[๖๓๕] ภาวนายปหาตพฺพเหตุกํ ธมฺมํ ปฏิจฺจ ภาวนายปหาตพฺพ-
เหตุโก ธมฺโม อุปฺปชฺชติ เหตุปจฺจยา: ภาวนายปหาตพฺพเหตุกํ
เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ เอวํ ปฏิจฺจวาโรปิ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺต-
วาโรปิ ทสฺสเนนปหาตพฺพเหตุกทุกสทิสา อุทฺธจฺจสหคโต โมโห
วิจิกิจฺฉาสหคตโมหฏฺฐาเน ฐเปตพฺพา ฯ
ปญฺหาวาโร
[๖๓๖] ภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส เหตุปจฺจเยน ปจฺจโย: ฯ ฉ ทสฺสเนนปหาตพฺพ-
เหตุกทุกสทิสา ฯ
[๖๓๗] ภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส อารมฺมณปจฺจเยน ปจฺจโย: ฯ ตีณิ อารพฺภ
ทสฺสเนนปหาตพฺพเหตุกทุกสทิสา ฯ นภาวนายปหาตพฺพเหตุโก
ธมฺโม นภาวนายปหาตพฺพเหตุกสฺส ธมฺมสฺส อารมฺมณปจฺจเยน
ปจฺจโย: ทานํ ... สีลํ ... อุโปสถกมฺมํ กตฺวา ตํ ปจฺจเวกฺขติ อสฺสาเทติ
อภินนฺทติ ตํ อารพฺภ นภาวนายปหาตพฺพเหตุโก ราโค อุปฺปชฺชติ
ทิฏฺฐิ ... วิจิกิจฺฉา ... นภาวนายปหาตพฺพเหตุกํ โทมนสฺสํ อุปฺปชฺชติ
ปุพฺเพ สุจิณฺณานิ ... ฌานา ... อริยา มคฺคา ฯเปฯ ผลสฺส อาวชฺชนาย
อารมฺมณปจฺจเยน ปจฺจโย อริยา นภาวนายปหาตพฺพเหตุเก ปหีเน
กิเลเส ... ปุพฺเพ ... จกฺขุํ ... วตฺถุํ ... นภาวนายปหาตพฺพเหตุเก ขนฺเธ
จ โมหญฺจ อนิจฺจโต ... วิปสฺสนฺติ อสฺสาเทนฺติ อภินนฺทนฺติ
{๖๓๗.๑} ตํ อารพฺภ นภาวนายปหาตพฺพเหตุโก ราโค อุปฺปชฺชติ
ทิฏฺฐิ ... วิจิกิจฺฉา ... นภาวนายปหาตพฺพเหตุกํ โทมนสฺสํ
อุปฺปชฺชติ ทิพฺเพน จกฺขุนา ฯเปฯ อนาคตํสญาณสฺส อาวชฺชนาย
โมหสฺส จ อารมฺมณปจฺจเยน ปจฺจโย ฯ นภาวนายปหาตพฺพเหตุโก
ธมฺโม ภาวนายปหาตพฺพเหตุกสฺส ธมฺมสฺส อารมฺมณปจฺจเยน
ปจฺจโย: ทานํ ... สีลํ ... ฯเปฯ ฌานํ ... จกฺขุํ ... วตฺถุํ ... นภาวนาย-
ปหาตพฺพเหตุเก ขนฺเธ จ โมหญฺจ อสฺสาเทติ อภินนฺทติ ตํ
อารพฺภ ภาวนายปหาตพฺพเหตุโก ราโค อุปฺปชฺชติ อุทฺธจฺจํ ...
