เสกฺขตฺติกํ
ปฏิจฺจวาโร
[๑๑๗๓] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ เหตุปจฺจยา
เสกฺขํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ เสกฺขํ ธมฺมํ ปฏิจฺจ
เนวเสกฺขานาเสกฺโข ธมฺโม อุปฺปชฺชติ เหตุปจฺจยา เสกฺเข ขนฺเธ ปฏิจฺจ
จิตฺตสมุฏฺฐานํ รูปํ ฯ เสกฺขํ ธมฺมํ ปฏิจฺจ เสกฺโข จ เนวเสกฺขานาเสกฺโข
จ ธมฺมา อุปฺปชฺชนฺติ เหตุปจฺจยา เสกฺขํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ... ฯ
[๑๑๗๔] อเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ เหตุปจฺจยา
อเสกฺขํ เอกํ ขนฺธํ ปฏิจฺจ ฯ อเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... อเสกฺเข ขนฺเธ ปฏิจฺจ จิตฺตสมุฏฺฐานํ รูปํ ฯ อเสกฺขํ ธมฺมํ
ปฏิจฺจ อเสกฺโข จ เนวเสกฺขานาเสกฺโข จ ธมฺมา ... อเสกฺขํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ฯ
[๑๑๗๕] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... เนวเสกฺขานาเสกฺขํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ เนวเสกฺขา-
นาเสกฺเข ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ
ปฏิจฺจ ตโย มหาภูตา เทฺว มหาภูเต ปฏิจฺจ เทฺว มหาภูตา
มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํ ฯ
[๑๑๗๖] เสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม อุปฺปชฺชติ เหตุปจฺจยา เสกฺเข ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๗๗] อเสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม อุปฺปชฺชติ เหตุปจฺจยา อเสกฺเข ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๗๘] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ
อารมฺมณปจฺจยา อธิปติปจฺจยา: ปฏิสนฺธิ นตฺถิ ฯ อนนฺตรปจฺจยา
สมนนฺตรปจฺจยา สหชาตปจฺจยา สพฺเพ มหาภูตา กาตพฺพา ฯ
อญฺญมญฺญปจฺจยา นิสฺสยปจฺจยา อุปนิสฺสยปจฺจยา ปุเรชาตปจฺจยา
อาเสวนปจฺจยา เสกฺขํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ
[๑๑๗๙] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... อาเสวนปจฺจยา เนวเสกฺขานาเสกฺขํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ... กมฺมปจฺจยา วิปากปจฺจยา วิปากํ
เสกฺขํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ฯ ตีณิ ปริปุณฺณํ ฯ
[๑๑๘๐] อเสกฺขํ ธมฺมํ ปฏิจฺจ อเสกฺโข ธมฺโม ... วิปากปจฺจยา
อเสกฺขํ เอกํ ขนฺธํ ปฏิจฺจ ... ตีณิ ฯ
[๑๑๘๑] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... วิปากปจฺจยา วิปากํ เนวเสกฺขานาเสกฺขํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ
ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ... ฯ
[๑๑๘๒] เสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ เนว
เสกฺขานาเสกฺโข ธมฺโม ... วิปากปจฺจยา วิปาเก เสกฺเข ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๘๓] อเสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม ... วิปากปจฺจยา อเสกฺเข ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๘๔] เสกฺขํ ธมฺมํ ปฏิจฺจ เสกฺโข ธมฺโม ... อาหารปจฺจยา
อินฺทฺริยปจฺจยา ฌานปจฺจยา มคฺคปจฺจยา สมฺปยุตฺตปจฺจยา
วิปฺปยุตฺตปจฺจยา อตฺถิปจฺจยา นตฺถิปจฺจยา วิคตปจฺจยา
อวิคตปจฺจยา ฯ
[๑๑๘๕] เหตุยา นว อารมฺมเณ ตีณิ อธิปติยา นว
อนนฺตเร ตีณิ สมนนฺตเร ตีณิ สหชาเต นว อญฺญมญฺเญ
ตีณิ นิสฺสเย นว อุปนิสฺสเย ตีณิ ปุเรชาเต ตีณิ
อาเสวเน เทฺว กมฺเม นว วิปาเก อาหาเร อินฺทฺริเย ฌาเน
มคฺเค นว สมฺปยุตฺเต ตีณิ วิปฺปยุตฺเต นว อตฺถิยา นว
นตฺถิยา ตีณิ วิคเต ตีณิ อวิคเต นว ฯ เอวํ คเณตพฺพํ ฯ
อนุโลมํ ฯ
[๑๑๘๖] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม อุปฺปชฺชติ นเหตุปจฺจยา อเหตุกํ เนวเสกฺขานาเสกฺขํ เอกํ
ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ...
อเหตุกปฏิสนฺธิกฺขเณ ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา
เอกํ มหาภูตํ ปฏิจฺจ พาหิรํ ... อาหารสมุฏฺฐานํ ... อุตุสมุฏฺฐานํ ...
อสญฺญสตฺตานํ เอกํ มหาภูตํ ... วิจิกิจฺฉาสหคเต อุทฺธจฺจสหคเต
ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
[๑๑๘๗] เสกฺขํ ธมฺมํ ปฏิจฺจ เนวเสกฺขานาเสกฺโข ธมฺโม ...
นอารมฺมณปจฺจยา เสกฺเข ขนฺเธ ปฏิจฺจ จิตฺตสมุฏฺฐานํ รูปํ ฯ
[๑๑๘๘] อเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นอารมฺมณปจฺจยา อเสกฺเข ขนฺเธ ปฏิจฺจ จิตฺตสมุฏฺฐานํ
รูปํ ฯ
[๑๑๘๙] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นอารมฺมณปจฺจยา เนวเสกฺขานาเสกฺเข ขนฺเธ ปฏิจฺจ
จิตฺตสมุฏฺฐานํ รูปํ ปฏิสนฺธิกฺขเณ ขนฺเธ ปฏิจฺจ วตฺถุ เอกํ
มหาภูตํ ... อสญฺญสตฺตานํ ... ฯ
[๑๑๙๐] เสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม ... นอารมฺมณปจฺจยา เสกฺเข ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๙๑] อเสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม ... นอารมฺมณปจฺจยา อเสกฺเข
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๑๙๒] เสกฺขํ ธมฺมํ ปฏิจฺจ เสกฺโข ธมฺโม ... นอธิปติปจฺจยา
เสกฺเข ขนฺเธ ปฏิจฺจ เสกฺโข อธิปติ ฯ อเสกฺขํ ธมฺมํ ปฏิจฺจ อเสกฺโข
ธมฺโม ... นอธิปติปจฺจยา อเสกฺเข ขนฺเธ ปฏิจฺจ อเสกฺโข อธิปติ ฯ
เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข ธมฺโม ...
