พระไตรปิฎกเล่มที่ ๓๙ ภาษาบาลี อักษรไทย
พระอภิธรรมปิฎกเล่มที่ ๖ อภิ. ยมกํ (๒)

หน้าที่ ๑๘๔.
                                         ปวตฺติวาโร
     [๔๘๘]   ยสฺส    จกฺขุนฺทฺริยํ    อุปฺปชฺชติ    ตสฺส   โสตินฺทฺริยํ
อุปฺปชฺชตีติ:   สจกฺขุกานํ   อโสตกานํ   อุปปชฺชนฺตานํ   เตสํ  จกฺขุนฺทฺริยํ
อุปฺปชฺชติ   โน   จ  เตสํ  โสตินฺทฺริยํ  อุปฺปชฺชติ  สจกฺขุกานํ  สโสตกานํ
อุปปชฺชนฺตานํ     เตสํ     จกฺขุนฺทฺริยญฺจ     อุปฺปชฺชติ    โสตินฺทฺริยญฺจ
อุปฺปชฺชติ   ฯ   ยสฺส  วา  ปน  โสตินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:   สโสตกานํ   อจกฺขุกานํ   อุปปชฺชนฺตานํ   เตสํ  โสตินฺทฺริยํ
อุปฺปชฺชติ    โน    จ    เตสํ    จกฺขุนฺทฺริยํ    อุปฺปชฺชติ   สโสตกานํ
สจกฺขุกานํ      อุปปชฺชนฺตานํ     เตสํ     โสตินฺทฺริยญฺจ     อุปฺปชฺชติ
จกฺขุนฺทฺริยญฺจ อุปฺปชฺชติ ฯ
     [๔๘๙]   ยสฺส    จกฺขุนฺทฺริยํ    อุปฺปชฺชติ    ตสฺส   ฆานินฺทฺริยํ
อุปฺปชฺชตีติ:   สจกฺขุกานํ   อฆานกานํ   อุปปชฺชนฺตานํ   เตสํ  จกฺขุนฺทฺริยํ
อุปฺปชฺชติ   โน   จ  เตสํ  ฆานินฺทฺริยํ  อุปฺปชฺชติ  สจกฺขุกานํ  สฆานกานํ
อุปปชฺชนฺตานํ     เตสํ     จกฺขุนฺทฺริยญฺจ     อุปฺปชฺชติ    ฆานินฺทฺริยญฺจ
อุปฺปชฺชติ   ฯ   ยสฺส  วา  ปน  ฆานินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:   สฆานกานํ   อจกฺขุกานํ   อุปปชฺชนฺตานํ   เตสํ  ฆานินฺทฺริยํ
อุปฺปชฺชติ    โน    จ    เตสํ    จกฺขุนฺทฺริยํ    อุปฺปชฺชติ   สฆานกานํ
สจกฺขุกานํ   อุปปชฺชนฺตานํ   เตสํ  ฆานินฺทฺริยญฺจ  อุปฺปชฺชติ  จกฺขุนฺทฺริยญฺจ
อุปฺปชฺชติ ฯ
     [๔๙๐]   ยสฺส    จกฺขุนฺทฺริยํ    อุปฺปชฺชติ    ตสฺส   อิตฺถินฺทฺริยํ
---------------------------------------------------------------------------------------------
หน้าที่ ๑๘๕.
อุปฺปชฺชตีติ:    สจกฺขุกานํ   นอิตฺถีนํ   อุปปชฺชนฺตานํ   เตสํ   จกฺขุนฺทฺริยํ
อุปฺปชฺชติ   โน   จ   เตสํ   อิตฺถินฺทฺริยํ   อุปฺปชฺชติ  สจกฺขุกานํ  อิตฺถีนํ
อุปปชฺชนฺตีนํ     ตาสํ     จกฺขุนฺทฺริยญฺจ     อุปฺปชฺชติ     อิตฺถินฺทฺริยญฺจ
อุปฺปชฺชติ   ฯ   ยสฺส  วา  ปน  อิตฺถินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:    อิตฺถีนํ    อจกฺขุกานํ   อุปปชฺชนฺตีนํ   ตาสํ   อิตฺถินฺทฺริยํ
อุปฺปชฺชติ   โน   จ   ตาสํ   จกฺขุนฺทฺริยํ   อุปฺปชฺชติ  อิตฺถีนํ  สจกฺขุกานํ
อุปปชฺชนฺตีนํ ตาสํ อิตฺถินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๔๙๑]   ยสฺส    จกฺขุนฺทฺริยํ    อุปฺปชฺชติ    ตสฺส   ปุริสินฺทฺริยํ
อุปฺปชฺชตีติ:   สจกฺขุกานํ   นปุริสานํ   อุปปชฺชนฺตานํ   เตสํ   จกฺขุนฺทฺริยํ
อุปฺปชฺชติ   โน   จ   เตสํ   ปุริสินฺทฺริยํ  อุปฺปชฺชติ  สจกฺขุกานํ  ปุริสานํ
อุปปชฺชนฺตานํ     เตสํ     จกฺขุนฺทฺริยญฺจ     อุปฺปชฺชติ    ปุริสินฺทฺริยญฺจ
อุปฺปชฺชติ   ฯ   ยสฺส  วา  ปน  ปุริสินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:    ปุริสานํ   อจกฺขุกานํ   อุปปชฺชนฺตานํ   เตสํ   ปุริสินฺทฺริยํ
อุปฺปชฺชติ   โน   จ   เตสํ   จกฺขุนฺทฺริยํ  อุปฺปชฺชติ  ปุริสานํ  สจกฺขุกานํ
อุปปชฺชนฺตานํ     เตสํ     ปุริสินฺทฺริยญฺจ     อุปฺปชฺชติ    จกฺขุนฺทฺริยญฺจ
อุปฺปชฺชติ ฯ
     [๔๙๒]   ยสฺส    จกฺขุนฺทฺริยํ    อุปฺปชฺชติ    ตสฺส   ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ชีวิตินฺทฺริยํ  อุปฺปชฺชติ  ตสฺส
จกฺขุนฺทฺริยํ   อุปฺปชฺชตีติ:   อจกฺขุกานํ  อุปปชฺชนฺตานํ  เตสํ  ชีวิตินฺทฺริยํ
อุปฺปชฺชติ  โน  จ  เตสํ  จกฺขุนฺทฺริยํ  อุปฺปชฺชติ  สจกฺขุกานํ  อุปปชฺชนฺตานํ
---------------------------------------------------------------------------------------------
หน้าที่ ๑๘๖.