ภาวนายปหาตพฺพเหตุกํ โทมนสฺสํ อุปฺปชฺชติ ฯ นภาวนาย-
ปหาตพฺพเหตุโก ธมฺโม ภาวนายปหาตพฺพเหตุกสฺส จ
นภาวนายปหาตพฺพเหตุกสฺส จ ธมฺมสฺส อารมฺมณปจฺจเยน
ปจฺจโย: จกฺขุํ ... วตฺถุํ ... นภาวนายปหาตพฺพเหตุเก ขนฺเธ จ
โมหญฺจ อารพฺภ อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
ฆฏนารมฺมณา ตีณิปิ กาตพฺพา ฯ
[๖๓๘] ภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส อธิปติปจฺจเยน ปจฺจโย: อารมฺมณาธิปติ
สหชาตาธิปติ ฯ อารมฺมณาธิปติ: ภาวนายปหาตพฺพเหตุกํ ราคํ
ครุํ กตฺวา อสฺสาเทติ อภินนฺทติ ตํ ครุํ กตฺวา ภาวนายปหาตพฺพ-
เหตุโก ราโค อุปฺปชฺชติ ฯเปฯ สหชาตาธิปติ: ภาวนายปหาตพฺพ-
เหตุกา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
ภาวนายปหาตพฺพเหตุโก ธมฺโม นภาวนายปหาตพฺพเหตุกสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ภาวนายปหาตพฺพเหตุกํ ราคํ ครุํ กตฺวา อสฺสาเทติ
อภินนฺทติ ตํ ครุํ กตฺวา นภาวนายปหาตพฺพเหตุโก ราโค อุปฺปชฺชติ
ทิฏฺฐิ ... ฯ สหชาตาธิปติ: ภาวนายปหาตพฺพเหตุกา อธิปติ
จิตฺตสมุฏฺฐานานํ รูปานํ อธิปติปจฺจเยน ปจฺจโย ฯ
{๖๓๘.๑} ภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส จ นภาวนายปหาตพฺพเหตุกสฺส จ ธมฺมสฺส อธิปติปจฺจเยน
ปจฺจโย: สหชาตาธิปติ: ภาวนายปหาตพฺพเหตุกา อธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
นภาวนายปหาตพฺพเหตุโก ธมฺโม นภาวนายปหาตพฺพเหตุกสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ ... สีลํ ... อุโปสถกมฺมํ กตฺวา ตํ ครุํ กตฺวา
ปจฺจเวกฺขติ ตํ ครุํ กตฺวา นภาวนายปหาตพฺพเหตุโก ราโค อุปฺปชฺชติ
ทิฏฺฐิ ... ปุพฺเพ ... ฌานา ... อริยา มคฺคา วุฏฺฐหิตฺวา ฯเปฯ ผลสฺส
อธิปติปจฺจเยน ปจฺจโย จกฺขุํ ... วตฺถุํ ... นภาวนายปหาตพฺพเหตุเก
ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา นภาวนาย-
ปหาตพฺพเหตุโก ราโค อุปฺปชฺชติ ทิฏฺฐิ ... ฯ สหชาตาธิปติ:
นภาวนายปหาตพฺพเหตุกา อธิปติ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
{๖๓๘.๒} นภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส อธิปติปจฺจเยน ปจฺจโย: อารมฺมณาธิปติ: ทานํ ...