นอธิปติปจฺจยา ปริปุณฺณํ ปฏิสนฺธิปิ มหาภูตาปิ สพฺเพ ฯ
นอนนฺตรปจฺจยา นสมนนฺตรปจฺจยา นอญฺญมญฺญปจฺจยา
นอุปนิสฺสยปจฺจยา นปุเรชาตปจฺจยา สตฺต กุสลตฺติกสทิสา ฯ
นปจฺฉาชาตปจฺจยา ... ฯ
[๑๑๙๓] ... นอาเสวนปจฺจยา วิปากํ เสกฺขํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ... ฯ เสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นอาเสวนปจฺจยา เสกฺเข ขนฺเธ ปฏิจฺจ จิตฺตสมุฏฺฐานํ
รูปํ ฯ เสกฺขํ ธมฺมํ ปฏิจฺจ เสกฺโข จ เนวเสกฺขานาเสกฺโข
จ ธมฺมา ... นอาเสวนปจฺจยา วิปากํ เสกฺขํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ฯ
อเสกฺขํ ธมฺมํ ปฏิจฺจ อเสกฺโข ธมฺโม ... ตีณิ ฯ เนวเสกฺขานาเสกฺขํ
ธมฺมํ ปฏิจฺจ เนวเสกฺขานาเสกฺโข ธมฺโม ... นอาเสวนปจฺจยา
เนวเสกฺขานาเสกฺขํ เอกํ ... ปริปุณฺณํ ฯ เสกฺขญฺจ เนวเสกฺขานาเสกฺขญฺจ
... ฯ ฆฏนา ปริปุณฺณา ฯ เทฺวปิ กาตพฺพา นว ฯ
[๑๑๙๔] ... นกมฺมปจฺจยา เสกฺเข ขนฺเธ ปฏิจฺจ เสกฺขา เจตนา ฯ
เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข ธมฺโม ...
นกมฺมปจฺจยา เนวเสกฺขานาเสกฺเข ขนฺเธ ปฏิจฺจ เนวเสกฺขา-
นาเสกฺขา เจตนา พาหิรํ ... อาหารสมุฏฺฐานํ ... อุตุสมุฏฺฐานํ
เอกํ มหาภูตํ ... ฯ
[๑๑๙๕] เสกฺขํ ธมฺมํ ปฏิจฺจ เสกฺโข ธมฺโม ... นวิปากปจฺจยา
เสกฺขํ เอกํ ขนฺธํ ปฏิจฺจ ฯ เสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นวิปากปจฺจยา เสกฺเข ขนฺเธ ปฏิจฺจ จิตฺตสมุฏฺฐานํ
รูปํ ฯ เสกฺขํ ธมฺมํ ปฏิจฺจ เสกฺโข จ เนวเสกฺขานาเสกฺโข จ
ธมฺมา ... นวิปากปจฺจยา เสกฺขํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ ฯ
[๑๑๙๖] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นวิปากปจฺจยา ปริปุณฺณํ ปฏิสนฺธิ นตฺถิ ฯ
[๑๑๙๗] เสกฺขญฺจ เนวเสกฺขานาเสกฺขญฺจ ธมฺมํ ปฏิจฺจ
เนวเสกฺขานาเสกฺโข ธมฺโม ... นวิปากปจฺจยา เสกฺเข ขนฺเธ จ มหาภูเต
จ ปฏิจฺจ จิตฺตสมุฏฺฐานํ รูปํ ฯ
[๑๑๙๘] เนวเสกฺขานาเสกฺขํ ธมฺมํ ปฏิจฺจ เนวเสกฺขานาเสกฺโข
ธมฺโม ... นอาหารปจฺจยา นอินฺทฺริยปจฺจยา นฌานปจฺจยา นมคฺคปจฺจยา ฯ
เสกฺขํ ธมฺมํ ปฏิจฺจ เนวเสกฺขานาเสกฺโข ธมฺโม ... นสมฺปยุตฺตปจฺจยา ฯ
[๑๑๙๙] เสกฺขํ ธมฺมํ ปฏิจฺจ เสกฺโข ธมฺโม ... นวิปฺปยุตฺตปจฺจยา
อรูเป เสกฺขํ เอกํ ขนฺธํ ... ฯ อเสกฺขํ ธมฺมํ ปฏิจฺจ อเสกฺโข ธมฺโม
... นวิปฺปยุตฺตปจฺจยา อรูเป อเสกฺขํ เอกํ ขนฺธํ ... ฯ เนวเสกฺขา-
นาเสกฺขํ ธมฺมํ ปฏิจฺจ เนวเสกฺขานาเสกฺโข ธมฺโม ... นวิปฺปยุตฺตปจฺจยา
อรูเป เนวเสกฺขานาเสกฺขํ เอกํ ขนฺธํ ... พาหิรํ ... อาหารสมุฏฺฐานํ
... อุตุสมุฏฺฐานํ ... อสญฺญสตฺตานํ ... โนนตฺถิปจฺจยา โนวิคตปจฺจยา ฯ
[๑๒๐๐] นเหตุยา เอกํ นอารมฺมเณ ปญฺจ นอธิปติยา
ตีณิ นอนนฺตเร นสมนนฺตเร นอญฺญมญฺเญ นอุปนิสฺสเย ปญฺจ
นปุเรชาเต สตฺต นปจฺฉาชาเต นว นอาเสวเน นว นกมฺเม
เทฺว นวิปาเก ปญฺจ นอาหาเร เอกํ นอินฺทฺริเย เอกํ นฌาเน
เอกํ นมคฺเค เอกํ นสมฺปยุตฺเต ปญฺจ นวิปฺปยุตฺเต ตีณิ
โนนตฺถิยา ปญฺจ โนวิคเต ปญฺจ ฯ เอวํ คเณตพฺพํ ฯ
ปจฺจนียํ ฯ
[๑๒๐๑] เหตุปจฺจยา นอารมฺมเณ ปญฺจ ... นอธิปติยา ตีณิ
นอนนฺตเร นสมนนฺตเร นอญฺญมญฺเญ นอุปนิสฺสเย ปญฺจ นปุเรชาเต
สตฺต นปจฺฉาชาเต นอาเสวเน นว นกมฺเม เทฺว นวิปาเก
ปญฺจ นสมฺปยุตฺเต ปญฺจ นวิปฺปยุตฺเต ตีณิ โนนตฺถิยา ปญฺจ
โนวิคเต ปญฺจ ฯ เอวํ คเณตพฺพํ ฯ
อนุโลมปจฺจนียํ ฯ
[๑๒๐๒] นเหตุปจฺจยา อารมฺมเณ เอกํ ... อนนฺตเร สมนนฺตเร
สหชาเต อญฺญมญฺเญ นิสฺสเย อุปนิสฺสเย ปุเรชาเต อาเสวเน กมฺเม
วิปาเก อาหาเร อินฺทฺริเย ฌาเน มคฺเค สมฺปยุตฺเต วิปฺปยุตฺเต
อตฺถิยา นตฺถิยา วิคเต อวิคเต ฯ เอวํ คเณตพฺพํ ฯ
ปจฺจนียานุโลมํ ฯ
ปฏิจฺจวาโร นิฏฺฐิโต ฯ
สหชาตวาโร ปฏิจฺจวารสทิโส ฯ
ปจฺจยวาโร
[๑๒๐๓] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ เหตุปจฺจยา
ตีณิ ปฏิจฺจวารสทิสํ ฯ อเสกฺขํ ธมฺมํ ปจฺจยา อเสกฺโข ...