เตสํ ชีวิตินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๔๙๓]   ยสฺส   จกฺขุนฺทฺริยํ   อุปฺปชฺชติ   ตสฺส   โสมนสฺสินฺทฺริยํ
อุปฺปชฺชตีติ:    สจกฺขุกานํ    วินา   โสมนสฺเสน   อุปปชฺชนฺตานํ   เตสํ
จกฺขุนฺทฺริยํ    อุปฺปชฺชติ    โน   จ   เตสํ   โสมนสฺสินฺทฺริยํ   อุปฺปชฺชติ
สจกฺขุกานํ   โสมนสฺเสน   อุปปชฺชนฺตานํ   เตสํ  จกฺขุนฺทฺริยญฺจ  อุปฺปชฺชติ
โสมนสฺสินฺทฺริยญฺจ    อุปฺปชฺชติ   ฯ   ยสฺส   วา   ปน   โสมนสฺสินฺทฺริยํ
อุปฺปชฺชติ ตสฺส จกฺขุนฺทฺริยํ อุปฺปชฺชตีติ: อามนฺตา ฯ
     [๔๙๔]   ยสฺส    จกฺขุนฺทฺริยํ   อุปฺปชฺชติ   ตสฺส   อุเปกฺขินฺทฺริยํ
อุปฺปชฺชตีติ:    สจกฺขุกานํ    วินา    อุเปกฺขาย   อุปปชฺชนฺตานํ   เตสํ
จกฺขุนฺทฺริยํ    อุปฺปชฺชติ    โน    จ   เตสํ   อุเปกฺขินฺทฺริยํ   อุปฺปชฺชติ
สจกฺขุกานํ   อุเปกฺขาย   อุปปชฺชนฺตานํ   เตสํ   จกฺขุนฺทฺริยญฺจ  อุปฺปชฺชติ
อุเปกฺขินฺทฺริยญฺจ   อุปฺปชฺชติ  ฯ  ยสฺส  วา  ปน  อุเปกฺขินฺทฺริยํ  อุปฺปชฺชติ
ตสฺส   จกฺขุนฺทฺริยํ   อุปฺปชฺชตีติ:   อุเปกฺขาย   อจกฺขุกานํ  อุปปชฺชนฺตานํ
เตสํ   อุเปกฺขินฺทฺริยํ   อุปฺปชฺชติ   โน   จ  เตสํ  จกฺขุนฺทฺริยํ  อุปฺปชฺชติ
อุเปกฺขาย     สจกฺขุกานํ     อุปปชฺชนฺตานํ    เตสํ    อุเปกฺขินฺทฺริยญฺจ
อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๔๙๕]   ยสฺส    จกฺขุนฺทฺริยํ    อุปฺปชฺชติ    ตสฺส   สทฺธินฺทฺริยํ
อุปฺปชฺชตีติ:   สจกฺขุกานํ   อเหตุกานํ   อุปปชฺชนฺตานํ   เตสํ  จกฺขุนฺทฺริยํ
อุปฺปชฺชติ   โน   จ  เตสํ  สทฺธินฺทฺริยํ  อุปฺปชฺชติ  สจกฺขุกานํ  สเหตุกานํ
อุปปชฺชนฺตานํ     เตสํ     จกฺขุนฺทฺริยญฺจ     อุปฺปชฺชติ    สทฺธินฺทฺริยญฺจ
---------------------------------------------------------------------------------------------
หน้าที่ ๑๘๗.
อุปฺปชฺชติ   ฯ   ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:   สเหตุกานํ   อจกฺขุกานํ   อุปปชฺชนฺตานํ   เตสํ  สทฺธินฺทฺริยํ
อุปฺปชฺชติ   โน   จ  เตสํ  จกฺขุนฺทฺริยํ  อุปฺปชฺชติ  สเหตุกานํ  สจกฺขุกานํ
อุปปชฺชนฺตานํ     เตสํ     สทฺธินฺทฺริยญฺจ     อุปฺปชฺชติ    จกฺขุนฺทฺริยญฺจ
อุปฺปชฺชติ ฯ
     [๔๙๖]   ยสฺส    จกฺขุนฺทฺริยํ    อุปฺปชฺชติ    ตสฺส   ปญฺญินฺทฺริยํ
อุปฺปชฺชตีติ:     สจกฺขุกานํ    ญาณวิปฺปยุตฺตานํ    อุปปชฺชนฺตานํ    เตสํ
จกฺขุนฺทฺริยํ   อุปฺปชฺชติ   โน  จ  เตสํ  ปญฺญินฺทฺริยํ  อุปฺปชฺชติ  สจกฺขุกานํ
ญาณสมฺปยุตฺตานํ     อุปปชฺชนฺตานํ    เตสํ    จกฺขุนฺทฺริยญฺจ    อุปฺปชฺชติ
ปญฺญินฺทฺริยญฺจ   อุปฺปชฺชติ   ฯ   ยสฺส   วา   ปน  ปญฺญินฺทฺริยํ  อุปฺปชฺชติ
ตสฺส     จกฺขุนฺทฺริยํ     อุปฺปชฺชตีติ:     ญาณสมฺปยุตฺตานํ    อจกฺขุกานํ
อุปปชฺชนฺตานํ   เตสํ   ปญฺญินฺทฺริยํ   อุปฺปชฺชติ  โน  จ  เตสํ  จกฺขุนฺทฺริยํ
อุปฺปชฺชติ     ญาณสมฺปยุตฺตานํ     สจกฺขุกานํ     อุปปชฺชนฺตานํ    เตสํ
ปญฺญินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๔๙๗]   ยสฺส  จกฺขุนฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  จกฺขุนฺทฺริยํ
อุปฺปชฺชตีติ:   สจิตฺตกานํ   อจกฺขุกานํ   อุปปชฺชนฺตานํ   เตสํ   มนินฺทฺริยํ
อุปฺปชฺชติ  โน  จ  เตสํ  จกฺขุนฺทฺริยํ  อุปฺปชฺชติ  สจกฺขุกานํ  อุปปชฺชนฺตานํ
เตสํ มนินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๔๙๘]   ยสฺส    ฆานินฺทฺริยํ    อุปฺปชฺชติ    ตสฺส   อิตฺถินฺทฺริยํ
---------------------------------------------------------------------------------------------
หน้าที่ ๑๘๘.
อุปฺปชฺชตีติ:    สฆานกานํ   นอิตฺถีนํ   อุปปชฺชนฺตานํ   เตสํ   ฆานินฺทฺริยํ
อุปฺปชฺชติ   โน   จ   เตสํ   อิตฺถินฺทฺริยํ   อุปฺปชฺชติ  สฆานกานํ  อิตฺถีนํ
อุปปชฺชนฺตีนํ     ตาสํ     ฆานินฺทฺริยญฺจ     อุปฺปชฺชติ     อิตฺถินฺทฺริยญฺจ
อุปฺปชฺชติ   ฯ   ยสฺส  วา  ปน  อิตฺถินฺทฺริยํ  อุปฺปชฺชติ  ตสฺส  ฆานินฺทฺริยํ
อุปฺปชฺชตีติ:    อิตฺถีนํ    อฆานกานํ    อุปปชฺชนฺตีนํ   ตาสํ   อิตฺถินฺทฺริยํ
อุปฺปชฺชติ   โน   จ   ตาสํ   ฆานินฺทฺริยํ   อุปฺปชฺชติ  อิตฺถีนํ  สฆานกานํ
อุปปชฺชนฺตีนํ     ตาสํ     อิตฺถินฺทฺริยญฺจ     อุปฺปชฺชติ     ฆานินฺทฺริยญฺจ
อุปฺปชฺชติ ฯ
     [๔๙๙]   ยสฺส    ฆานินฺทฺริยํ    อุปฺปชฺชติ    ตสฺส   ปุริสินฺทฺริยํ
อุปฺปชฺชตีติ:   สฆานกานํ   นปุริสานํ   อุปปชฺชนฺตานํ   เตสํ   ฆานินฺทฺริยํ
อุปฺปชฺชติ   โน   จ   เตสํ   ปุริสินฺทฺริยํ  อุปฺปชฺชติ  สฆานกานํ  ปุริสานํ
อุปปชฺชนฺตานํ     เตสํ     ฆานินฺทฺริยญฺจ     อุปฺปชฺชติ    ปุริสินฺทฺริยญฺจ
อุปฺปชฺชติ   ฯ   ยสฺส  วา  ปน  ปุริสินฺทฺริยํ  อุปฺปชฺชติ  ตสฺส  ฆานินฺทฺริยํ
อุปฺปชฺชตีติ:    ปุริสานํ   อฆานกานํ   อุปปชฺชนฺตานํ   เตสํ   ปุริสินฺทฺริยํ
อุปฺปชฺชติ   โน   จ   เตสํ   ฆานินฺทฺริยํ  อุปฺปชฺชติ  ปุริสานํ  สฆานกานํ
อุปปชฺชนฺตานํ     เตสํ     ปุริสินฺทฺริยญฺจ     อุปฺปชฺชติ    ฆานินฺทฺริยญฺจ
อุปฺปชฺชติ ฯ
     [๕๐๐]   ยสฺส  ฆานินฺทฺริยํ  อุปฺปชฺชติ  ตสฺส  ชีวิตินฺทฺริยํ อุปฺปชฺชตีติ:
อามนฺตา   ฯ   ยสฺส  วา  ปน  ชีวิตินฺทฺริยํ  อุปฺปชฺชติ  ตสฺส  ฆานินฺทฺริยํ
อุปฺปชฺชตีติ:   อฆานกานํ   อุปปชฺชนฺตานํ   เตสํ   ชีวิตินฺทฺริยํ   อุปฺปชฺชติ
---------------------------------------------------------------------------------------------
หน้าที่ ๑๘๙.
