน จ อญฺญินฺทฺริยํ ภาวิตฺถ อรหา อนญฺญาตญฺญสฺสามีตินฺทฺริยญฺจ
ภาวิตฺถ อญฺญินฺทฺริยญฺจ ภาวิตฺถ ฯ โย วา ปน อญฺญินฺทฺริยํ
ภาวิตฺถ โส อนญฺญาตญฺญสฺสามีตินฺทฺริยํ ภาวิตฺถาติ: อามนฺตา ฯ
[๑๓๖๓] โย อนญฺญาตญฺญสฺสามีตินฺทฺริยํ ภาวิตฺถ โส
อญฺญาตาวินฺทฺริยํ สจฺฉิกริตฺถาติ: สตฺต ปุคฺคลา
อนญฺญาตญฺญสฺสามีตินฺทฺริยํ ภาวิตฺถ โน จ อญฺญาตาวินฺทฺริยํ
สจฺฉิกริตฺถ อรหา อนญฺญาตญฺญสฺสามีตินฺทฺริยญฺจ ภาวิตฺถ
อญฺญาตาวินฺทฺริยญฺจ สจฺฉิกริตฺถ ฯ โย วา ปน อญฺญาตาวินฺทฺริยํ
สจฺฉิกริตฺถ โส อนญฺญาตญฺญสฺสามีตินฺทฺริยํ ภาวิตฺถาติ: อามนฺตา ฯ
[๑๓๖๔] โย อญฺญินฺทฺริยํ ภาวิตฺถ โส อญฺญาตาวินฺทฺริยํ
สจฺฉิกริตฺถาติ: โย อคฺคผลํ สจฺฉิกโรติ โส อญฺญินฺทฺริยํ ภาวิตฺถ
โน จ อญฺญาตาวินฺทฺริยํ สจฺฉิกริตฺถ โย อคฺคผลํ สจฺฉากาสิ
โส อญฺญินฺทฺริยญฺจ ภาวิตฺถ อญฺญาตาวินฺทฺริยญฺจ สจฺฉิกริตฺถ ฯ
โย วา ปน อญฺญาตาวินฺทฺริยํ สจฺฉิกริตฺถ โส อญฺญินฺทฺริยํ ภาวิตฺถาติ:
อามนฺตา ฯ
[๑๓๖๕] โย จกฺขุนฺทฺริยํ น ปริชานิตฺถ โส โทมนสฺสินฺทฺริยํ
นปฺปชหิตฺถาติ: เทฺว ปุคฺคลา จกฺขุนฺทฺริยํ น ปริชานิตฺถ โน จ
โทมนสฺสินฺทฺริยํ นปฺปชหิตฺถ ฉ ปุคฺคลา จกฺขุนฺทฺริยญฺจ น ปริชานิตฺถ
โทมนสฺสินฺทฺริยญฺจ นปฺปชหิตฺถ ฯ โย วา ปน โทมนสฺสินฺทฺริยํ
นปฺปชหิตฺถ โส จกฺขุนฺทฺริยํ น ปริชานิตฺถาติ: อามนฺตา ฯ
[๑๓๖๖] โย จกฺขุนฺทฺริยํ น ปริชานิตฺถ โส อนญฺญาตญฺญสฺสามีตินฺทฺริยํ
น ภาวิตฺถาติ: ฉ ปุคฺคลา จกฺขุนฺทฺริยํ น ปริชานิตฺถ โน จ
อนญฺญาตญฺญสฺสามีตินฺทฺริยํ น ภาวิตฺถ เทฺว ปุคฺคลา จกฺขุนฺทฺริยญฺจ
น ปริชานิตฺถ อนญฺญาตญฺญสฺสามีตินฺทฺริยญฺจ น ภาวิตฺถ ฯ
โย วา ปน อนญฺญาตญฺญสฺสามีตินฺทฺริยํ น ภาวิตฺถ โส จกฺขุนฺทฺริยํ
น ปริชานิตฺถาติ: อามนฺตา ฯ
[๑๓๖๗] โย จกฺขุนฺทฺริยํ น ปริชานิตฺถ โส อญฺญินฺทฺริยํ
น ภาวิตฺถาติ: อามนฺตา ฯ โย วา ปน อญฺญินฺทฺริยํ น ภาวิตฺถ
โส จกฺขุนฺทฺริยํ น ปริชานิตฺถาติ: อามนฺตา ฯ
[๑๓๖๘] โย จกฺขุนฺทฺริยํ น ปริชานิตฺถ โส อญฺญาตาวินฺทฺริยํ
น สจฺฉิกริตฺถาติ: อามนฺตา ฯ โย วา ปน อญฺญาตาวินฺทฺริยํ
น สจฺฉิกริตฺถ โส จกฺขุนฺทฺริยํ น ปริชานิตฺถาติ: โย อคฺคผลํ สจฺฉิกโรติ
โส อญฺญาตาวินฺทฺริยํ น สจฺฉิกริตฺถ โน จ จกฺขุนฺทฺริยํ น ปริชานิตฺถ
อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ จกฺขุนฺทฺริยญฺจ
น ปริชานิตฺถ ฯ
[๑๓๖๙] โย โทมนสฺสินฺทฺริยํ นปฺปชหิตฺถ โส อนญฺญาตญฺญสฺสามีตินฺทฺริยํ
น ภาวิตฺถาติ: จตฺตาโร ปุคฺคลา โทมนสฺสินฺทฺริยํ นปฺปชหิตฺถ โน
จ อนญฺญาตญฺญสฺสามีตินฺทฺริยํ น ภาวิตฺถ เทฺว ปุคฺคลา
โทมนสฺสินฺทฺริยญฺจ นปฺปชหิตฺถ อนญฺญาตญฺญสฺสามีตินฺทฺริยญฺจ
น ภาวิตฺถ ฯ โย วา ปน อนญฺญาตญฺญสฺสามีตินฺทฺริยํ
น ภาวิตฺถ โส โทมนสฺสินฺทฺริยํ นปฺปชหิตฺถาติ: อามนฺตา ฯ
[๑๓๗๐] โย โทมนสฺสินฺทฺริยํ นปฺปชหิตฺถ โส อญฺญินฺทฺริยํ
น ภาวิตฺถาติ: อามนฺตา ฯ โย วา ปน อญฺญินฺทฺริยํ น ภาวิตฺถ
โส โทมนสฺสินฺทฺริยํ นปฺปชหิตฺถาติ: เทฺว ปุคฺคลา อญฺญินฺทฺริยํ
น ภาวิตฺถ โน จ โทมนสฺสินฺทฺริยํ นปฺปชหิตฺถ ฉ ปุคฺคลา
อญฺญินฺทฺริยญฺจ น ภาวิตฺถ โทมนสฺสินฺทฺริยญฺจ นปฺปชหิตฺถ ฯ
[๑๓๗๑] โย โทมนสฺสินฺทฺริยํ นปฺปชหิตฺถ โส อญฺญาตาวินฺทฺริยํ
น สจฺฉิกริตฺถาติ: อามนฺตา ฯ โย วา ปน อญฺญาตาวินฺทฺริยํ
น สจฺฉิกริตฺถ โส โทมนสฺสินฺทฺริยํ นปฺปชหิตฺถาติ: ตโย
ปุคฺคลา อญฺญาตาวินฺทฺริยํ น สจฺฉิกริตฺถ โน จ โทมนสฺสินฺทฺริยํ
นปฺปชหิตฺถ ฉ ปุคฺคลา อญฺญาตาวินฺทฺริยญฺจ น สจฺฉิกริตฺถ
โทมนสฺสินฺทฺริยญฺจ นปฺปชหิตฺถ ฯ
[๑๓๗๒] โย อนญฺญาตญฺญสฺสามีตินฺทฺริยํ น ภาวิตฺถ โส
อญฺญินฺทฺริยํ น ภาวิตฺถาติ: อามนฺตา ฯ โย วา ปน อญฺญินฺทฺริยํ
น ภาวิตฺถ โส อนญฺญาตญฺญสฺสามีตินฺทฺริยํ น ภาวิตฺถาติ: ฉ
ปุคฺคลา อญฺญินฺทฺริยํ น ภาวิตฺถ โน จ อนญฺญาตญฺญสฺสามีตินฺทฺริยํ
น ภาวิตฺถ เทฺว ปุคฺคลา อญฺญินฺทฺริยญฺจ น ภาวิตฺถ
อนญฺญาตญฺญสฺสามีตินฺทฺริยญฺจ น ภาวิตฺถ ฯ
[๑๓๗๓] โย อนญฺญาตญฺญสฺสามีตินฺทฺริยํ น ภาวิตฺถ โส
อญฺญาตาวินฺทฺริยํ น สจฺฉิกริตฺถาติ: อามนฺตา ฯ โย วา ปน
อญฺญาตาวินฺทฺริยํ น สจฺฉิกริตฺถ โส อนญฺญาตญฺญสฺสามีตินฺทฺริยํ
น ภาวิตฺถาติ: สตฺต ปุคฺคลา อญฺญาตาวินฺทฺริยํ น สจฺฉิกริตฺถ โน จ
อนญฺญาตญฺญสฺสามีตินฺทฺริยํ น ภาวิตฺถ เทฺว ปุคฺคลา อญฺญาตาวินฺทฺริยญฺจ
น สจฺฉิกริตฺถ อนญฺญาตญฺญสฺสามีตินฺทฺริยญฺจ น ภาวิตฺถ ฯ
[๑๓๗๔] โย อญฺญินฺทฺริยํ น ภาวิตฺถ โส อญฺญาตาวินฺทฺริยํ
น สจฺฉิกริตฺถาติ: อามนฺตา ฯ โย วา ปน อญฺญาตาวินฺทฺริยํ
น สจฺฉิกริตฺถ โส อญฺญินฺทฺริยํ น ภาวิตฺถาติ: โย อคฺคผลํ สจฺฉิกโรติ
โส อญฺญาตาวินฺทฺริยํ น สจฺฉิกริตฺถ โน จ อญฺญินฺทฺริยํ