เหตุปจฺจยา ตีณิ ปฏิจฺจวารสทิสํ ฯ
[๑๒๐๔] เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
... เหตุปจฺจยา ปริปุณฺณํ มหาภูเต ปจฺจยา จิตฺตสมุฏฺฐานํ รูปํ
กฏตฺตารูปํ อุปาทารูปํ วตฺถุํ ปจฺจยา เนวเสกฺขานาเสกฺขา ขนฺธา ฯ
เนวเสกฺขานาเสกฺขํ ธมฺมํ ปจฺจยา เสกฺโข ธมฺโม อุปฺปชฺชติ เหตุปจฺจยา
วตฺถุํ ปจฺจยา เสกฺขา ขนฺธา ฯ เนวเสกฺขานาเสกฺขํ ธมฺมํ
ปจฺจยา อเสกฺโข ธมฺโม อุปฺปชฺชติ เหตุปจฺจยา วตฺถุํ ปจฺจยา
อเสกฺขา ขนฺธา ฯ เนวเสกฺขานาเสกฺขํ ธมฺมํ ปจฺจยา เสกฺโข จ
เนวเสกฺขานาเสกฺโข จ ธมฺมา อุปฺปชฺชนฺติ เหตุปจฺจยา วตฺถุํ
ปจฺจยา เสกฺขา ขนฺธา มหาภูเต ปจฺจยา จิตฺตสมุฏฺฐานํ รูปํ ฯ
เนวเสกฺขานาเสกฺขํ ธมฺมํ ปจฺจยา อเสกฺโข จ เนวเสกฺขานาเสกฺโข จ
ธมฺมา อุปฺปชฺชนฺติ เหตุปจฺจยา วตฺถุํ ปจฺจยา อเสกฺขา ขนฺธา
มหาภูเต ปจฺจยา จิตฺตสมุฏฺฐานํ รูปํ ฯ
[๑๒๐๕] เสกฺขญฺจ เนวเสกฺขานาเสกฺขญฺจ ธมฺมํ ปจฺจยา เสกฺโข
ธมฺโม อุปฺปชฺชติ เหตุปจฺจยา เสกฺขํ เอกํ ขนฺธญฺจ วตฺถุญฺจ
ปจฺจยา ตโย ขนฺธา เทฺว ขนฺเธ ... ฯ เสกฺขญฺจ เนวเสกฺขานาเสกฺขญฺจ
ธมฺมํ ปจฺจยา เนวเสกฺขานาเสกฺโข ธมฺโม อุปฺปชฺชติ
เหตุปจฺจยา เสกฺเข ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ฯ เสกฺขญฺจ เนวเสกฺขานาเสกฺขญฺจ ธมฺมํ ปจฺจยา เสกฺโข จ
เนวเสกฺขานาเสกฺโข จ ธมฺมา อุปฺปชฺชนฺติ เหตุปจฺจยา เสกฺขํ เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... เสกฺเข
ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อเสกฺขญฺจ
เนวเสกฺขานาเสกฺขญฺจ ธมฺมํ ปจฺจยา ... ตีณิ เสกฺขสทิสา ฯ
[๑๒๐๖] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ
อารมฺมณปจฺจยา เอกํ ฯ อเสกฺขํ ธมฺมํ ปจฺจยา ... เอกํ ฯ
เนวเสกฺขานาเสกฺขํ ธมฺมํ ปจฺจยา ... เอกํ วตฺถุํ ปจฺจยา
เนวเสกฺขานาเสกฺขา ขนฺธา จกฺขายตนํ ปจฺจยา จกฺขุวิญฺญาณํ กายายตนํ
ปจฺจยา กายวิญฺญาณํ วตฺถุํ ปจฺจยา เนวเสกฺขานาเสกฺขา ขนฺธา ฯ
เนวเสกฺขานาเสกฺขํ ธมฺมํ ปจฺจยา เสกฺโข ธมฺโม ... อารมฺมณปจฺจยา
วตฺถุํ ปจฺจยา เสกฺขา ขนฺธา ฯ เนวเสกฺขานาเสกฺขํ
ธมฺมํ ปจฺจยา อเสกฺโข ธมฺโม ... อารมฺมณปจฺจยา วตฺถุํ ปจฺจยา
อเสกฺขา ขนฺธา ฯ
[๑๒๐๗] เสกฺขญฺจ เนวเสกฺขานาเสกฺขญฺจ ธมฺมํ ปจฺจยา เสกฺโข
ธมฺโม ... อารมฺมณปจฺจยา เสกฺขํ เอกํ ขนฺธญฺจ วตฺถุญฺจ ปจฺจยา
ตโย ขนฺธา เทฺว ขนฺเธ ... ฯ
[๑๒๐๘] อเสกฺขญฺจ เนวเสกฺขานาเสกฺขญฺจ ธมฺมํ ปจฺจยา
อเสกฺโข ธมฺโม ... อารมฺมณปจฺจยา อเสกฺขํ เอกํ ขนฺธญฺจ
วตฺถุญฺจ ปจฺจยา ตโย ขนฺธา เทฺว ขนฺเธ ... ฯ
[๑๒๐๙] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ
อธิปติปจฺจยา อนนฺตรปจฺจยา สมนนฺตรปจฺจยา สหชาตปจฺจยา
อญฺญมญฺญปจฺจยา นิสฺสยปจฺจยา อุปนิสฺสยปจฺจยา ปุเรชาตปจฺจยา
อาเสวนปจฺจยา เสกฺขํ เอกํ ขนฺธํ ปจฺจโย ตโย ขนฺธา ฯ
[๑๒๑๐] เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