โน    จ    เตสํ   ฆานินฺทฺริยํ   อุปฺปชฺชติ   สฆานกานํ   อุปปชฺชนฺตานํ
เตสํ ชีวิตินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๐๑]   ยสฺส   ฆานินฺทฺริยํ   อุปฺปชฺชติ   ตสฺส   โสมนสฺสินฺทฺริยํ
อุปฺปชฺชตีติ:    สฆานกานํ    วินา   โสมนสฺเสน   อุปปชฺชนฺตานํ   เตสํ
ฆานินฺทฺริยํ    อุปฺปชฺชติ    โน   จ   เตสํ   โสมนสฺสินฺทฺริยํ   อุปฺปชฺชติ
สฆานกานํ   โสมนสฺเสน   อุปปชฺชนฺตานํ   เตสํ  ฆานินฺทฺริยญฺจ  อุปฺปชฺชติ
โสมนสฺสินฺทฺริยญฺจ    อุปฺปชฺชติ   ฯ   ยสฺส   วา   ปน   โสมนสฺสินฺทฺริยํ
อุปฺปชฺชติ    ตสฺส   ฆานินฺทฺริยํ   อุปฺปชฺชตีติ:   โสมนสฺเสน   อฆานกานํ
อุปปชฺชนฺตานํ  เตสํ  โสมนสฺสินฺทฺริยํ  อุปฺปชฺชติ  โน  จ  เตสํ  ฆานินฺทฺริยํ
อุปฺปชฺชติ  โสมนสฺเสน  สฆานกานํ  อุปปชฺชนฺตานํ  เตสํ  โสมนสฺสินฺทฺริยญฺจ
อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๐๒]   ยสฺส    ฆานินฺทฺริยํ   อุปฺปชฺชติ   ตสฺส   อุเปกฺขินฺทฺริยํ
อุปฺปชฺชตีติ:    สฆานกานํ    วินา    อุเปกฺขาย   อุปปชฺชนฺตานํ   เตสํ
ฆานินฺทฺริยํ    อุปฺปชฺชติ    โน    จ   เตสํ   อุเปกฺขินฺทฺริยํ   อุปฺปชฺชติ
สฆานกานํ     อุเปกฺขาย     อุปปชฺชนฺตานํ     เตสํ     ฆานินฺทฺริยญฺจ
อุปฺปชฺชติ   อุเปกฺขินฺทฺริยญฺจ  อุปฺปชฺชติ  ฯ  ยสฺส  วา  ปน  อุเปกฺขินฺทฺริยํ
อุปฺปชฺชติ    ตสฺส    ฆานินฺทฺริยํ   อุปฺปชฺชตีติ:   อุเปกฺขาย   อฆานกานํ
อุปปชฺชนฺตานํ   เตสํ  อุเปกฺขินฺทฺริยํ  อุปฺปชฺชติ  โน  จ  เตสํ  ฆานินฺทฺริยํ
อุปฺปชฺชติ      อุเปกฺขาย      สฆานกานํ      อุปปชฺชนฺตานํ     เตสํ
อุเปกฺขินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
---------------------------------------------------------------------------------------------
หน้าที่ ๑๙๐.
     [๕๐๓]   ยสฺส    ฆานินฺทฺริยํ    อุปฺปชฺชติ    ตสฺส   สทฺธินฺทฺริยํ
อุปฺปชฺชตีติ:   สฆานกานํ   อเหตุกานํ   อุปปชฺชนฺตานํ   เตสํ  ฆานินฺทฺริยํ
อุปฺปชฺชต   โน   จ  เตสํ  สทฺธินฺทฺริยํ  อุปฺปชฺชติ  สฆานกานํ  สเหตุกานํ
อุปปชฺชนฺตานํ     เตสํ     ฆานินฺทฺริยญฺจ     อุปฺปชฺชติ    สทฺธินฺทฺริยญฺจ
อุปฺปชฺชติ   ฯ   ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  ฆานินฺทฺริยํ
อุปฺปชฺชตีติ:   สเหตุกานํ   อฆานกานํ   อุปปชฺชนฺตานํ   เตสํ  สทฺธินฺทฺริยํ
อุปฺปชฺชติ   โน   จ  เตสํ  ฆานินฺทฺริยํ  อุปฺปชฺชติ  สเหตุกานํ  สฆานกานํ
อุปปชฺชนฺตานํ     เตสํ     สทฺธินฺทฺริยญฺจ     อุปฺปชฺชติ    ฆานินฺทฺริยญฺจ
อุปฺปชฺชติ ฯ
     [๕๐๔]   ยสฺส    ฆานินฺทฺริยํ    อุปฺปชฺชติ    ตสฺส   ปญฺญินฺทฺริยํ
อุปฺปชฺชตีติ:     สฆานกานํ    ญาณวิปฺปยุตฺตานํ    อุปปชฺชนฺตานํ    เตสํ
ฆานินฺทฺริยํ   อุปฺปชฺชติ   โน  จ  เตสํ  ปญฺญินฺทฺริยํ  อุปฺปชฺชติ  สฆานกานํ
ญาณสมฺปยุตฺตานํ     อุปปชฺชนฺตานํ    เตสํ    ฆานินฺทฺริยญฺจ    อุปฺปชฺชติ
ปญฺญินฺทฺริยญฺจ   อุปฺปชฺชติ   ฯ   ยสฺส   วา   ปน  ปญฺญินฺทฺริยํ  อุปฺปชฺชติ
ตสฺส     ฆานินฺทฺริยํ     อุปฺปชฺชตีติ:     ญาณสมฺปยุตฺตานํ    อฆานกานํ
อุปปชฺชนฺตานํ   เตสํ   ปญฺญินฺทฺริยํ   อุปฺปชฺชติ  โน  จ  เตสํ  ฆานินฺทฺริยํ
อุปฺปชฺชติ     ญาณสมฺปยุตฺตานํ     สฆานกานํ     อุปปชฺชนฺตานํ    เตสํ
ปญฺญินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๐๕]   ยสฺส  ฆานินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  ฆานินฺทฺริยํ
---------------------------------------------------------------------------------------------
หน้าที่ ๑๙๑.