ฯเปฯ ฌานา ... จกฺขุํ ... วตฺถุํ ... นภาวนายปหาตพฺพเหตุเก ขนฺเธ
ครุํ กตฺวา อสฺสาเทติ อภินนฺทติ ตํ ครุํ กตฺวา ภาวนายปหาตพฺพเหตุโก
ราโค อุปฺปชฺชติ ฯ
[๖๓๙] ... อนนฺตรปจฺจเย นภาวนายปหาตพฺพเหตุกการณา
วิจิกิจฺฉาสหคโต โมโห น กาตพฺโพ อุทฺธจฺจสหคโต โมโห
กาตพฺโพ ฯ ... สมนนฺตรปจฺจเยน ปจฺจโย: สหชาตปจฺจเยน
ปจฺจโย: นว อญฺญมญฺญปจฺจเยน ปจฺจโย: ฉ นิสฺสยปจฺจเยน
ปจฺจโย: นว ฯ
[๖๔๐] ภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: ภาวนาย-
ปหาตพฺพเหตุกา ขนฺธา ภาวนายปหาตพฺพเหตุกานํ ขนฺธานํ
อุปนิสฺสยปจฺจเยน ปจฺจโย ฯ มูลํ ภาวนายปหาตพฺพเหตุกา ขนฺธา
นภาวนายปหาตพฺพเหตุกานํ ขนฺธานํ โมหสฺส จ อุปนิสฺสยปจฺจเยน
ปจฺจโย สกภณฺเฑ ฉนฺทราโค ปรภณฺเฑ ฉนฺทราคสฺส อุปนิสฺสย-
ปจฺจเยน ปจฺจโย สกปริคฺคเห ฉนฺทราโค ปรปริคฺคเห ฉนฺทราคสฺส
อุปนิสฺสยปจฺจเยน ปจฺจโย ฯ มูลํ ภาวนายปหาตพฺพเหตุกา ขนฺธา
อุทฺธจฺจสหคตานํ ขนฺธานํ โมหสฺส จ อุปนิสฺสยปจฺจเยน ปจฺจโย ฯ
{๖๔๐.๑} นภาวนายปหาตพฺพเหตุโก ธมฺโม นภาวนายปหาตพฺพ-
เหตุกสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: สทฺธํ อุปนิสฺสาย
ทานํ เทติ ฯเปฯ สมาปตฺตึ อุปฺปาเทติ ทิฏฺฐึ คณฺหาติ สีลํ ฯเปฯ
ปญฺญํ นภาวนายปหาตพฺพเหตุกํ ราคํ โทสํ โมหํ มานํ ทิฏฺฐึ ปตฺถนํ
กายิกํ สุขํ กายิกํ ทุกฺขํ ฯเปฯ เสนาสนํ อุปนิสฺสาย ทานํ เทติ ฯเปฯ
ปาณํ หนติ ฯเปฯ สงฺฆํ ภินฺทติ สทฺธา ฯเปฯ เสนาสนํ สทฺธาย ฯเปฯ
ปญฺญาย นภาวนายปหาตพฺพเหตุกสฺส ราคสฺส โทสสฺส โมหสฺส
ทิฏฺฐิยา ปตฺถนาย กายิกสฺส สุขสฺส ฯเปฯ ผลสมาปตฺติยา อุปนิสฺสย-
ปจฺจเยน ปจฺจโย ฯ
{๖๔๐.๒} นภาวนายปหาตพฺพเหตุโก ธมฺโม ภาวนายปหาตพฺพ-
เหตุกสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: สทฺธํ อุปนิสฺสาย
มานํ ชปฺเปติ ฯเปฯ สทฺธา ฯเปฯ เสนาสนํ ภาวนายปหาตพฺพเหตุกสฺส
ราคสฺส โทสสฺส โมหสฺส มานสฺส ปตฺถนาย อุปนิสฺสยปจฺจเยน ปจฺจโย ฯ
นภาวนายปหาตพฺพเหตุโก ธมฺโม ภาวนายปหาตพฺพเหตุกสฺส จ
