พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                                สํสฏฺฐวาโร
     [๒๐๐]   อนิทสฺสนํ   ธมฺมํ  สํสฏฺโฐ  อนิทสฺสโน  ธมฺโม  อุปฺปชฺชติ
เหตุปจฺจยา:   อนิทสฺสนํ   เอกํ   ขนฺธํ   สํสฏฺฐา   ตโย  ขนฺธา  เทฺว
ขนฺเธ ... ปฏิสนฺธิ ฯ
     [๒๐๑]   อนิทสฺสนํ   ธมฺมํ  สํสฏฺโฐ  อนิทสฺสโน  ธมฺโม  อุปฺปชฺชติ
อารมฺมณปจฺจยา: ฯ เอวํ สพฺพํ สปฺปจฺจยคณนาหิ สทฺธึ กาตพฺพํ ฯ
                 สมฺปยุตฺตวาโรปิ สํสฏฺฐวารสทิโส ฯ
                               ปญฺหาวาโร
     [๒๐๒]   อนิทสฺสโน   ธมฺโม  อนิทสฺสนสฺส  ธมฺมสฺส  เหตุปจฺจเยน
ปจฺจโย:    อนิทสฺสนา    เหตู   สมฺปยุตฺตกานํ   ขนฺธานํ   อนิทสฺสนานํ
จิตฺตสมุฏฺฐานานญฺจ  รูปานํ  เหตุปจฺจเยน  ปจฺจโย:  ปฏิสนฺธิกฺขเณ ... ฯ
อนิทสฺสโน    ธมฺโม   สนิทสฺสนสฺส   ธมฺมสฺส   เหตุปจฺจเยน   ปจฺจโย:
อนิทสฺสนา   เหตู   สนิทสฺสนานํ   จิตฺตสมุฏฺฐานานํ  รูปานํ  เหตุปจฺจเยน
ปจฺจโย:   ปฏิสนฺธิกฺขเณ   ...  ฯ  อนิทสฺสโน  ธมฺโม  สนิทสฺสนสฺส  จ
อนิทสฺสนสฺส   จ   ธมฺมสฺส   เหตุปจฺจเยน   ปจฺจโย:  อนิทสฺสนา  เหตู
สมฺปยุตฺตกานํ  ขนฺธานํ  สนิทสฺสนานญฺจ  อนิทสฺสนานญฺจ  จิตฺตสมุฏฺฐานานญฺจ
รูปานํ เหตุปจฺจเยน ปจฺจโย: ปฏิสนฺธิกฺขเณ ... ฯ
     [๒๐๓]   สนิทสฺสโน  ธมฺโม  อนิทสฺสนสฺส  ธมฺมสฺส อารมฺมณปจฺจเยน
ปจฺจโย:    สนิทสฺสนํ    รูปํ   อนิจฺจโต   ...   โทมนสฺสํ   อุปฺปชฺชติ
ทิพฺเพน       จกฺขุนา       ...      รูปายตนํ      จกฺขุวิญฺญาณสฺส
อารมฺมณปจฺจเยน     ปจฺจโย    สนิทสฺสนา    ขนฺธา    อิทฺธิวิธญาณสฺส
ปุพฺเพนิวาสานุสฺสติญาณสฺส         อนาคตํสญาณสฺส         อาวชฺชนาย
อารมฺมณปจฺจเยน ปจฺจโย: ฯ
     {๒๐๓.๑}   อนิทสฺสโน     ธมฺโม     อนิทสฺสนสฺส    ธมฺมสฺส
อารมฺมณปจฺจเยน   ปจฺจโย:  ทานํ  ...  สีลํ  ...  อุโปสถกมฺมํ  ...
