พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                               ปจฺจยวาโร
     [๓๗๕]   อาสวสมฺปยุตฺตํ   ธมฺมํ  ปจฺจยา  อาสวสมฺปยุตฺโต  ธมฺโม
อุปฺปชฺชติ    เหตุปจฺจยา:    ตีณิ    ปฏิจฺจสทิโส    ฯ   อาสววิปฺปยุตฺตํ
ธมฺมํ    ปจฺจยา    อาสววิปฺปยุตฺโต   ธมฺโม   อุปฺปชฺชติ   เหตุปจฺจยา:
อาสววิปฺปยุตฺตํ   เอกํ   ขนฺธํ   ปจฺจยา   ตโย  ขนฺธา  จิตฺตสมุฏฺฐานญฺจ
รูปํ   เทฺว   ขนฺเธ  ...  โทมนสฺสสหคตํ  วิจิกิจฺฉาสหคตํ  อุทฺธจฺจสหคตํ
โมหํ     ปจฺจยา     จิตฺตสมุฏฺฐานํ     รูปํ    ปฏิสนฺธิกฺขเณ    ขนฺเธ
ปจฺจยา    วตฺถุ   วตฺถุํ   ปจฺจยา   ขนฺธา   เอกํ   มหาภูตํ   ปจฺจยา
ตโย   มหาภูตา   มหาภูเต   ปจฺจยา   จิตฺตสมุฏฺฐานํ   รูปํ  กฏตฺตารูปํ
อุปาทารูปํ   วตฺถุํ   ปจฺจยา   อาสววิปฺปยุตฺตา   ขนฺธา   วตฺถุํ  ปจฺจยา
โทมนสฺสสหคโต วิจิกิจฺฉาสหคโต อุทฺธจฺจสหคโต โมโห ฯ
     {๓๗๕.๑}   อาสววิปฺปยุตฺตํ  ธมฺมํ  ปจฺจยา  อาสวสมฺปยุตฺโต  ธมฺโม
อุปฺปชฺชติ    เหตุปจฺจยา:    วตฺถุํ   ปจฺจยา   อาสวสมฺปยุตฺตา   ขนฺธา
โทมนสฺสสหคตํ     วิจิกิจฺฉาสหคตํ     อุทฺธจฺจสหคตํ    โมหํ    ปจฺจยา
สมฺปยุตฺตกา   ขนฺธา  ฯ  อาสววิปฺปยุตฺตํ  ธมฺมํ  ปจฺจยา  อาสวสมฺปยุตฺโต
จ    อาสววิปฺปยุตฺโต   จ   ธมฺมา   อุปฺปชฺชนฺติ   เหตุปจฺจยา:   วตฺถุํ
ปจฺจยา   อาสวสมฺปยุตฺตา   ขนฺธา   มหาภูเต   ปจฺจยา   จิตฺตสมุฏฺฐานํ
รูปํ    โทมนสฺสสหคตํ   วิจิกิจฺฉาสหคตํ   อุทฺธจฺจสหคตํ   โมหํ   ปจฺจยา
สมฺปยุตฺตกา   ขนฺธา  จิตฺตสมุฏฺฐานํ  รูปํ  วตฺถุํ  ปจฺจยา  โทมนสฺสสหคตา
ขนฺธา จ โมโห จ ฯ
     {๓๗๕.๒}   อาสวสมฺปยุตฺตญฺจ         อาสววิปฺปยุตฺตญฺจ
ธมฺมํ       ปจฺจยา       อาสวสมฺปยุตฺโต      ธมฺโม      อุปฺปชฺชติ
เหตุปจฺจยา:    อาสวสมฺปยุตฺตํ    เอกํ    ขนฺธญฺจ   วตฺถุญฺจ   ปจฺจยา
ตโย   ขนฺธา   เทฺว   ขนฺเธ   ...   โทมนสฺสสหคตํ   วิจิกิจฺฉาสหคตํ
