ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๑ ภาษาบาลี อักษรไทย พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ
                                  ปญฺหาวาโร
     [๑๖๘๗]   มิจฺฉตฺตนิยโต  ธมฺโม มิจฺฉตฺตนิยตสฺส ธมฺมสฺส เหตุปจฺจเยน
ปจฺจโย   มิจฺฉตฺตนิยตา   เหตู   สมฺปยุตฺตกานํ   ขนฺธานํ   เหตุปจฺจเยน
ปจฺจโย ฯ
     [๑๖๘๘]   มิจฺฉตฺตนิยโต  ธมฺโม  อนิยตสฺส  ธมฺมสฺส  เหตุปจฺจเยน
ปจฺจโย มิจฺฉตฺตนิยตา เหตู จิตฺตสมุฏฺฐานานํ รูปานํ ฯ
     [๑๖๘๙]   มิจฺฉตฺตนิยโต  ธมฺโม  มิจฺฉตฺตนิยตสฺส  จ  อนิยตสฺส  จ
ธมฺมสฺส   เหตุปจฺจเยน   ปจฺจโย   มิจฺฉตฺตนิยตา   เหตู   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
     [๑๖๙๐]   สมฺมตฺตนิยโต  ธมฺโม สมฺมตฺตนิยตสฺส ธมฺมสฺส เหตุปจฺจเยน
ปจฺจโย ตีณิ ฯ
     [๑๖๙๑]   อนิยโต   ธมฺโม   อนิยตสฺส   ธมฺมสฺส   เหตุปจฺจเยน
ปจฺจโย   อนิยตา   เหตู   สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ ปฏิสนฺธิกฺขเณ ... ฯ
     [๑๖๙๒]   มิจฺฉตฺตนิยโต  ธมฺโม  อนิยตสฺส ธมฺมสฺส อารมฺมณปจฺจเยน
ปจฺจโย   อริยา   มิจฺฉตฺตนิยเต   ปหีเน  กิเลเส  ปจฺจเวกฺขนฺติ  ปุพฺเพ
สมุทาจิณฺเณ   กิเลเส   ชานนฺติ   มิจฺฉตฺตนิยเต  ขนฺเธ  อนิจฺจโต  ...
วิปสฺสนฺติ   เจโตปริยญาเณน   มิจฺฉตฺตนิยตจิตฺตสมงฺคิสฺส   จิตฺตํ   ชานนฺติ
มิจฺฉตฺตนิยตา    ขนฺธา    เจโตปริยญาณสฺส    ปุพฺเพนิวาสานุสฺสติญาณสฺส
ยถากมฺมูปคญาณสฺส    อนาคตํสญาณสฺส    อาวชฺชนาย   อารมฺมณปจฺจเยน
ปจฺจโย ฯ
     [๑๖๙๓]   สมฺมตฺตนิยโต  ธมฺโม  อนิยตสฺส ธมฺมสฺส อารมฺมณปจฺจเยน
ปจฺจโย  อริยา  มคฺคา  วุฏฺฐหิตฺวา  มคฺคํ  ปจฺจเวกฺขนฺติ เจโตปริยญาเณน
สมฺมตฺตนิยตจิตฺตสมงฺคิสฺส       จิตฺตํ       ชานนฺติ       สมฺมตฺตนิยตา
ขนฺธา           เจโตปริยญาณสฺส          ปุพฺเพนิวาสานุสฺสติญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๖๙๔]   อนิยโต   ธมฺโม  อนิยตสฺส  ธมฺมสฺส  อารมฺมณปจฺจเยน
ปจฺจโย   ทานํ   ทตฺวา   สีลํ   สมาทิยิตฺวา   อุโปสถกมฺมํ   กตฺวา  ตํ
ปจฺจเวกฺขนฺติ    ปุพฺเพ   สุจิณฺณานิ   ...   ฌานา   วุฏฺฐหิตฺวา   ฌานํ
ปจฺจเวกฺขนฺติ    อริยา    ผลํ   ปจฺจเวกฺขนฺติ   นิพฺพานํ   ปจฺจเวกฺขนฺติ
นิพฺพานํ   โคตฺรภุสฺส   โวทานสฺส  ผลสฺส  อาวชฺชนาย  อารมฺมณปจฺจเยน
ปจฺจโย   อริยา   อนิยเต   ปหีเน   กิเลเส  ปจฺจเวกฺขนฺติ  วิกฺขมฺภิเต
กิเลเส  ... ปุพฺเพ สมุทาจิณฺเณ ... จกฺขุํ ... วตฺถุํ ... อนิยเต ขนฺเธ
อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ
     {๑๖๙๔.๑}   ตํ  อารพฺภ  อนิยโต  ราโค  ... โทมนสฺสํ อุปฺปชฺชติ
ทิพฺเพน   จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ
เจโตปริยญาเณน   อนิยตจิตฺตสมงฺคิสฺส  จิตฺตํ  ชานาติ  อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
อารมฺมณปจฺจเยน   ปจฺจโย   รูปายตนํ   จกฺขุวิญฺญาณสฺส   โผฏฺฐพฺพายตนํ
กายวิญฺญาณสฺส   อารมฺมณปจฺจเยน   ปจฺจโย   อนิยตา  ขนฺธา  อิทฺธิวิธ-
ญาณสฺส       เจโตปริยญาณสฺส      ปุพฺเพนิวาสานุสฺสติ      ญาณสฺส
ยถากมฺมูปคญาณสฺส    อนาคตํสญาณสฺส    อาวชฺชนาย   อารมฺมณปจฺจเยน
ปจฺจโย ฯ
     [๑๖๙๕]   อนิยโต  ธมฺโม  มิจฺฉตฺตนิยตสฺส ธมฺมสฺส อารมฺมณปจฺจเยน
ปจฺจโย       รูปชีวิตินฺทฺริยํ       มาตุฆาตกมฺมสฺส      ปิตุฆาตกมฺมสฺส
อรหนฺตฆาตกมฺมสฺส     รุหิรุปฺปาทกมฺมสฺส    อารมฺมณปจฺจเยน    ปจฺจโย
ยํ   วตฺถุํ   ปรามสนฺตสฺส   มิจฺฉตฺตนิยตา   ขนฺธา  อุปฺปชฺชนฺติ  ตํ  วตฺถุํ
มิจฺฉตฺตนิยตานํ ขนฺธานํ อารมฺมณปจฺจเยน ปจฺจโย ฯ
     [๑๖๙๖]   อนิยโต  ธมฺโม  สมฺมตฺตนิยตสฺส ธมฺมสฺส อารมฺมณปจฺจเยน
ปจฺจโย นิพฺพานํ มคฺคสฺส อารมฺมณปจฺจเยน ปจฺจโย ฯ
     [๑๖๙๗]   มิจฺฉตฺตนิยโต    ธมฺโม    มิจฺฉตฺตนิยตสฺส    ธมฺมสฺส
