พระไตรปิฎกเล่มที่ ๔๕ ภาษาบาลี อักษรไทย
พระอภิธรรมปิฎกเล่มที่ ๑๒ อภิ. ป.(๖) ปจฺจนีย-อนุโลมปจฺจนีย-ปจฺจนียานุโลม

     [๖๗]   สุขสหคตํ   ธมฺมํ   ปฏิจฺจ  นสุขสหคโต  ธมฺโม  อุปฺปชฺชติ
เหตุปจฺจยา: สตฺต ฯ
     [๖๘]   อุเปกฺขาสหคตํ   ธมฺมํ   ปฏิจฺจ  นอุเปกฺขาสหคโต  ธมฺโม
อุปฺปชฺชติ เหตุปจฺจยา: สตฺตํ ฯ
     [๖๙]   ปีติสหคตญฺจ   สุขสหคตญฺจ   ธมฺมํ   ปฏิจฺจ   นปีติสหคโต
ธมฺโม อุปฺปชฺชติ เหตุปจฺจยา: สตฺต ฯ
     [๗๐]   เหตุยา อฏฺฐวีส อารมฺมเณ จตุวีส อวิคเต อฏฺฐวีส ฯ
            สหชาตวารมฺปิ สมฺปยุตฺตวารมฺปิ ปญฺหาวารมฺปิ
                           สพฺพตฺถ วิตฺถาเรตพฺพํ ฯ
                          ทสฺสนตฺติเก นทสฺสนตฺติกํ
     [๗๑]   ทสฺสเนนปหาตพฺพํ    ธมฺมํ   ปฏิจฺจ   นทสฺสเนนปหาตพฺโพ
ธมฺโม    อุปฺปชฺชติ    เหตุปจฺจยา:   ทสฺสเนนปหาตพฺพํ   ธมฺมํ   ปฏิจฺจ
นภาวนายปหาตพฺโพ    ธมฺโม    อุปฺปชฺชติ    เหตุปจฺจยา:   ทสฺสเนน-
ปหาตพฺพํ      ธมฺมํ      ปฏิจฺจ     นเนวทสฺสเนนนภาวนายปหาตพฺโพ
ธมฺโม   อุปฺปชฺชติ    เหตุปจฺจยา:    ทสฺสเนนปหาตพฺพํ   ธมฺมํ   ปฏิจฺจ
นภาวนายปหาตพฺโพ     จ     นเนวทสฺสเนนนภาวนายปหาตพฺโพ     จ
ธมฺมา    อุปฺปชฺชนฺติ   เหตุปจฺจยา:   ทสฺสเนนปหาตพฺพํ   ธมฺมํ   ปฏิจฺจ
นทสฺสเนนปหาตพฺโพ   จ   นภาวนายปหาตพฺโพ   จ   ธมฺมา  อุปฺปชฺชนฺติ
เหตุปจฺจยา: ปญฺจ ฯ
     [๗๒]   ภาวนายปหาตพฺพํ   ธมฺมํ   ปฏิจฺจ   นภาวนายปหาตพฺโพ
ธมฺโม อุปฺปชฺชติ เหตุปจฺจยา: ปญฺจ ฯ
     [๗๓]   เนวทสฺสเนนนภาวนายปหาตพฺพํ      ธมฺมํ     ปฏิจฺจ
นทสฺสเนนปหาตพฺโพ ธมฺโม อุปฺปชฺชติ เหตุปจฺจยา: ตีณิ ฯ
     [๗๔]   ทสฺสเนนปหาตพฺพญฺจ    เนวทสฺสเนนนภาวนายปหาตพฺพญฺจ
ธมฺมํ   ปฏิจฺจ   นทสฺสเนนปหาตพฺโพ   ธมฺโม   อุปฺปชฺชติ   เหตุปจฺจยา:
ตีณิ ฯ
     [๗๕]   ภาวนายปหาตพฺพญฺจ    เนวทสฺสเนนนภาวนายปหาตพฺพญฺจ
ธมฺมํ   ปฏิจฺจ   นทสฺสเนนปหาตพฺโพ   ธมฺโม   อุปฺปชฺชติ   เหตุปจฺจยา:
ตีณิ ฯ
     [๗๖]   เหตุยา เอกูนวีส อวิคเต เอกูนวีส ฯ
      สหชาตวารมฺปิ สมฺปยุตฺตวารมฺปิ ปญฺหาวารมฺปิ วิตฺถาเรตพฺพํ ฯ