อุทฺธจฺจสหคตํ    เอกํ    ขนฺธญฺจ    โมหญฺจ   ปจฺจยา   ตโย   ขนฺธา
เทฺว ขนฺเธ ... ฯ
     {๓๗๕.๓}   อาสวสมฺปยุตฺตญฺจ     อาสววิปฺปยุตฺตญฺจ     ธมฺมํ
ปจฺจยา     อาสววิปฺปยุตฺโต     ธมฺโม     อุปฺปชฺชติ     เหตุปจฺจยา:
อาสวสมฺปยุตฺเต   ขนฺเธ   จ  มหาภูเต  จ  ปจฺจยา  จิตฺตสมุฏฺฐานํ  รูปํ
โทมนสฺสสหคเต   วิจิกิจฺฉาสหคเต   อุทฺธจฺจสหคเต   ขนฺเธ  จ  โมหญฺจ
ปจฺจยา   จิตฺตสมุฏฺฐานํ   รูปํ   โทมนสฺสสหคเต   ขนฺเธ   จ   วตฺถุญฺจ
ปจฺจยา โทมนสฺสสหคโต โมโห ฯ
     {๓๗๕.๔}   อาสวสมฺปยุตฺตญฺจ         อาสววิปฺปยุตฺตญฺจ
ธมฺมํ     ปจฺจยา     อาสวสมฺปยุตฺโต     จ    อาสววิปฺปยุตฺโต    จ
ธมฺมา    อุปฺปชฺชนฺติ    เหตุปจฺจยา:   อาสวสมฺปยุตฺตํ   เอกํ   ขนฺธญฺจ
วตฺถุญฺจ   ปจฺจยา   ตโย   ขนฺธา  เทฺว  ขนฺเธ  ...  อาสวสมฺปยุตฺเต
ขนฺเธ   จ   มหาภูเต   จ  ปจฺจยา  จิตฺตสมุฏฺฐานํ  รูปํ  โทมนสฺสสหคตํ
วิจิกิจฺฉาสหคตํ      อุทฺธจฺจสหคตํ      เอกํ      ขนฺธญฺจ     โมหญฺจ
ปจฺจยา   ตโย   ขนฺธา   จิตฺตสมุฏฺฐานญฺจ   รูปํ   เทฺว   ขนฺเธ  ...
โทมนสฺสสหคตํ    เอกํ    ขนฺธญฺจ   วตฺถุญฺจ   ปจฺจยา   ตโย   ขนฺธา
โมโห จ เทฺว ขนฺเธ ... ฯ
     [๓๗๖]   อาสวสมฺปยุตฺตํ   ธมฺมํ  ปจฺจยา  อาสวสมฺปยุตฺโต  ธมฺโม
อุปฺปชฺชติ    อารมฺมณปจฺจยา:   ตีณิ   ปฏิจฺจสทิโส   ฯ   อาสววิปฺปยุตฺตํ
ธมฺมํ   ปจฺจยา   อาสววิปฺปยุตฺโต   ธมฺโม   อุปฺปชฺชติ  อารมฺมณปจฺจยา:
อาสววิปฺปยุตฺตํ     เอกํ     ขนฺธญฺจ     วตฺถุญฺจ     ปจฺจยา    ตโย
ขนฺธา   เทฺว   ขนฺเธ   ...   ปฏิสนฺธิกฺขเณ   วตฺถุํ   ปจฺจยา  ขนฺธา
จกฺขายตนํ   ปจฺจยา   จกฺขุวิญฺญาณํ   กายายตนํ   ปจฺจยา   กายวิญฺญาณํ
วตฺถุํ     ปจฺจยา     อาสววิปฺปยุตฺตา     ขนฺธา     วตฺถุํ    ปจฺจยา
โทมนสฺสสหคโต วิจิกิจฺฉาสหคโต อุทฺธจฺจสหคโต โมโห ฯ
     {๓๗๖.๑}   อาสววิปฺปยุตฺตํ  ธมฺมํ  ปจฺจยา  อาสวสมฺปยุตฺโต  ธมฺโม