อธิปติปจฺจเยน     ปจฺจโย    ฯ    สหชาตาธิปติ:    มิจฺฉตฺตนิยตาธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
     [๑๖๙๘]   มิจฺฉตฺตนิยโต  ธมฺโม  อนิยตสฺส  ธมฺมสฺส  อธิปติปจฺจเยน
ปจฺจโย    ฯ    สหชาตาธิปติ:    มิจฺฉตฺตนิยตาธิปติ    จิตฺตสมุฏฺฐานานํ
รูปานํ อธิปติปจฺจเยน ปจฺจโย ฯ
     [๑๖๙๙]   มิจฺฉตฺตนิยโต  ธมฺโม  มิจฺฉตฺตนิยตสฺส  จ  อนิยตสฺส  จ
ธมฺมสฺส   อธิปติปจฺจเยน   ปจฺจโย  ฯ  สหชาตาธิปติ:  มิจฺฉตฺตนิยตาธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย ฯ
     [๑๗๐๐]   สมฺมตฺตนิยโต ธมฺโม สมฺมตฺตนิยตสฺส ธมฺมสฺส อธิปติปจฺจเยน
ปจฺจโย   ฯ   สหชาตาธิปติ:   สมฺมตฺตนิยตาธิปติ  สมฺปยุตฺตกานํ  ขนฺธานํ
อธิปติปจฺจเยน ปจฺจโย ฯ
     [๑๗๐๑]   สมฺมตฺตนิยโต  ธมฺโม  อนิยตสฺส  ธมฺมสฺส  อธิปติปจฺจเยน
ปจฺจโย     อารมฺมณาธิปติ     สหชาตาธิปติ     ฯ    อารมฺมณาธิปติ:
อริยา   มคฺคา   วุฏฺฐหิตฺวา   มคฺคํ   ครุํ   กตฺวา   ปจฺจเวกฺขนฺติ   ฯ
สหชาตาธิปติ:      สมฺมตฺตนิยตาธิปติ      จิตฺตสมุฏฺฐานานํ      รูปานํ
อธิปติปจฺจเยน ปจฺจโย ฯ
     [๑๗๐๒]   สมฺมตฺตนิยโต  ธมฺโม  สมฺมตฺตนิยตสฺส  จ  อนิยตสฺส  จ
ธมฺมสฺส   อธิปติปจฺจเยน   ปจฺจโย  ฯ  สหชาตาธิปติ:  สมฺมตฺตนิยตาธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ ฯ
     [๑๗๐๓]   อนิยโต   ธมฺโม   อนิยตสฺส   ธมฺมสฺส  อธิปติปจฺจเยน
ปจฺจโย    อารมฺมณาธิปติ   สหชาตาธิปติ   ฯ   อารมฺมณาธิปติ:   ทานํ
ทตฺวา  สีลํ  ...  อุโปสถกมฺมํ  ...  ตํ  ครุํ  กตฺวา ปจฺจเวกฺขติ ปุพฺเพ
สุจิณฺณานิ    ครุํ    กตฺวา   ปจฺจเวกฺขติ   อริยา   ผลํ   ครุํ   กตฺวา
ปจฺจเวกฺขนฺติ  นิพฺพานํ  ครุํ  กตฺวา  ...  นิพฺพานํ  โคตฺรภุสฺส โวทานสฺส
ผลสฺส  อธิปติปจฺจเยน  ปจฺจโย  จกฺขุํ  ... วตฺถุํ ... อนิยเต ขนฺเธ ครุํ
กตฺวา  อสฺสาเทติ  อภินนฺทติ  ตํ  ครุํ  กตฺวา  อนิยโต ราโค อุปฺปชฺชติ ฯ
สหชาตาธิปติ:   อนิยตาธิปติ   สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     [๑๗๐๔]   อนิยโต  ธมฺโม  สมฺมตฺตนิยตสฺส  ธมฺมสฺส  อธิปติปจฺจเยน
ปจฺจโย ฯ อารมฺมณาธิปติ: นิพฺพานํ มคฺคสฺส อธิปติปจฺจเยน ปจฺจโย ฯ
     [๑๗๐๕]   มิจฺฉตฺตนิยโต  ธมฺโม  อนิยตสฺส  ธมฺมสฺส อนนฺตรปจฺจเยน
ปจฺจโย     มิจฺฉตฺตนิยตา     ขนฺธา     วุฏฺฐานสฺส    อนนฺตรปจฺจเยน
ปจฺจโย ฯ
     [๑๗๐๖]   สมฺมตฺตนิยโต  ธมฺโม  อนิยตสฺส  ธมฺมสฺส อนนฺตรปจฺจเยน
ปจฺจโย มคฺโค ผลสฺส อนนฺตรปจฺจเยน ปจฺจโย ฯ
     [๑๗๐๗]   อนิยโต   ธมฺโม   อนิยตสฺส  ธมฺมสฺส  อนนฺตรปจฺจเยน
ปจฺจโย   ปุริมา  ปุริมา  อนิยตา  ขนฺธา  ปจฺฉิมานํ  ปจฺฉิมานํ  อนิยตานํ
ขนฺธานํ    อนนฺตรปจฺจเยน    ปจฺจโย   อนุโลมํ   โคตฺรภุสฺส   อนุโลมํ
โวทานสฺส   ผลํ   ผลสฺส  อนุโลมํ  ผลสมาปตฺติยา  นิโรธา  วุฏฺฐหนฺตสฺส
เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโย ฯ
     [๑๗๐๘]   อนิยโต  ธมฺโม  มิจฺฉตฺตนิยตสฺส  ธมฺมสฺส อนนฺตรปจฺจเยน
ปจฺจโย    อนิยตํ   โทมนสฺสํ   มิจฺฉตฺตนิยตสฺส   โทมนสฺสสฺส   อนนฺตร-
ปจฺจเยน     ปจฺจโย     อนิยตา     มิจฺฉาทิฏฺฐิ    นิยตมิจฺฉาทิฏฺฐิยา
อนนฺตรปจฺจเยน ปจฺจโย ฯ
     [๑๗๐๙]   อนิยโต  ธมฺโม  สมฺมตฺตนิยตสฺส  ธมฺมสฺส อนนฺตรปจฺจเยน
ปจฺจโย โคตฺรภุ มคฺคสฺส โวทานํ มคฺคสฺส อนนฺตรปจฺจเยน ปจฺจโย ฯ
     [๑๗๑๐]   มิจฺฉตฺตนิยโต  ธมฺโม  อนิยตสฺส ธมฺมสฺส สมนนฺตรปจฺจเยน
ปจฺจโย   อนนฺตรสทิสํ   ฯ   สหชาตปจฺจเยน   ปจฺจโย   ปฏิจฺจวารสทิสํ
นว     ปญฺหา    ฯ    อญฺญมญฺญปจฺจเยน    ปจฺจโย    ปฏิจฺจวารสทิสํ
ติสฺโส     ปญฺหา    ฯ    นิสฺสยปจฺจเยน    ปจฺจโย    กุสลตฺติกสทิสา
เตรส ปญฺหา ฯ
     [๑๗๑๑]   มิจฺฉตฺตนิยโต  ธมฺโม  มิจฺฉตฺตนิยตสฺส  ธมฺมสฺส อุปนิสฺสย-
ปจฺจเยน   ปจฺจโย   ฯ   ปกตูปนิสฺสโย:  มาตุฆาตกมฺมํ  ปิตุฆาตกมฺมสฺส
อุปนิสฺสยปจฺจเยน   ปจฺจโย   มาตุฆาตกมฺมํ   ...   ปิตุฆาตกมฺมํ   ...