ธมฺโม ... อาเสวนปจฺจยา เนวเสกฺขานาเสกฺขํ เอกํ ขนฺธํ ปจฺจยา
วตฺถุํ ปจฺจยา เนวเสกฺขานาเสกฺขา ขนฺธา ฯ เนวเสกฺขานาเสกฺขํ
ธมฺมํ ปจฺจยา เสกฺโข ธมฺโม ... วตฺถุํ ปจฺจยา เสกฺขา ขนฺธา ฯ
[๑๒๑๑] เสกฺขญฺจ เนวเสกฺขานาเสกฺขญฺจ ธมฺมํ ปจฺจยา เสกฺโข
ธมฺโม ... อาเสวนปจฺจยา เสกฺขํ เอกํ ขนฺธญฺจ วตฺถุญฺจ ปจฺจยา
ตโย ขนฺธา เทฺว ขนฺเธ ... ฯ
[๑๒๑๒] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ กมฺมปจฺจยา
วิปากปจฺจยา วิปากํ เสกฺขํ เอกํ ขนฺธํ ... อาหารปจฺจยา
อินฺทฺริยปจฺจยา ฌานปจฺจยา มคฺคปจฺจยา สมฺปยุตฺตปจฺจยา
วิปฺปยุตฺตปจฺจยา อตฺถิปจฺจยา นตฺถิปจฺจยา วิคตปจฺจยา อวิคตปจฺจยา ฯ
[๑๒๑๓] เหตุยา สตฺตรส อารมฺมเณ สตฺต อธิปติยา
สตฺตรส อนนฺตเร สตฺต สมนนฺตเร สตฺต สหชาเต สตฺตรส
อญฺญมญฺเญ สตฺต นิสฺสเย สตฺตรส อุปนิสฺสเย สตฺต ปุเรชาเต
สตฺต อาเสวเน จตฺตาริ กมฺเม สตฺตรส วิปาเก สตฺตรส
อาหาเร สตฺตรส อินฺทฺริเย ฌาเน มคฺเค สตฺตรส สมฺปยุตฺเต
สตฺต วิปฺปยุตฺเต สตฺตรส อตฺถิยา สตฺตรส นตฺถิยา สตฺต
วิคเต สตฺต อวิคเต สตฺตรส ฯ เอวํ คเณตพฺพํ ฯ
อนุโลมํ ฯ
[๑๒๑๔] เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
ธมฺโม อุปฺปชฺชติ นเหตุปจฺจยา อเหตุกํ เนวเสกฺขานาเสกฺขํ เอกํ
ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ ... เทฺว ขนฺธา
อเหตุกปฏิสนฺธิกฺขเณ ขนฺเธ ปจฺจยา วตฺถุ วตฺถุํ ปจฺจยา ขนฺธา
เอกํ มหาภูตํ ปจฺจยา พาหิรํ ... อาหาร ... อุตุ ... อสญฺญสตฺตานํ ...
จกฺขายตนํ ปจฺจยา ... กายายตนํ ปจฺจยา กายวิญฺญาณํ วตฺถุํ
ปจฺจยา อเหตุกา เนวเสกฺขานาเสกฺขา ขนฺธา วิจิกิจฺฉาสหคเต
อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต
อุทฺธจฺจสหคโต โมโห ฯ เสกฺขํ ธมฺมํ ปจฺจยา เนวเสกฺขานาเสกฺโข
ธมฺโม ... นอารมฺมณปจฺจยา ฯ
[๑๒๑๕] เสกฺขํ ธมฺมํ ปจฺจยา เสกฺโข ธมฺโม ... นอธิปติปจฺจยา
เสกฺเข ขนฺเธ ปจฺจยา เสกฺโข อธิปติ ฯ อเสกฺขํ ธมฺมํ ปจฺจยา
อเสกฺโข ธมฺโม ... นอธิปติปจฺจยา อเสกฺเข ขนฺเธ ปจฺจยา อเสกฺโข
อธิปติ ฯ เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
ธมฺโม ... นอธิปติปจฺจยา ปริปุณฺณํ อสญฺญสตฺตานํ ...
จกฺขายตนํ ... วตฺถุํ ปจฺจยา เนวเสกฺขานาเสกฺโข อธิปติ ฯ
เนวเสกฺขานาเสกฺขํ ธมฺมํ ปจฺจยา เสกฺโข ธมฺโม ... นอธิปติปจฺจยา วตฺถุํ
ปจฺจยา เสกฺโข อธิปติ ฯ เนวเสกฺขานาเสกฺขํ ธมฺมํ ปจฺจยา อเสกฺโข
ธมฺโม ... นอธิปติปจฺจยา วตฺถุํ ปจฺจยา อเสกฺโข อธิปติ ฯ
[๑๒๑๖] เสกฺขญฺจ เนวเสกฺขานาเสกฺขญฺจ ธมฺมํ ปจฺจยา ...
นอธิปติปจฺจยา เสกฺเข ขนฺเธ จ วตฺถุญฺจ ปจฺจยา เสกฺโข
อธิปติ ฯ อเสกฺขญฺจ เนวเสกฺขานาเสกฺขญฺจ ธมฺมํ ปจฺจยา อเสกฺโข
ธมฺโม ... นอธิปติปจฺจยา อเสกฺเข ขนฺเธ จ วตฺถุญฺจ ปจฺจยา
อเสกฺโข อธิปติ ฯ
[๑๒๑๗] เสกฺขํ ธมฺมํ ปจฺจยา เนวเสกฺขานาเสกฺโข ธมฺโม ...