น ภาวิตฺถ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ
อญฺญินฺทฺริยญฺจ น ภาวิตฺถ ฯ
---------------
[๑๓๗๕] โย จกฺขุนฺทฺริยํ ปริชานิสฺสติ โส โทมนสฺสินฺทฺริยํ
ปชหิสฺสตีติ: เทฺว ปุคฺคลา จกฺขุนฺทฺริยํ ปริชานิสฺสนฺติ โน จ
โทมนสฺสินฺทฺริยํ ปชหิสฺสนฺติ ปญฺจ ปุคฺคลา จกฺขุนฺทฺริยญฺจ
ปริชานิสฺสนฺติ โทมนสฺสินฺทฺริยญฺจ ปชหิสฺสนฺติ ฯ โย วา ปน
โทมนสฺสินฺทฺริยํ ปชหิสฺสติ โส จกฺขุนฺทฺริยํ ปริชานิสฺสตีติ: อามนฺตา ฯ
[๑๓๗๖] โย จกฺขุนฺทฺริยํ ปริชานิสฺสติ โส อนญฺญาตญฺญสฺสามีตินฺทฺริยํ
ภาเวสฺสตีติ: ฉ ปุคฺคลา จกฺขุนฺทฺริยํ ปริชานิสฺสนฺติ โน จ
อนญฺญาตญฺญสฺสามีตินฺทฺริยํ ภาเวสฺสนฺติ เย ปุถุชฺชนา
มคฺคํ ปฏิลภิสฺสนฺติ เต จกฺขุนฺทฺริยญฺจ ปริชานิสฺสนฺติ
อนญฺญาตญฺญสฺสามีตินฺทฺริยญฺจ ภาเวสฺสนฺติ ฯ โย วา
ปน อนญฺญาตญฺญสฺสามีตินฺทฺริยํ ภาเวสฺสติ โส จกฺขุนฺทฺริยํ
ปริชานิสฺสตีติ: อามนฺตา ฯ
[๑๓๗๗] โย จกฺขุนฺทฺริยํ ปริชานิสฺสติ โส อญฺญินฺทฺริยํ
ภาเวสฺสตีติ: อามนฺตา ฯ โย วา ปน อญฺญินฺทฺริยํ ภาเวสฺสติ โส
จกฺขุนฺทฺริยํ ปริชานิสฺสตีติ ฯ อามนฺตา ฯ
[๑๓๗๘] โย จกฺขุนฺทฺริยํ ปริชานิสฺสติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ สจฺฉิกริสฺสติ
โส จกฺขุนฺทฺริยํ ปริชานิสฺสตีติ: อคฺคมคฺคสมงฺคี อญฺญาตาวินฺทฺริยํ
สจฺฉิกริสฺสติ โน จ จกฺขุนฺทฺริยํ ปริชานิสฺสติ สตฺต ปุคฺคลา
อญฺญาตาวินฺทฺริยญฺจ สจฺฉิกริสฺสนฺติ จกฺขุนฺทฺริยญฺจ ปริชานิสฺสนฺติ ฯ
[๑๓๗๙] โย โทมนสฺสินฺทฺริยํ ปชหิสฺสติ โส อนญฺญาตญฺญสฺสามีตินฺทฺริยํ
ภาเวสฺสตีติ: จตฺตาโร ปุคฺคลา โทมนสฺสินฺทฺริยํ ปชหิสฺสนฺติ โน จ
อนญฺญาตญฺญสฺสามีตินฺทฺริยํ ภาเวสฺสนฺติ เย ปุถุชฺชนา มคฺคํ
ปฏิลภิสฺสนฺติ เต โทมนสฺสินฺทฺริยญฺจ ปชหิสฺสนฺติ
อนญฺญาตญฺญสฺสามีตินฺทฺริยญฺจ ภาเวสฺสนฺติ ฯ โย วา ปน
อนญฺญาตญฺญสฺสามีตินฺทฺริยํ ภาเวสฺสติ โส โทมนสฺสินฺทฺริยํ
ปชหิสฺสตีติ: อามนฺตา ฯ
[๑๓๘๐] โย โทมนสฺสินฺทฺริยํ ปชหิสฺสติ โส อญฺญินฺทฺริยํ
ภาเวสฺสตีติ: อามนฺตา ฯ โย วา ปน อญฺญินฺทฺริยํ ภาเวสฺสติ
โส โทมนสฺสินฺทฺริยํ ปชหิสฺสตีติ: เทฺว ปุคฺคลา อญฺญินฺทฺริยํ
ภาเวสฺสนฺติ โน จ โทมนสฺสินฺทฺริยํ ปชหิสฺสนฺติ ปญฺจ ปุคฺคลา
อญฺญินฺทฺริยญฺจ ภาเวสฺสนฺติ โทมนสฺสินฺทฺริยญฺจ ปชหิสฺสนฺติ ฯ
[๑๓๘๑] โย โทมนสฺสินฺทฺริยํ ปชหิสฺสติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ
สจฺฉิกริสฺสติ โส โทมนสฺสินฺทฺริยํ ปชหิสฺสตีติ: ตโย ปุคฺคลา
อญฺญาตาวินฺทฺริยํ สจฺฉิกริสฺสนฺติ โน จ โทมนสฺสินฺทฺริยํ ปชหิสฺสนฺติ
ปญฺจ ปุคฺคลา อญฺญาตาวินฺทฺริยญฺจ สจฺฉิกริสฺสนฺติ โทมนสฺสินฺทฺริยญฺจ
ปชหิสฺสนฺติ ฯ
[๑๓๘๒] โย อนญฺญาตญฺญสฺสามีตินฺทฺริยํ ภาเวสฺสติ โส
อญฺญินฺทฺริยํ ภาเวสฺสตีติ: อามนฺตา ฯ โย วา ปน อญฺญินฺทฺริยํ
ภาเวสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ: ฉ ปุคฺคลา
อญฺญินฺทฺริยํ ภาเวสฺสนฺติ โน จ อนญฺญาตญฺญสฺสามีตินฺทฺริยํ
ภาเวสฺสนฺติ เย ปุถุชฺชนา มคฺคํ ปฏิลภิสฺสนฺติ เต อญฺญินฺทฺริยญฺจ
ภาเวสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติ ฯ
[๑๓๘๓] โย อนญฺญาตญฺญสฺสามีตินฺทฺริยํ ภาเวสฺสติ โส
อญฺญาตาวินฺทฺริยํ สจฺฉิกริสฺสตีติ: อามนฺตา ฯ โย วา ปน
อญฺญาตาวินฺทฺริยํ สจฺฉิกริสฺสติ โส อนญฺญาตญฺญสฺสามีตินฺทฺริยํ
ภาเวสฺสตีติ: สตฺต ปุคฺคลา อญฺญาตาวินฺทฺริยํ สจฺฉิกริสฺสนฺติ
โน จ อนญฺญาตญฺญสฺสามีตินฺทฺริยํ ภาเวสฺสนฺติ เย ปุถุชฺชนา
มคฺคํ ปฏิลภิสฺสนฺติ เต อญฺญาตาวินฺทฺริยญฺจ สจฺฉิกริสฺสนฺติ
อนญฺญาตญฺญสฺสามีตินฺทฺริยญฺจ ภาเวสฺสนฺติ ฯ
[๑๓๘๔] โย อญฺญินฺทฺริยํ ภาเวสฺสติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ สจฺฉิกริสฺสติ
โส อญฺญินฺทฺริยํ ภาเวสฺสตีติ: อคฺคมคฺคสมงฺคี อญฺญาตาวินฺทฺริยํ
สจฺฉิกริสฺสติ โน จ อญฺญินฺทฺริยํ ภาเวสฺสติ สตฺต ปุคฺคลา
อญฺญาตาวินฺทฺริยญฺจ สจฺฉิกริสฺสนฺติ อญฺญินฺทฺริยญฺจ ภาเวสฺสนฺติ ฯ
[๑๓๘๕] โย จกฺขุนฺทฺริยํ น ปริชานิสฺสติ โส โทมนสฺสินฺทฺริยํ
นปฺปชหิสฺสตีติ: อามนฺตา ฯ โย วา ปน โทมนสฺสินฺทฺริยํ
นปฺปชหิสฺสติ โส จกฺขุนฺทฺริยํ น ปริชานิสฺสตีติ: เทฺว ปุคฺคลา
โทมนสฺสินฺทฺริยํ นปฺปชหิสฺสนฺติ โน จ จกฺขุนฺทฺริยํ น ปริชานิสฺสนฺติ
ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ
น ปริชานิสฺสนฺติ ฯ
[๑๓๘๖] โย จกฺขุนฺทฺริยํ น ปริชานิสฺสติ โส
อนญฺญาตญฺญสฺสามีตินฺทฺริยํ น ภาเวสฺสตีติ: อามนฺตา ฯ โย วา ปน
อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น
ปริชานิสฺสตีติ: ฉ ปุคฺคลา อนญฺญาตญฺญสฺสามีตินฺทฺริยํ น
ภาเวสฺสนฺติ โน จ จกฺขุนฺทฺริยํ น ปริชานิสฺสนฺติ ตโย ปุคฺคลา
อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ
