พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                   ปญฺหาวาโร
     [๑๕๖๗]   ปริตฺตารมฺมโณ    ธมฺโม   ปริตฺตารมฺมณสฺส   ธมฺมสฺส
เหตุปจฺจเยน   ปจฺจโย   ปริตฺตารมฺมณา   เหตู   สมฺปยุตฺตกานํ  ขนฺธานํ
เหตุปจฺจเยน     ปจฺจโย     ปฏิสนฺธิกฺขเณ     ปริตฺตารมฺมณา    เหตู
สมฺปยุตฺตกานํ ขนฺธานํ เหตุปจฺจเยน ปจฺจโย ฯ
     [๑๕๖๘]   มหคฺคตารมฺมโณ   ธมฺโม   มหคฺคตารมฺมณสฺส   ธมฺมสฺส
เหตุปจฺจเยน   ปจฺจโย   มหคฺคตารมฺมณา   เหตู  สมฺปยุตฺตกานํ  ขนฺธานํ
เหตุปจฺจเยน ปจฺจโย ปฏิสนฺธิกฺขเณ ... ฯ
     [๑๕๖๙]   อปฺปมาณารมฺมโณ     ธมฺโม     อปฺปมาณารมฺมณสฺส
ธมฺมสฺส   เหตุปจฺจเยน   ปจฺจโย  อปฺปมาณารมฺมณา  เหตู  สมฺปยุตฺตกานํ
ขนฺธานํ เหตุปจฺจเยน ปจฺจโย ฯ
     [๑๕๗๐]   ปริตฺตารมฺมโณ    ธมฺโม   ปริตฺตารมฺมณสฺส   ธมฺมสฺส
อารมฺมณปจฺจเยน   ปจฺจโย  ทานํ  ทตฺวา  สีลํ  สมาทิยิตฺวา  อุโปสถกมฺมํ
กตฺวา    ตํ    ปจฺจเวกฺขติ   ปุพฺเพ   สุจิณฺณานิ   ปจฺจเวกฺขติ   อริยา
ปริตฺตารมฺมเณ   ปหีเน   กิเลเส   ปจฺจเวกฺขนฺติ   วิกฺขมฺภิเต   กิเลเส
ปจฺจเวกฺขนฺติ      ปุพฺเพ      สมุทาจิณฺเณ      กิเลเส      ชานนฺติ
ปริตฺตารมฺมเณ   ปริตฺเต  ขนฺเธ  อนิจฺจโต  ทุกฺขโต  อนตฺตโต  วิปสฺสนฺติ
อสฺสาเทนฺติ    อภินนฺทนฺติ    ตํ    อารพฺภ    ปริตฺตารมฺมโณ    ราโค
อุปฺปชฺชติ    โทมนสฺสํ    อุปฺปชฺชติ    เจโตปริยญาเณน   ปริตฺตารมฺมณ-
ปริตฺตจิตฺตสมงฺคิสฺส   จิตฺตํ   ชานาติ   ปริตฺตารมฺมณา   ปริตฺตา  ขนฺธา
เจโตปริยญาณสฺส       ปุพฺเพนิวาสานุสฺสติญาณสฺส     ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๕๗๑]   ปริตฺตารมฺมโณ   ธมฺโม   มหคฺคตารมฺมณสฺส   ธมฺมสฺส
อารมฺมณปจฺจเยน     ปจฺจโย    ทิพฺพํ    จกฺขุํ    ปจฺจเวกฺขติ    ทิพฺพํ
โสตธาตุํ    ปจฺจเวกฺขติ    ปริตฺตารมฺมณํ    อิทฺธิวิธญาณํ    ปจฺจเวกฺขติ
เจโตปริยญาณํ  ...  ปุพฺเพนิวาสานุสฺสติญาณํ  ...  ยถากมฺมูปคญาณํ ...
อนาคตํสญาณํ     ปจฺจเวกฺขติ     ปริตฺตารมฺมเณ    มหคฺคเต    ขนฺเธ
อนิจฺจโต    ...    วิปสฺสติ    อสฺสาเทติ    อภินนฺทติ   ตํ   อารพฺภ
มหคฺคตารมฺมโณ   ราโค   ...   โทมนสฺสํ  อุปฺปชฺชติ  เจโตปริยญาเณน
ปริตฺตารมฺมณมหคฺคตจิตฺตสมงฺคิสฺส     จิตฺตํ     ชานาติ    ปริตฺตารมฺมณา
มหคฺคตา     ขนฺธา     เจโตปริยญาณสฺส     ปุพฺเพนิวาสานุสฺสติญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๕๗๒]   มหคฺคตารมฺมโณ   ธมฺโม   มหคฺคตารมฺมณสฺส   ธมฺมสฺส
อารมฺมณปจฺจเยน    ปจฺจโย    ฯเปฯ    วิญฺญาณญฺจายตนํ   ปจฺจเวกฺขติ
เนวสญฺญานาสญฺญายตนํ     ปจฺจเวกฺขติ    มหคฺคตารมฺมณํ    ปจฺจเวกฺขติ
เจโตปริยญาณํ  ...  ปุพฺเพนิวาสานุสฺสติญาณํ  ...  ยถากมฺมูปคญาณํ ...