อรหนฺตฆาตกมฺมํ    ...   รุหิรุปฺปาทกมฺมํ   ...   สงฺฆเภทกมฺมํ   ...
นิยตมิจฺฉาทิฏฺฐิยา   อุปนิสฺสยปจฺจเยน   ปจฺจโย   ฯ   จกฺกํ  กาตพฺพํ  ฯ
นิยตมิจฺฉาทิฏฺฐิ  นิยตมิจฺฉาทิฏฺฐิยา  อุปนิสฺสยปจฺจเยน ปจฺจโย นิยตมิจฺฉาทิฏฺฐิ
มาตุฆาตกมฺมสฺส ... สงฺฆเภทกมฺมสฺส อุปนิสฺสยปจฺจเยน ปจฺจโย ฯ
     [๑๗๑๒]   มิจฺฉตฺตนิยโต  ธมฺโม  อนิยตสฺส ธมฺมสฺส อุปนิสฺสยปจฺจเยน
ปจฺจโย     อนนฺตรูปนิสฺสโย     ปกตูปนิสฺสโย     ฯ    ปกตูปนิสฺสโย:
มาตรํ    ชีวิตา    โวโรเปตฺวา   ตสฺส   ปฏิฆาตตฺถาย   ทานํ   เทติ
สีลํ   สมาทิยติ   อุโปสถกมฺมํ  กโรติ  ปิตรํ  ชีวิตา  โวโรเปตฺวา  ...
อรหนฺตํ  ชีวิตา  ...  ทุฏฺเฐน  จิตฺเตน  ตถาคตสฺส  โลหิตํ  ...  สงฺฆํ
ภินฺทิตฺวา ตสฺส ปฏิฆาตตฺถาย ทานํ ... สีลํ ... อุโปสถกมฺมํ กโรติ ฯ
     [๑๗๑๓]   สมฺมตฺตนิยโต  ธมฺโม  สมฺมตฺตนิยตสฺส  ธมฺมสฺส อุปนิสฺสย-
ปจฺจเยน    ปจฺจโย   ฯ   ปกตูปนิสฺสโย:   ปฐโม   มคฺโค   ทุติยสฺส
มคฺคสฺส    อุปนิสฺสยปจฺจเยน    ปจฺจโย    ตติโย    มคฺโค   จตุตฺถสฺส
มคฺคสฺส อุปนิสฺสยปจฺจเยน ปจฺจโย ฯ
     [๑๗๑๔]   สมฺมตฺตนิยโต  ธมฺโม  อนิยตสฺส ธมฺมสฺส อุปนิสฺสยปจฺจเยน
ปจฺจโย    ฯ   อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯ
ปกตูปนิสฺสโย:    อริยา    มคฺคํ    อุปนิสฺสาย    อนุปฺปนฺนํ   สมาปตฺตึ
อุปฺปาเทนฺติ    อุปฺปนฺนํ    สมาปชฺชนฺติ   สงฺขาเร   อนิจฺจโต   ทุกฺขโต
อนตฺตโต    วิปสฺสนฺติ    มคฺโค    อริยานํ    อตฺถปฏิสมฺภิทาย    ...
ฐานาฐานโกสลฺลสฺส     อุปนิสฺสยปจฺจเยน     ปจฺจโย    มคฺโค    ผล
สมาปตฺติยา อุปนิสฺสยปจฺจเยน ปจฺจโย ฯ
     [๑๗๑๕]   อนิยโต   ธมฺโม  อนิยตสฺส  ธมฺมสฺส  อุปนิสฺสยปจฺจเยน
ปจฺจโย     อารมฺมณูปนิสฺสโย    อนนฺตรูปนิสฺสโย    ปกตูปนิสฺสโย    ฯ
ปกตูปนิสฺสโย: อนิยตํ สทฺธํ อุปนิสฺสาย ทานํ เทติ สีลํ ... อุโปสถกมฺมํ ...