น ปริชานิสฺสนฺติ ฯ
[๑๓๘๗] โย จกฺขุนฺทฺริยํ น ปริชานิสฺสติ โส อญฺญินฺทฺริยํ
น ภาเวสฺสตีติ: อามนฺตา ฯ โย วา ปน อญฺญินฺทฺริยํ น ภาเวสฺสติ
โส จกฺขุนฺทฺริยํ น ปริชานิสฺสตีติ: อามนฺตา ฯ
[๑๓๘๘] โย จกฺขุนฺทฺริยํ น ปริชานิสฺสติ โส อญฺญาตาวินฺทฺริยํ
น สจฺฉิกริสฺสตีติ: อคฺคมคฺคสมงฺคี จกฺขุนฺทฺริยํ น ปริชานิสฺสติ โน จ
อญฺญาตาวินฺทฺริยํ น สจฺฉิกริสฺสติ เทฺว ปุคฺคลา จกฺขุนฺทฺริยญฺจ
น ปริชานิสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิสฺสตีติ:
อามนฺตา ฯ
[๑๓๘๙] โย โทมนสฺสินฺทฺริยํ นปฺปชหิสฺสติ โส
อนญฺญาตญฺญสฺสามีตินฺทฺริยํ น ภาเวสฺสตีติ: อามนฺตา ฯ โย วา ปน
อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ
นปฺปชหิสฺสตีติ: จตฺตาโร ปุคฺคลา อนญฺญาตญฺญสฺสามีตินฺทฺริยํ
น ภาเวสฺสนฺติ โน จ โทมนสฺสินฺทฺริยํ นปฺปชหิสฺสนฺติ ปญฺจ ปุคฺคลา
อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ
นปฺปชหิสฺสนฺติ ฯ
[๑๓๙๐] โย โทมนสฺสินฺทฺริยํ นปฺปชหิสฺสติ โส อญฺญินฺทฺริยํ
น ภาเวสฺสตีติ: เทฺว ปุคฺคลา โทมนสฺสินฺทฺริยํ นปฺปชหิสฺสนฺติ โน จ
อญฺญินฺทฺริยํ น ภาเวสฺสนฺติ ตโย ปุคฺคลา โทมนสฺสินฺทฺริยญฺจ
นปฺปชหิสฺสนฺติ อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ
น ภาเวสฺสติ โส โทมนสฺสินฺทฺริยํ นปฺปชหิสฺสตีติ: อามนฺตา ฯ
[๑๓๙๑] โย โทมนสฺสินฺทฺริยํ นปฺปชหิสฺสติ โส อญฺญาตาวินฺทฺริยํ
น สจฺฉิกริสฺสตีติ: ตโย ปุคฺคลา โทมนสฺสินฺทฺริยํ
นปฺปชหิสฺสนฺติ โน จ อญฺญาตาวินฺทฺริยํ น สจฺฉิกริสฺสนฺติ เทฺว
ปุคฺคลา โทมนสฺสินฺทฺริยญฺจ นปฺปชหิสฺสนฺติ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส โทมนสฺสินฺทฺริยํ นปฺปชหิสฺสตีติ: อามนฺตา ฯ
[๑๓๙๒] โย อนญฺญาตญฺญสฺสามีตินฺทฺริยํ น ภาเวสฺสติ โส
อญฺญินฺทฺริยํ น ภาเวสฺสตีติ: ฉ ปุคฺคลา อนญฺญาตญฺญสฺสามีตินฺทฺริยํ
น ภาเวสฺสนฺติ โน จ อญฺญินฺทฺริยํ น ภาเวสฺสนฺติ ตโย
ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ
อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ น
ภาเวสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ:
อามนฺตา ฯ
[๑๓๙๓] โย อนญฺญาตญฺญสฺสามีตินฺทฺริยํ น ภาเวสฺสติ โส
อญฺญาตาวินฺทฺริยํ น สจฺฉิกริสฺสตีติ: สตฺต ปุคฺคลา
อนญฺญาตญฺญสฺสามีตินฺทฺริยํ น ภาเวสฺสนฺติ โน จ อญฺญาตาวินฺทฺริยํ
น สจฺฉิกริสฺสนฺติ เทฺว ปุคฺคลา อนญฺญาตญฺญสฺสามีตินฺทฺริยญฺจ
น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ
น ภาเวสฺสตีติ: อามนฺตา ฯ
[๑๓๙๔] โย อญฺญินฺทฺริยํ น ภาเวสฺสติ โส อญฺญาตาวินฺทฺริยํ
น สจฺฉิกริสฺสตีติ: อคฺคมคฺคสมงฺคี อญฺญินฺทฺริยํ น ภาเวสฺสติ โน จ
อญฺญาตาวินฺทฺริยํ น สจฺฉิกริสฺสติ เทฺว ปุคฺคลา อญฺญินฺทฺริยญฺจ
น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวสฺสตีติ:
อามนฺตา ฯ
-------------
[๑๓๙๕] โย จกฺขุนฺทฺริยํ ปริชานาติ โส โทมนสฺสินฺทฺริยํ
ปชหิตฺถาติ: อามนฺตา ฯ โย วา ปน โทมนสฺสินฺทฺริยํ ปชหิตฺถ
โส จกฺขุนฺทฺริยํ ปริชานาตีติ: เทฺว ปุคฺคลา โทมนสฺสินฺทฺริยํ
ปชหิตฺถ โน จ จกฺขุนฺทฺริยํ ปริชานนฺติ อคฺคมคฺคสมงฺคี
โทมนสฺสินฺทฺริยญฺจ ปชหิตฺถ จกฺขุนฺทฺริยญฺจ ปริชานาติ ฯ
[๑๓๙๖] โย จกฺขุนฺทฺริยํ ปริชานาติ โส อนญฺญาตญฺญสฺสามีตินฺทฺริยํ
ภาวิตฺถาติ: อามนฺตา ฯ โย วา ปน อนญฺญาตญฺญสฺสามีตินฺทฺริยํ
ภาวิตฺถ โส จกฺขุนฺทฺริยํ ปริชานาตีติ: ฉ ปุคฺคลา
อนญฺญาตญฺญสฺสามีตินฺทฺริยํ ภาวิตฺถ โน จ จกฺขุนฺทฺริยํ
ปริชานนฺติ อคฺคมคฺคสมงฺคี อนญฺญาตญฺญสฺสามีตินฺทฺริยญฺจ
ภาวิตฺถ จกฺขุนฺทฺริยญฺจ ปริชานาติ ฯ
[๑๓๙๗] โย จกฺขุนฺทฺริยํ ปริชานาติ โส อญฺญินฺทฺริยํ ภาวิตฺถาติ:
โน ฯ โย วา ปน อญฺญินฺทฺริยํ ภาวิตฺถ โส จกฺขุนฺทฺริยํ
ปริชานาตีติ: โน ฯ
[๑๓๙๘] โย จกฺขุนฺทฺริยํ ปริชานาติ โส อญฺญาตาวินฺทฺริยํ
สจฺฉิกริตฺถาติ: โน ฯ โย วา ปน อญฺญาตาวินฺทฺริยํ สจฺฉิกริตฺถ
โส จกฺขุนฺทฺริยํ ปริชานาตีติ: โน ฯ
[๑๓๙๙] โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ
ภาวิตฺถาติ: อามนฺตา ฯ โย วา ปน อนญฺญาตญฺญสฺสามีตินฺทฺริยํ
ภาวิตฺถ โส โทมนสฺสินฺทฺริยํ ปชหตีติ: ฉ ปุคฺคลา
อนญฺญาตญฺญสฺสามีตินฺทฺริยํ ภาวิตฺถ โน จ โทมนสฺสินฺทฺริยํ
ปชหนฺติ อนาคามิมคฺคสมงฺคี อนญฺญาตญฺญสฺสามีตินฺทฺริยญฺจ
ภาวิตฺถ โทมนสฺสินฺทฺริยญฺจ ปชหติ ฯ
[๑๔๐๐] โย โทมนสฺสินฺทฺริยํ ปชหติ โส อญฺญินฺทฺริยํ ภาวิตฺถาติ:
โน ฯ โย วา ปน อญฺญินฺทฺริยํ ภาวิตฺถ โส โทมนสฺสินฺทฺริยํ
ปชหตีติ: โน ฯ
[๑๔๐๑] โย โทมนสฺสินฺทฺริยํ ปชหติ โส อญฺญาตาวินฺทฺริยํ
สจฺฉิกริตฺถาติ: โน ฯ โย วา ปน อญฺญาตาวินฺทฺริยํ สจฺฉิกริตฺถ
โส โทมนสฺสินฺทฺริยํ ปชหตีติ: โน ฯ