      ทสฺสเนนปหาตพฺพเหตุกตฺติเก นทสฺสเนนปหาตพฺพเหตุกตฺติกํ
     [๗๗]   ทสฺสเนนปหาตพฺพเหตุกํ    ธมฺมํ    ปฏิจฺจ    นทสฺสเนน-
ปหาตพฺพเหตุโก ธมฺโม อุปฺปชฺชติ เหตุปจฺจยา: ฯ
     [๗๘]   เหตุยา ฉพฺพีส อวิคเต ฉพฺพีส วิตฺถาเรตพฺพํ ฯ
                      อาจยคามิตฺติเก นอาจยคามิตฺติกํ
     [๗๙]   อาจยคามึ   ธมฺมํ  ปฏิจฺจ  นอาจยคามี  ธมฺโม  อุปฺปชฺชติ
เหตุปจฺจยา:    อาจยคามึ    ธมฺมํ    ปฏิจฺจ    นอปจยคามี    ธมฺโม
อุปฺปชฺชติ   เหตุปจฺจยา:   อาจยคามึ   ธมฺมํ   ปฏิจฺจ   นเนวาจยคามิ-
นาปจยคามึ   ธมฺโม   อุปฺปชฺชติ    เหตุปจฺจยา:    อาจยคามึ   ธมฺมํ
ปฏิจฺจ    นอปจยคามี    จ    นเนวาจยคามินาปจยคามี    จ   ธมฺมา
อุปฺปชฺชนฺติ   เหตุปจฺจยา:   อาจยคามึ   ธมฺมํ   ปฏิจฺจ  นอาจยคามี  จ
นอปจยคามี จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๘๐]   อปจยคามึ   ธมฺมํ  ปฏิจฺจ  นอปจยคามี  ธมฺโม  อุปฺปชฺชติ
เหตุปจฺจยา:    อปจยคามึ    ธมฺมํ    ปฏิจฺจ    นอาจยคามี    ธมฺโม
อุปฺปชฺชติ    เหตุปจฺจยา:    อปจยคามึ    ธมฺมํ   ปฏิจฺจ   นเนวาจย-
คามินาปจยคามึ     ธมฺโม    อุปฺปชฺชติ    เหตุปจฺจยา:    อปจยคามึ
ธมฺมํ   ปฏิจฺจ   นอาจยคามี   จ   นเนวาจยคามินาปจยคามี  จ  ธมฺมา
อุปฺปชฺชนฺติ    เหตุปจฺจยา:    อปจยคามึ   ธมฺมํ   ปฏิจฺจ   นอาจยคามี
จ นอปจยคามี จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๘๑]   เนวาจยคามินาปจยคามึ    ธมฺมํ    ปฏิจฺจ   นอาจยคามี
ธมฺโม    อุปฺปชฺชติ    เหตุปจฺจยา:    เนวาจยคามินาปจยคามึ    ธมฺมํ
ปฏิจฺจ   นอปจยคามี    ธมฺโม    อุปฺปชฺชติ    เหตุปจฺจยา:  เนวาจย-
คามินาปจยคามึ    ธมฺมํ   ปฏิจฺจ   นอาจยคามี   จ   นเนวาจยคามิ-
นาปจยคามี จ ธมฺมา อุปฺปชฺชนฺติ เหตุปจฺจยา: ตีณิ ฯ
     [๘๒]   อาจยคามิญฺจ   เนวาจยคามินาปจยคามิญฺจ   ธมฺมํ  ปฏิจฺจ
นอาจยคามี   ธมฺโม   อุปฺปชฺชติ  เหตุปจฺจยา:  อาจยคามิญฺจ  เนวาจย-
คามินาปจยคามิญฺจ    ธมฺมํ   ปฏิจฺจ   นอปจยคามี   ธมฺโม   อุปฺปชฺชติ
เหตุปจฺจยา:     อาจยคามิญฺจ     เนวาจยคามินาปจยคามิญฺจ     ธมฺมํ