ฌานํ  ...  อภิญฺญํ ... สมาปตฺตึ ... มานํ ... ทิฏฺฐึ คณฺหาติ อนิยตํ สีลํ
...  สุตํ  จาคํ  ปญฺญํ  ราคํ  ปตฺถนํ  กายิกํ  สุขํ กายิกํ ทุกฺขํ อุตุํ โภชนํ
...  เสนาสนํ  อุปนิสฺสาย ทานํ เทติ ... นิคมฆาตํ กโรติ อนิยตา สทฺธา
...  ปญฺญา  ... ราโค ... เสนาสนํ อนิยตาย สทฺธาย กายิกสฺส สุขสฺส
กายิกสฺส     ทุกฺขสฺส    ผลสมาปตฺติยา    อุปนิสฺสยปจฺจเยน    ปจฺจโย
ปฐมสฺส     ฌานสฺส    ปริกมฺมํ    ตสฺเสว    เนวสญฺญานาสญฺญายตนสฺส
ปริกมฺมํ   ตสฺเสว   ปฐมํ   ฌานํ   ทุติยสฺส   ฌานสฺส   อากิญฺจญฺญายตนํ
เนวสญฺญานาสญฺญายตนสฺส         ปาณาติปาโต         ปาณาติปาตสฺส
อุปนิสฺสยปจฺจเยน ปจฺจโย ฯ จกฺกํ กาตพฺพํ ฯ
     [๑๗๑๖]   อนิยโต  ธมฺโม  มิจฺฉตฺตนิยตสฺส ธมฺมสฺส อุปนิสฺสยปจฺจเยน
ปจฺจโย     อนนฺตรูปนิสฺสโย     ปกตูปนิสฺสโย     ฯ    ปกตูปนิสฺสโย:
อนิยตํ  ราคํ  อุปนิสฺสาย  มาตรํ  ชีวิตา  โวโรเปติ  ...  สงฺฆํ  ภินฺทติ
อนิยตํ  โทสํ  ... ปตฺถนํ ... กายิกํ สุขํ ... เสนาสนํ อุปนิสฺสาย มาตรํ
ชีวิตา  โวโรเปติ  ...  สงฺฆํ  ภินฺทติ  อนิยโต  ราโค  ...  เสนาสนํ
มาตุฆาตกมฺมสฺส   ปิตุฆาตกมฺมสฺส   อรหนฺตฆาตกมฺมสฺส   รุหิรุปฺปาทกมฺมสฺส
สงฺฆเภทกมฺมสฺส นิยตมิจฺฉาทิฏฺฐิยา อุปนิสฺสยปจฺจเยน ปจฺจโย ฯ
     [๑๗๑๗]   อนิยโต  ธมฺโม  สมฺมตฺตนิยตสฺส ธมฺมสฺส อุปนิสฺสยปจฺจเยน
ปจฺจโย     อารมฺมณูปนิสฺสโย    อนนฺตรูปนิสฺสโย    ปกตูปนิสฺสโย    ฯ
ปกตูปนิสฺสโย:       ปฐมสฺส      มคฺคสฺส      ปริกมฺมํ      ปฐมสฺส
มคฺคสฺส  จตุตฺถสฺส  มคฺคสฺส  ปริกมฺมํ  จตุตฺถสฺส  มคฺคสฺส อุปนิสฺสยปจฺจเยน
ปจฺจโย ฯ
     [๑๗๑๘]   อนิยโต   ธมฺโม  อนิยตสฺส  ธมฺมสฺส  ปุเรชาตปจฺจเยน
ปจฺจโย    อารมฺมณปุเรชาตํ    วตฺถุปุเรชาตํ    ฯ   อารมฺมณปุเรชาตํ:
จกฺขุํ   ...   วตฺถุํ  อนิจฺจโต  ...  วิปสฺสติ  อสฺสาเทติ  อภินนฺทติ  ตํ
อารพฺภ  อนิยโต  ราโค  อุปฺปชฺชติ  ทิพฺเพน  จกฺขุนา  รูปํ  ... ทิพฺพาย
โสตธาตุยา   สทฺทํ   สุณาติ   รูปายตนํ   จกฺขุวิญฺญาณสฺส  โผฏฺฐพฺพายตนํ
กายวิญฺญาณสฺส     ปุเรชาตปจฺจเยน    ปจฺจโย    ฯ    วตฺถุปุเรชาตํ:
จกฺขายตนํ   จกฺขุวิญฺญาณสฺส   กายายตนํ  ...  วตฺถุ  อนิยตานํ  ขนฺธานํ
ปุเรชาตปจฺจเยน ปจฺจโย ฯ
     [๑๗๑๙]   อนิยโต  ธมฺโม  มิจฺฉตฺตนิยตสฺส ธมฺมสฺส ปุเรชาตปจฺจเยน
ปจฺจโย    อารมฺมณปุเรชาตํ    วตฺถุปุเรชาตํ    ฯ   อารมฺมณปุเรชาตํ:
รูปชีวิตินฺทฺริยํ    มาตุฆาตกมฺมสฺส    ปิตุฆาตกมฺมสฺส    อรหนฺตฆาตกมฺมสฺส
รุหิรุปฺปาทกมฺมสฺส   ฯเปฯ  ปุเรชาตปจฺจเยน  ปจฺจโย  ฯ  วตฺถุปุเรชาตํ:
วตฺถุ มิจฺฉตฺตนิยตานํ ขนฺธานํ ปุเรชาตปจฺจเยน ปจฺจโย ฯ
     [๑๗๒๐]   อนิยโต  ธมฺโม  สมฺมตฺตนิยตสฺส ธมฺมสฺส ปุเรชาตปจฺจเยน
ปจฺจโย  ฯ  วตฺถุปุเรชาตํ:  วตฺถุ สมฺมตฺตนิยตานํ ขนฺธานํ ปุเรชาตปจฺจเยน
ปจฺจโย ฯ
     [๑๗๒๑]   มิจฺฉตฺตนิยโต  ธมฺโม อนิยตสฺส ธมฺมสฺส ปจฺฉาชาตปจฺจเยน
ปจฺจโย  ฯ  ปจฺฉาชาตา:  มิจฺฉตฺตนิยตา ขนฺธา ปุเรชาตสฺส อิมสฺส กายสฺส
ปจฺฉาชาตปจฺจเยน ปจฺจโย ฯ
     [๑๗๒๒]   สมฺมตฺตนิยโต  ธมฺโม อนิยตสฺส ธมฺมสฺส ปจฺฉาชาตปจฺจเยน
ปจฺจโย  ฯ  ปจฺฉาชาตา:  สมฺมตฺตนิยตา ขนฺธา ปุเรชาตสฺส อิมสฺส กายสฺส
ปจฺฉาชาตปจฺจเยน ปจฺจโย ฯ
     [๑๗๒๓]   อนิยโต  ธมฺโม  อนิยตสฺส  ธมฺมสฺส  ปจฺฉาชาตปจฺจเยน