นอนนฺตรปจฺจยา นสมนนฺตรปจฺจยา นอญฺญมญฺญปจฺจยา
นอุปนิสฺสยปจฺจยา นปุเรชาตปจฺจยา นปจฺฉาชาตปจฺจยา สตฺต ฯ
นอาเสวนปจฺจยา ... ฯ
[๑๒๑๘] ... นกมฺมปจฺจยา เสกฺเข ขนฺเธ ปจฺจยา เสกฺขา
เจตนา ฯ เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
ธมฺโม ... นกมฺมปจฺจยา เนวเสกฺขานาเสกฺเข ขนฺเธ ปจฺจยา
เนวเสกฺขานาเสกฺขา เจตนา พาหิรํ ... อาหาร ... อุตุ ... วตฺถุํ
ปจฺจยา เนวเสกฺขานาเสกฺขา เจตนา ฯ เนวเสกฺขานาเสกฺขํ ธมฺมํ ปจฺจยา
เสกฺโข ธมฺโม ... นกมฺมปจฺจยา วตฺถุํ ปจฺจยา เสกฺขา เจตนา ฯ
เสกฺขญฺจ เนวเสกฺขานาเสกฺขญฺจ ธมฺมํ ปจฺจยา เสกฺโข ธมฺโม ...
นกมฺมปจฺจยา เสกฺเข ขนฺเธ จ วตฺถุญฺจ ปจฺจยา เสกฺขา เจตนา ฯ
[๑๒๑๙] เสกฺขํ ธมฺมํ ปจฺจยา เสกฺโข ธมฺโม ... นวิปากปจฺจยา ฯ
เสกฺขมูลเก ตีณิ ฯ เนวเสกฺขานาเสกฺขํ ธมฺมํ ปจฺจยา
เนวเสกฺขานาเสกฺโข ธมฺโม ... นวิปากปจฺจยา ฯ เนวเสกฺขา-
นาเสกฺขมูลเก ตีณิ ฯ เสกฺขญฺจ เนวเสกฺขานาเสกฺขญฺจ ธมฺมํ ปจฺจยา
เสกฺโข ธมฺโม อุปฺปชฺชติ นวิปากปจฺจยา ฯ เสกฺขฆฏเนสุ ตีณิ ฯ
[๑๒๒๐] เนวเสกฺขานาเสกฺขํ ธมฺมํ ปจฺจยา เนวเสกฺขานาเสกฺโข
ธมฺโม ... นอาหารปจฺจยา นอินฺทฺริยปจฺจยา นฌานปจฺจยา นมคฺคปจฺจยา
นสมฺปยุตฺตปจฺจยา นวิปฺปยุตฺตปจฺจยา โนนตฺถิปจฺจยา โนวิคตปจฺจยา ฯ
[๑๒๒๑] นเหตุยา เอกํ นอารมฺมเณ ปญฺจ นอธิปติยา สตฺต
นอนนฺตเร ปญฺจ นสมนนฺตเร ปญฺจ นอญฺญมญฺเญ ปญฺจ
นอุปนิสฺสเย ปญฺจ นปุเรชาเต สตฺต นปจฺฉาชาเต สตฺตรส
นอาเสวเน สตฺตรส นกมฺเม จตฺตาริ นวิปาเก นว นอาหาเร
เอกํ นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต
ปญฺจ นวิปฺปยุตฺเต ตีณิ โนนตฺถิยา ปญฺจ โนวิคเต ปญฺจ ฯ
เอวํ คเณตพฺพํ ฯ
ปจฺจนียํ ฯ
[๑๒๒๒] เหตุปจฺจยา นอารมฺมเณ ปญฺจ ... นอธิปติยา สตฺต
นอนนฺตเร นสมนนฺตเร นอญฺญมญฺเญ นอุปนิสฺสเย ปญฺจ นปุเรชาเต
สตฺต นปจฺฉาชาเต สตฺตรส นอาเสวเน สตฺตรส นกมฺเม จตฺตาริ
นวิปาเก นว นสมฺปยุตฺเต ปญฺจ นวิปฺปยุตฺเต ตีณิ โนนตฺถิยา ปญฺจ
โนวิคเต ปญฺจ ฯ เอวํ คเณตพฺพํ ฯ
อนุโลมปจฺจนียํ ฯ
[๑๒๒๓] นเหตุปจฺจยา อารมฺมเณ เอกํ ... อนนฺตเร สมนนฺตเร
สหชาเต อญฺญมญฺเญ เอกํ ฯ สงฺขิตฺตํ ฯ อวิคเต เอกํ ฯ เอวํ
คเณตพฺพํ ฯ
ปจฺจนียานุโลมํ ฯ
ปจฺจยวาโร นิฏฺฐิโต ฯ
นิสฺสยวาโร ปจฺจยวารสทิโส ฯ
สํสฏฺฐวาโร
[๑๒๒๔] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ เหตุปจฺจยา
เสกฺขํ เอกํ ขนฺธํ สํสฏฺฐา ตโย ขนฺธา เทฺว ขนฺเธ ... ฯ
อเสกฺขํ ธมฺมํ สํสฏฺโฐ อเสกฺโข ธมฺโม ... เหตุปจฺจยา อเสกฺขํ
เอกํ ขนฺธํ สํสฏฺฐา ตโย ขนฺธา เทฺว ขนฺเธ ... ฯ เนวเสกฺขานาเสกฺขํ
ธมฺมํ สํสฏฺโฐ เนวเสกฺขานาเสกฺโข ธมฺโม ... เหตุปจฺจยา
เนวเสกฺขานาเสกฺขํ เอกํ ขนฺธํ สํสฏฺฐา ตโย ขนฺธา เทฺว ขนฺเธ ...