นภาวนายปหาตพฺพเหตุกสฺส จ ธมฺมสฺส อุปนิสฺสยปจฺจเยน ปจฺจโย:
อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
สทฺธา ... ปญฺญา ... กายิกํ สุขํ ฯเปฯ เสนาสนํ อุทฺธจฺจสหคตานํ
ขนฺธานํ โมหสฺส จ อุปนิสฺสยปจฺจเยน ปจฺจโย ฯ ฆฏนูปนิสฺสยาปิ
ตีณิปิ กาตพฺพา ฯ
[๖๔๑] นภาวนายปหาตพฺพเหตุโก ธมฺโม นภาวนายปหาตพฺพ-
เหตุกสฺส ธมฺมสฺส ปุเรชาตปจฺจเยน ปจฺจโย: ตีณิ ฯ ... ปจฺฉาชาต-
ปจฺจเยน ปจฺจโย: ตีณิ อาเสวนปจฺจเยน ปจฺจโย: นว กมฺมปจฺจเยน
ปจฺจโย: นภาวนายปหาตพฺพภาชนการเณ นานาขณิกา
ลพฺภติ ฯ ... โนวิคตปจฺจเยน ปจฺจโย: ฯ สงฺขิตฺตํ ฯ ยถา ทสฺสเนน-
ปหาตพฺพเหตุกทุกํ เอวํ ภาวนายปหาตพฺพเหตุกปจฺจยาปิ ปจฺจนียาปิ
วิภาโคปิ คณนาปิ นินฺนานากรณา ฯ นทสฺสเนนปหาตพฺโพ ธมฺโม
นทสฺสเนนปหาตพฺพสฺส ธมฺมสฺส ... ปรนฺเตน สกภณฺฑฉนฺทราโคปิ
กาตพฺโพ ฯ ภาวนายปหาตพฺโพ ธมฺโม นภาวนายปหาตพฺพสฺส
ธมฺมสฺส ... ปรนฺเตน สกภณฺฑฉนฺทราโคปิ กาตพฺโพ ฯ
ภาวนายปหาตพฺพเหตุกทุกํ นิฏฺฐิตํ ฯ
----------------
สวิตกฺกทุกํ
ปฏิจฺจวาโร
[๖๔๒] สวิตกฺกํ ธมฺมํ ปฏิจฺจ สวิตกฺโก ธมฺโม อุปฺปชฺชติ
เหตุปจฺจยา: สวิตกฺกํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ ... ปฏิสนฺธิกฺขเณ ฯเปฯ สวิตกฺกํ ธมฺมํ ปฏิจฺจ อวิตกฺโก
ธมฺโม อุปฺปชฺชติ เหตุปจฺจยา: สวิตกฺเก ขนฺเธ ปฏิจฺจ วิตกฺโก
จิตฺตสมุฏฺฐานญฺจ รูปํ ปฏิสนฺธิกฺขเณ ฯเปฯ สวิตกฺกํ ธมฺมํ
ปฏิจฺจ สวิตกฺโก จ อวิตกฺโก จ ธมฺมา อุปฺปชฺชนฺติ เหตุปจฺจยา:
สวิตกฺกํ เอกํ ขนฺธํ ปฏิจฺจ ตโย ขนฺธา วิตกฺโก จ จิตฺตสมุฏฺฐานญฺจ
รูปํ ปฏิสนฺธิกฺขเณ ฯเปฯ อวิตกฺกํ ธมฺมํ ปฏิจฺจ อวิตกฺโก
ธมฺโม อุปฺปชฺชติ เหตุปจฺจยา: อวิตกฺกํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... วิตกฺกํ ปฏิจฺจ
จิตฺตสมุฏฺฐานํ รูปํ ปฏิสนฺธิกฺขเณ อวิตกฺกํ เอกํ ขนฺธํ ปฏิจฺจ
ตโย ขนฺธา กฏตฺตา จ รูปํ เทฺว ขนฺเธ ... วิตกฺกํ ปฏิจฺจ กฏตฺตารูปํ
ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา วิตกฺกํ ปฏิจฺจ วตฺถุ
วตฺถุํ ปฏิจฺจ วิตกฺโก เอกํ มหาภูตํ ... ฯ
{๖๔๒.๑} อวิตกฺกํ ธมฺมํ ปฏิจฺจ สวิตกฺโก ธมฺโม อุปฺปชฺชติ
เหตุปจฺจยา: วิตกฺกํ ปฏิจฺจ สมฺปยุตฺตกา ขนฺธา ปฏิสนฺธิกฺขเณ
วิตกฺกํ ปฏิจฺจ สมฺปยุตฺตกา ขนฺธา ปฏิสนฺธิกฺขเณ วตฺถุํ ปฏิจฺจ
สวิตกฺกา ขนฺธา ฯ อวิตกฺกํ ธมฺมํ ปฏิจฺจ สวิตกฺโก จ อวิตกฺโก จ
ธมฺมา อุปฺปชฺชนฺติ เหตุปจฺจยา: วิตกฺกํ ปฏิจฺจ สมฺปยุตฺตกา ขนฺธา
จิตฺตสมุฏฺฐานญฺจ รูปํ วิตกฺกํ ปฏิจฺจ สวิตกฺกา ขนฺธา มหาภูเต
ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ วิตกฺกํ ปฏิจฺจ สมฺปยุตฺตกา
ขนฺธา กฏตฺตา จ รูปํ ปฏิสนฺธิกฺขเณ วิตกฺกํ ปฏิจฺจ สวิตกฺกา ขนฺธา
มหาภูเต ปฏิจฺจ กฏตฺตารูปํ ปฏิสนฺธิกฺขเณ วตฺถุํ ปฏิจฺจ สวิตกฺกา
ขนฺธา มหาภูเต ปฏิจฺจ กฏตฺตารูปํ ปฏิสนฺธิกฺขเณ วตฺถุํ ปฏิจฺจ
วิตกฺโก สมฺปยุตฺตกา จ ขนฺธา ฯ
{๖๔๒.๒} สวิตกฺกญฺจ อวิตกฺกญฺจ ธมฺมํ ปฏิจฺจ สวิตกฺโก ธมฺโม
อุปฺปชฺชติ เหตุปจฺจยา: สวิตกฺกํ เอกํ ขนฺธญฺจ วิตกฺกญฺจ ปฏิจฺจ ตโย
ขนฺธา เทฺว ขนฺเธ ปฏิจฺจ ... ปฏิสนฺธิกฺขเณ สวิตกฺกํ เอกํ ขนฺธญฺจ วิตกฺกญฺจ
ปฏิจฺจ ตโย ขนฺธา เทฺว ขนฺเธ ปฏิจฺจ ... ปฏิสนฺธิกฺขเณ สวิตกฺกํ เอกํ
ขนฺธญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ ... ฯ สวิตกฺกญฺจ
อวิตกฺกญฺจ ธมฺมํ ปฏิจฺจ อวิตกฺโก ธมฺโม อุปฺปชฺชติ เหตุปจฺจยา:
สวิตกฺเก ขนฺเธ จ วิตกฺกญฺจ มหาภูเต จ ปฏิจฺจ จิตฺตสมุฏฺฐานํ
รูปํ ปฏิสนฺธิกฺขเณ สวิตกฺเก ขนฺเธ จ วิตกฺกญฺจ มหาภูเต จ
ปฏิจฺจ กฏตฺตารูปํ ปฏิสนฺธิกฺขเณ สวิตกฺเก ขนฺเธ จ วตฺถุญฺจ
ปฏิจฺจ วิตกฺโก ฯ
{๖๔๒.๓} สวิตกฺกญฺจ อวิตกฺกญฺจ ธมฺมํ ปฏิจฺจ สวิตกฺโก จ
อวิตกฺโก จ ธมฺมา อุปฺปชฺชนฺติ เหตุปจฺจยา: สวิตกฺกํ เอกํ ขนฺธญฺจ
วิตกฺกญฺจ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ...
สวิตกฺกํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา เทฺว ขนฺเธ ...