ปจฺจโย  ฯ  ปจฺฉาชาตา:  อนิยตา  ขนฺธา  ปุเรชาตสฺส  อิมสฺส  กายสฺส
ปจฺฉาชาตปจฺจเยน ปจฺจโย ฯ
     [๑๗๒๔]   อนิยโต   ธมฺโม  อนิยตสฺส  ธมฺมสฺส  อาเสวนปจฺจเยน
ปจฺจโย    ปุริมา    ปุริมา    อนิยตา   ขนฺธา   ปจฺฉิมานํ   ปจฺฉิมานํ
อนิยตานํ   ขนฺธานํ   อาเสวนปจฺจเยน   ปจฺจโย   อนุโลมํ   โคตฺรภุสฺส
อนุโลมํ โวทานสฺส อาเสวนปจฺจเยน ปจฺจโย ฯ
     [๑๗๒๕]   อนิยโต  ธมฺโม  มิจฺฉตฺตนิยตสฺส ธมฺมสฺส อาเสวนปจฺจเยน
ปจฺจโย   อนิยตํ   โทมนสฺสํ   มิจฺฉตฺตนิยตสฺส   โทมนสฺสสฺส   อาเสวน-
ปจฺจเยน  ปจฺจโย  อนิยตมิจฺฉาทิฏฺฐิ  นิยตมิจฺฉาทิฏฺฐิยา  อาเสวนปจฺจเยน
ปจฺจโย ฯ
     [๑๗๒๖]   อนิยโต  ธมฺโม  สมฺมตฺตนิยตสฺส ธมฺมสฺส อาเสวนปจฺจเยน
ปจฺจโย    โคตฺรภุ    มคฺคสฺส    โวทานํ   มคฺคสฺส   อาเสวนปจฺจเยน
ปจฺจโย ฯ
     [๑๗๒๗]   มิจฺฉตฺตนิยโต  ธมฺโม มิจฺฉตฺตนิยตสฺส ธมฺมสฺส กมฺมปจฺจเยน
ปจฺจโย   มิจฺฉตฺตนิยตา   เจตนา   สมฺปยุตฺตกานํ  ขนฺธานํ  กมฺมปจฺจเยน
ปจฺจโย ฯ
     [๑๗๒๘]   มิจฺฉตฺตนิยโต  ธมฺโม  อนิยตสฺส  ธมฺมสฺส  กมฺมปจฺจเยน
ปจฺจโย    สหชาตา    นานาขณิกา    ฯ    สหชาตา:   มิจฺฉตฺตนิยตา
เจตนา  จิตฺตสมุฏฺฐานานํ  รูปานํ  กมฺมปจฺจเยน  ปจฺจโย  ฯ นานาขณิกา:
มิจฺฉตฺตนิยตา    เจตนา    วิปากานํ   ขนฺธานํ   กฏตฺตา   จ   รูปานํ
กมฺมปจฺจเยน ปจฺจโย ฯ
     [๑๗๒๙]   มิจฺฉตฺตนิยโต  ธมฺโม  มิจฺฉตฺตนิยตสฺส  จ  อนิยตสฺส  จ
ธมฺมสฺส   กมฺมปจฺจเยน   ปจฺจโย   มิจฺฉตฺตนิยตา  เจตนา  สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
     [๑๗๓๐]   สมฺมตฺตนิยโต    ธมฺโม    สมฺมตฺตนิยตสฺส    ธมฺมสฺส
กมฺมปจฺจเยน     ปจฺจโย     สมฺมตฺตนิยตา    เจตนา    สมฺปยุตฺตกานํ
ขนฺธานํ กมฺมปจฺจเยน ปจฺจโย ฯ
     [๑๗๓๑]   สมฺมตฺตนิยโต  ธมฺโม  อนิยตสฺส  ธมฺมสฺส  กมฺมปจฺจเยน
ปจฺจโย   สหชาตา   นานาขณิกา  ฯ  สหชาตา:  สมฺมตฺตนิยตา  เจตนา
จิตฺตสมุฏฺฐานานํ    รูปานํ   กมฺมปจฺจเยน   ปจฺจโย   ฯ   นานาขณิกา:
สมฺมตฺตนิยตา เจตนา วิปากานํ ขนฺธานํ กมฺมปจฺจเยน ปจฺจโย ฯ
     [๑๗๓๒]   สมฺมตฺตนิยโต   ธมฺโม   สมฺมตฺตนิยตสฺส   จ  อนิยตสฺส
จ     ธมฺมสฺส    กมฺมปจฺจเยน    ปจฺจโย    สมฺมตฺตนิยตา    เจตนา
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   กมฺมปจฺจเยน
ปจฺจโย ฯ
     [๑๗๓๓]   อนิยโต   ธมฺโม   อนิยตสฺส   ธมฺมสฺส   กมฺมปจฺจเยน
ปจฺจโย   สหชาตา   นานาขณิกา   ฯ   สหชาตา:   อนิยตา   เจตนา
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   กมฺมปจฺจเยน
ปจฺจโย   ปฏิสนฺธิกฺขเณ   ...   ฯ   นานาขณิกา:   อนิยตา   เจตนา
วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     [๑๗๓๔]   อนิยโต   ธมฺโม   อนิยตสฺส   ธมฺมสฺส  วิปากปจฺจเยน
ปจฺจโย    วิปาโก    อนิยโต    เอโก    ขนฺโธ   ติณฺณนฺนํ   ขนฺธานํ
จิตฺตสมุฏฺฐานานญฺจ    รูปานํ    วิปากปจฺจเยน   ปจฺจโย   ปฏิสนฺธิกฺขเณ
ขนฺธา วตฺถุสฺส ฯ
     [๑๗๓๕]   มิจฺฉตฺตนิยโต    ธมฺโม    มิจฺฉตฺตนิยตสฺส    ธมฺมสฺส
อาหารปจฺจเยน    ปจฺจโย    อินฺทฺริยปจฺจเยน   ปจฺจโย   ฌานปจฺจเยน
ปจฺจโย มคฺคปจฺจเยน ปจฺจโย สมฺปยุตฺตปจฺจเยน ปจฺจโย ฯ
     [๑๗๓๖]   มิจฺฉตฺตนิยโต  ธมฺโม  อนิยตสฺส ธมฺมสฺส วิปฺปยุตฺตปจฺจเยน
ปจฺจโย   สหชาตํ   ปจฺฉาชาตํ   ฯ   สหชาตา:   มิจฺฉตฺตนิยตา  ขนฺธา