[๑๔๐๒] โย อนญฺญาตญฺญสฺสามีตินฺทฺริยํ ภาเวติ โส
อญฺญินฺทฺริยํ ภาวิตฺถาติ: โน ฯ โย วา ปน อญฺญินฺทฺริยํ ภาวิตฺถ
โส อนญฺญาตญฺญสฺสามีตินฺทฺริยํ ภาเวตีติ: โน ฯ
[๑๔๐๓] โย อนญฺญาตญฺญสฺสามีตินฺทฺริยํ ภาเวติ โส
อญฺญาตาวินฺทฺริยํ สจฺฉิกริตฺถาติ: โน ฯ โย วา ปน อญฺญาตาวินฺทฺริยํ
สจฺฉิกริตฺถ โส อนญฺญาตญฺญสฺสามีตินฺทฺริยํ ภาเวตีติ: โน ฯ
[๑๔๐๔] โย อญฺญินฺทฺริยํ ภาเวติ โส อญฺญาตาวินฺทฺริยํ
สจฺฉิกริตฺถาติ: โน ฯ โย วา ปน อญฺญาตาวินฺทฺริยํ สจฺฉิกริตฺถ
โส อญฺญินฺทฺริยํ ภาเวตีติ: โน ฯ
[๑๔๐๕] โย จกฺขุนฺทฺริยํ น ปริชานาติ โส โทมนสฺสินฺทฺริยํ
นปฺปชหิตฺถาติ: เทฺว ปุคฺคลา จกฺขุนฺทฺริยํ น ปริชานนฺติ โน จ
โทมนสฺสินฺทฺริยํ นปฺปชหิตฺถ ฉ ปุคฺคลา จกฺขุนฺทฺริยญฺจ น ปริชานนฺติ
โทมนสฺสินฺทฺริยญฺจ นปฺปชหิตฺถ ฯ โย วา ปน โทมนสฺสินฺทฺริยํ
นปฺปชหิตฺถ โส จกฺขุนฺทฺริยํ น ปริชานาตีติ: อามนฺตา ฯ
[๑๔๐๖] โย จกฺขุนฺทฺริยํ น ปริชานาติ โส อนญฺญาตญฺญสฺสามีตินฺทฺริยํ
น ภาวิตฺถาติ: ฉ ปุคฺคลา จกฺขุนฺทฺริยํ น ปริชานนฺติ โน จ
อนญฺญาตญฺญสฺสามีตินฺทฺริยํ น ภาวิตฺถ เทฺว ปุคฺคลา จกฺขุนฺทฺริยญฺจ
น ปริชานนฺติ อนญฺญาตญฺญสฺสามีตินฺทฺริยญฺจ น ภาวิตฺถ ฯ
โย วา ปน อนญฺญาตญฺญสฺสามีตินฺทฺริยํ น ภาวิตฺถ โส จกฺขุนฺทฺริยํ
น ปริชานาตีติ: อามนฺตา ฯ
[๑๔๐๗] โย จกฺขุนฺทฺริยํ น ปริชานาติ โส อญฺญินฺทฺริยํ
น ภาวิตฺถาติ: อรหา จกฺขุนฺทฺริยํ น ปริชานาติ โน จ อญฺญินฺทฺริยํ
น ภาวิตฺถ สตฺต ปุคฺคลา จกฺขุนฺทฺริยญฺจ น ปริชานนฺติ อญฺญินฺทฺริยญฺจ
น ภาวิตฺถ ฯ โย วา ปน อญฺญินฺทฺริยํ น ภาวิตฺถ โส จกฺขุนฺทฺริยํ
น ปริชานาตีติ: อคฺคมคฺคสมงฺคี อญฺญินฺทฺริยํ น ภาวิตฺถ
โน จ จกฺขุนฺทฺริยํ น ปริชานาติ สตฺต ปุคฺคลา อญฺญินฺทฺริยญฺจ
น ภาวิตฺถ จกฺขุนฺทฺริยญฺจ น ปริชานนฺติ ฯ
[๑๔๐๘] โย จกฺขุนฺทฺริยํ น ปริชานาติ โส อญฺญาตาวินฺทฺริยํ
น สจฺฉิกริตฺถาติ: อรหา จกฺขุนฺทฺริยํ น ปริชานาติ โน จ
อญฺญาตาวินฺทฺริยํ น สจฺฉิกริตฺถ อฏฺฐ ปุคฺคลา จกฺขุนฺทฺริยญฺจ
น ปริชานนฺติ อญฺญาตาวินฺทฺริยญฺจ น สจฺฉิกริตฺถ ฯ โย วา ปน
อญฺญาตาวินฺทฺริยํ น สจฺฉิกริตฺถ โส จกฺขุนฺทฺริยํ น ปริชานาตีติ:
อคฺคมคฺคสมงฺคี อญฺญาตาวินฺทฺริยํ น สจฺฉิกริตฺถ โน จ จกฺขุนฺทฺริยํ
น ปริชานาติ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ
จกฺขุนฺทฺริยญฺจ น ปริชานนฺติ ฯ
[๑๔๐๙] โย โทมนสฺสินฺทฺริยํ นปฺปชหติ โส อนญฺญาตญฺญสฺสามีตินฺทฺริยํ
น ภาวิตฺถาติ: ฉ ปุคฺคลา โทมนสฺสินฺทฺริยํ นปฺปชหนฺติ โน จ
อนญฺญาตญฺญสฺสามีตินฺทฺริยํ น ภาวิตฺถ เทฺว ปุคฺคลา โทมนสฺสินฺทฺริยญฺจ
นปฺปชหนฺติ อนญฺญาตญฺญสฺสามีตินฺทฺริยญฺจ น ภาวิตฺถ ฯ โย วา
ปน อนญฺญาตญฺญสฺสามีตินฺทฺริยํ น ภาวิตฺถ โส โทมนสฺสินฺทฺริยํ
นปฺปชหตีติ: อามนฺตา ฯ
[๑๔๑๐] โย โทมนสฺสินฺทฺริยํ นปฺปชหติ โส อญฺญินฺทฺริยํ
น ภาวิตฺถาติ: อรหา โทมนสฺสินฺทฺริยํ นปฺปชหติ โน จ อญฺญินฺทฺริยํ
น ภาวิตฺถ สตฺต ปุคฺคลา โทมนสฺสินฺทฺริยญฺจ นปฺปชหนฺติ
อญฺญินฺทฺริยญฺจ น ภาวิตฺถ ฯ โย วา ปน อญฺญินฺทฺริยํ น ภาวิตฺถ
โส โทมนสฺสินฺทฺริยํ นปฺปชหตีติ: อนาคามิมคฺคสมงฺคี อญฺญินฺทฺริยํ
น ภาวิตฺถ โน จ โทมนสฺสินฺทฺริยํ นปฺปชหติ สตฺต ปุคฺคลา
อญฺญินฺทฺริยญฺจ น ภาวิตฺถ โทมนสฺสินฺทฺริยญฺจ นปฺปชหนฺติ ฯ
[๑๔๑๑] โย โทมนสฺสินฺทฺริยํ นปฺปหชติ โส อญฺญาตาวินฺทฺริยํ
น สจฺฉิกริตฺถาติ: อรหา โทมนสฺสินฺทฺริยํ นปฺปชหติ โน จ
อญฺญาตาวินฺทฺริยํ น สจฺฉิกริตฺถ อฏฺฐ ปุคฺคลา โทมนสฺสินฺทฺริยญฺจ
นปฺปชหนฺติ อญฺญาตาวินฺทฺริยญฺจ น สจฺฉิกริตฺถ ฯ โย วา ปน
อญฺญาตาวินฺทฺริยํ น สจฺฉิกริตฺถ โส โทมนสฺสินฺทฺริยํ นปฺปชหตีติ:
อนาคามิมคฺคสมงฺคี อญฺญาตาวินฺทฺริยํ น สจฺฉิกริตฺถ โน จ
โทมนสฺสินฺทฺริยํ นปฺปชหติ อฏฺฐ ปุคฺคลา อญฺญาตาวินฺทฺริยญฺจ
น สจฺฉิกริตฺถ โทมนสฺสินฺทฺริยญฺจ นปฺปชหนฺติ ฯ
[๑๔๑๒] โย อนญฺญาตญฺญสฺสามีตินฺทฺริยํ น ภาเวติ โส อญฺญินฺทฺริยํ
น ภาวิตฺถาติ: อรหา อนญฺญาตญฺญสฺสามีตินฺทฺริยํ น ภาเวติ โน จ
อญฺญินฺทฺริยํ น ภาวิตฺถ สตฺต ปุคฺคลา อนญฺญาตญฺญสฺสามีตินฺทฺริยญฺจ
น ภาเวนฺติ อญฺญินฺทฺริยญฺจ น ภาวิตฺถ ฯ โย วา ปน อญฺญินฺทฺริยํ
น ภาวิตฺถ โส อนญฺญาตญฺญสฺสามีตินฺทฺริยํ น ภาเวตีติ: อฏฺฐมโก
อญฺญินฺทฺริยํ น ภาวิตฺถ โน จ อนญฺญาตญฺญสฺสามีตินฺทฺริยํ น ภาเวติ
สตฺต ปุคฺคลา อญฺญินฺทฺริยญฺจ น ภาวิตฺถ อนญฺญาตญฺญสฺสามีตินฺทฺริยญฺจ
น ภาเวนฺติ ฯ
[๑๔๑๓] โย อนญฺญาตญฺญสฺสามีตินฺทฺริยํ น ภาเวติ โส
อญฺญาตาวินฺทฺริยํ น สจฺฉิกริตฺถาติ: อรหา อนญฺญาตญฺญสฺสามีตินฺทฺริยํ
น ภาเวติ โน จ อญฺญาตาวินฺทฺริยํ น สจฺฉิกริตฺถ สตฺต
ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ
