พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                               นีวรณิยทุกํ
                                ปฏิจฺจวาโร
     [๖๑๐]   นีวรณิยํ ธมฺมํ ปฏิจฺจ นีวรณิโย ธมฺโม อุปฺปชฺชติ ... ฯ
     นีวรณิยทุกํ ยถา โลกิยทุกํ เอวํ กาตพฺพํ นินฺนานากรณํ ฯ
          ทฺวิกฺขตฺตุํ กามจฺฉนฺเทน   จตุกฺขตฺตุํ ปฏิเฆน จ
            อุทฺธจฺจํ วิจิกิจฺฉา จ         อุโภเปเต สกึ สกึ
            นีวรณานํ นีวรเณหิ         อฏฺฐวิธํ ปโยชนํ ฯ
                   นีวรณทุกสฺส มาติกา อิธ กตา ฯ
                          นีวรณิยทุกํ นิฏฺฐิตํ ฯ
                               ------------
                          นีวรณสมฺปยุตฺตทุกํ
                              ปฏิจฺจวาโร
     [๖๑๑]   นีวรณสมฺปยุตฺตํ    ธมฺมํ    ปฏิจฺจ    นีวรณสมฺปยุตฺโต
ธมฺโม    อุปฺปชฺชติ    เหตุปจฺจยา:    นีวรณสมฺปยุตฺตํ    เอกํ    ขนฺธํ
ปฏิจฺจ   ตโย   ขนฺธา   เทฺว   ขนฺเธ  ...  ฯ  นีวรณสมฺปยุตฺตํ  ธมฺมํ
ปฏิจฺจ  นีวรณวิปฺปยุตฺโต  ธมฺโม  อุปฺปชฺชติ  เหตุปจฺจยา:  นีวรณสมฺปยุตฺเต
ขนฺเธ     ปฏิจฺจ     จิตฺตสมุฏฺฐานํ     รูปํ     ฯ     นีวรณสมฺปยุตฺตํ
ธมฺมํ    ปฏิจฺจ    นีวรณสมฺปยุตฺโต   จ   นีวรณวิปฺปยุตฺโต   จ   ธมฺมา
อุปฺปชฺชนฺติ    เหตุปจฺจยา:    นีวรณสมฺปยุตฺตํ    เอกํ    ขนฺธํ   ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ฯ
     {๖๑๑.๑}   นีวรณวิปฺปยุตฺตํ  ธมฺมํ  ปฏิจฺจ  นีวรณวิปฺปยุตฺโต  ธมฺโม
อุปฺปชฺชติ  เหตุปจฺจยา:  นีวรณวิปฺปยุตฺตํ  เอกํ  ขนฺธํ  ปฏิจฺจ  ตโย ขนฺธา
จิตฺตสมุฏฺฐานญฺจ   รูปํ   เทฺว   ขนฺเธ  ...  ปฏิสนฺธิ  ยาว  อชฺฌตฺติกา
มหาภูตา    ฯ    นีวรณสมฺปยุตฺตญฺจ   นีวรณวิปฺปยุตฺตญฺจ   ธมฺมํ   ปฏิจฺจ
นีวรณวิปฺปยุตฺโต    ธมฺโม    อุปฺปชฺชติ   เหตุปจฺจยา:   นีวรณสมฺปยุตฺเต
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ สงฺขิตฺตํ ฯ
     [๖๑๒]   เหตุยา   ปญฺจ   อารมฺมเณ   เทฺว   อธิปติยา   ปญฺจ
นตฺถิยา เทฺว วิคเต เทฺว อวิคเต ปญฺจ ฯ
     [๖๑๓]   นีวรณสมฺปยุตฺตํ   ธมฺมํ   ปฏิจฺจ  นีวรณสมฺปยุตฺโต  ธมฺโม
อุปฺปชฺชติ    นเหตุปจฺจยา:    วิจิกิจฺฉาสหคเต   อุทฺธจฺจสหคเต   ขนฺเธ
ปฏิจฺจ   อวิชฺชานีวรณํ  ฯ  นีวรณวิปฺปยุตฺตํ  ธมฺมํ  ปฏิจฺจ  นีวรณวิปฺปยุตฺโต
ธมฺโม    อุปฺปชฺชติ    นเหตุปจฺจยา:   อเหตุกํ   นีวรณวิปฺปยุตฺตํ   ...