อนาคตํสญาณํ     ปจฺจเวกฺขติ    มหคฺคตารมฺมเณ    มหคฺคเค    ขนฺเธ
อนิจฺจโต   ...   วิปสฺสติ   อสฺสาเทติ   ตํ   อารพฺภ  มหคฺคตารมฺมโณ
ราโค   ...   โทมนสฺสํ   อุปฺปชฺชติ  เจโตปริยญาเณน  มหคฺคตารมฺมณ-
มหคฺคตจิตฺตสมงฺคิสฺส    จิตฺตํ    ชานาติ    มหคฺคตารมฺมณา   มหคฺคตา
ขนฺธา    เจโตปริยญาณสฺส    ปุพฺเพนิวาสานุสฺสติญาณสฺส    ยถากมฺมูปค-
ญาณสฺส อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๕๗๓]   มหคฺคตารมฺมโณ   ธมฺโม   ปริตฺตารมฺมณสฺส   ธมฺมสฺส
อารมฺมณปจฺจเยน     ปจฺจโย     ปฐมชฺฌานปจฺจเวกฺขณํ     ปจฺจเวกฺขติ
เนวสญฺญานาสญฺญายตนปจฺจเวกฺขณํ     ปจฺจเวกฺขติ    ทิพฺพจกฺขุปจฺจเวกฺขณํ
ปจฺจเวกฺขติ   ทิพฺพโสตธาตุปจฺจเวกฺขณํ   ปจฺจเวกฺขติ   อิทฺธิวิธญาณ  ...
เจโตปริยญาณ  ...  ปุพฺเพนิวาสานุสฺสติญาณ  ...  ยถากมฺมูปคญาณ ...
อนาคตํสญาณปจฺจเวกฺขณํ     ปจฺจเวกฺขติ     อริยา     มหคฺคตารมฺมเณ
ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส  ปจฺจเวกฺขนฺติ  ปุพฺเพ
สมุทาจิณฺเณ   มหคฺคตารมฺมเณ  ปริตฺเต  ขนฺเธ  อนิจฺจโต  ...  วิปสฺสติ
อสฺสาเทติ  อภินนฺทติ  ตํ  อารพฺภ  ปริตฺตารมฺมโณ  ราโค  ... โทมนสฺสํ
อุปฺปชฺชติ       เจโตปริยญาเณน       มหคฺคตารมฺมณปริตฺตจิตฺตสมงฺคิสฺส
จิตฺตํ   ชานาติ   มหคฺคตารมฺมณา   ปริตฺตา   ขนฺธา   เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๕๗๔]   อปฺปมาณารมฺมโณ     ธมฺโม     อปฺปมาณารมฺมณสฺส
ธมฺมสฺส   อารมฺมณปจฺจเยน   ปจฺจโย   อริยา  มคฺคา  วุฏฺฐหิตฺวา  มคฺคํ
ปจฺจเวกฺขนฺติ   ผลํ   ปจฺจเวกฺขนฺติ   เจโตปริยญาเณน  อปฺปมาณารมฺมณ-
ปริตฺตจิตฺตสมงฺคิสฺส       จิตฺตํ       ชานาติ       อปฺปมาณารมฺมณา
ขนฺธา           เจโตปริยญาณสฺส          ปุพฺเพนิวาสานุสฺสติญาณสฺส
ยถากมฺมูปคญาณสฺส            อนาคตํสญาณสฺส           อาวชฺชนาย
อารมฺมณปจฺจเยน ปจฺจโย ฯ
     [๑๕๗๕]   อปฺปมาณารมฺมโณ   ธมฺโม   ปริตฺตารมฺมณสฺส   ธมฺมสฺส
อารมฺมณปจฺจเยน   ปจฺจโย   อริยา   โคตฺรภุํ   ปจฺจเวกฺขนฺติ   โวทานํ
ปจฺจเวกฺขนฺติ      มคฺคปจฺจเวกฺขณํ     ปจฺจเวกฺขนฺติ     ผลปจฺจเวกฺขณํ
ปจฺจเวกฺขนฺติ    นิพฺพานปจฺจเวกฺขณํ    ปจฺจเวกฺขนฺติ    อปฺปมาณารมฺมเณ
ปริตฺเต  ขนฺเธ  อนิจฺจโต ... วิปสฺสติ เจโตปริยญาเณน อปฺปมาณารมฺมณ-