อุปฺปชฺชติ   อารมฺมณปจฺจยา:   วตฺถุํ   ปจฺจยา   อาสวสมฺปยุตฺตา  ขนฺธา
โทมนสฺสสหคตํ     วิจิกิจฺฉาสหคตํ     อุทฺธจฺจสหคตํ    โมหํ    ปจฺจยา
สมฺปยุตฺตกา   ขนฺธา  ฯ  อาสววิปฺปยุตฺตํ  ธมฺมํ  ปจฺจยา  อาสวสมฺปยุตฺโต
จ    อาสววิปฺปยุตฺโต    จ    ธมฺมา    อุปฺปชฺชนฺติ   อารมฺมณปจฺจยา:
วตฺถุํ    ปจฺจยา    โทมนสฺสสหคตา    วิจิกิจฺฉาสหคตา   อุทฺธจฺจสหคตา
ขนฺธา จ โมโห จ ฯ
     {๓๗๖.๒}   อาสวสมฺปยุตฺตญฺจ         อาสววิปฺปยุตฺตญฺจ
ธมฺมํ       ปจฺจยา       อาสวสมฺปยุตฺโต      ธมฺโม      อุปฺปชฺชติ
อารมฺมณปจฺจยา:     อาสวสมฺปยุตฺตํ     เอกํ     ขนฺธญฺจ     วตฺถุญฺจ
ปจฺจยา   ตโย   ขนฺธา   เทฺว   ขนฺเธ   ...   ฯ  อาสวสมฺปยุตฺตญฺจ
อาสววิปฺปยุตฺตญฺจ     ธมฺมํ     ปจฺจยา     อาสววิปฺปยุตฺโต     ธมฺโม
อุปฺปชฺชติ     อารมฺมณปจฺจยา:     โทมนสฺสสหคเต     วิจิกิจฺฉาสหคเต
อุทฺธจฺจสหคเต    ขนฺเธ    จ    วตฺถุญฺจ    ปจฺจยา   โทมนสฺสสหคโต
วิจิกิจฺฉาสหคโต อุทฺธจฺจสหคโต โมโห ฯ
     {๓๗๖.๓}   อาสวสมฺปยุตฺตญฺจ     อาสววิปฺปยุตฺตญฺจ     ธมฺมํ
ปจฺจยา   อาสวสมฺปยุตฺโต   จ   อาสววิปฺปยุตฺโต  จ  ธมฺมา  อุปฺปชฺชนฺติ
อารมฺมณปจฺจยา:     โทมนสฺสสหคตํ     วิจิกิจฺฉาสหคตํ    อุทฺธจฺจสหคตํ
เอกํ  ขนฺธญฺจ  วตฺถุญฺจ  ปจฺจยา ตโย ขนฺธา โมโห จ เทฺว ขนฺเธ ... ฯ
อธิปติปจฺจยา: อนนฺตรปจฺจยา: อวิคตปจฺจยา: ฯ
     [๓๗๗]   เหตุยา   นว   อารมฺมเณ   นว  สพฺพตฺถ  นว  กมฺเม
นว วิปาเก เอกํ อวิคเต นว ฯ
                           อนุโลมํ  นิฏฺฐิตํ ฯ
     [๓๗๘]   อาสวสมฺปยุตฺตํ   ธมฺมํ  ปจฺจยา  อาสววิปฺปยุตฺโต  ธมฺโม
อุปฺปชฺชติ    นเหตุปจฺจยา:    วิจิกิจฺฉาสหคเต   อุทฺธจฺจสหคเต   ขนฺเธ
ปจฺจยา   วิจิกิจฺฉาสหคโต   อุทฺธจฺจสหคโต   โมโห   ฯ  อาสววิปฺปยุตฺตํ
ธมฺมํ    ปจฺจยา   อาสววิปฺปยุตฺโต   ธมฺโม   อุปฺปชฺชติ   นเหตุปจฺจยา:
อเหตุกํ  อาสววิปฺปยุตฺตํ  เอกํ  ขนฺธํ  ปจฺจยา ตโย ขนฺธา จิตฺตสมุฏฺฐานญฺจ