สวิตกฺเก ขนฺเธ จ วิตกฺกญฺจ มหาภูเต จ ปฏิจฺจ จิตฺตสมุฏฺฐานํ รูปํ
ปฏิสนฺธิกฺขเณ สวิตกฺกํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา
กฏตฺตา จ รูปํ เทฺว ขนฺเธ ... ปฏิสนฺธิกฺขเณ สวิตกฺกํ เอกํ ขนฺธญฺจ
วิตกฺกญฺจ ปฏิจฺจ ตโย ขนฺธา เทฺว ขนฺเธ ... สวิตกฺเก ขนฺเธ จ
วิตกฺกญฺจ มหาภูเต จ ปฏิจฺจ กฏตฺตารูปํ ปฏิสนฺธิกฺขเณ สวิตกฺกํ
เอกํ ขนฺธญฺจ วตฺถุญฺจ ปฏิจฺจ ตโย ขนฺธา วิตกฺโก จ เทฺว ขนฺเธ ... ฯ
สงฺขิตฺตํ ฯ
[๖๔๓] เหตุยา นว อารมฺมเณ นว อธิปติยา นว ฯเปฯ
อุปนิสฺสเย นว ปุเรชาเต ฉ อาเสวเน ฉ กมฺเม นว วิปาเก
นว สพฺพตฺถ นว อวิคเต นว ฯ
[๖๔๔] สวิตกฺกํ ธมฺมํ ปฏิจฺจ สวิตกฺโก ธมฺโม อุปฺปชฺชติ
นเหตุปจฺจยา: อเหตุกํ สวิตกฺกํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ... อเหตุกปฏิสนฺธิกฺขเณ ฯเปฯ วิจิกิจฺฉาสหคเต
อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต
โมโห ฯ สวิตกฺกมูลกา อวเสสา เทฺว ปญฺหา กาตพฺพา อเหตุกํ
นินฺนานํ ฯ อวิตกฺกํ ธมฺมํ ปฏิจฺจ อวิตกฺโก ธมฺโม อุปฺปชฺชติ
นเหตุปจฺจยา: อเหตุกํ อวิตกฺกํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ... อเหตุกํ วิตกฺกํ ปฏิจฺจ จิตฺตสมุฏฺฐานํ รูปํ อเหตุก-
ปฏิสนฺธิกฺขเณ วิตกฺกํ ปฏิจฺจ กฏตฺตารูปํ วิตกฺกํ ปฏิจฺจ วตฺถุ
วตฺถุํ ปฏิจฺจ วิตกฺโก ฯ
{๖๔๔.๑} อวิตกฺกํ ธมฺมํ ปฏิจฺจ สวิตกฺโก ธมฺโม อุปฺปชฺชติ
นเหตุปจฺจยา: อเหตุกํ วิตกฺกํ ปฏิจฺจ สมฺปยุตฺตกา ขนฺธา อเหตุก-
ปฏิสนฺธิกฺขเณ วิตกฺกํ ปฏิจฺจ สมฺปยุตฺตกา ขนฺธา วิตกฺกํ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ อวิตกฺกํ ธมฺมํ ปฏิจฺจ
สวิตกฺโก จ อวิตกฺโก จ ธมฺมา อุปฺปชฺชนฺติ นเหตุปจฺจยา: ฯ
สงฺขิตฺตํ เหตุปจฺจยสทิสํ อเหตุกนฺติ นิยาเมตพฺพํ ฯ
{๖๔๔.๒} สวิตกฺกญฺจ อวิตกฺกญฺจ ธมฺมํ ปฏิจฺจ สวิตกฺโก ธมฺโม
อุปฺปชฺชติ นเหตุปจฺจยา: อเหตุกํ สวิตกฺกํ เอกํ ขนฺธญฺจ วิตกฺกญฺจ
ปฏิจฺจ ตโย ขนฺธา เทฺว ขนฺเธ ... อเหตุกปฏิสนฺธิกฺขเณ อวิตกฺกํ
เอกํ ขนฺธญฺจ วิตกฺกญฺจ ปฏิจฺจ ตโย ขนฺธา เทฺว ขนฺเธ ...