อุปฺปชฺชตีติ:   สจิตฺตกานํ   อฆานกานํ   อุปปชฺชนฺตานํ   เตสํ   มนินฺทฺริยํ
อุปฺปชฺชติ  โน  จ  เตสํ  ฆานินฺทฺริยํ  อุปฺปชฺชติ  สฆานกานํ  อุปปชฺชนฺตานํ
เตสํ มนินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๐๖]   ยสฺส    อิตฺถินฺทฺริยํ    อุปฺปชฺชติ    ตสฺส   ปุริสินฺทฺริยํ
อุปฺปชฺชตีติ:   โน   ฯ   ยสฺส   วา   ปน  ปุริสินฺทฺริยํ  อุปฺปชฺชติ  ตสฺส
อิตฺถินฺทฺริยํ อุปฺปชฺชตีติ: โน ฯ
     [๕๐๗]   ยสฺส    อิตฺถินฺทฺริยํ    อุปฺปชฺชติ    ตสฺส   ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ชีวิตินฺทฺริยํ  อุปฺปชฺชติ  ตสฺส
อิตฺถินฺทฺริยํ   อุปฺปชฺชตีติ:   นอิตฺถีนํ  อุปปชฺชนฺตานํ  เตสํ  ชีวิตินฺทฺริยํ
อุปฺปชฺชติ   โน   จ   เตสํ  อิตฺถินฺทฺริยํ  อุปฺปชฺชติ  อิตฺถีนํ  อุปปชฺชนฺตีนํ
ตาสํ ชีวิตินฺทฺริยญฺจ อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๐๘]   ยสฺส   อิตฺถินฺทฺริยํ   อุปฺปชฺชติ   ตสฺส   โสมนสฺสินฺทฺริยํ
อุปฺปชฺชตีติ:     อิตฺถีนํ    วินา    โสมนสฺเสน    อุปปชฺชนฺตีนํ    ตาสํ
อิตฺถินฺทฺริยํ  อุปฺปชฺชติ  โน  จ  ตาสํ  โสมนสฺสินฺทฺริยํ  อุปฺปชฺชติ  อิตฺถีนํ
โสมนสฺเสน      อุปปชฺชนฺตีนํ     ตาสํ     อิตฺถินฺทฺริยญฺจ     อุปฺปชฺชติ
โสมนสฺสินฺทฺริยญฺจ    อุปฺปชฺชติ   ฯ   ยสฺส   วา   ปน   โสมนสฺสินฺทฺริยํ
อุปฺปชฺชติ    ตสฺส    อิตฺถินฺทฺริยํ    อุปฺปชฺชตีติ:   โสมนสฺเสน   นอิตฺถีนํ
อุปปชฺชนฺตานํ  เตสํ  โสมนสฺสินฺทฺริยํ  อุปฺปชฺชติ  โน  จ  เตสํ  อิตฺถินฺทฺริยํ
อุปฺปชฺชติ   โสมนสฺเสน   อิตฺถีนํ   อุปปชฺชนฺตีนํ   ตาสํ  โสมนสฺสินฺทฺริยญฺจ
อุปฺปชฺชติ อิตฺถินฺทฺริยญฺจ อุปฺปชฺชติ ฯ
---------------------------------------------------------------------------------------------
หน้าที่ ๑๙๒.
     [๕๐๙]   ยสฺส    อิตฺถินฺทฺริยํ   อุปฺปชฺชติ   ตสฺส   อุเปกฺขินฺทฺริยํ
อุปฺปชฺชตีติ:   อิตฺถีนํ   วินา  อุเปกฺขาย  อุปปชฺชนฺตีนํ  ตาสํ  อิตฺถินฺทฺริยํ
อุปฺปชฺชติ    โน    จ    ตาสํ    อุเปกฺขินฺทฺริยํ    อุปฺปชฺชติ    อิตฺถีนํ
อุเปกฺขาย      อุปปชฺชนฺตีนํ      ตาสํ     อิตฺถินฺทฺริยญฺจ     อุปฺปชฺชติ
อุเปกฺขินฺทฺริยญฺจ   อุปฺปชฺชติ  ฯ  ยสฺส  วา  ปน  อุเปกฺขินฺทฺริยํ  อุปฺปชฺชติ
ตสฺส    อิตฺถินฺทฺริยํ   อุปฺปชฺชตีติ:   อุเปกฺขาย   นอิตฺถีนํ   อุปปชฺชนฺตานํ
เตสํ   อุเปกฺขินฺทฺริยํ   อุปฺปชฺชติ   โน   จ  เตสํ  อิตฺถินฺทฺริยํ  อุปฺปชฺชติ
อุเปกฺขาย    อิตฺถีนํ   อุปปชฺชนฺตีนํ   ตาสํ   อุเปกฺขินฺทฺริยญฺจ   อุปฺปชฺชติ
อิตฺถินฺทฺริยญฺจ อุปฺปชฺชติ ฯ
     [๕๑๐]   ยสฺส    อิตฺถินฺทฺริยํ    อุปฺปชฺชติ    ตสฺส   สทฺธินฺทฺริยํ
อุปฺปชฺชตีติ:    อิตฺถีนํ    อเหตุกานํ    อุปปชฺชนฺตีนํ   ตาสํ   อิตฺถินฺทฺริยํ
อุปฺปชฺชติ   โน   จ   ตาสํ   สทฺธินฺทฺริยํ   อุปฺปชฺชติ  อิตฺถีนํ  สเหตุกานํ
อุปปชฺชนฺตีนํ     ตาสํ     อิตฺถินฺทฺริยญฺจ     อุปฺปชฺชติ     สทฺธินฺทฺริยญฺจ
อุปฺปชฺชติ   ฯ   ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  อิตฺถินฺทฺริยํ
อุปฺปชฺชตีติ:    สเหตุกานํ   นอิตฺถีนํ   อุปปชฺชนฺตานํ   เตสํ   สทฺธินฺทฺริยํ
อุปฺปชฺชติ โน จ เตสํ อิตฺถินฺทฺริยํ อุปฺปชฺชติ สเหตุกานํ อิตฺถีนํ อุปปชฺชนฺตีนํ
ตาสํ สทฺธินฺทฺริยญฺจ อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๑๑]   ยสฺส  อิตฺถินฺทฺริยํ  อุปฺปชฺชติ  ตสฺส  ปญฺญินฺทฺริยํ อุปฺปชฺชตีติ:
อิตฺถีนํ   ญาณวิปฺปยุตฺตานํ   อุปปชฺชนฺตีนํ   ตาสํ   อิตฺถินฺทฺริยํ  อุปฺปชฺชติ
โน    จ    ตาสํ    ปญฺญินฺทฺริยํ   อุปฺปชฺชติ   อิตฺถีนํ   ญาณสมฺปยุตฺตานํ
---------------------------------------------------------------------------------------------
หน้าที่ ๑๙๓.