รูปํ   เทฺว  ขนฺเธ  ...  อเหตุกปฏิสนฺธิ  ยาว  อสญฺญสตฺตา  จกฺขายตนํ
ปจฺจยา    จกฺขุวิญฺญาณํ    กายายตนํ    ปจฺจยา    กายวิญฺญาณํ   วตฺถุํ
ปจฺจยา     อเหตุกา    อาสววิปฺปยุตฺตา    ขนฺธา    วตฺถุํ    ปจฺจยา
วิจิกิจฺฉาสหคโต     อุทฺธจฺจสหคโต    โมโห    ฯ    อาสวสมฺปยุตฺตญฺจ
อาสววิปฺปยุตฺตญฺจ        ธมฺมํ        ปจฺจยา        อาสววิปฺปยุตฺโต
ธมฺโม    อุปฺปชฺชติ    นเหตุปจฺจยา:   วิจิกิจฺฉาสหคเต   อุทฺธจฺจสหคเต
ขนฺเธ    จ    วตฺถุญฺจ    ปจฺจยา    วิจิกิจฺฉาสหคโต   อุทฺธจฺจสหคโต
โมโห ฯ สงฺขิตฺตํ ฯ
     [๓๗๙]   นเหตุยา    ตีณิ    นอารมฺมเณ    ตีณิ    นอธิปติยา
นว    นอนนฺตเร    ตีณิ    นสมนนฺตเร    ตีณิ    นอญฺญมญฺเญ    ตีณิ
นอุปนิสฺสเย   ตีณิ   นปุเรชาเต   สตฺต  นปจฺฉาชาเต  นว  นอาเสวเน
นว     นกมฺเม    จตฺตาริ    นวิปาเก    นว    นอาหาเร    เอกํ
นอินฺทฺริเย    เอกํ    นฌาเน    เอกํ   นมคฺเค   เอกํ   นสมฺปยุตฺเต
ตีณิ นวิปฺปยุตฺเต ฉ โนนตฺถิยา ตีณิ โนวิคเต ตีณิ ฯ
                เอวํ อิตเรปิ เทฺว คณนา กาตพฺพา ฯ
                  นิสฺสยวาโรปิ ปจฺจยวารสทิโส ฯ
                              สํสฏฺฐวาโร
     [๓๘๐]   อาสวสมฺปยุตฺตํ   ธมฺมํ  สํสฏฺโฐ  อาสวสมฺปยุตฺโต  ธมฺโม
อุปฺปชฺชติ เหตุปจฺจยา: ฯ
     [๓๘๑]   เหตุยา   ฉ  อารมฺมเณ  ฉ  อธิปติยา  ฉ  สพฺพตฺถ  ฉ
วิปาเก เอกํ อวิคเต ฉ ฯ
                            อนุโลมํ นิฏฺฐิตํ ฯ
     [๓๘๒]   อาสวสมฺปยุตฺตํ   ธมฺมํ  สํสฏฺโฐ  อาสววิปฺปยุตฺโต  ธมฺโม
อุปฺปชฺชติ    นเหตุปจฺจยา:    วิจิกิจฺฉาสหคเต   อุทฺธจฺจสหคเต   ขนฺเธ
สํสฏฺโฐ   วิจิกิจฺฉาสหคโต   อุทฺธจฺจสหคโต   โมโห   ฯ  อาสววิปฺปยุตฺตํ
ธมฺมํ สํสฏฺโฐ อาสววิปฺปยุตฺโต ธมฺโม อุปฺปชฺชติ นเหตุปจฺจยา: ฯเปฯ
     [๓๘๓]   นเหตุยา   เทฺว   นอธิปติยา   ฉ   นปุเรชาเต   ฉ
นปจฺฉาชาเต   ฉ   นอาเสวเน   ฉ   นกมฺเม   จตฺตาริ  นวิปาเก  ฉ