ปริตฺตจิตฺตสมงฺคิสฺส    จิตฺตํ    ชานาติ    อปฺปมาณารมฺมณา    ปริตฺตา
ขนฺธา    เจโตปริยญาณสฺส    ปุพฺเพนิวาสานุสฺสติญาณสฺส    ยถากมฺมูปค-
ญาณสฺส อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๕๗๖]   อปฺปมาณารมฺมโณ   ธมฺโม   มหคฺคตารมฺมณสฺส  ธมฺมสฺส
อารมฺมณปจฺจเยน     ปจฺจโย    อริยา    อปฺปมาณารมฺมณเจโตปริยญาณํ
ปจฺจเวกฺขนฺติ     ...     ปุพฺเพนิวาสานุสฺสติญาณสฺส    อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๕๗๗]   ปริตฺตารมฺมโณ    ธมฺโม   ปริตฺตารมฺมณสฺส   ธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:   ทานํ   ทตฺวา   สีลํ  สมาทิยิตฺวา  อุโปสถกมฺมํ  กตฺวา
ตํ  ครุํ  กตฺวา  ปจฺจเวกฺขติ  ปุพฺเพ  สุจิณฺณานิ  ครุํ  กตฺวา  ปจฺจเวกฺขติ
ปริตฺตารมฺมเณ   ปริตฺเต   ขนฺเธ  ครุํ  กตฺวา  อสฺสาเทติ  อภินนฺทติ  ตํ
ครุํ   กตฺวา   ราโค   อุปฺปชฺชติ   ทิฏฺฐิ   อุปฺปชฺชติ  ฯ  สหชาตาธิปติ:
ปริตฺตารมฺมณาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
     [๑๕๗๘]   ปริตฺตารมฺมโณ   ธมฺโม   มหคฺคตารมฺมณสฺส   ธมฺมสฺส
อธิปติปจฺจเยน   ปจฺจโย   ฯ  อารมฺมณาธิปติ:  ทิพฺพํ  จกฺขุํ  ครุํ  กตฺวา
ปจฺจเวกฺขติ  ทิพฺพํ  โสตธาตุํ ... ปริตฺตารมฺมณํ อิทฺธิวิธญาณํ เจโตปริยญาณํ
ปุพฺเพนิวาสานุสฺสติญาณํ      ยถากมฺมูปคญาณํ     ...     อนาคตํสญาณํ
ปจฺจเวกฺขติ   ปริตฺตารมฺมเณ   มหคฺคเต  ขนฺเธ  ครุํ  กตฺวา  อสฺสาเทติ
ตํ ครุํ กตฺวา มหคฺคตารมฺมโณ ราโค ... ทิฏฺฐิ อุปฺปชฺชติ ฯ
     [๑๕๗๙]   มหคฺคตารมฺมโณ   ธมฺโม   มหคฺคตารมฺมณสฺส   ธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:    วิญฺญาณญฺจายตนํ   ครุํ   กตฺวา   ...   เนวสญฺญา-
นาสญฺญายตนํ   ...  มหคฺคตารมฺมณํ  อิทฺธิวิธญาณํ  ...  เจโตปริยญาณํ
ปุพฺเพนิวาสานุสฺสติญาณํ      ยถากมฺมูปคญาณํ     ...     อนาคตํสญาณํ
ครุํ  กตฺวา  ...  มหคฺคตารมฺมเณ  มหคฺคเต ขนฺเธ ครุํ กตฺวา อสฺสาเทติ
ตํ  ครุํ  กตฺวา  มหคฺคตารมฺมโณ  ราโค ... ทิฏฺฐิ ... ฯ สหชาตาธิปติ:
มหคฺคตารมฺมณา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
     [๑๕๘๐]   มหคฺคตารมฺมโณ   ธมฺโม   ปริตฺตารมฺมณสฺส   ธมฺมสฺส
อธิปติปจฺจเยน    ปจฺจโย   ฯ   อารมฺมณาธิปติ:   ปฐมชฺฌานปจฺจเวกฺขณํ
ครุํ   กตฺวา   ปจฺจเวกฺขติ   อนาคตํสญาณปจฺจเวกฺขณํ  ครุํ  กตฺวา  ...