อุปปชฺชนฺตีนํ     ตาสํ     อิตฺถินฺทฺริยญฺจ     อุปฺปชฺชติ     ปญฺญินฺทฺริยญฺจ
อุปฺปชฺชติ    ฯ    ยสฺส    วา    ปน   ปญฺญินฺทฺริยํ   อุปฺปชฺชติ   ตสฺส
อิตฺถินฺทฺริยํ    อุปฺปชฺชตีติ:    ญาณสมฺปยุตฺตานํ    นอิตฺถีนํ   อุปปชฺชนฺตานํ
เตสํ   ปญฺญินฺทฺริยํ   อุปฺปชฺชติ   โน   จ   เตสํ   อิตฺถินฺทฺริยํ  อุปฺปชฺชติ
ญาณสมฺปยุตฺตานํ     อิตฺถีนํ     อุปปชฺชนฺตีนํ     ตาสํ     ปญฺญินฺทฺริยญฺจ
อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๑๒]   ยสฺส  อิตฺถินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  อิตฺถินฺทฺริยํ
อุปฺปชฺชตีติ:    สจิตฺตกานํ    นอิตฺถีนํ   อุปปชฺชนฺตานํ   เตสํ   มนินฺทฺริยํ
อุปฺปชฺชติ   โน   จ   เตสํ  อิตฺถินฺทฺริยํ  อุปฺปชฺชติ  อิตฺถีนํ  อุปปชฺชนฺตีนํ
ตาสํ มนินฺทฺริยญฺจ อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๑๓]   ยสฺส    ปุริสินฺทฺริยํ    อุปฺปชฺชติ    ตสฺส   ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ชีวิตินฺทฺริยํ  อุปฺปชฺชติ  ตสฺส
ปุริสินฺทฺริยํ   อุปฺปชฺชตีติ:   นปุริสานํ  อุปปชฺชนฺตานํ  เตสํ  ชีวิตินฺทฺริยํ
อุปฺปชฺชติ   โน   จ  เตสํ  ปุริสินฺทฺริยํ  อุปฺปชฺชติ  ปุริสานํ  อุปปชฺชนฺตานํ
เตสํ ชีวิตินฺทฺริยญฺจ อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๑๔]   ยสฺส   ปุริสินฺทฺริยํ   อุปฺปชฺชติ   ตสฺส   โสมนสฺสินฺทฺริยํ
อุปฺปชฺชตีติ:  ปุริสานํ  วินา  โสมนสฺเสน  อุปปชฺชนฺตานํ  เตสํ  ปุริสินฺทฺริยํ
อุปฺปชฺชติ    โน    จ    เตสํ    โสมนสฺสินฺทฺริยํ   อุปฺปชฺชติ   ปุริสานํ
โสมนสฺเสน     อุปปชฺชนฺตานํ     เตสํ     ปุริสินฺทฺริยญฺจ     อุปฺปชฺชติ
---------------------------------------------------------------------------------------------
หน้าที่ ๑๙๔.
โสมนสฺสินฺทฺริยญฺจ    อุปฺปชฺชติ   ฯ   ยสฺส   วา   ปน   โสมนสฺสินฺทฺริยํ
อุปฺปชฺชติ    ตสฺส    ปุริสินฺทฺริยํ   อุปฺปชฺชตีติ:   โสมนสฺเสน   นปุริสานํ
อุปปชฺชนฺตานํ  เตสํ  โสมนสฺสินฺทฺริยํ  อุปฺปชฺชติ  โน  จ  เตสํ  ปุริสินฺทฺริยํ
อุปฺปชฺชติ   โสมนสฺเสน   ปุริสานํ  อุปปชฺชนฺตานํ  เตสํ  โสมนสฺสินฺทฺริยญฺจ
อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๑๕]   ยสฺส    ปุริสินฺทฺริยํ   อุปฺปชฺชติ   ตสฺส   อุเปกฺขินฺทฺริยํ
อุปฺปชฺชตีติ:   ปุริสานํ  วินา  อุเปกฺขาย  อุปปชฺชนฺตานํ  เตสํ  ปุริสินฺทฺริยํ
อุปฺปชฺชติ   โน   จ  เตสํ  อุเปกฺขินฺทฺริยํ  อุปฺปชฺชติ  ปุริสานํ  อุเปกฺขาย
อุปปชฺชนฺตานํ     เตสํ    ปุริสินฺทฺริยญฺจ    อุปฺปชฺชติ    อุเปกฺขินฺทฺริยญฺจ
อุปฺปชฺชติ  ฯ  ยสฺส  วา  ปน  อุเปกฺขินฺทฺริยํ  อุปฺปชฺชติ  ตสฺส  ปุริสินฺทฺริยํ
อุปฺปชฺชตีติ:   อุเปกฺขาย   นปุริสานํ   อุปปชฺชนฺตานํ  เตสํ  อุเปกฺขินฺทฺริยํ
อุปฺปชฺชติ   โน   จ   เตสํ   ปุริสินฺทฺริยํ  อุปฺปชฺชติ  อุเปกฺขาย  ปุริสานํ
อุปปชฺชนฺตานํ     เตสํ    อุเปกฺขินฺทฺริยญฺจ    อุปฺปชฺชติ    ปุริสินฺทฺริยญฺจ
อุปฺปชฺชติ ฯ
     [๕๑๖]   ยสฺส    ปุริสินฺทฺริยํ    อุปฺปชฺชติ    ตสฺส   สทฺธินฺทฺริยํ
อุปฺปชฺชตีติ:    ปุริสานํ   อเหตุกานํ   อุปปชฺชนฺตานํ   เตสํ   ปุริสินฺทฺริยํ
อุปฺปชฺชติ   โน   จ   เตสํ   สทฺธินฺทฺริยํ  อุปฺปชฺชติ  ปุริสานํ  สเหตุกานํ
อุปปชฺชนฺตานํ     เตสํ     ปุริสินฺทฺริยญฺจ     อุปฺปชฺชติ    สทฺธินฺทฺริยญฺจ
อุปฺปชฺชติ   ฯ   ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  ปุริสินฺทฺริยํ
อุปฺปชฺชตีติ:   สเหตุกานํ   นปุริสานํ   อุปปชฺชนฺตานํ   เตสํ   สนฺธินฺทฺริยํ
---------------------------------------------------------------------------------------------
หน้าที่ ๑๙๕.
อุปฺปชฺชติ   โน   จ   เตสํ   ปุริสินฺทฺริยํ  อุปฺปชฺชติ  สเหตุกานํ  ปุริสานํ
อุปปชฺชนฺตานํ     เตสํ     สทฺธินฺทฺริยญฺจ     อุปฺปชฺชติ    ปุริสินฺทฺริยญฺจ
อุปฺปชฺชติ ฯ
     [๕๑๗]   ยสฺส    ปุริสินฺทฺริยํ    อุปฺปชฺชติ    ตสฺส   ปญฺญินฺทฺริยํ
อุปฺปชฺชตีติ:     ปุริสานํ     ญาณวิปฺปยุตฺตานํ     อุปปชฺชนฺตานํ    เตสํ
ปุริสินฺทฺริยํ   อุปฺปชฺชติ   โน   จ  เตสํ  ปญฺญินฺทฺริยํ  อุปฺปชฺชติ  ปุริสานํ
ญาณสมฺปยุตฺตานํ     อุปปชฺชนฺตานํ    เตสํ    ปุริสินฺทฺริยญฺจ    อุปฺปชฺชติ
ปญฺญินฺทฺริยญฺจ   อุปฺปชฺชติ   ฯ   ยสฺส   วา   ปน  ปญฺญินฺทฺริยํ  อุปฺปชฺชติ
ตสฺส     ปุริสินฺทฺริยํ     อุปฺปชฺชตีติ:     ญาณสมฺปยุตฺตานํ     นปุริสานํ
อุปปชฺชนฺตานํ   เตสํ   ปญฺญินฺทฺริยํ   อุปฺปชฺชติ  โน  จ  เตสํ  ปุริสินฺทฺริยํ
อุปฺปชฺชติ      ญาณสมฺปยุตฺตานํ     ปุริสานํ     อุปปชฺชนฺตานํ     เตสํ
ปญฺญินฺทฺริยญฺจ อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๑๘]   ยสฺส  ปุริสินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  ปุริสินฺทฺริยํ
อุปฺปชฺชตีติ:    สจิตฺตกานํ   นปุริสานํ   อุปปชฺชนฺตานํ   เตสํ   มนินฺทฺริยํ
อุปฺปชฺชติ   โน   จ  เตสํ  ปุริสินฺทฺริยํ  อุปฺปชฺชติ  ปุริสานํ  อุปปชฺชนฺตานํ
เตสํ มนินฺทฺริยญฺจ อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๑๙]   ยสฺส   ชีวิตินฺทฺริยํ   อุปฺปชฺชติ   ตสฺส   โสมนสฺสินฺทฺริยํ
อุปฺปชฺชตีติ:   วินา   โสมนสฺเสน   อุปปชฺชนฺตานํ   ปวตฺเต   โสมนสฺส-
วิปฺปยุตฺตจิตฺตสฺส   อุปฺปาทกฺขเณ   เตสํ   ชีวิตินฺทฺริยํ  อุปฺปชฺชติ  โน  จ
---------------------------------------------------------------------------------------------
หน้าที่ ๑๙๖.