นฌาเน เอกํ นมคฺเค เอกํ นวิปฺปยุตฺเต ฉ ฯ
              เอวํ อิตเรปิ เทฺว คณนา กาตพฺพา ฯ
               สมฺปยุตฺตวาโรปิ สํสฏฺฐวารสทิโส ฯ
                               ปญฺหาวาโร
     [๓๘๔]   อาสวสมฺปยุตฺโต   ธมฺโม   อาสวสมฺปยุตฺตสฺส   ธมฺมสฺส
เหตุปจฺจเยน   ปจฺจโย:   อาสวสมฺปยุตฺตา  เหตู  สมฺปยุตฺตกานํ  ขนฺธานํ
เหตุปจฺจเยน   ปจฺจโย   ฯ   อาสวสมฺปยุตฺโต  ธมฺโม  อาสววิปฺปยุตฺตสฺส
ธมฺมสฺส        เหตุปจฺจเยน        ปจฺจโย:        อาสวสมฺปยุตฺตา
เหตู    จิตฺตสมุฏฺฐานานํ    รูปานํ    เหตุปจฺจเยน    ปจฺจโย   โทโส
โมหสฺส    จิตฺตสมุฏฺฐานานญฺจ    รูปานํ    เหตุปจฺจเยน   ปจฺจโย   ฯ
อาสวสมฺปยุตฺโต   ธมฺโม   อาสวสมฺปยุตฺตสฺส   จ   อาสววิปฺปยุตฺตสฺส  จ
ธมฺมสฺส   เหตุปจฺจเยน   ปจฺจโย:  อาสวสมฺปยุตฺตา  เหตู  สมฺปยุตฺตกานํ
ขนฺธานํ        จิตฺตสมุฏฺฐานานญฺจ        รูปานํ        เหตุปจฺจเยน
ปจฺจโย   โทโส   สมฺปยุตฺตกานํ   ขนฺธานํ   โมหสฺส  จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ฯ
     {๓๘๔.๑}   อาสววิปฺปยุตฺโต     ธมฺโม     อาสววิปฺปยุตฺตสฺส
ธมฺมสฺส เหตุปจฺจเยน ปจฺจโย:
อาสววิปฺปยุตฺตา    เหตู    สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ    เหตุปจฺจเยน    ปจฺจโย    โทมนสฺสสหคโต   วิจิกิจฺฉาสหคโต
อุทฺธจฺจสหคโต     โมโห    จิตฺตสมุฏฺฐานานํ    รูปานํ    เหตุปจฺจเยน
ปจฺจโย    ปฏิสนฺธิ    ฯ   อาสววิปฺปยุตฺโต   ธมฺโม   อาสวสมฺปยุตฺตสฺส
ธมฺมสฺส    เหตุปจฺจเยน   ปจฺจโย:   โทมนสฺสสหคโต   วิจิกิจฺฉาสหคโต
อุทฺธจฺจสหคโต     โมโห     สมฺปยุตฺตกานํ    ขนฺธานํ    เหตุปจฺจเยน
ปจฺจโย ฯ
     {๓๘๔.๒}   อาสววิปฺปยุตฺโต    ธมฺโม    อาสวสมฺปยุตฺตสฺส   จ
อาสววิปฺปยุตฺตสฺส      จ      ธมฺมสฺส     เหตุปจฺจเยน     ปจฺจโย:
โทมนสฺสสหคโต       วิจิกิจฺฉาสหคโต      อุทฺธจฺจสหคโต      โมโห