มหคฺคตารมฺมเณ   ปริตฺเต   ขนฺเธ   ครุํ   กตฺวา   อสฺสาเทติ  ตํ  ครุํ
กตฺวา ปริตฺตารมฺมโณ ราโค ... ทิฏฺฐิ อุปฺปชฺชติ ฯ
     [๑๕๘๑]   อปฺปมาณารมฺมโณ     ธมฺโม     อปฺปมาณารมฺมณสฺส
ธมฺมสฺส   อธิปติปจฺจเยน   ปจฺจโย   อารมฺมณาธิปติ   สหชาตาธิปติ   ฯ
อารมฺมณาธิปติ:    อริยา    มคฺคา   วุฏฺฐหิตฺวา   มคฺคํ   ครุํ   กตฺวา
ปจฺจเวกฺขนฺติ  ผลํ  ครุํ  กตฺวา  ... ฯ สหาชาตาธิปติ: อปฺปมาณารมฺมณา
อธิปติ สมฺปยุตฺตกานํ ขนฺธานํ ฯ
     [๑๕๘๒]   อปฺปมาณารมฺมโณ      ธมฺโม     ปริตฺตารมฺมณสฺส
ธมฺมสฺส   ...   ฯ   อารมฺมณาธิปติ:   เสกฺขา   โคตฺรภุํ  ครุํ  กตฺวา
ปจฺจเวกฺขนฺติ   โวทานํ   ครุํ   กตฺวา   ปจฺจเวกฺขนฺติ   มคฺคปจฺจเวกฺขณํ
ครุํ   กตฺวา   ปจฺจเวกฺขนฺติ   ผลปจฺจเวกฺขณํ   ...  นิพฺพานปจฺจเวกฺขณํ
ครุํ กตฺวา ปจฺจเวกฺขนฺติ ฯ
     [๑๕๘๓]   อปฺปมาณารมฺมโณ     ธมฺโม     มหคฺคตารมฺมณสฺส
ธมฺมสฺส    อธิปติปจฺจเยน    ปจฺจโย    ฯ   อารมฺมณาธิปติ:   เสกฺขา
อปฺปมาณารมฺมณํ   เจโตปริยญาณํ  ครุํ  กตฺวา  ...  ปุพฺเพนิวาสานุสฺสติ-
ญาณํ ... อนาคตํสญาณํ ครุํ กตฺวา ปจฺจเวกฺขนฺติ ฯ
     [๑๕๘๔]   ปริตฺตารมฺมโณ    ธมฺโม   ปริตฺตารมฺมณสฺส   ธมฺมสฺส
อนนฺตรปจฺจเยน    ปจฺจโย    ปุริมา   ปุริมา   ปริตฺตารมฺมณา   ขนฺธา
ปจฺฉิมานํ ปจฺฉิมานํ ขนฺธานํ อนนฺตรปจฺจเยน ปจฺจโย ฯ
     [๑๕๘๕]   ปริตฺตารมฺมโณ   ธมฺโม   มหคฺคตารมฺมณสฺส   ธมฺมสฺส
อนนฺตรปจฺจเยน    ปจฺจโย   ปริตฺตารมฺมณํ   จุติจิตฺตํ   มหคฺคตารมฺมณสฺส
อุปปตฺติจิตฺตสฺส    อนนฺตรปจฺจเยน    ปจฺจโย    ปริตฺตารมฺมณํ    ภวงฺคํ
มหคฺคตารมฺมณาย       อาวชฺชนาย      อนนฺตรปจฺจเยน      ปจฺจโย
ปริตฺตารมฺมณา        ขนฺธา       มหคฺคตารมฺมณสฺส       วุฏฺฐานสฺส
อนนฺตรปจฺจเยน ปจฺจโย ฯ
     [๑๕๘๖]   ปริตฺตารมฺมโณ   ธมฺโม   อปฺปมาณารมฺมณสฺส   ธมฺมสฺส
อนนฺตรปจฺจเยน     ปจฺจโย     ปริตฺตารมฺมณํ    อนุโลมํ    โคตฺรภุสฺส
อนุโลมํ     โวทานสฺส    อนุโลมํ    ผลสมาปตฺติยา    อนนฺตรปจฺจเยน
ปจฺจโย ฯ
     [๑๕๘๗]   มหคฺคตารมฺมโณ   ธมฺโม   มหคฺคตารมฺมณสฺส   ธมฺมสฺส
อนนฺตรปจฺจเยน    ปจฺจโย   ปุริมา   ปุริมา   มหคฺคตารมฺมณา   ขนฺธา
ปจฺฉิมานํ ปจฺฉิมานํ ขนฺธานํ อนนฺตรปจฺจเยน ปจฺจโย ฯ
     [๑๕๘๘]   มหคฺคตารมฺมโณ   ธมฺโม   ปริตฺตารมฺมณสฺส   ธมฺมสฺส
อนนฺตรปจฺจเยน        ปจฺจโย        มหคฺคตารมฺมณํ        จุติจิตฺตํ