ตํ   ปจฺจเวกฺขติ   ปุพฺเพ   สุจิณฺณานิ   ปจฺจเวกฺขติ   ฌานา  วุฏฺฐหิตฺวา
ฌานํ   ปจฺจเวกฺขติ   อริยา   มคฺคา   วุฏฺฐหิตฺวา   มคฺคํ  ปจฺจเวกฺขนฺติ
ผลํ    ปจฺจเวกฺขนฺติ    นิพฺพานํ    ปจฺจเวกฺขนฺติ   นิพฺพานํ   โคตฺรภุสฺส
โวทานสฺส     มคฺคสฺส     ผลสฺส     อาวชฺชนาย    อารมฺมณปจฺจเยน
ปจฺจโย   อริยา   ปหีเน   กิเลเส   ปจฺจเวกฺขนฺติ  วิกฺขมฺภิเต  กิเลเส
...  ปุพฺเพ  ...  จกฺขุํ  ...  กายํ สทฺเท วตฺถุํ ... อนิทสฺสเน ขนฺเธ
อนิจฺจโต   ...   โทมนสฺสํ   อุปฺปชฺชติ   ทิพฺพาย   โสตธาตุยา   สทฺทํ
สุณาติ    เจโตปริยญาเณน    อนิทสฺสนจิตฺตสมงฺคิสฺส    จิตฺตํ    ชานาติ
อากาสานญฺจายตนํ         วิญฺญาณญฺจายตนสฺส         อากิญฺจญฺญายตนํ
เนวสญฺญานาสญฺญายตนสฺส          สทฺทายตนํ          โสตวิญฺญาณสฺส
โผฏฺฐพฺพายตนํ    กายวิญฺญาณสฺส    อนิทสฺสนา   ขนฺธา   อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย: ฯ
     [๒๐๔]   สนิทสฺสโน  ธมฺโม  อนิทสฺสนสฺส  ธมฺมสฺส  อธิปติปจฺจเยน
ปจฺจโย:     อารมฺมณาธิปติ:     อนิทสฺสนํ     รูปํ     ครุํ    กตฺวา
อสฺสาเทติ  อภินนฺทติ  ตํ  ครุํ  กตฺวา  ราโค  อุปฺปชฺชติ ทิฏฺฐิ อุปฺปชฺชติ ฯ
อนิทสฺสโน      ธมฺโม     อนิทสฺสนสฺส     ธมฺมสฺส     อธิปติปจฺจเยน
ปจฺจโย:     อารมฺมณาปธิติ     สหชาตาธิปติ    ฯ    อารมฺมณาธิปติ:
ทานํ  ทตฺวา  สีลํ  ...  อุโปสถกมฺมํ  ...  ตํ  ครุํ  กตฺวา ... ปุพฺเพ
สุจิณฺณานิ  ...  ฌานา  วุฏฺฐหิตฺวา  ...  อริยา  มคฺคา วุฏฺฐหิตฺวา มคฺคํ
ครุํ  กตฺวา  ...  ผลํ  ครุํ  กตฺวา  ...  นิพฺพานํ โคตฺรภุสฺส โวทานสฺส
มคฺคสฺส   ผลสฺส   อธิปติปจฺจเยน   ปจฺจโย   จกฺขุํ   ...  วตฺถุํ  ...
อนิทสฺสเน   ขนฺเธ   ครุํ  กตฺวา  อสฺสาเทติ  อภินนฺทติ  ตํ  ครุํ  กตฺวา
ราโค   อุปฺปชฺชติ   ทิฏฺฐิ   อุปฺปชฺชติ  ฯ  สหชาตาธิปติ:  อนิทสฺสนาธิปติ
สมฺปยุตฺตกานํ    ขนฺธานํ    อนิทสฺสนานํ    จิตฺตสมุฏฺฐานานญฺจ    รูปานํ
อธิปติปจฺจเยน ปจฺจโย ฯ
     {๒๐๔.๑}   อนิทสฺสโน     ธมฺโม     สนิทสฺสนสฺส    ธมฺมสฺส
อธิปติปจฺจเยน       ปจฺจโย:      สหชาตาธิปติ:      อนิทสฺสนาธิปติ
สนิทสฺสนานํ    จิตฺตสมุฏฺฐานานํ   รูปานํ   อธิปติปจฺจเยน   ปจฺจโย   ฯ
อนิทสฺสโน    ธมฺโม    สนิทสฺสนสฺส    จ   อนิทสฺสนสฺส   จ   ธมฺมสฺส
อธิปติปจฺจเยน   ปจฺจโย:   สหชาตาธิปติ:  อนิทสฺสนาธิปติ  สมฺปยุตฺตกานํ
ขนฺธานํ      สนิทสฺสนานญฺจ      อนิทสฺสนานญฺจ     จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     [๒๐๕]   อนิทสฺสโน  ธมฺโม  อนิทสฺสนสฺส  ธมฺมสฺส  อนนฺตรปจฺจเยน
ปจฺจโย:   ปุริมา   ปุริมา   อนิทสฺสนา   ขนฺธา   ปจฺฉิมานํ   ปจฺฉิมานํ
อนิทสฺสนานํ   ขนฺธานํ   อนนฺตรปจฺจเยน   ปจฺจโย   อนุโลมํ  โคตฺรภุสฺส
โคตฺรภุ       มคฺคสฺส      เนวสญฺญานาสญฺญายตนํ      ผลสมาปตฺติยา
อนนฺตรปจฺจเยน ปจฺจโย ฯ
     [๒๐๖]   อนิทสฺสโน  ธมฺโม  อนิทสฺสนสฺส  ธมฺมสฺส สมนนฺตรปจฺจเยน
ปจฺจโย:   ฯ   สหชาตปจฺจเยน   ปจฺจโย:   ตีณิ  ฯ  อญฺญมญฺญปจฺจเยน
ปจฺจโย: เอกํ ฯ นิสฺสยปจฺจเยน ปจฺจโย: ตีณิ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๑๑๐-๑๑๔.
https://84000.org/tipitaka/read/pali_item.php?book=42&item=200&items=7
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=200&items=7&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=200&items=7
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=200&items=7
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=200
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42