ปฏิสนฺธิกฺขเณ ... ฯ
[๑๒๒๕] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ
อารมฺมณปจฺจยา อธิปติปจฺจยา ฯ สงฺขิตฺตํ ฯ ปุเรชาตปจฺจยา
อาเสวนปจฺจยา เทฺว กาตพฺพา ฯเปฯ อวิคตปจฺจยา ฯ
[๑๒๒๖] เหตุยา ตีณิ อารมฺมเณ ตีณิ อธิปติยา ตีณิ
อนนฺตเร สมนนฺตเร สหชาเต อญฺญมญฺเญ นิสฺสเย อุปนิสฺสเย
ปุเรชาเต ตีณิ อาเสวเน เทฺว กมฺเม ตีณิ ฯ สงฺขิตฺตํ ฯ อวิคเต ตีณิ ฯ
เอวํ คเณตพฺพํ ฯ
อนุโลมํ ฯ
[๑๒๒๗] เนวเสกฺขานาเสกฺขํ ธมฺมํ สํสฏฺโฐ เนวเสกฺขานาเสกฺโข
ธมฺโม อุปฺปชฺชติ นเหตุปจฺจยา อเหตุกํ เนวเสกฺขานาเสกฺขํ เอกํ
ขนฺธํ สํสฏฺฐา ตโย ขนฺธา เทฺว ขนฺเธ ... อเหตุกปฏิสนฺธิกฺขเณ
วิจิกิจฺฉาสหคเต อทฺธจฺจสหคเต ขนฺเธ สํสฏฺโฐ วิจิกิจฺฉาสหคโต
อุทฺธจฺจสหคโต โมโห ฯ
[๑๒๒๘] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ
นอธิปติปจฺจยา เสกฺเข ขนฺเธ สํสฏฺโฐ เสกฺโข อธิปติ ฯ อเสกฺขํ ธมฺมํ
สํสฏฺโฐ อเสกฺโข ธมฺโม ... อเสกฺเข ขนฺเธ สํสฏฺโฐ อเสกฺโข
อธิปติ ฯ เนวเสกฺขานาเสกฺขํ ธมฺมํ สํสฏฺโฐ เนวเสกฺขานาเสกฺโข
ธมฺโม ... นอธิปติปจฺจยา ปริปุณฺณํ เอกํ ฯ
[๑๒๒๙] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ
นปุเรชาตปจฺจยา นปจฺฉาชาตปจฺจยา นอาเสวนปจฺจยา นกมฺมปจฺจยา
เทฺว กาตพฺพา ฯ นวิปากปจฺจยา เทฺว กาตพฺพา ฯ นฌานปจฺจยา
นมคฺคปจฺจยา นวิปฺปยุตฺตปจฺจยา ฯ
[๑๒๓๐] นเหตุยา เอกํ นอธิปติยา ตีณิ นปุเรชาเต ตีณิ
นปจฺฉาชาเต ตีณิ นอาเสวเน ตีณิ นกมฺเม เทฺว นวิปาเก เทฺว
นฌาเน เอกํ นมคฺเค เอกํ นวิปฺปยุตฺเต ตีณิ ฯ เอวํ คเณตพฺพํ ฯ
ปจฺจนียํ ฯ
[๑๒๓๑] เหตุปจฺจยา นอธิปติยา ตีณิ ... นปุเรชาเต ตีณิ
นปจฺฉาชาเต นอาเสวเน ตีณิ นกมฺเม เทฺว นวิปาเก เทฺว
นวิปฺปยุตฺเต ตีณิ ฯ เอวํ คเณตพฺพํ ฯ
อนุโลมปจฺจนียํ ฯ
[๑๒๓๒] นเหตุปจฺจยา อารมฺมเณ เอกํ ... อนนฺตเร สมนนฺตเร
สหชาเต อญฺญมญฺเญ นิสฺสเย อุปนิสฺสเย ปุเรชาเต อาเสวเน กมฺเม
วิปาเก อาหาเร อินฺทฺริเย ฌาเน มคฺเค สมฺปยุตฺเต วิปฺปยุตฺเต
อตฺถิยา นตฺถิยา วิคเต อวิคเต เอกํ ฯ เอวํ คเณตพฺพํ ฯ
ปจฺจนียานุโลมํ ฯ
สํสฏฺฐวาโร ฯ
สมฺปยุตฺตวาโร สํสฏฺฐวารสทิโส ฯ
ปญฺหาวาโร
[๑๒๓๓] เสกฺโข ธมฺโม เสกฺขสฺส ธมฺมสฺส เหตุปจฺจเยน ปจฺจโย
เสกฺขา เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
[๑๒๓๔] เสกฺโข ธมฺโม เนวเสกฺขานาเสกฺขสฺส ธมฺมสฺส
เหตุปจฺจเยน ปจฺจโย เสกฺขา เหตู จิตฺตสมุฏฺฐานานํ รูปานํ
เหตุปจฺจเยน ปจฺจโย ฯ
[๑๒๓๕] เสกฺโข ธมฺโม เสกฺขสฺส จ เนวเสกฺขานาเสกฺขสฺส จ
ธมฺมสฺส เหตุปจฺจเยน ปจฺจโย เสกฺขา เหตู สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
[๑๒๓๖] อเสกฺโข ธมฺโม อเสกฺขสฺส ธมฺมสฺส ... ตีณิ ฯ
เนวเสกฺขานาเสกฺโข ธมฺโม เนวเสกฺขานาเสกฺขสฺส ธมฺมสฺส เหตุปจฺจเยน
ปจฺจโย เนวเสกฺขานาเสกฺขา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิกฺขเณ ... ฯ
[๑๒๓๗] เสกฺโข ธมฺโม เนวเสกฺขานาเสกฺขสฺส ธมฺมสฺส อารมฺมณ-
ปจฺจเยน ปจฺจโย อริยา มคฺคา วุฏฺฐหิตฺวา มคฺคํ ปจฺจเวกฺขนฺติ
เสกฺขํ ผลํ ปจฺจเวกฺขนฺติ เจโตปริยญาเณน เสกฺขจิตฺตสมงฺคิสฺส
จิตฺตํ ชานนฺติ เสกฺขา ขนฺธา เจโตปริยญาณสฺส
ปุพฺเพนิวาสานุสฺสติญาณสฺส อนาคตํสญาณสฺส อาวชฺชนาย
อารมฺมณปจฺจเยน ปจฺจโย ฯ
[๑๒๓๘] อเสกฺโข ธมฺโม เนวเสกฺขานาเสกฺขสฺส ธมฺมสฺส
อารมฺมณปจฺจเยน ปจฺจโย อรหา อเสกฺขํ ผลํ ปจฺจเวกฺขติ
เจโตปริยญาเณน อเสกฺขจิตฺตสมงฺคิสฺส จิตฺตํ ชานาติ อเสกฺขา ขนฺธา
เจโตปริยญาณสฺส ปุพฺเพนิวาสานุสฺสติญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
[๑๒๓๙] เนวเสกฺขานาเสกฺโข ธมฺโม เนวเสกฺขานาเสกฺขสฺส
ธมฺมสฺส อารมฺมณปจฺจเยน ปจฺจโย ทานํ ทตฺวา สีลํ สมาทิยิตฺวา
อุโปสถกมฺมํ กตฺวา ตํ ปจฺจเวกฺขติ ปุพฺเพ สุจิณฺณานิ ... ฌานา
วุฏฺฐหิตฺวา ฌานํ ปจฺจเวกฺขติ อริยา นิพฺพานํ ปจฺจเวกฺขนฺติ นิพฺพานํ
โคตฺรภุสฺส โวทานสฺส อาวชฺชนาย อารมฺมณปจฺจเยน ปจฺจโย
อริยา ปหีเน กิเลเส ปจฺจเวกฺขนฺติ วิกฺขมฺภิเต กิเลเส
ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ จกฺขุํ อนิจฺจโต
ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ ตํ อารพฺภ
ราโค อุปฺปชฺชติ โทมนสฺสํ อุปฺปชฺชติ โสตํ ... วตฺถุํ ... เนวเสกฺขา-
นาเสกฺเข ขนฺเธ อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ
โทมนสฺสํ ... ทิพฺเพน จกฺขุนา รูปํ ... ทิพฺพาย โสตธาตุยา สทฺทํ ...