อญฺญาตาวินฺทฺริยญฺจ น สจฺฉิกรตฺถ ฯ โย วา ปน อญฺญาตาวินฺทฺริยํ
น สจฺฉิกริตฺถ โส อนญฺญาตญฺญสฺสามีตินฺทฺริยํ น ภาเวตีติ: อฏฺฐมโก
อญฺญาตาวินฺทฺริยํ น สจฺฉิกริตฺถ โน จ อนญฺญาตญฺญสฺสามีตินฺทฺริยํ
น ภาเวติ สตฺต ปุคฺคลา อญฺญาตาวินฺทฺริยญฺจ น สจฺฉิกริตฺถ
อนญฺญาตญฺญสฺสามีตินฺทฺริยญฺจ น ภาเวนฺติ ฯ
[๑๔๑๔] โย อญฺญินฺทฺริยํ น ภาเวติ โส อญฺญาตาวินฺทฺริยํ
น สจฺฉิกริตฺถาติ: อรหา อญฺญินฺทฺริยํ น ภาเวติ โน จ อญฺญาตาวินฺทฺริยํ
น สจฺฉิกริตฺถ ปญฺจ ปุคฺคลา อญฺญินฺทฺริยญฺจ น ภาเวนฺติ
อญฺญาตาวินฺทฺริยญฺจ น สจฺฉิกริตฺถ ฯ โย วา ปน อญฺญาตาวินฺทฺริยํ
น สจฺฉิกริตฺถ โส อญฺญินฺทฺริยํ น ภาเวตีติ: ตโย อคฺคมคฺคสมงฺคิโน
อญฺญาตาวินฺทฺริยํ น สจฺฉิกริตฺถ โน จ อญฺญินฺทฺริยํ น ภาเวนฺติ
ปญฺจ ปุคฺคลา อญฺญาตาวินฺทฺริยญฺจ น สจฺฉิกริตฺถ อญฺญินฺทฺริยญฺจ
น ภาเวนฺติ ฯ
--------------
[๑๔๑๕] โย จกฺขุนฺทฺริยํ ปริชานาติ โส โทมนสฺสินฺทฺริยํ
ปชหิสฺสตีติ: โน ฯ โย วา ปน โทมนสฺสินฺทฺริยํ ปชหิสฺสติ โส
จกฺขุนฺทฺริยํ ปริชานาตีติ: โน ฯ
[๑๔๑๖] โย จกฺขุนฺทฺริยํ ปริชานาติ โส อนญฺญาตญฺญสฺสามีตินฺทฺริยํ
ภาเวสฺสตีติ: โน ฯ โย วา ปน อนญฺญาตญฺญสฺสามีตินฺทฺริยํ
ภาเวสฺสติ โส จกฺขุนฺทฺริยํ ปริชานาตีติ: โน ฯ
[๑๔๑๗] โย จกฺขุนฺทฺริยํ ปริชานาติ โส อญฺญินฺทฺริยํ ภาเวสฺสตีติ:
โน ฯ โย วา ปน อญฺญินฺทฺริยํ ภาเวสฺสติ โส จกฺขุนฺทฺริยํ
ปริชานาตีติ: โน ฯ
[๑๔๑๘] โย จกฺขุนฺทฺริยํ ปริชานาติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ สจฺฉิกริสฺสติ
โส จกฺขุนฺทฺริยํ ปริชานาตีติ: สตฺต ปุคฺคลา อญฺญาตาวินฺทฺริยํ
สจฺฉิกริสฺสนฺติ โน จ จกฺขุนฺทฺริยํ ปริชานนฺติ อคฺคมคฺคสมงฺคี
อญฺญาตาวินฺทฺริยญฺจ สจฺฉิกริสฺสติ จกฺขุนฺทฺริยญฺจ ปริชานาติ ฯ
[๑๔๑๙] โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ
ภาเวสฺสตีติ: โน ฯ โย วา ปน อนญฺญาตญฺญสฺสามีตินฺทฺริยํ
ภาเวสฺสติ โส โทมนสฺสินฺทฺริยํ ปชหตีติ: โน ฯ
[๑๔๒๐] โย โทมนสฺสินฺทฺริยํ ปชหติ โส อญฺญินฺทฺริยํ ภาเวสฺสตีติ:
อามนฺตา ฯ โย วา ปน อญฺญินฺทฺริยํ ภาเวสฺสติ โส โทมนสฺสินฺทฺริยํ
ปชหตีติ: ฉ ปุคฺคลา อญฺญินฺทฺริยํ ภาเวสฺสนฺติ โน จ
โทมนสฺสินฺทฺริยํ ปชหนฺติ อนาคามิมคฺคสมงฺคี อญฺญินฺทฺริยญฺจ
ภาเวสฺสติ โทมนสฺสินฺทฺริยญฺจ ปชหติ ฯ
[๑๔๒๑] โย โทมนสฺสินฺทฺริยํ ปชหติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ
สจฺฉิกริสฺสติ โส โทมนสฺสินฺทฺริยํ ปชหตีติ: สตฺต ปุคฺคลา
อญฺญาตาวินฺทฺริยํ สจฺฉิกริสฺสนฺติ โน จ โทมนสฺสินฺทฺริยํ ปชหนฺติ
อนาคามิมคฺคสมงฺคี อญฺญาตาวินฺทฺริยญฺจ สจฺฉิกริสฺสติ
โทมนสฺสินฺทฺริยญฺจ ปชหติ ฯ
[๑๔๒๒] โย อนญฺญาตญฺญสฺสามีตินฺทฺริยํ ภาเวติ โส อญฺญินฺทฺริยํ
ภาเวสฺสตีติ: อามนฺตา ฯ โย วา ปน อญฺญินฺทฺริยํ ภาเวสฺสติ
โส อนญฺญาตญฺญสฺสามีตินฺทฺริยํ ภาเวตีติ: ฉ ปุคฺคลา อญฺญินฺทฺริยํ
ภาเวสฺสนฺติ โน จ อนญฺญาตญฺญสฺสามีตินฺทฺริยํ ภาเวนฺติ อฏฺฐมโก
อญฺญินฺทฺริยญฺจ ภาเวสฺสติ อนญฺญาตญฺญสฺสามีตินฺทฺริยญฺจ
ภาเวติ ฯ
[๑๔๒๓] โย อนญฺญาตญฺญสฺสามีตินฺทฺริยํ ภาเวติ โส
อญฺญาตาวินฺทฺริยํ สจฺฉิกริสฺสตีติ: อามนฺตา ฯ โย วา ปน
อญฺญาตาวินฺทฺริยํ สจฺฉิกริสฺสติ โส อนญฺญาตญฺญสฺสามีตินฺทฺริยํ
ภาเวตีติ: สตฺต ปุคฺคลา อญฺญาตาวินฺทฺริยํ สจฺฉิกริสฺสนฺติ โน จ
อนญฺญาตญฺญสฺสามีตินฺทฺริยํ ภาเวนฺติ อฏฺฐมโก อญฺญาตาวินฺทฺริยญฺจ
สจฺฉิกริสฺสติ อนญฺญาตญฺญสฺสามีตินฺทฺริยญฺจ ภาเวติ ฯ
[๑๔๒๔] โย อญฺญินฺทฺริยํ ภาเวติ โส อญฺญาตาวินฺทฺริยํ
สจฺฉิกริสฺสตีติ: อามนฺตา ฯ โย วา ปน อญฺญาตาวินฺทฺริยํ
สจฺฉิกริสฺสติ โส อญฺญินฺทฺริยํ ภาเวตีติ: ปญฺจ ปุคฺคลา
อญฺญาตาวินฺทฺริยํ สจฺฉิกริสฺสนฺติ โน จ อญฺญินฺทฺริยํ ภาเวนฺติ
ตโย อคฺคมคฺคสมงฺคิโน อญฺญาตาวินฺทฺริยญฺจ สจฺฉิกริสฺสนฺติ
อญฺญินฺทฺริยญฺจ ภาเวนฺติ ฯ
[๑๔๒๕] โย จกฺขุนฺทฺริยํ น ปริชานาติ โส โทมนสฺสินฺทฺริยํ
นปฺปชหิสฺสตีติ: ปญฺจ ปุคฺคลา จกฺขุนฺทฺริยํ น ปริชานนฺติ โน จ
โทมนสฺสินฺทฺริยํ นปฺปชหิสฺสนฺติ จตฺตาโร ปุคฺคลา จกฺขุนฺทฺริยญฺจ
น ปริชานนฺติ โทมนสฺสินฺทฺริยญฺจ นปฺปชหิสฺสนฺติ ฯ โย วา ปน
โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานาตีติ:
อคฺคมคฺคสมงฺคี โทมนสฺสินฺทฺริยํ นปฺปชหิสฺสติ โน จ จกฺขุนฺทฺริยํ
น ปริชานาติ จตฺตาโร ปุคฺคลา โทมนสฺสินฺทฺริยญฺจ นปฺปชหิสฺสนฺติ
จกฺขุนฺทฺริยญฺจ น ปริชานนฺติ ฯ
[๑๔๒๖] โย จกฺขุนฺทฺริยํ น ปริชานาติ โส อนญฺญาตญฺญสฺสามีตินฺทฺริยํ
น ภาเวสฺสตีติ: เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ
น ปริชานนฺติ โน จ อนญฺญาตญฺญสฺสามีตินฺทฺริยํ น
ภาเวสฺสนฺติ อฏฺฐ ปุคฺคลา จกฺขุนฺทฺริยญฺจ น ปริชานนฺติ