จิตฺตสมุฏฺฐานานํ   รูปานํ   วิปฺปยุตฺตปจฺจเยน   ปจฺจโย  ฯ  ปจฺฉาชาตา:
มิจฺฉตฺตนิยตา   ขนฺธา   ปุเรชาตสฺส   อิมสฺส  กายสฺส  วิปฺปยุตฺตปจฺจเยน
ปจฺจโย ฯ
     [๑๗๓๗]   สมฺมตฺตนิยโต  ธมฺโม  อนิยตสฺส ธมฺมสฺส วิปฺปยุตฺตปจฺจเยน
ปจฺจโย     สหชาตํ    ปจฺฉาชาตํ    ฯ    สหชาตา:    สมฺมตฺตนิยตา
ขนฺธา    จิตฺตสมุฏฺฐานานํ    รูปานํ    วิปฺปยุตฺตปจฺจเยน   ปจฺจโย   ฯ
ปจฺฉาชาตา:    สมฺมตฺตนิยตา   ขนฺธา   ปุเรชาตสฺส   อิมสฺส   กายสฺส
วิปฺปยุตฺตปจฺจเยน ปจฺจโย ฯ
     [๑๗๓๘]   อนิยโต   ธมฺโม  อนิยตสฺส  ธมฺมสฺส  วิปฺปยุตฺตปจฺจเยน
ปจฺจโย    สหชาตํ   ปุเรชาตํ   ปจฺฉาชาตํ   ฯ   สหชาตา:   อนิยตา
ขนฺธา    จิตฺตสมุฏฺฐานานํ    รูปานํ    ปฏิสนฺธิกฺขเณ   ขนฺธา   วตฺถุสฺส
วิปฺปยุตฺตปจฺจเยน     ปจฺจโย     วตฺถุ    ขนฺธานํ    วิปฺปยุตฺตปจฺจเยน
ปจฺจโย    ฯ    ปุเรชาตํ:    จกฺขายตนํ   จกฺขุวิญฺญาณสฺส   กายายตนํ
กายวิญฺญาณสฺส     วตฺถุ     อนิยตานํ     ขนฺธานํ    วิปฺปยุตฺตปจฺจเยน
ปจฺจโย    ฯ   ปจฺฉาชาตา:   อนิยตา   ขนฺธา   ปุเรชาตสฺส   อิมสฺส
กายสฺส วิปฺปยุตฺตปจฺจเยน ปจฺจโย ฯ
     [๑๗๓๙]   อนิยโต  ธมฺโม  มิจฺฉตฺตนิยตสฺส ธมฺมสฺส วิปฺปยุตฺตปจฺจเยน
ปจฺจโย  ฯ  ปุเรชาตํ:  วตฺถุ  มิจฺฉตฺตนิยตานํ  ขนฺธานํ  วิปฺปยุตฺตปจฺจเยน
ปจฺจโย ฯ
     [๑๗๔๐]   อนิยโต  ธมฺโม  สมฺมตฺตนิยตสฺส ธมฺมสฺส วิปฺปยุตฺตปจฺจเยน
ปจฺจโย  ฯ  ปุเรชาตํ:  วตฺถุ  สมฺมตฺตนิยตานํ  ขนฺธานํ  วิปฺปยุตฺตปจฺจเยน
ปจฺจโย ฯ
     [๑๗๔๑]   มิจฺฉตฺตนิยโต  ธมฺโม มิจฺฉตฺตนิยตสฺส ธมฺมสฺส อตฺถิปจฺจเยน
ปจฺจโย  มิจฺฉตฺตนิยโต  เอโก  ขนฺโธ  ติณฺณนฺนํ ขนฺธานํ เทฺว ขนฺธา ทฺวินฺนํ
ขนฺธานํ ฯ
     [๑๗๔๒]   มิจฺฉตฺตนิยโต  ธมฺโม  อนิยตสฺส  ธมฺมสฺส  อตฺถิปจฺจเยน
ปจฺจโย     สหชาตํ    ปจฺฉาชาตํ    ฯ    สหชาตา:    มิจฺฉตฺตนิยตา
ขนฺธา     จิตฺตสมุฏฺฐานานํ    รูปานํ    อตฺถิปจฺจเยน    ปจฺจโย    ฯ
ปจฺฉาชาตา:    มิจฺฉตฺตนิยตา   ขนฺธา   ปุเรชาตสฺส   อิมสฺส   กายสฺส
อตฺถิปจฺจเยน ปจฺจโย ฯ
     [๑๗๔๓]   มิจฺฉตฺตนิยโต  ธมฺโม  มิจฺฉตฺตนิยตสฺส  จ  อนิยตสฺส  จ
ธมฺมสฺส    อตฺถิปจฺจเยน    ปจฺจโย    มิจฺฉตฺตนิยโต    เอโก   ขนฺโธ
ติณฺณนฺนํ ขนฺธานํ จิตฺตสมุฏฺฐานานญฺจ รูปานํ เทฺว ขนฺธา ... ฯ
     [๑๗๔๔]   สมฺมตฺตนิยโต    ธมฺโม    สมฺมตฺตนิยตสฺส    ธมฺมสฺส
อตฺถิปจฺจเยน ปจฺจโย ติสฺโส ปญฺหา ฯ
     [๑๗๔๕]   อนิยโต   ธมฺโม   อนิยตสฺส   ธมฺมสฺส   อตฺถิปจฺจเยน
ปจฺจโย  สหชาตํ  ปุเรชาตํ  ปจฺฉาชาตํ  อาหารํ  อินฺทฺริยํ  ฯ  สหชาโต:
อนิยโต    เอโก    ขนฺโธ    ติณฺณนฺนํ    ขนฺธานํ   จิตฺตสมุฏฺฐานานญฺจ
รูปานํ   อตฺถิปจฺจเยน   ปจฺจโย   เทฺว   ขนฺธา   ...   ปฏิสนฺธิกฺขเณ
ขนฺธา   วตฺถุสฺส   อตฺถิปจฺจเยน   ปจฺจโย  วตฺถุ  ขนฺธานํ  อตฺถิปจฺจเยน
ปจฺจโย เอกํ มหาภูตํ ... อสญฺญสตฺตานํ เอกํ มหาภูตํ ... ฯ
     {๑๗๔๕.๑}   ปุเรชาตํ:  จกฺขุํ ... วตฺถุํ อนิจฺจโต ทุกฺขโต อนตฺตโต
วิปสฺสติ    อสฺสาเทติ    อภินนฺทติ    ตํ   อารพฺภ   ราโค   อุปฺปชฺชติ
โทมนสฺสํ    อุปฺปชฺชติ    ทิพฺเพน    จกฺขุนา    รูปํ   ปสฺสติ   ทิพฺพาย
โสตธาตุยา   สทฺทํ   สุณาติ   รูปายตนํ   จกฺขุวิญฺญาณสฺส  โผฏฺฐพฺพายตนํ
กายวิญฺญาณสฺส       จกฺขายตนํ       จกฺขุวิญฺญาณสฺส       กายายตนํ