ยาว อสญฺญสตฺตา ฯ สงฺขิตฺตํ ฯ
     [๖๑๔]   นเหตุยา   เทฺว   นอารมฺมเณ   ตีณิ  นอธิปติยา  ปญฺจ
นอนนฺตเร     ปญฺจ     นสมนนฺตเร     ปญฺจ    นอญฺญมญฺเญ    ปญฺจ
นอุปนิสฺสเย    ตีณิ    นปุเรชาเต    จตฺตาริ    นปจฺฉาชาเต    ปญฺจ
นอาเสวเน   ปญฺจ   นกมฺเม   เทฺว  นวิปาเก  ปญฺจ  นอาหาเร  เอกํ
นอินฺทฺริเย    เอกํ    นฌาเน    เอกํ   นมคฺเค   เอกํ   นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
     [๖๑๕]   เหตุปจฺจยา   นอารมฺมเณ  ตีณิ  ...  นอธิปติยา  ปญฺจ
นปุเรชาเต   จตฺตาริ   นกมฺเม   เทฺว   นวิปาเก   ปญฺจ  นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
     [๖๑๖]   นเหตุปจฺจยา   อารมฺมเณ   เทฺว  ฯเปฯ  ...  มคฺเค
เอกํ ฯเปฯ ... อวิคเต เทฺว ฯ
                     สหชาตวาโรปิ เอวํ กาตพฺโพ ฯ
                               ปจฺจยวาโร
     [๖๑๗]   นีวรณสมฺปยุตฺตํ    ธมฺมํ    ปจฺจยา    นีวรณสมฺปยุตฺโต
ธมฺโม    อุปฺปชฺชติ    เหตุปจฺจยา:   ตีณิ   ฯ   นีวรณวิปฺปยุตฺตํ   ธมฺมํ
ปจฺจยา  นีวรณวิปฺปยุตฺโต  ธมฺโม  อุปฺปชฺชติ  เหตุปจฺจยา:  นีวรณวิปฺปยุตฺตํ
เอกํ    ขนฺธํ    ปจฺจยา    ตโย    ขนฺธา    จิตฺตสมุฏฺฐานญฺจ    รูปํ
เทฺว  ขนฺเธ  ...  ปฏิสนฺธิ  เอกํ  มหาภูตํ วตฺถุํ ปจฺจยา นีวรณวิปฺปยุตฺตา
ขนฺธา     ฯ    นีวรณวิปฺปยุตฺตํ    ธมฺมํ    ปจฺจยา    นีวรณสมฺปยุตฺโต
ธมฺโม    อุปฺปชฺชติ    เหตุปจฺจยา:   วตฺถุํ   ปจฺจยา   นีวรณสมฺปยุตฺตา
ขนฺธา     ฯ    นีวรณวิปฺปยุตฺตํ    ธมฺมํ    ปจฺจยา    นีวรณสมฺปยุตฺโต
จ     นีวรณวิปฺปยุตฺโต     จ    ธมฺมา    อุปฺปชฺชนฺติ    เหตุปจฺจยา:
วตฺถุํ  ปจฺจยา  นีวรณสมฺปยุตฺตา  ขนฺธา  มหาภูเต  ปจฺจยา  จิตฺตสมุฏฺฐานํ
รูปํ ฯ
     {๖๑๗.๑}   นีวรณสมฺปยุตฺตญฺจ     นีวรณวิปฺปยุตฺตญฺจ     ธมฺมํ
ปจฺจยา  นีวรณสมฺปยุตฺโต  ธมฺโม  อุปฺปชฺชติ  เหตุปจฺจยา:  นีวรณสมฺปยุตฺตํ
สมฺปยุตฺตํ   เอกํ   ขนฺธญฺจ   วตฺถุญฺจ   ปจฺจยา   ตโย   ขนฺธา   เทฺว
ขนฺเธ   ...   ฯ   นีวรณสมฺปยุตฺตญฺจ  นีวรณวิปฺปยุตฺตญฺจ  ธมฺมํ  ปจฺจยา
นีวรณวิปฺปยุตฺโต    ธมฺโม    อุปฺปชฺชติ   เหตุปจฺจยา:   นีวรณสมฺปยุตฺเต
ขนฺเธ  จ  มหาภูเต  จ  ปจฺจยา  จิตฺตสมุฏฺฐานํ  รูปํ ฯ นีวรณสมฺปยุตฺตญฺจ
นีวรณวิปฺปยุตฺตญฺจ        ธมฺมํ        ปจฺจยา        นีวรณสมฺปยุตฺโต
จ     นีวรณวิปฺปยุตฺโต     จ    ธมฺมา    อุปฺปชฺชนฺติ    เหตุปจฺจยา:
นีวรณสมฺปยุตฺตํ    เอกํ    ขนฺธญฺจ   วตฺถุญฺจ   ปจฺจยา   ตโย   ขนฺธา
เทฺว   ขนฺเธ  ...  นีวรณสมฺปยุตฺเต  ขนฺเธ  จ  มหาภูเต  จ  ปจฺจยา
จิตฺตสมุฏฺฐานํ รูปํ ฯ สงฺขิตฺตํ ฯ
     [๖๑๘]   เหตุยา   นว   อารมฺมเณ   จตฺตาริ   อธิปติยา   นว
อนนฺตเร จตฺตาริ ฯเปฯ วิปาเก เอกํ อวิคเต นว ฯ
     [๖๑๙]   นีวรณสมฺปยุตฺตํ    ธมฺมํ    ปจฺจยา    นีวรณสมฺปยุตฺโต
ธมฺโม    อุปฺปชฺชติ    นเหตุปจฺจยา:   วิจิกิจฺฉาสหคเต   อุทฺธจฺจสหคเต
ขนฺเธ    ปจฺจยา   อวิชฺชนีวรณํ   ฯ   นีวรณวิปฺปยุตฺตํ   ธมฺมํ   ปจฺจยา
นีวรณวิปฺปยุตฺโต     ธมฺโม     อุปฺปชฺชติ     นเหตุปจฺจยา:    อเหตุกํ