อนญฺญาตญฺญสฺสามีตินฺทฺริยํ น ภาเวสฺสนฺติ ฯ โย วา ปน
อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น
ปริชานาตีติ: อคฺคมคฺคสมงฺคี อนญฺญาตญฺญสฺสามีตินฺทฺริยํ
น ภาเวสฺสติ โน จ จกฺขุนฺทฺริยํ น ปริชานาติ อฏฺฐ ปุคฺคลา
อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ
น ปริชานนฺติ ฯ
[๑๔๒๗] โย จกฺขุนฺทฺริยํ น ปริชานาติ โส อญฺญินฺทฺริยํ น ภาเวสฺสตีติ:
สตฺต ปุคฺคลา จกฺขุนฺทฺริยํ น ปริชานนฺติ โน จ อญฺญินฺทฺริยํ
น ภาเวสฺสนฺติ เทฺว ปุคฺคลา จกฺขุนฺทฺริยญฺจ น ปริชานนฺติ
อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ
น ภาเวสฺสติ โส จกฺขุนฺทฺริยํ น ปริชานาตีติ: อคฺคมคฺคสมงฺคี
อญฺญินฺทฺริยํ น ภาเวสฺสติ โน จ จกฺขุนฺทฺริยํ น ปริชานาติ เทฺว
ปุคฺคลา อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานนฺติ ฯ
[๑๔๒๘] โย จกฺขุนฺทฺริยํ น ปริชานาติ โส อญฺญาตาวินฺทฺริยํ
น สจฺฉิกริสฺสตีติ: สตฺต ปุคฺคลา จกฺขุนฺทฺริยํ น ปริชานนฺติ โน จ
อญฺญาตาวินฺทฺริยํ น สจฺฉิกริสฺสนฺติ เทฺว ปุคฺคลา จกฺขุนฺทฺริยญฺจ
น ปริชานนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานาตีติ:
อามนฺตา ฯ
[๑๔๒๙] โย โทมนสฺสินฺทฺริยํ นปฺปชหติ โส อนญฺญาตญฺญสฺสามีตินฺทฺริยํ
น ภาเวสฺสตีติ: เย ปุถุชฺชนา มคฺคํ ปฏิลภิสฺสนฺติ เต
โทมนสฺสินฺทฺริยํ นปฺปชหนฺติ โน จ อนญฺญาตญฺญสฺสามีตินฺทฺริยํ
น ภาเวสฺสนฺติ อฏฺฐ ปุคฺคลา โทมนสฺสินฺทฺริยญฺจ นปฺปชหนฺติ
อนญฺญาตญฺญสฺสามีตินฺทฺริยญฺจ น ภาเวสฺสนฺติ ฯ โย วา ปน
อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหตีติ:
อนาคามิมคฺคสมงฺคี อนญฺญาตญฺญสฺสามีตินฺทฺริยํ น ภาเวสฺสติ โน จ
โทมนสฺสินฺทฺริยํ นปฺปชหติ อฏฺฐ ปุคฺคลา อนญฺญาตญฺญสฺสามีตินฺทฺริยญฺจ
น ภาเวสฺสนฺติ โทมนสฺสินฺทฺริยญฺจ นปฺปชหนฺติ ฯ
[๑๔๓๐] โย โทมนสฺสินฺทฺริยํ นปฺปชหติ โส อญฺญินฺทฺริยํ
น ภาเวสฺสตีติ: ฉ ปุคฺคลา โทมนสฺสินฺทฺริยํ นปฺปชหนฺติ โน จ
อญฺญินฺทฺริยํ น ภาเวสฺสนฺติ ตโย ปุคฺคลา โทมนสฺสินฺทฺริยญฺจ
นปฺปชหนฺติ อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ
น ภาเวสฺสติ โส โทมนสฺสินฺทฺริยํ นปฺปชหตีติ: อามนฺตา ฯ
[๑๔๓๑] โย โทมนสฺสินฺทฺริยํ นปฺปชหติ โส อญฺญาตาวินฺทฺริยํ
น สจฺฉิกริสฺสตีติ: สตฺต ปุคฺคลา โทมนสฺสินฺทฺริยํ นปฺปชหนฺติ โน จ
อญฺญาตาวินฺทฺริยํ น สจฺฉิกริสฺสนฺติ เทฺว ปุคฺคลา โทมนสฺสินฺทฺริยญฺจ
นปฺปชหนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหตีติ:
อามนฺตา ฯ
[๑๔๓๒] โย อนญฺญาตญฺญสฺสามีตินฺทฺริยํ น ภาเวติ โส อญฺญินฺทฺริยํ
น ภาเวสฺสตีติ: ฉ ปุคฺคลา อนญฺญาตญฺญสฺสามีตินฺทฺริยํ
น ภาเวนฺติ โน จ อญฺญินฺทฺริยํ น ภาเวสฺสนฺติ ตโย ปุคฺคลา
อนญฺญาตญฺญสฺสามีตินฺทฺริยญฺจ น ภาเวนฺติ อญฺญินฺทฺริยญฺจ
น ภาเวสฺสนฺติ ฯ โย วา ปน อญฺญินฺทฺริยํ น ภาเวสฺสติ โส
อนญฺญาตญฺญสฺสามีตินฺทฺริยํ น ภาเวตีติ: อามนฺตา ฯ
[๑๔๓๓] โย อนญฺญาตญฺญสฺสามีตินฺทฺริยํ น ภาเวติ โส
อญฺญาตาวินฺทฺริยํ น สจฺฉิกริสฺสตีติ: สตฺต ปุคฺคลา อนญฺญาตญฺญสฺสามีตินฺทฺริยํ
น ภาเวนฺติ โน จ อญฺญาตาวินฺทฺริยํ น สจฺฉิกริสฺสนฺติ เทฺว ปุคฺคลา
อนญฺญาตญฺญสฺสามีตินฺทฺริยญฺจ น ภาเวนฺติ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส อนญฺญาตญฺญสฺสามีตินฺทฺริยํ น ภาเวตีติ: อามนฺตา ฯ
[๑๔๓๔] โย อญฺญินฺทฺริยํ น ภาเวติ โส อญฺญาตาวินฺทฺริยํ
น สจฺฉิกริสฺสตีติ: ปญฺจ ปุคฺคลา อญฺญินฺทฺริยํ น ภาเวนฺติ โน จ
อญฺญาตาวินฺทฺริยํ น สจฺฉิกริสฺสนฺติ เทฺว ปุคฺคลา อญฺญินฺทฺริยญฺจ
น ภาเวนฺติ อญฺญาตาวินฺทฺริยญฺจ น สจฺฉิกริสฺสนฺติ ฯ โย วา ปน
อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวตีติ:
อามนฺตา ฯ
-------------
[๑๔๓๕] โย จกฺขุนฺทฺริยํ ปริชานิตฺถ โส โทมนสฺสินฺทฺริยํ
ปชหิสฺสตีติ: โน ฯ โย วา ปน โทมนสฺสินฺทฺริยํ ปชหิสฺสติ
โส จกฺขุนฺทฺริยํ ปริชานิตฺถาติ: โน ฯ
[๑๔๓๖] โย จกฺขุนฺทฺริยํ ปริชานิตฺถ โส อนญฺญาตญฺญสฺสามีตินฺทฺริยํ
ภาเวสฺสตีติ: โน ฯ โย วา ปน อนญฺญาตญฺญสฺสามีตินฺทฺริยํ
ภาเวสฺสติ โส จกฺขุนฺทฺริยํ ปริชานิตฺถาติ: โน ฯ
[๑๔๓๗] โย จกฺขุนฺทฺริยํ ปริชานิตฺถ โส อญฺญินฺทฺริยํ ภาเวสฺสตีติ:
โน ฯ โย วา ปน อญฺญินฺทฺริยํ ภาเวสฺสติ โส จกฺขุนฺทฺริยํ
ปริชานิตฺถาติ: โน ฯ
[๑๔๓๘] โย จกฺขุนฺทฺริยํ ปริชานิตฺถ โส อญฺญาตาวินฺทฺริยํ
สจฺฉิกริสฺสตีติ: โน ฯ โย วา ปน อญฺญาตาวินฺทฺริยํ สจฺฉิกริสฺสติ
โส จกฺขุนฺทฺริยํ ปริชานิตฺถาติ: โน ฯ
[๑๔๓๙] โย โทมนสฺสินฺทฺริยํ ปชหิตฺถ โส อนญฺญาตญฺญสฺสามีตินฺทฺริยํ
ภาเวสฺสตีติ: โน ฯ โย วา ปน อนญฺญาตญฺญสฺสามีตินฺทฺริยํ