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   เหตุปจฺจเยน
ปจฺจโย    ฯ    อาสวสมฺปยุตฺโต    จ   อาสววิปฺปยุตฺโต   จ   ธมฺมา
อาสวสมฺปยุตฺตสฺส    ธมฺมสฺส    เหตุปจฺจเยน    ปจฺจโย:   โทโส   จ
โมโห   จ   อาสวสมฺปยุตฺตกานํ   ขนฺธานํ   เหตุปจฺจเยน   ปจฺจโย  ฯ
อาสวสมฺปยุตฺโต   จ   อาสววิปฺปยุตฺโต   จ   ธมฺมา   อาสววิปฺปยุตฺตสฺส
ธมฺมสฺส  เหตุปจฺจเยน  ปจฺจโย:  โทโส  จ  โมโห  จ  จิตฺตสมุฏฺฐานานํ
รูปานํ เหตุปจฺจเยน ปจฺจโย ฯ
     {๓๘๔.๓}   อาสวสมฺปยุตฺโต   จ   อาสววิปฺปยุตฺโต   จ   ธมฺมา
อาสวสมฺปยุตฺตสฺส   จ   อาสววิปฺปยุตฺตสฺส   จ   ธมฺมสฺส   เหตุปจฺจเยน
ปจฺจโย:     โทโส    จ    โมโห    จ    สมฺปยุตฺตกานํ    ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
     [๓๘๕]   อาสวสมฺปยุตฺโต    ธมฺโม   อาสวสมฺปยุตฺตสฺส   ธมฺมสฺส
อารมฺมณปจฺจเยน     ปจฺจโย:    อาสวสมฺปยุตฺเต    ขนฺเธ    อารพฺภ
อาสวสมฺปยุตฺตา    ขนฺธา    อุปฺปชฺชนฺติ   ฯ   อาสวสมฺปยุตฺโต   ธมฺโม
อาสววิปฺปยุตฺตสฺส       ธมฺมสฺส       อารมฺมณปจฺจเยน      ปจฺจโย:
อาสวสมฺปยุตฺเต   ขนฺเธ   อารพฺภ   อาสววิปฺปยุตฺตา  ขนฺธา  จ  โมโห
จ   อุปฺปชฺชนฺติ   ฯ   อาสวสมฺปยุตฺโต   ธมฺโม   อาสวสมฺปยุตฺตสฺส   จ
อาสววิปฺปยุตฺตสฺส     จ     ธมฺมสฺส     อารมฺมณปจฺจเยน    ปจฺจโย:
อาสวสมฺปยุตฺเต    ขนฺเธ   อารพฺภ   โทมนสฺสสหคตา   วิจิกิจฺฉาสหคตา
อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     {๓๘๕.๑}   อาสววิปฺปยุตฺโต   ธมฺโม   อาสววิปฺปยุตฺตสฺส  ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ ... ตํ
ปจฺจเวกฺขติ  ปุพฺเพ  สุจิณฺณานิ  ...  ฌานา ... อริยา มคฺคา วุฏฺฐหิตฺวา
มคฺคํ  ...  ผลํ  ... นิพฺพานํ ... นิพฺพานํ โคตฺรภุสฺส โวทานสฺส มคฺคสฺส
ผลสฺส   อาวชฺชนาย  อารมฺมณปจฺจเยน  ปจฺจโย  อริยา  อาสววิปฺปยุตฺเต
ปหีเน  กิเลเส  ปจฺจเวกฺขนฺติ วิกฺขมฺภิเต กิเลเส ปจฺจเวกฺขนฺติ ปุพฺเพ ...