นีวรณวิปฺปยุตฺตํ   เอกํ   ขนฺธํ   ปจฺจยา   ตโย  ขนฺธา  จิตฺตสมุฏฺฐานญฺจ
รูปํ     ยาว     อสญฺญสตฺตา    จกฺขายตนํ    ปจฺจยา    จกฺขุวิญฺญาณํ
กายายตนํ  ปจฺจยา  กายวิญฺญาณํ  วตฺถุํ  ปจฺจยา อเหตุกา นีวรณวิปฺปยุตฺตา
ขนฺธา     ฯ    นีวรณวิปฺปยุตฺตํ    ธมฺมํ    ปจฺจยา    นีวรณสมฺปยุตฺโต
ธมฺโม    อุปฺปชฺชติ   นเหตุปจฺจยา:   วตฺถุํ   ปจฺจยา   วิจิกิจฺฉาสหคโต
อุทฺธจฺจสหคโต    โมโห    ฯ    นีวรณสมฺปยุตฺตญฺจ    นีวรณวิปฺปยุตฺตญฺจ
ธมฺมํ       ปจฺจยา       นีวรณสมฺปยุตฺโต      ธมฺโม      อุปฺปชฺชติ
นเหตุปจฺจยา:   วิจิกิจฺฉาสหคเต   อุทฺธจฺจสหคเต   ขนฺเธ   จ  วตฺถุญฺจ
ปจฺจยา วิจิกิจฺฉาสหคโต อุทฺธจฺจสหคโต โมโห ฯ สงฺขิตฺตํ ฯ
     [๖๒๐]   นเหตุยา  จตฺตาริ  นอารมฺมเณ  ตีณิ  ฯเปฯ  นปุเรชาเต
จตฺตาริ    นปจฺฉาชาเต   นว   นอาเสวเน   นว   นกมฺเม   จตฺตาริ
นวิปาเก    นว   นสมฺปยุตฺเต   ตีณิ   นวิปฺปยุตฺเต   เทฺว   โนนตฺถิยา
ตีณิ โนวิคเต ตีณิ ฯ
     เอวํ อิตเร เทฺว คณนาปิ นิสฺสยวาโรปิ กาตพฺพา ฯ
                                สํสฏฺฐวาโร
     [๖๒๑]   นีวรณสมฺปยุตฺตํ    ธมฺมํ    สํสฏฺโฐ    นีวรณสมฺปยุตฺโต
ธมฺโม อุปฺปชฺชติ เหตุปจฺจยา: ฯ
     [๖๒๒]   เหตุยา   เทฺว   อารมฺมเณ   เทฺว   สพฺพตฺถ   เทฺว
วิปาเก เอกํ อวิคเต เทฺว ฯ
     [๖๒๓]   นีวรณสมฺปยุตฺตํ    ธมฺมํ    สํสฏฺโฐ    นีวรณสมฺปยุตฺโต
ธมฺโม    อุปฺปชฺชติ    นเหตุปจฺจยา:   วิจิกิจฺฉาสหคเต   อุทฺธจฺจสหคเต
ขนฺเธ    สํสฏฺโฐ    วิจิกิจฺฉาสหคโต    อุทฺธจฺจสหคโต    โมโห    ฯ
นีวรณวิปฺปยุตฺตํ ธมฺมํ สํสฏฺโฐ ... ฯ
     [๖๒๔]   นเหตุยา   เทฺว   นอธิปติยา  เทฺว  นปุเรชาเต  เทฺว
นกมฺเม    เทฺว   นวิปาเก   เทฺว   นฌาเน   เอกํ   นมคฺเค   เอกํ
นวิปฺปยุตฺเต เทฺว ฯ
     เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
                               ปญฺหาวาโร
     [๖๒๕]   นีวรณสมฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
เหตุปจฺจเยน   ปจฺจโย:   นีวรณสมฺปยุตฺตา  เหตู  สมฺปยุตฺตกานํ  ขนฺธานํ
เหตุปจฺจเยน   ปจฺจโย   ฯ   มูลานิ   ปุจฺฉิตพฺพานิ  ฯ  นีวรณสมฺปยุตฺตา
เหตู  จิตฺตสมุฏฺฐานานํ  รูปานํ  เหตุปจฺจเยน  ปจฺจโย  ฯ นีวรณสมฺปยุตฺตา
เหตู      สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
เหตุปจฺจเยน   ปจฺจโย   ฯ   นีวรณวิปฺปยุตฺโต  ธมฺโม  นีวรณวิปฺปยุตฺตสฺส
ธมฺมสฺส        เหตุปจฺจเยน        ปจฺจโย:        นีวรณวิปฺปยุตฺตา
เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ  รูปานํ  เหตุปจฺจเยน
ปจฺจโย ปฏิสนฺธิ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๓๖๖-๓๗๑.
https://84000.org/tipitaka/read/pali_item.php?book=42&item=610&items=16
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=610&items=16&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=610&items=16
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=610&items=16
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=610
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42