เตสํ   โสมนสฺสินฺทฺริยํ   อุปฺปชฺชติ   โสมนสฺเสน   อุปปชฺชนฺตานํ  ปวตฺเต
โสมนสฺสสมฺปยุตฺตจิตฺตสฺส      อุปฺปาทกฺขเณ      เตสํ     ชีวิตินฺทฺริยญฺจ
อุปฺปชฺชติ    โสมนสฺสินฺทฺริยญฺจ    อุปฺปชฺชติ    ฯ    ยสฺส    วา   ปน
โสมนสฺสินฺทฺริยํ อุปฺปชฺชติ ตสฺส ชีวิตินฺทฺริยํ อุปฺปชฺชตีติ: อามนฺตา ฯ
     [๕๒๐]   ยสฺส  ชีวิตินฺทฺริยํ อุปฺปชฺชติ ตสฺส อุเปกฺขินฺทฺริยํ อุปฺปชฺชตีติ:
วินา    อุเปกฺขาย    อุปปชฺชนฺตานํ   ปวตฺเต   อุเปกฺขาวิปฺปยุตฺตจิตฺตสฺส
อุปฺปาทกฺขเณ   เตสํ  ชีวิตินฺทฺริยํ  อุปฺปชฺชติ  โน  จ  เตสํ  อุเปกฺขินฺทฺริยํ
อุปฺปชฺชติ   อุเปกฺขาย   อุปปชฺชนฺตานํ   ปวตฺเต  อุเปกฺขาสมฺปยุตฺตจิตฺตสฺส
อุปฺปาทกฺขเณ     เตสํ    ชีวิตินฺทฺริยญฺจ    อุปฺปชฺชติ    อุเปกฺขินฺทฺริยญฺจ
อุปฺปชฺชติ  ฯ  ยสฺส  วา  ปน  อุเปกฺขินฺทฺริยํ  อุปฺปชฺชติ  ตสฺส  ชีวิตินฺทฺริยํ
อุปฺปชฺชตีติ: อามนฺตา ฯ
     [๕๒๑]   ยสฺส    ชีวิตินฺทฺริยํ    อุปฺปชฺชติ    ตสฺส   สทฺธินฺทฺริยํ
อุปฺปชฺชตีติ:   อเหตุกานํ   อุปปชฺชนฺตานํ   ปวตฺเต  สทฺธาวิปฺปยุตฺตจิตฺตสฺส
อุปฺปาทกฺขเณ   เตสํ   ชีวิตินฺทฺริยํ   อุปฺปชฺชติ  โน  จ  เตสํ  สทฺธินฺทฺริยํ
อุปฺปชฺชติ    สเหตุกานํ   อุปปชฺชนฺตานํ   ปวตฺเต   สทฺธาสมฺปยุตฺตจิตฺตสฺส
อุปฺปาทกฺขเณ     เตสํ     ชีวิตินฺทฺริยญฺจ     อุปฺปชฺชติ    สทฺธินฺทฺริยญฺจ
อุปฺปชฺชติ   ฯ   ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  ชีวิตินฺทฺริยํ
อุปฺปชฺชตีติ: อามนฺตา ฯ
     [๕๒๒]   ยสฺส  ชีวิตินฺทฺริยํ  อุปฺปชฺชติ  ตสฺส  ปญฺญินฺทฺริยํ อุปฺปชฺชตีติ:
ญาณวิปฺปยุตฺตานํ      อุปปชฺชนฺตานํ     ปวตฺเต     ญาณวิปฺปยุตฺตจิตฺตสฺส
---------------------------------------------------------------------------------------------
หน้าที่ ๑๙๗.
อุปฺปาทกฺขเณ   เตสํ   ชีวิตินฺทฺริยํ   อุปฺปชฺชติ  โน  จ  เตสํ  ปญฺญินฺทฺริยํ
อุปฺปชฺชติ        ญาณสมฺปยุตฺตานํ        อุปปชฺชนฺตานํ        ปวตฺเต
ญาณสมฺปยุตฺตจิตฺตสฺส       อุปฺปาทกฺขเณ       เตสํ      ชีวิตินฺทฺริยญฺจ
อุปฺปชฺชติ   ปญฺญินฺทฺริยญฺจ   อุปฺปชฺชติ   ฯ   ยสฺส   วา  ปน  ปญฺญินฺทฺริยํ
อุปฺปชฺชติ ตสฺส ชีวิตินฺทฺริยํ อุปฺปชฺชตีติ: อามนฺตา ฯ
     [๕๒๓]   ยสฺส  ชีวิตินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อจิตฺตกานํ   อุปปชฺชนฺตานํ   เตสํ   ชีวิตินฺทฺริยํ  อุปฺปชฺชติ  โน  จ  เตสํ
มนินฺทฺริยํ    อุปฺปชฺชติ    สจิตฺตกานํ   อุปปชฺชนฺตานํ   ปวตฺเต   จิตฺตสฺส
อุปฺปาทกฺขเณ     เตสํ     ชีวิตินฺทฺริยญฺจ     อุปฺปชฺชติ     มนินฺทฺริยญฺจ
อุปฺปชฺชติ   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  ชีวิตินฺทฺริยํ
อุปฺปชฺชตีติ: อามนฺตา ฯ
     [๕๒๔]   ยสฺส   โสมนสฺสินฺทฺริยํ   อุปฺปชฺชติ   ตสฺส  อุเปกฺขินฺทฺริยํ
อุปฺปชฺชตีติ:   โน   ฯ   ยสฺส  วา  ปน  อุเปกฺขินฺทฺริยํ  อุปฺปชฺชติ  ตสฺส
โสมนสฺสินฺทฺริยํ อุปฺปชฺชตีติ: โน ฯ
     [๕๒๕]   ยสฺส   โสมนสฺสินฺทฺริยํ   อุปฺปชฺชติ   ตสฺส   สทฺธินฺทฺริยํ
อุปฺปชฺชตีติ:     โสมนสฺเสน     อเหตุกานํ    อุปปชฺชนฺตานํ    ปวตฺเต
โสมนสฺสสมฺปยุตฺตสทฺธาวิปฺปยุตฺตจิตฺตสฺส        อุปฺปาทกฺขเณ        เตสํ
โสมนสฺสินฺทฺริยํ  อุปฺปชฺชติ  โน  จ  เตสํ  สทฺธินฺทฺริยํ อุปฺปชฺชติ โสมนสฺเสน
อุปปชฺชนฺตานํ       ปวตฺเต       โสมนสฺสสมฺปยุตฺตสทฺธาสมฺปยุตฺตจิตฺตสฺส
อุปฺปาทกฺขเณ    เตสํ    โสมนสฺสินฺทฺริยญฺจ    อุปฺปชฺชติ    สทฺธินฺทฺริยญฺจ
---------------------------------------------------------------------------------------------
หน้าที่ ๑๙๘.