กายวิญฺญาณสฺส      วตฺถุ      อนิยตานํ     ขนฺธานํ     อตฺถิปจฺจเยน
ปจฺจโย    ฯ   ปจฺฉาชาตา:   อนิยตา   ขนฺธา   ปุเรชาตสฺส   อิมสฺส
กายสฺส   อตฺถิปจฺจเยน   ปจฺจโย   ฯ   กพฬึกาโร   อาหาโร   อิมสฺส
กายสฺส    อตฺถิปจฺจเยน    ปจฺจโย   ฯ   รูปชีวิตินฺทฺริยํ   กฏตฺตารูปานํ
อตฺถิปจฺจเยน ปจฺจโย ฯ
     [๑๗๔๖]   อนิยโต  ธมฺโม  มิจฺฉตฺตนิยตสฺส  ธมฺมสฺส  อตฺถิปจฺจเยน
ปจฺจโย    ฯ    ปุเรชาตํ:    รูปชีวิตินฺทฺริยํ   มาตุฆาตกมฺมสฺส   ฯเปฯ
รุหิรุปฺปาทกมฺมสฺส    อตฺถิปจฺจเยน    ปจฺจโย    วตฺถุ    มิจฺฉตฺตนิยตานํ
ขนฺธานํ อตฺถิปจฺจเยน ปจฺจโย ฯ
     [๑๗๔๗]   อนิยโต  ธมฺโม  สมฺมตฺตนิยตสฺส  ธมฺมสฺส  อตฺถิปจฺจเยน
ปจฺจโย ฯ ปุเรชาตํ: วตฺถุ สมฺมตฺตนิยตานํ ขนฺธานํ อตฺถิปจฺจเยน ปจฺจโย ฯ
     [๑๗๔๘]   มิจฺฉตฺตนิยโต   จ  อนิยโต  จ  ธมฺมา  มิจฺฉตฺตนิยตสฺส
ธมฺมสฺส   ...  สหชาตํ  ปุเรชาตํ  ฯ  สหชาโต:  มิจฺฉตฺตนิยโต  เอโก
ขนฺโธ จ วตฺถุ จ ติณฺณนฺนํ ขนฺธานํ เทฺว ขนฺธา จ ... ฯ
     [๑๗๔๙]   มิจฺฉตฺตนิยโต   จ   อนิยโต   จ   ธมฺมา   อนิยตสฺส
ธมฺมสฺส   ...   สหชาตํ   ปจฺฉาชาตํ  อาหารํ  อินฺทฺริยํ  ฯ  สหชาตา:
มิจฺฉตฺตนิยตา    ขนฺธา   จ   มหาภูตา   จ   จิตฺตสมุฏฺฐานานํ   รูปานํ
อตฺถิปจฺจเยน   ปจฺจโย   ฯ   ปจฺฉาชาตา:   มิจฺฉตฺตนิยตา   ขนฺธา  จ
กพฬึกาโร   อาหาโร   จ   อิมสฺส  กายสฺส  อตฺถิปจฺจเยน  ปจฺจโย  ฯ
ปจฺฉาชาตา:   มิจฺฉตฺตนิยตา   ขนฺธา  จ  รูปชีวิตินฺทฺริยญฺจ  กฏตฺตารูปานํ
อตฺถิปจฺจเยน ปจฺจโย ฯ
     [๑๗๕๐]   สมฺมตฺตนิยโต   จ  อนิยโต  จ  ธมฺมา  สมฺมตฺตนิยตสฺส
ธมฺมสฺส อตฺถิปจฺจเยน ปจฺจโย เทฺว ปญฺหา มิจฺฉตฺตนิยตสทิสา ฯ
     [๑๗๕๑]   เหตุยา   สตฺต   อารมฺมเณ   ปญฺจ   อธิปติยา  อฏฺฐ
อนนฺตเร    ปญฺจ    สมนนฺตเร    ปญฺจ   สหชาเต   นว   อญฺญมญฺเญ
ตีณิ     นิสฺสเย    เตรส    อุปนิสฺสเย    สตฺต    ปุเรชาเต    ตีณิ
ปจฺฉาชาเต   ตีณิ   อาเสวเน   ตีณิ   กมฺเม   สตฺต   วิปาเก   เอกํ
อาหาเร    สตฺต    อินฺทฺริเย   สตฺต   ฌาเน   สตฺต   มคฺเค   สตฺต
สมฺปยุตฺเต    ตีณิ    วิปฺปยุตฺเต    ปญฺจ    อตฺถิยา   เตรส   นตฺถิยา
ปญฺจ วิคเต ปญฺจ อวิคเต เตรส ฯ เอวํ คเณตพฺพํ ฯ
                                     อนุโลมํ ฯ
     [๑๗๕๒]   มิจฺฉตฺตนิยโต    ธมฺโม    มิจฺฉตฺตนิยตสฺส    ธมฺมสฺส
สหชาตปจฺจเยน ปจฺจโย อุปนิสฺสยปจฺจเยน ปจฺจโย ฯ
     [๑๗๕๓]   มิจฺฉตฺตนิยโต  ธมฺโม  อนิยตสฺส ธมฺมสฺส อารมฺมณปจฺจเยน
ปจฺจโย        สหชาตปจฺจเยน       ปจฺจโย       อุปนิสฺสยปจฺจเยน
ปจฺจโย ปจฺฉาชาตปจฺจเยน ปจฺจโย กมฺมปจฺจเยน ปจฺจโย ฯ
     [๑๗๕๔]   มิจฺฉตฺตนิยโต  ธมฺโม  มิจฺฉตฺตนิยตสฺส  จ  อนิยตสฺส  จ
ธมฺมสฺส สหชาตปจฺจเยน ปจฺจโย ฯ
     [๑๗๕๕]   สมฺมตฺตนิยโต    ธมฺโม    สมฺมตฺตนิยตสฺส    ธมฺมสฺส
สหชาตปจฺจเยน ปจฺจโย อุปนิสฺสยปจฺจเยน ปจฺจโย ฯ
     [๑๗๕๖]   สมฺมตฺตนิยโต  ธมฺโม  อนิยตสฺส ธมฺมสฺส อารมฺมณปจฺจเยน
ปจฺจโย     สหชาตปจฺจเยน    ปจฺจโย    อุปนิสฺสยปจฺจเยน    ปจฺจโย
ปจฺฉาชาตปจฺจเยน ปจฺจโย ฯ
     [๑๗๕๗]   สมฺมตฺตนิยโต  ธมฺโม  สมฺมตฺตนิยตสฺส  จ  อนิยตสฺส  จ
ธมฺมสฺส สหชาตปจฺจเยน ปจฺจโย ฯ
     [๑๗๕๘]   อนิยโต   ธมฺโม  อนิยตสฺส  ธมฺมสฺส  อารมฺมณปจฺจเยน
ปจฺจโย     สหชาตปจฺจเยน    ปจฺจโย    อุปนิสฺสยปจฺจเยน    ปจฺจโย