จกฺขุํ  ...  วตฺถุํ  ... อาสววิปฺปยุตฺเต ขนฺเธ อนิจฺจโต ทุกฺขโต อนตฺตโต
วิปสฺสติ  ฯ  อิธ  อสฺสาทนา  นตฺถิ  ฯ ทิพฺเพน จกฺขุนา รูปํ ปสฺสติ ทิพฺพาย
โสตธาตุยา   สทฺทํ  สุณาติ  เจโตปริยญาเณน  อาสววิปฺปยุตฺตจิตฺตสมงฺคิสฺส
จิตฺตํ       ชานาติ       อากาสานญฺจายตนํ       วิญฺญาณญฺจายตนสฺส
อากิญฺจญฺญายตนํ          เนวสญฺญานาสญฺญายตนสฺส          รูปายตนํ
จกฺขุวิญฺญาณสฺส     โผฏฺฐพฺพายตนํ     กายวิญฺญาณสฺส    อาสววิปฺปยุตฺตา
ขนฺธา    อิทฺธิวิธญาณสฺส    เจโตปริยญาณสฺส   ปุพฺเพนิวาสานุสฺสติญาณสฺส
ยถากมฺมูปคญาณสฺส      อนาคตํสญาณสฺส      อาวชฺชนาย      โมหสฺส
อารมฺมณปจฺจเยน ปจฺจโย ฯ
     {๓๘๕.๒}   อาสววิปฺปยุตฺโต   ธมฺโม   อาสวสมฺปยุตฺตสฺส  ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ  กตฺวา
ตํ  อสฺสาเทติ  อภินนฺทติ  ตํ  อารพฺภ  ราโค  อุปฺปชฺชติ  ทิฏฺฐิ  อุปฺปชฺชติ
วิจิกิจฺฉา  ...  อุทฺธจฺจํ  ...  โทมนสฺสํ  อุปฺปชฺชติ ปุพฺเพ สุจิณฺณานิ ...
ฌานา  วุฏฺฐหิตฺวา  ฌานํ ... จกฺขุํ ... วตฺถุํ ... อาสววิปฺปยุตฺเต ขนฺเธ
อสฺสาเทติ  อภินนฺทติ  ตํ อารพฺภ ราโค ... ทิฏฺฐิ โทมนสฺสํ วิจิกิจฺฉา ...
อุทฺธจฺจํ อุปฺปชฺชติ ฯ
     {๓๘๕.๓}   อาสววิปฺปยุตฺโต    ธมฺโม    อาสวสมฺปยุตฺตสฺส   จ
อาสววิปฺปยุตฺตสฺส    จ   ธมฺมสฺส   อารมฺมณปจฺจเยน   ปจฺจโย:   จกฺขุํ
...   วตฺถุํ   ...   อาสววิปฺปยุตฺเต  ขนฺเธ  อารพฺภ  โทมนสฺสสหคตา
วิจิกิจฺฉาสหคตา อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     {๓๘๕.๔}   อาสวสมฺปยุตฺโต   จ   อาสววิปฺปยุตฺโต   จ   ธมฺมา
อาสวสมฺปยุตฺตสฺส       ธมฺมสฺส       อารมฺมณปจฺจเยน      ปจฺจโย:
โทมนสฺสสหคเต     วิจิกิจฺฉาสหคเต     อุทฺธจฺจสหคเต    ขนฺเธ    จ
โมหญฺจ อารพฺภ อาสวสมฺปยุตฺตา ขนฺธา อุปฺปชฺชนฺติ ฯ
     {๓๘๕.๕}   อาสวสมฺปยุตฺโต   จ   อาสววิปฺปยุตฺโต   จ   ธมฺมา
อาสววิปฺปยุตฺตสฺส       ธมฺมสฺส       อารมฺมณปจฺจเยน      ปจฺจโย:
โทมนสฺสสหคเต     วิจิกิจฺฉาสหคเต     อุทฺธจฺจสหคเต    ขนฺเธ    จ
โมหญฺจ        อารพฺภ       อาสววิปฺปยุตฺตา       ขนฺธา       จ
โมโห จ อุปฺปชฺชนฺติ ฯ
     {๓๘๕.๖}   อาสวสมฺปยุตฺโต   จ   อาสววิปฺปยุตฺโต   จ   ธมฺมา
อาสวสมฺปยุตฺตสฺส      จ      อาสววิปฺปยุตฺตสฺส      จ      ธมฺมสฺส
อารมฺมณปจฺจเยน     ปจฺจโย:     โทมนสฺสสหคเต     วิจิกิจฺฉาสหคเต
อุทฺธจฺจสหคเต    ขนฺเธ    จ    โมหญฺจ    อารพฺภ   โทมนสฺสสหคตา
วิจิกิจฺฉาสหคตา อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     [๓๘๖]   อาสวสมฺปยุตฺโต    ธมฺโม   อาสวสมฺปยุตฺตสฺส   ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   อาสวสมฺปยุตฺเต   ขนฺเธ  ครุํ  กตฺวา  อาสวสมฺปยุตฺตา