อเหตุกปฏิสนฺธิกฺขเณ สวิตกฺกํ เอกํ ขนฺธญฺจ วิตกฺกญฺจ ปฏิจฺจ
ตโย ขนฺธา เทฺว ขนฺเธ ... วิจิกิจฺฉาสหคเต อุทฺธจฺจสหคเต ขนฺเธ
จ วิตกฺกญฺจ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
อวเสสา เทฺว ปญฺหา เหตุปจฺจยสทิสา นินฺนานา อเหตุกนฺติ
นิยาเมตพฺพํ ฯ
[๖๔๕] นเหตุยา นว นอารมฺมเณ ตีณิ นอธิปติยา นว นอนนฺตเร
ตีณิ ฯเปฯ นอุปนิสฺสเย ตีณิ นปุเรชาเต นว นปจฺฉาชาเต นว
นอาเสวเน นว นกมฺเม จตฺตาริ นวิปาเก นว นอาหาเร เอกํ
นอินฺทฺริเย เอกํ นฌาเน เอกํ นมคฺเค นว นสมฺปยุตฺเต ตีณิ
นวิปฺปยุตฺเต ฉ โนนตฺถิยา ตีณิ โนวิคเต ตีณิ ฯ
[๖๔๖] เหตุปจฺจยา นอารมฺมเณ ตีณิ ... นอธิปติยา นว
นอนนฺตเร ตีณิ ฯเปฯ นกมฺเม จตฺตาริ นวิปาเก นว นสมฺปยุตฺเต
ตีณิ นวิปฺปยุตฺเต ฉ โนนตฺถิยา ตีณิ โนวิคเต ตีณิ ฯ
[๖๔๗] นเหตุปจฺจยา อารมฺมเณ นว ... อนนฺตเร นว ฯเปฯ
ปุเรชาเต ฉ ฯเปฯ อาเสวเน ปญฺจ กมฺเม นว ฯเปฯ มคฺเค
ตีณิ สมฺปยุตฺเต นว สพฺพตฺถ นว ฯ
สหชาตวาโร ปฏิจฺจวารสทิโส ฯ
ปจฺจยวาโร
[๖๔๘] สวิตกฺกํ ธมฺมํ ปจฺจยา สวิตกฺโก ธมฺโม อุปฺปชฺชติ
เหตุปจฺจยา: ตีณิ ปฏิจฺจวารสทิสา ฯ อวิตกฺกํ ธมฺมํ ปจฺจยา
อวิตกฺโก ธมฺโม อุปฺปชฺชติ เหตุปจฺจยา: อวิตกฺกํ เอกํ ขนฺธํ
ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... วิตกฺกํ
ปจฺจยา จิตฺตสมุฏฺฐานํ รูปํ ปฏิสนฺธิกฺขเณ อวิตกฺกํ เอกํ ขนฺธํ
ปจฺจยา ตโย ขนฺธา กฏตฺตา จ รูปํ เทฺว ขนฺเธ ... ปฏิสนฺธิกฺขเณ
วิตกฺกํ ปจฺจยา กฏตฺตารูปํ ขนฺเธ ปจฺจยา วตฺถุ วตฺถุํ
ปจฺจยา ขนฺธา วิตกฺกํ ปจฺจยา วตฺถุ วตฺถุํ ปจฺจยา วิตกฺโก
เอกํ มหาภูตํ ปจฺจยา ตโย มหาภูตา ฯเปฯ วตฺถุํ ปจฺจยา
อวิตกฺกา ขนฺธา วตฺถุํ ปจฺจยา วิตกฺโก ฯ
{๖๔๘.๑} อวิตกฺกํ ธมฺมํ ปจฺจยา สวิตกฺโก ธมฺโม อุปฺปชฺชติ
เหตุปจฺจยา: วิตกฺกํ ปจฺจยา สมฺปยุตฺตกา ขนฺธา วตฺถุํ ปจฺจยา
สวิตกฺกา ขนฺธา ปฏิสนฺธิยาปิ เทฺว ฯ อวิตกฺกํ ธมฺมํ ปจฺจยา
สวิตกฺโก จ อวิตกฺโก จ ธมฺมา อุปฺปชฺชนฺติ เหตุปจฺจยา: วิตกฺกํ
ปจฺจยา สมฺปยุตฺตกา ขนฺธา จิตฺตสมุฏฺฐานญฺจ รูปํ วิตกฺกํ ปจฺจยา
สมฺปยุตฺตกา ขนฺธา มหาภูเต ปจฺจยา จิตฺตสมุฏฺฐานํ รูปํ วตฺถุํ