อุปฺปชฺชติ  ฯ  ยสฺส  วา  ปน  สทฺธินฺทฺริยํ  อุปฺปชฺชติ  ตสฺส โสมนสฺสินฺทฺริยํ
อุปฺปชฺชตีติ:   สเหตุกานํ   วินา   โสมนสฺเสน   อุปปชฺชนฺตานํ   ปวตฺเต
สทฺธาสมฺปยุตฺตโสมนสฺสวิปฺปยุตฺตจิตฺตสฺส        อุปฺปาทกฺขเณ        เตสํ
สทฺธินฺทฺริยํ  อุปฺปชฺชติ  โน  จ  เตสํ  โสมนสฺสินฺทฺริยํ อุปฺปชฺชติ โสมนสฺเสน
อุปปชฺชนฺตานํ       ปวตฺเต       สทฺธาสมฺปยุตฺตโสมนสฺสสมฺปยุตฺตจิตฺตสฺส
อุปฺปาทกฺขเณ    เตสํ    สทฺธินฺทฺริยญฺจ    อุปฺปชฺชติ    โสมนสฺสินฺทฺริยญฺจ
อุปฺปชฺชติ ฯ
     [๕๒๖]   ยสฺส   โสมนสฺสินฺทฺริยํ   อุปฺปชฺชติ   ตสฺส   ปญฺญินฺทฺริยํ
อุปฺปชฺชตีติ:    โสมนสฺเสน    ญาณวิปฺปยุตฺตานํ   อุปปชฺชนฺตานํ   ปวตฺเต
โสมนสฺสสมฺปยุตฺตญาณวิปฺปยุตฺตจิตฺตสฺส         อุปฺปาทกฺขเณ        เตสํ
โสมนสฺสินฺทฺริยํ    อุปฺปชฺชติ    โน   จ   เตสํ   ปญฺญินฺทฺริยํ   อุปฺปชฺชติ
โสมนสฺเสน        ญาณสมฺปยุตฺตานํ       อุปปชฺชนฺตานํ       ปวตฺเต
โสมนสฺสสมฺปยุตฺตญาณสมฺปยุตฺตจิตฺตสฺส อุปฺปาทกฺขเณ
เตสํ โสมนสฺสินฺทฺริยญฺจ อุปฺปชฺชติ ปญฺญินฺทฺริยญฺจ อุปฺปชฺชติ ฯ
     {๕๒๖.๑}   ยสฺส  วา  ปน ปญฺญินฺทฺริยํ อุปฺปชฺชติ ตสฺส โสมนสฺสินฺทฺริยํ
อุปฺปชฺชตีติ:    ญาณสมฺปยุตฺตานํ    วินา    โสมนสฺเสน    อุปปชฺชนฺตานํ
ปวตฺเต        ญาณสมฺปยุตฺตโสมนสฺสวิปฺปยุตฺตจิตฺตสฺส       อุปฺปาทกฺขเณ
เตสํ   ปญฺญินฺทฺริยํ   อุปฺปชฺชติ   โน  จ  เตสํ  โสมนสฺสินฺทฺริยํ  อุปฺปชฺชติ
ญาณสมฺปยุตฺตานํ        โสมนสฺเสน       อุปปชฺชนฺตานํ       ปวตฺเต
ญาณสมฺปยุตฺตโสมนสฺสสมฺปยุตฺตจิตฺตสฺส อุปฺปาทกฺขเณ
เตสํ ปญฺญินฺทฺริยญฺจ อุปฺปชฺชติ โสมนสฺสินฺทฺริยญฺจ อุปฺปชฺชติ ฯ
---------------------------------------------------------------------------------------------
หน้าที่ ๑๙๙.
     [๕๒๗]   ยสฺส    โสมนสฺสินฺทฺริยํ   อุปฺปชฺชติ   ตสฺส   มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  มนินฺทฺริยํ  อุปฺปชฺชติ  ตสฺส
โสมนสฺสินฺทฺริยํ     อุปฺปชฺชตีติ:     สจิตฺตกานํ     วินา    โสมนสฺเสน
อุปปชฺชนฺตานํ     ปวตฺเต     โสมนสฺสวิปฺปยุตฺตจิตฺตสฺส     อุปฺปาทกฺขเณ
เตสํ   มนินฺทฺริยํ   อุปฺปชฺชติ   โน   จ  เตสํ  โสมนสฺสินฺทฺริยํ  อุปฺปชฺชติ
โสมนสฺเสน      อุปปชฺชนฺตานํ     ปวตฺเต     โสมนสฺสสมฺปยุตฺตจิตฺตสฺส
อุปฺปาทกฺขเณ     เตสํ    มนินฺทฺริยญฺจ    อุปฺปชฺชติ    โสมนสฺสินฺทฺริยญฺจ
อุปฺปชฺชติ ฯ
     [๕๒๘]   ยสฺส    อุเปกฺขินฺทฺริยํ   อุปฺปชฺชติ   ตสฺส   สทฺธินฺทฺริยํ
อุปฺปชฺชตีติ:   อุเปกฺขาย   อเหตุกานํ  อุปปชฺชนฺตานํ  ปวตฺเต  อุเปกฺขา-
สมฺปยุตฺตสทฺธาวิปฺปยุตฺตจิตฺตสฺส    อุปฺปาทกฺขเณ    เตสํ    อุเปกฺขินฺทฺริยํ
อุปฺปชฺชติ   โน   จ  เตสํ  สทฺธินฺทฺริยํ  อุปฺปชฺชติ  อุเปกฺขาย  สเหตุกานํ
อุปปชฺชนฺตานํ        ปวตฺเต       อุเปกฺขาสมฺปยุตฺตสทฺธาสมฺปยุตฺตจิตสฺส
อุปฺปาทกฺขเณ     เตสํ    อุเปกฺขินฺทฺริยญฺจ    อุปฺปชฺชติ    สทฺธินฺทฺริยญฺจ
อุปฺปชฺชติ  ฯ  ยสฺส  วา  ปน  สทฺธินฺทฺริยํ  อุปฺปชฺชติ  ตสฺส  อุเปกฺขินฺทฺริยํ
อุปฺปชฺชตีติ:    สเหตุกานํ   วินา   อุเปกฺขาย   อุปปชฺชนฺตานํ   ปวตฺเต
สทฺธาสมฺปยุตฺตอุเปกฺขาวิปฺปยุตฺตจิตฺตสฺส        อุปฺปาทกฺขเณ        เตสํ
สทฺธินฺทฺริยํ  อุปฺปชฺชติ  โน  จ  เตสํ  อุเปกฺขินฺทฺริยํ  อุปฺปชฺชติ  สเหตุกานํ
อุเปกฺขาย      อุปปชฺชนฺตานํ      ปวตฺเต     สทฺธาสมฺปยุตฺตอุเปกฺขา-
สมฺปยุตฺตจิตฺตสฺส    อุปฺปาทกฺขเณ    เตสํ    สทฺธินฺทฺริยญฺจ    อุปฺปชฺชติ
อุเปกฺขินฺทฺริยญฺจ อุปฺปชฺชติ ฯ
---------------------------------------------------------------------------------------------
หน้าที่ ๒๐๐.