ปุเรชาตปจฺจเยน   ปจฺจโย   ปจฺฉาชาตปจฺจเยน   ปจฺจโย  กมฺมปจฺจเยน
ปจฺจโย อาหารปจฺจเยน ปจฺจโย อินฺทฺริยปจฺจเยน ปจฺจโย ฯ
     [๑๗๕๙]   อนิยโต  ธมฺโม  มิจฺฉตฺตนิยตสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
     [๑๗๖๐]   อนิยโต  ธมฺโม  สมฺมตฺตนิยตสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
     [๑๗๖๑]   มิจฺฉตฺตนิยโต  จ อนิยโต จ ธมฺมา มิจฺฉตฺตนิยตสฺส ธมฺมสฺส
... สหชาตํ ปุเรชาตํ ฯ
     [๑๗๖๒]   มิจฺฉตฺตนิยโต  จ  อนิยโต  จ  ธมฺมา  อนิยตสฺส ธมฺมสฺส
... สหชาตํ ปจฺฉาชาตํ อาหารํ อินฺทฺริยํ ฯ
     [๑๗๖๓]   สมฺมตฺตนิยโต  จ อนิยโต จ ธมฺมา สมฺมตฺตนิยตสฺส ธมฺมสฺส
... สหชาตํ ปุเรชาตํ ฯ
     [๑๗๖๔]   สมฺมตฺตนิยโต  จ  อนิยโต  จ  ธมฺมา  อนิยตสฺส ธมฺมสฺส
... สหชาตํ ปจฺฉาชาตํ อาหารํ อินฺทฺริยํ ฯ
     [๑๗๖๕]   นเหตุยา   เตรส  นอารมฺมเณ  นอธิปติยา  นอนนฺตเร
นสมนนฺตเร     เตรส     นสหชาเต     นว     นอญฺญมญฺเญ    นว
นนิสฺสเย  นว  นอุปนิสฺสเย  เตรส  นปุเรชาเต  เอกาทส  นปจฺฉาชาเต
เตรส     นอาเสวเน    เตรส    นกมฺเม    นวิปาเก    นอาหาเร
เตรส   ฯ  สงฺขิตฺตํ  ฯ  นมคฺเค  เตรส  นสมฺปยุตฺเต  นว  นวิปฺปยุตฺเต
สตฺต     โนอตฺถิยา     สตฺต     โนนตฺถิยา     เตรส     โนวิคเต
เตรส โนอวิคเต สตฺต ฯ เอวํ คเณตพฺพํ ฯ
                                      ปจฺจนียํ ฯ
     [๑๗๖๖]   เหตุปจฺจยา  นอารมฺมเณ  สตฺต  ...  นอธิปติยา  สตฺต
นอนนฺตเร   สตฺต   นสมนนฺตเร   สตฺต   นอญฺญมญฺเญ  ตีณิ  นอุปนิสฺสเย
สตฺต    ฯเปฯ    นมคฺเค    สตฺต    นสมฺปยุตฺเต   ตีณิ   นวิปฺปยุตฺเต
ตีณิ โนนตฺถิยา สตฺต โนวิคเต สตฺต ฯ เอวํ คเณตพฺพํ ฯ
                                อนุโลมปจฺจนียํ ฯ
     [๑๗๖๗]   นเหตุปจฺจยา  อารมฺมเณ  ปญฺจ  ...  อธิปติยา  อฏฺฐ
อนนฺตเร    ปญฺจ    สมนนฺตเร    ปญฺจ   สหชาเต   นว   อญฺญมญฺเญ
ตีณิ   นิสฺสเย   เตรส   อุปนิสฺสเย  สตฺต  ปุเรชาเต  ตีณิ  ปจฺฉาชาเต
ตีณิ   อาเสวเน   ตีณิ   กมฺเม   สตฺต  วิปาเก  เอกํ  อาหาเร  สตฺต
อินฺทฺริเย   ฌาเน   มคฺเค   สตฺต   สมฺปยุตฺเต   ตีณิ  วิปฺปยุตฺเต  ปญฺจ
อตฺถิยา  เตรส  นตฺถิยา  สตฺต  วิคเต  สตฺต  อวิคเต  เตรส  ฯ  เอวํ
คเณตพฺพํ ฯ
                               ปจฺจนียานุโลมํ ฯ
                          มิจฺฉตฺตตฺติกํ ปณฺณรสมํ
                                    นิฏฺฐิตํ
                                   --------


             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๔๘๗-๕๐๕. https://84000.org/tipitaka/read/pali_item.php?book=41&item=1687&items=81              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=41&item=1687&items=81&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=41&item=1687&items=81              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=41&item=1687&items=81              ศึกษาอรรถกถานี้ได้ที่ :- https://84000.org/tipitaka/attha/attha.php?b=41&i=1687              สารบัญพระไตรปิฎกเล่มที่ ๔๑ https://84000.org/tipitaka/read/?index_41 https://84000.org/tipitaka/english/?index_41

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]