ปจฺจยา สวิตกฺกา ขนฺธา มหาภูเต ปจฺจยา จิตฺตสมุฏฺฐานํ รูปํ วตฺถุํ
ปจฺจยา วิตกฺโก สมฺปยุตฺตกา จ ขนฺธา ปฏิสนฺธิกฺขเณ ... ปฏิสนฺธิยาปิ
ปวตฺติสทิสาเยว ฯ
{๖๔๘.๒} สวิตกฺกญฺจ อวิตกฺกญฺจ ธมฺมํ ปจฺจยา สวิตกฺโก
ธมฺโม อุปฺปชฺชติ เหตุปจฺจยา: สวิตกฺกํ เอกํ ขนฺธญฺจ วิตกฺกญฺจ
ปจฺจยา ตโย ขนฺธา เทฺว ขนฺเธ ... สวิตกฺกํ เอกํ ขนฺธญฺจ
วตฺถุญฺจ ปจฺจยา ตโย ขนฺธา เทฺว ขนฺเธ ... ปฏิสนฺธิกฺขเณ
เทฺว กาตพฺพา ฯ สวิตกฺกญฺจ อวิตกฺกญฺจ ธมฺมํ ปจฺจยา อวิตกฺโก
ธมฺโม อุปฺปชฺชติ เหตุปจฺจยา: สวิตกฺเก ขนฺเธ จ วิตกฺกญฺจ
ปจฺจยา จิตฺตสมุฏฺฐานํ รูปํ สวิตกฺเก ขนฺเธ จ วิตกฺกญฺจ มหาภูเต
จ ปจฺจยา จิตฺตสมุฏฺฐานํ รูปํ สวิตกฺเก ขนฺเธ จ วตฺถุญฺจ ปจฺจยา
วิตกฺโก ปฏิสนฺธิกฺขเณ ... ตีณิ ปฏิสนฺธิยาปิ ฯ
{๖๔๘.๓} สวิตกฺกญฺจ อวิตกฺกญฺจ ธมฺมํ ปจฺจยา สวิตกฺโก จ
อวิตกฺโก จ ธมฺมา อุปฺปชฺชนฺติ เหตุปจฺจยา: สวิตกฺกํ เอกํ ขนฺธญฺจ
วิตกฺกญฺจ ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ...
สวิตกฺกํ เอกํ ขนฺธญฺจ วิตกฺกญฺจ วตฺถุญฺจ ปจฺจยา ตโย ขนฺธา
เทฺว ขนฺเธ ... สวิตกฺเก ขนฺเธ จ วิตกฺกญฺจ มหาภูเต จ ปจฺจยา
จิตฺตสมุฏฺฐานํ รูปํ สวิตกฺกํ เอกํ ขนฺธญฺจ วตฺถุญฺจ ปจฺจยา
ตโย ขนฺธา วิตกฺโก จ เทฺว ขนฺเธ ... ปฏิสนฺธิกฺขเณ ฯเปฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๓๗๘-๓๙๐.
https://84000.org/tipitaka/read/pali_item.php?book=43&item=635&items=14&mode=bracket
อ่านโดยใช้เนื้อความเป็นเกณฑ์แบ่งข้อ :-
https://84000.org/tipitaka/read/pali_item.php?book=43&item=635&items=14
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=43&item=635&items=14&mode=bracket
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=43&item=635&items=14&mode=bracket
ศึกษาอรรถกถานี้ได้ที่ :-
https://84000.org/tipitaka/attha/attha.php?b=43&i=635
สารบัญพระไตรปิฎกเล่มที่ ๔๓
https://84000.org/tipitaka/read/?index_43
https://84000.org/tipitaka/english/?index_43
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