ขนฺธา     อุปฺปชฺชนฺติ     ฯ     สหชาตาธิปติ:    อาสวสมฺปยุตฺตาธิปติ
สมฺปยุตฺตกานํ   ขนฺธานํ   อธิปติปจฺจเยน   ปจฺจโย   ฯ  อาสวสมฺปยุตฺโต
ธมฺโม     อาสววิปฺปยุตฺตสฺส     ธมฺมสฺส    อธิปติปจฺจเยน    ปจฺจโย:
สหชาตาธิปติ:          อาสวสมฺปยุตฺตาธิปติ          จิตฺตสมุฏฺฐานานํ
รูปานํ     อธิปติปจฺจเยน    ปจฺจโย    โทมนสฺสสหคตาธิปติ    โมหสฺส
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๓๘๖.๑}   อาสวสมฺปยุตฺโต    ธมฺโม    อาสวสมฺปยุตฺตสฺส   จ
อาสววิปฺปยุตฺตสฺส   จ   ธมฺมสฺส   อธิปติปจฺจเยน   ปจฺจโย:  สหชาตา:
อาสวสมฺปยุตฺตาธิปติ     สมฺปยุตฺตกานํ     ขนฺธานํ    จิตฺตสมุฏฺฐานานญฺจ
รูปานํ    อธิปติปจฺจเยน   ปจฺจโย   โทมนสฺสสหคตาธิปติ   สมฺปยุตฺตกานํ
ขนฺธานํ โมหสฺส จ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๓๘๖.๒}   อาสววิปฺปยุตฺโต   ธมฺโม   อาสววิปฺปยุตฺตสฺส  ธมฺมสฺส
อธิปติปจฺจเยน  ปจฺจโย:  อารมฺมณาธิปติ  สหชาตาธิปติ ฯ อารมฺมณาธิปติ:
ทานํ   ...   สีลํ  ...  อุโปสถกมฺมํ  ครุํ  กตฺวา  ปจฺจเวกฺขติ  ปุพฺเพ
สุจิณฺณานิ  ...  ฌานา  วุฏฺฐหิตฺวา  ฌานํ  ...  อริยา มคฺคา วุฏฺฐหิตฺวา
มคฺคํ   ...   ผลํ   ...  นิพฺพานํ  ครุํ  กตฺวา  ปจฺจเวกฺขนฺติ  นิพฺพานํ
โคตฺรภุสฺส   โวทานสฺส   มคฺคสฺส   ผลสฺส   อธิปติปจฺจเยน  ปจฺจโย  ฯ
สหชาตาธิปติ:      อาสววิปฺปยุตฺตาธิปติ      สมฺปยุตฺตกานํ     ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๓๘๖.๓}   อาสววิปฺปยุตฺโต   ธมฺโม   อาสวสมฺปยุตฺตสฺส  ธมฺมสฺส
อธิปติปจฺจเยน  ปจฺจโย:  อารมฺมณาธิปติ: ทานํ ... สีลํ ... อุโปสถกมฺมํ
กตฺวา  ตํ  ครุํ  กตฺวา  อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ
ทิฏฺฐิ  อุปฺปชฺชติ  ปุพฺเพ  สุจิณฺณานิ  ... ฌานา ... จกฺขุํ ... วตฺถุํ ...
อาสววิปฺปยุตฺเต   ขนฺเธ   ครุํ   กตฺวา   อสฺสาเทติ  อภินนฺทติ  ตํ  ครุํ
กตฺวา ราโค อุปฺปชฺชติ ทิฏฺฐิ อุปฺปชฺชติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๒๐๖-๒๑๖.
https://84000.org/tipitaka/read/pali_item.php?book=42&item=375&items=12
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=375&items=12&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=375&items=12
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=375&items=12
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=375
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42