ภาเวสฺสติ โส โทมนสฺสินฺทฺริยํ ปชหิตฺถาติ: โน ฯ
[๑๔๔๐] โย โทมนสฺสินฺทฺริยํ ปชหิตฺถ โส อญฺญินฺทฺริยํ
ภาเวสฺสตีติ: เทฺว ปุคฺคลา โทมนสฺสินฺทฺริยํ ปชหิตฺถ โน จ
อญฺญินฺทฺริยํ ภาเวสฺสนฺติ อนาคามี โทมนสฺสินฺทฺริยญฺจ ปชหิตฺถ
อญฺญินฺทฺริยญฺจ ภาเวสฺสติ ฯ โย วา ปน อญฺญินฺทฺริยํ ภาเวสฺสติ
โส โทมนสฺสินฺทฺริยํ ปชหิตฺถาติ: ฉ ปุคฺคลา อญฺญินฺทฺริยํ
ภาเวสฺสนฺติ โน จ โทมนสฺสินฺทฺริยํ ปชหิตฺถ อนาคามี อญฺญินฺทฺริยญฺจ
ภาเวสฺสติ โทมนสฺสินฺทฺริยญฺจ ปชหิตฺถ ฯ
[๑๔๔๑] โย โทมนสฺสินฺทฺริยํ ปชหิตฺถ โส อญฺญาตาวินฺทฺริยํ
สจฺฉิกริสฺสตีติ: อรหา โทมนสฺสินฺทฺริยํ ปชหิตฺถ โน จ
อญฺญาตาวินฺทฺริยํ สจฺฉิกริสฺสติ เทฺว ปุคฺคลา โทมนสฺสินฺทฺริยญฺจ
ปชหิตฺถ อญฺญาตาวินฺทฺริยญฺจ สจฺฉิกริสฺสนฺติ ฯ โย วา ปน
อญฺญาตาวินฺทฺริยํ สจฺฉิกริสฺสติ โส โทมนสฺสินฺทฺริยํ ปชหิตฺถาติ:
ฉ ปุคฺคลา อญฺญาตาวินฺทฺริยํ สจฺฉิกริสฺสนฺติ โน จ โทมนสฺสินฺทฺริยํ
ปชหิตฺถ เทฺว ปุคฺคลา อญฺญาตาวินฺทฺริยญฺจ สจฺฉิกริสฺสนฺติ
โทมนสฺสินฺทฺริยญฺจ ปชหิตฺถ ฯ
[๑๔๔๒] โย อนญฺญาตญฺญสฺสามีตินฺทฺริยํ ภาวิตฺถ โส อญฺญินฺทฺริยํ
ภาเวสฺสตีติ: เทฺว ปุคฺคลา อนญฺญาตญฺญสฺสามีตินฺทฺริยํ
ภาวิตฺถ โน จ อญฺญินฺทฺริยํ ภาเวสฺสนฺติ ปญฺจ ปุคฺคลา
อนญฺญาตญฺญสฺสามีตินฺทฺริยญฺจ ภาวิตฺถ อญฺญินฺทฺริยญฺจ ภาเวสฺสนฺติ ฯ
โย วา ปน อญฺญินฺทฺริยํ ภาเวสฺสติ โส อนญฺญาตญฺญสฺสามีตินฺทฺริยํ
ภาวิตฺถาติ: เทฺว ปุคฺคลา อญฺญินฺทฺริยํ ภาเวสฺสนฺติ โน จ
อนญฺญาตญฺญสฺสามีตินฺทฺริยํ ภาวิตฺถ ปญฺจ ปุคฺคลา อญฺญินฺทฺริยญฺจ
ภาเวสฺสนฺติ อนญฺญาตญฺญสฺสามีตินฺทฺริยญฺจ ภาวิตฺถ ฯ
[๑๔๔๓] โย อนญฺญาตญฺญสฺสามีตินฺทฺริยํ ภาวิตฺถ โส
อญฺญาตาวินฺทฺริยํ สจฺฉิกริสฺสตีติ: อรหา อนญฺญาตญฺญสฺสามีตินฺทฺริยํ
ภาวิตฺถ โน จ อญฺญาตาวินฺทฺริยํ สจฺฉิกริสฺสติ ฉ ปุคฺคลา
อนญฺญาตญฺญสฺสามีตินฺทฺริยญฺจ ภาวิตฺถ อญฺญาตาวินฺทฺริยญฺจ
สจฺฉิกริสฺสนฺติ ฯ โย วา ปน อญฺญาตาวินฺทฺริยํ สจฺฉิกริสฺสติ
โส อนญฺญาตญฺญสฺสามีตินฺทฺริยํ ภาวิตฺถาติ: เทฺว ปุคฺคลา
อญฺญาตาวินฺทฺริยํ สจฺฉิกริสฺสนฺติ โน จ อนญฺญาตญฺญสฺสามีตินฺทฺริยํ
ภาวิตฺถ ฉ ปุคฺคลา อญฺญาตาวินฺทฺริยญฺจ สจฺฉิกริสฺสนฺติ
อนญฺญาตญฺญสฺสามีตินฺทฺริยญฺจ ภาวิตฺถ ฯ
[๑๔๔๔] โย อญฺญินฺทฺริยํ ภาวิตฺถ โส อญฺญาตาวินฺทฺริยํ
สจฺฉิกริสฺสตีติ: โน ฯ โย วา ปน อญฺญาตาวินฺทฺริยํ สจฺฉิกริสฺสติ
โส อญฺญินฺทฺริยํ ภาวิตฺถาติ: โน ฯ
[๑๔๔๕] โย จกฺขุนฺทฺริยํ น ปริชานิตฺถ โส โทมนสฺสินฺทฺริยํ
นปฺปชหิสฺสตีติ: ปญฺจ ปุคฺคลา จกฺขุนฺทฺริยํ น ปริชานิตฺถ โน จ
โทมนสฺสินฺทฺริยํ นปฺปชหิสฺสนฺติ ตโย ปุคฺคลา จกฺขุนฺทฺริยญฺจ
น ปริชานิตฺถ โทมนสฺสินฺทฺริยญฺจ นปฺปชหิสฺสนฺติ ฯ โย วา ปน
โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิตฺถาติ:
อรหา โทมนสฺสินฺทฺริยํ นปฺปชหิสฺสติ โน จ จกฺขุนฺทฺริยํ
น ปริชานิตฺถ ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ
จกฺขุนฺทฺริยญฺจ น ปริชานิตฺถ ฯ
[๑๔๔๖] โย จกฺขุนฺทฺริยํ น ปริชานิตฺถ โส อนญฺญาตญฺญสฺสามีตินฺทฺริยํ
น ภาเวสฺสตีติ: เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ
น ปริชานิตฺถ โน จ อนญฺญาตญฺญสฺสามีตินฺทฺริยํ น ภาเวสฺสนฺติ
อฏฺฐ ปุคฺคลา จกฺขุนฺทฺริยญฺจ น ปริชานิตฺถ อนญฺญาตญฺญสฺสามีตินฺทฺริยํ
น ภาเวสฺสนฺติ ฯ โย วา ปน อนญฺญาตญฺญสฺสามีตินฺทฺริยํ
น ภาเวสฺสติ โส จกฺขุนฺทฺริยํ น ปริชานิตฺถาติ: อรหา
อนญฺญาตญฺญสฺสามีตินฺทฺริยํ น ภาเวสฺสติ โน จ จกฺขุนฺทฺริยํ
น ปริชานิตฺถ อฏฺฐ ปุคฺคลา อนญฺญาตญฺญสฺสามีตินฺทฺริยญฺจ
น ภาเวสฺสนฺติ จกฺขุนฺทฺริยญฺจ น ปริชานิตฺถ ฯ
[๑๔๔๗] โย จกฺขุนฺทฺริยํ น ปริชานิตฺถ โส อญฺญินฺทฺริยํ
น ภาเวสฺสตีติ: สตฺต ปุคฺคลา จกฺขุนฺทฺริยํ น ปริชานิตฺถ โน จ
อญฺญินฺทฺริยํ น ภาเวสฺสนฺติ เทฺว ปุคฺคลา จกฺขุนฺทฺริยญฺจ น
ปริชานิตฺถ อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ
น ภาเวสฺสติ โส จกฺขุนฺทฺริยํ น ปริชานิตฺถาติ: อรหา อญฺญินฺทฺริยํ
น ภาเวสฺสติ โน จ จกฺขุนฺทฺริยํ น ปริชานิตฺถ เทฺว ปุคฺคลา
อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถ ฯ
[๑๔๔๘] โย จกฺขุนฺทฺริยํ น ปริชานิตฺถ โส อญฺญาตาวินฺทฺริยํ
น สจฺฉิกริสฺสตีติ: อฏฺฐ ปุคฺคลา จกฺขุนฺทฺริยํ น ปริชานิตฺถ โน จ
อญฺญาตาวินฺทฺริยํ น สจฺฉิกริสฺสนฺติ เย ปุถุชฺชนา มคฺคํ น ปฏิลภิสฺสนฺติ
เต จกฺขุนฺทฺริยญฺจ น ปริชานิตฺถ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส จกฺขุนฺทฺริยํ น ปริชานิตฺถาติ: อรหา อญฺญาตาวินฺทฺริยํ
น สจฺฉิกริสฺสติ โน จ จกฺขุนฺทฺริยํ น ปริชานิตฺถ เย ปุถุชฺชนา
มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ
จกฺขุนฺทฺริยญฺจ น ปริชานิตฺถ ฯ
[๑๔๔๙] โย โทมนสฺสินฺทฺริยํ นปฺปชหิตฺถ โส
อนญฺญาตญฺญสฺสามีตินฺทฺริยํ น ภาเวสฺสตีติ: เย ปุถุชฺชนา
มคฺคํ ปฏิลภิสฺสนฺติ เต โทมนสฺสินฺทฺริยํ นปฺปชหิตฺถ โน จ
อนญฺญาตญฺญสฺสามีตินฺทฺริยํ น ภาเวสฺสนฺติ ฉ ปุคฺคลา
โทมนสฺสินฺทฺริยญฺจ นปฺปชหิตฺถ อนญฺญาตญฺญสฺสามีตินฺทฺริยญฺจ
น ภาเวสฺสนฺติ ฯ โย วา ปน อนญฺญาตญฺญสฺสามีตินฺทฺริยํ น
ภาเวสฺสติ โส โทมนสฺสินฺทฺริยํ นปฺปชหิตฺถาติ: ตโย ปุคฺคลา
อนญฺญาตญฺญสฺสามีตินฺทฺริยํ น ภาเวสฺสนฺติ โน จ โทมนสฺสินฺทฺริยํ
นปฺปชหิตฺถ ฉ ปุคฺคลา อนญฺญาตญฺญสฺสามีตินฺทฺริยญฺจ
น ภาเวสฺสนฺติ โทมนสฺสินฺทฺริยญฺจ นปฺปชหิตฺถ ฯ
[๑๔๕๐] โย โทมนสฺสินฺทฺริยํ นปฺปชหิตฺถ โส อญฺญินฺทฺริยํ
น ภาเวสฺสตีติ: ฉ ปุคฺคลา โทมนสฺสินฺทฺริยํ นปฺปชหิตฺถ โน จ
อญฺญินฺทฺริยํ น ภาเวสฺสนฺติ เย ปุถุชฺชนา มคฺคํ น ปฏิลภิสฺสนฺติ
เต โทมนสฺสินฺทฺริยญฺจ นปฺปชหิตฺถ อญฺญินฺทฺริยญฺจ น ภาเวสฺสนฺติ ฯ
โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ
นปฺปชหิตฺถาติ: เทฺว ปุคฺคลา อญฺญินฺทฺริยํ น ภาเวสฺสนฺติ โน จ
โทมนสฺสินฺทฺริยํ นปฺปชหิตฺถ เย ปุถุชฺชนา มคฺคํ น ปฏิลภิสฺสนฺติ
เต อญฺญินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิตฺถ ฯ
[๑๔๕๑] โย โทมนสฺสินฺทฺริยํ นปฺปชหิตฺถ โส อญฺญาตาวินฺทฺริยํ
น สจฺฉิกริสฺสตีติ: ฉ ปุคฺคลา โทมนสฺสินฺทฺริยํ นปฺปชหิตฺถ โน จ
อญฺญาตาวินฺทฺริยํ น สจฺฉิกริสฺสนฺติ เย ปุถุชฺชนา มคฺคํ น
ปฏิลภิสฺสนฺติ เต โทมนสฺสินฺทฺริยญฺจ นปฺปชหิตฺถ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส โทมนสฺสินฺทฺริยํ นปฺปชหิตฺถาติ: อรหา อญฺญาตาวินฺทฺริยํ
น สจฺฉิกริสฺสติ โน จ โทมนสฺสินฺทฺริยํ นปฺปชหิตฺถ เย ปุถุชฺชนา
มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ
โทมนสฺสินฺทฺริยญฺจ นปฺปชหิตฺถ ฯ
[๑๔๕๒] โย อนญฺญาตญฺญสฺสามีตินฺทฺริยํ น ภาวิตฺถ โส อญฺญินฺทฺริยํ
น ภาเวสฺสตีติ: เทฺว ปุคฺคลา อนญฺญาตญฺญสฺสามีตินฺทฺริยํ
น ภาวิตฺถ โน จ อญฺญินฺทฺริยํ น ภาเวสฺสนฺติ เย ปุถุชฺชนา มคฺคํ
น ปฏิลภิสฺสนฺติ เต อนญฺญาตญฺญสฺสามีตินฺทฺริยญฺจ น ภาวิตฺถ
อญฺญินฺทฺริยญฺจ น ภาเวสฺสนฺติ ฯ โย วา ปน อญฺญินฺทฺริยํ น ภาเวสฺสติ
โส อนญฺญาตญฺญสฺสามีตินฺทฺริยํ น ภาวิตฺถาติ: เทฺว ปุคฺคลา
อญฺญินฺทฺริยํ น ภาเวสฺสนฺติ โน จ อนญฺญาตญฺญสฺสามีตินฺทฺริยํ
น ภาวิตฺถ เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ
น ภาเวสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถ ฯ
[๑๔๕๓] โย อนญฺญาตญฺญสฺสามีตินฺทฺริยํ น ภาวิตฺถ โส
อญฺญาตาวินฺทฺริยํ น สจฺฉิกริสฺสตีติ: เทฺว ปุคฺคลา
อนญฺญาตญฺญสฺสามีตินฺทฺริยํ น ภาวิตฺถ โน จ อญฺญาตาวินฺทฺริยํ
น สจฺฉิกริสฺสนฺติ เย ปุถุชฺชนา มคฺคํ น ปฏิลภิสฺสนฺติ เต
อนญฺญาตญฺญสฺสามีตินฺทฺริยญฺจ น ภาวิตฺถ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส อนญฺญาตญฺญสฺสามีตินฺทฺริยํ น ภาวิตฺถาติ: อรหา
อญฺญาตาวินฺทฺริยํ น สจฺฉิกริสฺสติ โน จ อนญฺญาตญฺญสฺสามีตินฺทฺริยํ
น ภาวิตฺถ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ
น สจฺฉิกริสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถ ฯ
[๑๔๕๔] โย อญฺญินฺทฺริยํ น ภาวิตฺถ โส อญฺญาตาวินฺทฺริยํ
น สจฺฉิกริสฺสตีติ: อฏฺฐ ปุคฺคลา อญฺญินฺทฺริยํ น ภาวิตฺถ โน จ
อญฺญาตาวินฺทฺริยํ น สจฺฉิกริสฺสนฺติ เย ปุถุชฺชนา มคฺคํ น ปฏิลภิสฺสนฺติ
เต อญฺญินฺทฺริยญฺจ น ภาวิตฺถ อญฺญาตาวินฺทฺริยญฺจ
น สจฺฉิกริสฺสนฺติ ฯ โย วา ปน อญฺญาตาวินฺทฺริยํ น สจฺฉิกริสฺสติ
โส อญฺญินฺทฺริยํ น ภาวิตฺถาติ: อรหา อญฺญาตาวินฺทฺริยํ
น สจฺฉิกริสฺสติ โน จ อญฺญินฺทฺริยํ น ภาวิตฺถ เย ปุถุชฺชนา
มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ
อญฺญินฺทฺริยญฺจ น ภาวิตฺถาติ ฯ
อินฺทฺริยยมกํ ทสมํ
นิฏฺฐิตํ ฯ
ยมกปฺปกรณํ ปจฺฉิมํ
นิฏฺฐิตํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๓๙ หน้าที่ ๕๐๙-๕๕๖.
https://84000.org/tipitaka/read/pali_item.php?book=39&item=1312&items=322
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=39&item=1312&items=322&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=39&item=1312&items=322
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=39&item=1312&items=322
ศึกษาอรรถกถานี้ได้ที่ :-
https://84000.org/tipitaka/attha/attha.php?b=39&i=1312
สารบัญพระไตรปิฎกเล่มที่ ๓๙
https://84000.org/tipitaka/read/?index_39
https://84000.org/tipitaka/english/?index_39
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