     [๕๒๙]   ยสฺส    อุเปกฺขินฺทฺริยํ   อุปฺปชฺชติ   ตสฺส   ปญฺญินฺทฺริยํ
อุปฺปชฺชตีติ:    อุเปกฺขาย    ญาณวิปฺปยุตฺตานํ    อุปปชฺชนฺตานํ   ปวตฺเต
อุเปกฺขาสมฺปยุตฺตญาณวิปฺปยุตฺตจิตฺตสฺส         อุปฺปาทกฺขเณ        เตสํ
อุเปกฺขินฺทฺริยํ  อุปฺปชฺชติ  โน  จ  เตสํ  ปญฺญินฺทฺริยํ  อุปฺปชฺชติ  อุเปกฺขาย
ญาณสมฺปยุตฺตานํ      อุปปชฺชนฺตานํ      ปวตฺเต     อุเปกฺขาสมฺปยุตฺต-
ญาณสมฺปยุตฺตจิตสฺส   อุปฺปาทกฺขเณ   เตสํ   อุเปกฺขินฺทฺริยญฺจ   อุปฺปชฺชติ
ปญฺญินฺทฺริยญฺจ   อุปฺปชฺชติ   ฯ   ยสฺส   วา   ปน  ปญฺญินฺทฺริยํ  อุปฺปชฺชติ
ตสฺส   อุเปกฺขินฺทฺริยํ   อุปฺปชฺชตีติ:   ญาณสมฺปยุตฺตานํ   วินา  อุเปกฺขาย
อุปปชฺชนฺตานํ        ปวตฺเต       ญาณสมฺปยุตฺตอุเปกฺขาวิปฺปยุตฺตจิตฺตสฺส
อุปฺปาทกฺขเณ   เตสํ  ปญฺญินฺทฺริยํ  อุปฺปชฺชติ  โน  จ  เตสํ  อุเปกฺขินฺทฺริยํ
อุปฺปชฺชติ     ญาณสมฺปยุตฺตานํ    อุเปกฺขาย    อุปปชฺชนฺตานํ    ปวตฺเต
ญาณสมฺปยุตฺตอุเปกฺขาสมฺปยุตฺตจิตฺตสฺส         อุปฺปาทกฺขเณ        เตสํ
ปญฺญินฺทฺริยญฺจ อุปฺปชฺชติ อุเปกฺขินฺทฺริยญฺจ อุปฺปชฺชติ ฯ
     [๕๓๐]   ยสฺส    อุเปกฺขินฺทฺริยํ    อุปฺปชฺชติ   ตสฺส   มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  มนินฺทฺริยํ  อุปฺปชฺชติ  ตสฺส
อุเปกฺขินฺทฺริยํ   อุปฺปชฺชตีติ:   สจิตฺตกานํ  วินา  อุเปกฺขาย  อุปปชฺชนฺตานํ
ปวตฺเต       อุเปกฺขาวิปฺปยุตฺตจิตฺตสฺส       อุปฺปาทกฺขเณ       เตสํ
มนินฺทฺริยํ   อุปฺปชฺชติ  โน  จ  เตสํ  อุเปกฺขินฺทฺริยํ  อุปฺปชฺชติ  อุเปกฺขาย
อุปปชฺชนฺตานํ   ปวตฺเต   อุเปกฺขาสมฺปยุตฺตจิตฺตสฺส   อุปฺปาทกฺขเณ   เตสํ
มนินฺทฺริยญฺจ อุปฺปชฺชติ อุเปกฺขินฺทฺริยญฺจ อุปฺปชฺชติ ฯ
---------------------------------------------------------------------------------------------
หน้าที่ ๒๐๑.
     [๕๓๑]   ยสฺส    สทฺธินฺทฺริยํ    อุปฺปชฺชติ    ตสฺส   ปญฺญินฺทฺริยํ
อุปฺปชฺชตีติ:    สเหตุกานํ    ญาณวิปฺปยุตฺตานํ    อุปปชฺชนฺตานํ   ปวตฺเต
สทฺธาสมฺปยุตฺตญาณวิปฺปยุตฺตจิตฺตสฺส    อุปฺปาทกฺขเณ    เตสํ    สทฺธินฺทฺริยํ
อุปฺปชฺชติ  โน  จ  เตสํ  ปญฺญินฺทฺริยํ  อุปฺปชฺชติ สเหตุกานํ ญาณสมฺปยุตฺตานํ
อุปปชฺชนฺตานํ         ปวตฺเต        สทฺธาสมฺปยุตฺตญาณสมฺปยุตฺตจิตฺตสฺส
อุปฺปาทกฺขเณ     เตสํ     สทฺธินฺทฺริยญฺจ     อุปฺปชฺชติ    ปญฺญินฺทฺริยญฺจ
อุปฺปชฺชติ   ฯ   ยสฺส  วา  ปน  ปญฺญินฺทฺริยํ  อุปฺปชฺชติ  ตสฺส  สทฺธินฺทฺริยํ
อุปฺปชฺชตีติ: อามนฺตา ฯ
     [๕๓๒]   ยสฺส  สทฺธินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  สทฺธินฺทฺริยํ
อุปฺปชฺชตีติ:     สจิตฺตกานํ     อเหตุกานํ     อุปปชฺชนฺตานํ    ปวตฺเต
สทฺธาวิปฺปยุตฺตจิตฺตสฺส   อุปฺปาทกฺขเณ  เตสํ  มนินฺทฺริยํ  อุปฺปชฺชติ  โน  จ
เตสํ    สทฺธินฺทฺริยํ    อุปฺปชฺชติ    สเหตุกานํ   อุปปชฺชนฺตานํ   ปวตฺเต
สทฺธาสมฺปยุตฺตจิตฺตสฺส    อุปฺปาทกฺขเณ    เตสํ   มนินฺทฺริยญฺจ   อุปฺปชฺชติ
สทฺธินฺทฺริยญฺจ อุปฺปชฺชติ ฯ
     [๕๓๓]   ยสฺส  ปญฺญินฺทฺริยํ  อุปฺปชฺชติ  ตสฺส  มนินฺทฺริยํ  อุปฺปชฺชตีติ:
อามนฺตา   ฯ   ยสฺส   วา  ปน  มนินฺทฺริยํ  อุปฺปชฺชติ  ตสฺส  ปญฺญินฺทฺริยํ
อุปฺปชฺชตีติ:    สจิตฺตกานํ    ญาณวิปฺปยุตฺตานํ    อุปปชฺชนฺตานํ   ปวตฺเต
ญาณวิปฺปยุตฺตจิตฺตสฺส     อุปฺปาทกฺขเณ    เตสํ    มนินฺทฺริยํ    อุปฺปชฺชติ
โน   จ   เตสํ   ปญฺญินฺทฺริยํ   อุปฺปชฺชติ  ญาณสมฺปยุตฺตานํ  อุปปชฺชนฺตานํ
---------------------------------------------------------------------------------------------
หน้าที่ ๒๐๒.
ปวตฺเต    ญาณสมฺปยุตฺตจิตฺตสฺส    อุปฺปาทกฺขเณ    เตสํ    มนินฺทฺริยญฺจ
อุปฺปชฺชติ ปญฺญินฺทฺริยญฺจ อุปฺปชฺชติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๙ หน้าที่ ๑๘๔-๒๐๒.
https://84000.org/tipitaka/read/pali_item.php?book=39&item=488&items=46&pagebreak=1&modeTY=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=39&item=488&items=46&pagebreak=1&modeTY=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=39&item=488&items=46&pagebreak=1&modeTY=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=39&item=488&items=46&pagebreak=1&modeTY=2
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=39&i=488
             สารบัญพระไตรปิฎกเล่มที่ ๓๙
https://84000.org/tipitaka/read/?index_39
https://84000.org/tipitaka/english/?index_39