เจโตปริยาญาเณน เนวเสกฺขานาเสกฺขจิตฺตสมงฺคิสฺส จิตฺตํ ชานาติ
อากาสานญฺจายตนํ วิญฺญาณญฺจายตนสฺส อากิญฺญายตนํ
เนวสญฺญานาสญฺญายตนสฺส อารมฺมณปจฺจเยน ปจฺจโย รูปายตนํ
จกฺขุวิญฺญาณสฺส โผฏฺฐพฺพายตนํ กายวิญฺญาณสฺส เนวเสกฺขานาเสกฺขา
ขนฺธา อิทฺธิวิธญาณสฺส เจโตปริยญาณสฺส ปุพฺเพนิวาสานุสฺสติญาณสฺส
ยถากมฺมูปคญาณสฺส อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ
[๑๒๔๐] เนวเสกฺขานาเสกฺโข ธมฺโม เสกฺขสฺส ธมฺมสฺส
อารมฺมณปจฺจเยน ปจฺจโย นิพฺพานํ มคฺคสฺส เสกฺขสฺส ผลสฺส
อารมฺมณปจฺจเยน ปจฺจโย ฯ
[๑๒๔๑] เนวเสกฺขานาเสกฺโข ธมฺโม อเสกฺขสฺส ธมฺมสฺส
อารมฺมณปจฺจเยน ปจฺจโย นิพฺพานํ อเสกฺขสฺส ผลสฺส
อารมฺมณปจฺจเยน ปจฺจโย ฯ
[๑๒๔๒] เสกฺโข ธมฺโม เสกฺขสฺส ธมฺมสฺส อธิปติปจฺจเยน
ปจฺจโย ฯ สหชาตาธิปติ: เสกฺขาธิปติ สมฺปยุตฺตกานํ ขนฺธานํ
อธิปติปจฺจเยน ปจฺจโย ฯ
[๑๒๔๓] เสกฺโข ธมฺโม เนวเสกฺขานาเสกฺขสฺส ธมฺมสฺส
อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: อริยา มคฺคา วุฏฺฐหิตฺวา มคฺคํ ครุํ กตฺวา ปจฺจเวกฺขนฺติ
เสกฺขํ ผลํ ครุํ กตฺวา ปจฺจเวกฺขนฺติ ฯ สหชาตาธิปติ:
เสกฺขาธิปติ จิตฺตสมุฏฺฐานานํ รูปานํ อธิปติปจฺจเยน ปจฺจโย ฯ
[๑๒๔๔] เสกฺโข ธมฺโม เสกฺขสฺส จ เนวเสกฺขานาเสกฺขสฺส จ
ธมฺมสฺส อธิปติปจฺจเยน ปจฺจโย ฯ สหชาตาธิปติ: เสกฺขาธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ
[๑๒๔๕] อเสกฺโข ธมฺโม อเสกฺขสฺส ธมฺมสฺส อธิปติปจฺจเยน
ปจฺจโย ฯ สหชาตาธิปติ: อเสกฺขาธิปติ สมฺปยุตฺตกานํ ขนฺธานํ
อธิปติปจฺจเยน ปจฺจโย ฯ
[๑๒๔๖] อเสกฺโข ธมฺโม เนวเสกฺขานาเสกฺขสฺส ธมฺมสฺส
อธิปติปจฺจเยน ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
อรหา อเสกฺขํ ผลํ ครุํ กตฺวา ปจฺจเวกฺขติ ฯ สหชาตาธิปติ:
อเสกฺขาธิปติ จิตฺตสมุฏฺฐานานํ รูปานํ อธิปติปจฺจเยน ปจฺจโย ฯ
[๑๒๔๗] อเสกฺโข ธมฺโม อเสกฺขสฺส จ เนวเสกฺขานาเสกฺขสฺส จ
ธมฺมสฺส อธิปติปจฺจเยน ปจฺจโย ฯ สหชาตาธิปติ: อเสกฺขาธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ
[๑๒๔๘] เนวเสกฺขานาเสกฺโข ธมฺโม เนวเสกฺขานาเสกฺขสฺส
ธมฺมสฺส ... อารมฺมณาธิปติ สหชาตาธิปติ ฯ อารมฺมณาธิปติ: ทานํ
ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา
ปจฺจเวกฺขติ ปุพฺเพ สุจิณฺณานิ ครุํ กตฺวา ปจฺจเวกฺขติ ฌานา
วุฏฺฐหิตฺวา ฌานํ ครุํ กตฺวา ปจฺจเวกฺขติ อริยา นิพฺพานํ ครุํ
กตฺวา ปจฺจเวกฺขนฺติ นิพฺพานํ โคตฺรภุสฺส โวทานสฺส อธิปติปจฺจเยน
ปจฺจโย จกฺขุํ ครุํ กตฺวา อสฺสาเทติ อภินนฺทติ ตํ
ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ โสตํ ... วตฺถุํ ...