ปริตฺตารมฺมณสฺส      อุปปตฺติจิตฺตสฺส      อนนฺตรปจฺจเยน      ปจฺจโย
มหคฺคตารมฺมณํ   ภวงฺคํ   ปริตฺตารมฺมณาย   อาวชฺชนาย  อนนฺตรปจฺจเยน
ปจฺจโย     มหคฺคตารมฺมณา    ขนฺธา    ปริตฺตารมฺมณสฺส    วุฏฺฐานสฺส
อนนฺตรปจฺจเยน ปจฺจโย ฯ
     [๑๕๘๙]   มหคฺคตารมฺมโณ   ธมฺโม   อปฺปมาณารมฺมณสฺส  ธมฺมสฺส
อนนฺตรปจฺจเยน     ปจฺจโย    มหคฺคตารมฺมณํ    อนุโลมํ    โคตฺรภุสฺส
อนุโลมํ   โวทานสฺส   อนุโลมํ   ผลสมาปตฺติยา   นิโรธา   วุฏฺฐหนฺตสฺส
เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโย ฯ
     [๑๕๙๐]   อปฺปมาณารมฺมโณ     ธมฺโม     อปฺปมาณารมฺมณสฺส
ธมฺมสฺส   อนนฺตรปจฺจเยน   ปจฺจโย   ปุริมา   ปุริมา  อปฺปมาณารมฺมณา
ขนฺธา      ปจฺฉิมานํ     ปจฺฉิมานํ     อปฺปมาณารมฺมณานํ     ขนฺธานํ
อนนฺตรปจฺจเยน    ปจฺจโย    โคตฺรภุ    มคฺคสฺส    โวทานํ   มคฺคสฺส
มคฺโค ผลสฺส ผลํ ผลสฺส อนนฺตรปจฺจเยน ปจฺจโย ฯ
     [๑๕๙๑]   อปฺปมาณารมฺมโณ   ธมฺโม   ปริตฺตารมฺมณสฺส   ธมฺมสฺส
อนนฺตรปจฺจเยน      ปจฺจโย     มคฺคปจฺจเวกฺขณา     ปริตฺตารมฺมณสฺส
วุฏฺฐานสฺส  ผลปจฺจเวกฺขณํ  ปริตฺตารมฺมณสฺส  วุฏฺฐานสฺส นิพฺพานปจฺจเวกฺขณํ
ปริตฺตารมฺมณสฺส      วุฏฺฐานสฺส     อปฺปมาณารมฺมณํ     เจโตปริยญาณํ
ปริตฺตารมฺมณสฺส           วุฏฺฐานสฺส          ปุพฺเพนิวาสานุสฺสติญาณํ
ปริตฺตารมฺมณสฺส      วุฏฺฐานสฺส      อนาคตํสญาณํ     ปริตฺตารมฺมณสฺส
วุฏฺฐานสฺส     ผลํ    ปริตฺตารมฺมณสฺส    วุฏฺฐานสฺส    อนนฺตรปจฺจเยน
ปจฺจโย ฯ
     [๑๕๙๒]   อปฺปมาณารมฺมโณ     ธมฺโม     มหคฺคตารมฺมณสฺส
ธมฺมสฺส        อนนฺตรปจฺจเยน        ปจฺจโย       มคฺคปจฺจเวกฺขณํ
มหคฺคตารมฺมณสฺส   วุฏฺฐานสฺส   ผลปจฺจเวกฺขณา  มหคฺคตารมฺมณสฺส  ...
นิพฺพานปจฺจเวกฺขณา        มหคฺคตารมฺมณสฺส        ...        ผลํ
มหคฺคตารมฺมณสฺส วุฏฺฐานสฺส อนนฺตรปจฺจเยน ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๔๕๘-๔๖๕.
https://84000.org/tipitaka/read/pali_item.php?book=41&item=1567&items=26
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1567&items=26&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1567&items=26
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1567&items=26
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1567
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41