เนวเสกฺขานาเสกฺเข ขนฺเธ ครุํ กตฺวา อสฺสาเทติ อภินนฺทติ ตํ
ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ ฯ สหชาตาธิปติ:
เนวเสกฺขานาเสกฺขาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
[๑๒๔๙] เนวเสกฺขานาเสกฺโข ธมฺโม เสกฺขสฺส ธมฺมสฺส
อธิปติปจฺจเยน ปจฺจโย ฯ อารมฺมณาธิปติ: นิพฺพานํ มคฺคสฺส
เสกฺขสฺส ผลสฺส อธิปติปจฺจเยน ปจฺจโย ฯ
[๑๒๕๐] เนวเสกฺขานาเสกฺโข ธมฺโม อเสกฺขสฺส ธมฺมสฺส
อธิปติปจฺจเยน ปจฺจโย ฯ อารมฺมณาธิปติ: นิพฺพานํ อเสกฺขสฺส
ผลสฺส อธิปติปจฺจเยน ปจฺจโย ฯ
[๑๒๕๑] เสกฺโข ธมฺโม เสกฺขสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา เสกฺขา ขนฺธา ปจฺฉิมานํ ปจฺฉิมานํ เสกฺขานํ
ขนฺธานํ อนนฺตรปจฺจเยน ปจฺจโย มคฺโค เสกฺขสฺส ผลสฺส เสกฺขํ
ผลํ เสกฺขสฺส ผลสฺส อนนฺตรปจฺจเยน ปจฺจโย ฯ
[๑๒๕๒] เสกฺโข ธมฺโม อเสกฺขสฺส ธมฺมสฺส อนนฺตรปจฺจเยน
ปจฺจโย มคฺโค อเสกฺขสฺส ผลสฺส อนนฺตรปจฺจเยน ปจฺจโย ฯ
[๑๒๕๓] เสกฺโข ธมฺโม เนวเสกฺขานาเสกฺขสฺส ธมฺมสฺส
อนนฺตรปจฺจเยน ปจฺจโย เสกฺขํ ผลํ วุฏฺฐานสฺส อนนฺตรปจฺจเยน ปจฺจโย ฯ
[๑๒๕๔] อเสกฺโข ธมฺโม อเสกฺขสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา อเสกฺขา ขนฺธา ปจฺฉิมานํ ปจฺฉิมานํ
อเสกฺขานํ ขนฺธานํ อนนฺตรปจฺจเยน ปจฺจโย อเสกฺขํ ผลํ อเสกฺขสฺส
ผลสฺส อนนฺตรปจฺจเยน ปจฺจโย ฯ
[๑๒๕๕] อเสกฺโข ธมฺโม เนวเสกฺขานาเสกฺขสฺส ธมฺมสฺส
อนนฺตรปจฺจเยน ปจฺจโย อเสกฺขํ ผลํ วุฏฺฐานสฺส อนนฺตรปจฺจเยน
ปจฺจโย ฯ
[๑๒๕๖] เนวเสกฺขานาเสกฺโข ธมฺโม เนวเสกฺขานาเสกฺขสฺส
ธมฺมสฺส อนนฺตรปจฺจเยน ปจฺจโย ปุริมา ปุริมา เนวเสกฺขานาเสกฺขา
ขนฺธา ปจฺฉิมานํ ปจฺฉิมานํ เนวเสกฺขานาเสกฺขานํ ขนฺธานํ อนุโลมํ
โคตฺรภุสฺส อนุโลมํ โวทานสฺส อาวชฺชนา เนวเสกฺขานาเสกฺขานํ
ขนฺธานํ อนนฺตรปจฺจเยน ปจฺจโย ฯ
[๑๒๕๗] เนวเสกฺขานาเสกฺโข ธมฺโม เสกฺขสฺส ธมฺมสฺส
อนนฺตรปจฺจเยน ปจฺจโย โคตฺรภุ มคฺคสฺส โวทานํ มคฺคสฺส อนุโลมํ
เสกฺขาย ผลสมาปตฺติยา นิโรธา วุฏฺฐหนฺตสฺส เนวสญฺญานาสญฺญายตนํ
เสกฺขาย ผลสมาปตฺติยา อนนฺตรปจฺจเยน ปจฺจโย ฯ
[๑๒๕๘] เนวเสกฺขานาเสกฺโข ธมฺโม อเสกฺขสฺส ธมฺมสฺส
อนนฺตรปจฺจเยน ปจฺจโย อนุโลมํ อเสกฺขาย ผลสมาปตฺติยา นิโรธา
วุฏฺฐหนฺตสฺส เนวสญฺญานาสญฺญายตนํ อเสกฺขาย ผลสมาปตฺติยา
อนนฺตรปจฺจเยน ปจฺจโย ฯ
[๑๒๕๙] เสกฺโข ธมฺโม เสกฺขสฺส ธมฺมสฺส สมนนฺตรปจฺจเยน
ปจฺจโย อนนฺตรสทิสํ อฏฺฐ ปญฺหา ฯ
[๑๒๖๐] เสกฺโข ธมฺโม เสกฺขสฺส ธมฺมสฺส สหชาตปจฺจเยน
ปจฺจโย: ปฏิจฺจวาเร สหชาตสทิสํ นว ปญฺหา ฯ อญฺญมญฺญปจฺจเย
ปฏิจฺจวาเร อญฺญมญฺญสทิสํ ตีณิ ฯ นิสฺสยปจฺจเย กุสลตฺติเก
นิสฺสยปจฺจยสทิสํ เตรส ปญฺหา ฯ
[๑๒๖๑] เสกฺโข ธมฺโม เสกฺขสฺส ธมฺมสฺส อุปนิสฺสยปจฺจเยน
ปจฺจโย อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ปฐโม
มคฺโค ทุติยสฺส มคฺคสฺส อุปนิสฺสยปจฺจเยน ปจฺจโย ทุติโย มคฺโค
ตติยสฺส มคฺคสฺส อุปนิสฺสยปจฺจเยน ปจฺจโย ตติโย มคฺโค
จตุตฺถสฺส มคฺคสฺส อุปนิสฺสยปจฺจเยน ปจฺจโย มคฺโค เสกฺขาย
ผลสมาปตฺติยา อุปนิสฺสยปจฺจเยน ปจฺจโย ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๓๖๖-๓๘๘.
https://84000.org/tipitaka/read/pali_item.php?book=41&item=1173&items=89
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1173&items=89&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1173&items=89
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1173&items=89
ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1173
สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