ปฏิจฺจ  นอาจยคามี  จ  นอปจยคามี  จ  ธมฺมา  อุปฺปชฺชนฺติ เหตุปจฺจยา:
ตีณิ ฯ
     [๘๓]   อปจยคามิญฺจ   เนวาจยคามินาปจยคามิญฺจ   ธมฺมํ  ปฏิจฺจ
นอาจยคามี     ธมฺโม     อุปฺปชฺชติ     เหตุปจฺจยา:    อปจยคามิญฺจ
เนวาจยคามินาปจยคามิญฺจ     ธมฺมํ    ปฏิจฺจ    นอปจยคามี    ธมฺโม
อุปฺปชฺชติ      เหตุปจฺจยา:     อปจยคามิญฺจ     เนวาจยคามินาปจย-
คามิญฺจ   ธมฺมํ   ปฏิจฺจ  นอาจยคามี   จ   นอปจยคามี   จ   ธมฺมา
อุปฺปชฺชนฺติ เหตุปจฺจยา: ตีณิ ฯ
     [๘๔]   เหตุยา เอกูนวีส สพฺพตฺถ วิตฺถาโร ฯ
                           เสกฺขตฺติเก นเสกฺขตฺติกํ
     [๘๕]   เสกฺขํ  ธมฺมํ  ปฏิจฺจ นเสกฺโข ธมฺโม อุปฺปชฺชติ เหตุปจฺจยา:
เสกฺขํ  ธมฺมํ  ปฏิจฺจ  นอเสกฺโข   ธมฺโม   อุปฺปชฺชติ เหตุปจฺจยา: เสกฺขํ
ธมฺมํ   ปฏิจฺจ  นเนวเสกฺขานาเสกฺโข  ธมฺโม   อุปฺปชฺชติ   เหตุปจฺจยา:
เสกฺขํ   ธมฺมํ   ปฏิจฺจ   นอเสกฺโข  จ  นเนวเสกฺขานาเสกฺโข จ ธมฺมา
อุปฺปชฺชนฺติ  เหตุปจฺจยา:  เสกฺขํ  ธมฺมํ  ปฏิจฺจ  นเสกฺโข  จ  นอเสกฺโข
จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๘๖]   อเสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา:
อเสกฺขํ  ธมฺมํ   ปฏิจฺจ   นเสกฺโข  ธมฺโม อุปฺปชฺชติ เหตุปจฺจยา: อเสกฺขํ
ธมฺมํ  ปฏิจฺจ  นเนวเสกฺขานาเสกฺโข   ธมฺโม   อุปฺปชฺชติ   เหตุปจฺจยา:
อเสกฺขํ ธมฺมํ ปฏิจฺจ นเสกฺโข จ นเนวเสกฺขานาเสกฺโข จ ธมฺมา อุปฺปชฺชนฺติ
เหตุปจฺจยา: อเสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ
เหตุปจฺจยา: ปญฺจ ฯ
     [๘๗]   เนวเสกฺขานาเสกฺขํ  ธมฺมํ  ปฏิจฺจ นเสกฺโข ธมฺโม อุปฺปชฺชติ
เหตุปจฺจยา:   เนวเสกฺขานาเสกฺขํ   ธมฺมํ   ปฏิจฺจ   นอเสกฺโข  ธมฺโม
อุปฺปชฺชติ  เหตุปจฺจยา:  เนวเสกฺขานาเสกฺขํ  ธมฺมํ  ปฏิจฺจ  นเสกฺโข  จ
นอเสกฺโข จ ธมฺมา อุปฺปชฺชนฺติ เหตุปจฺจยา: ตีณิ ฯ
     [๘๘]   เสกฺขญฺจ  เนวเสกฺขานาเสกฺขญฺจ  ธมฺมํ  ปฏิจฺจ  นเสกฺโข
ธมฺโม   อุปฺปชฺชติ   เหตุปจฺจยา:    เสกฺขญฺจ    เนวเสกฺขานาเสกฺขญฺจ
ธมฺมํ   ปฏิจฺจ   นอเสกฺโข  ธมฺโม  อุปฺปชฺชติ   เหตุปจฺจยา:   เสกฺขญฺจ
เนวเสกฺขานาเสกฺขญฺจ  ธมฺมํ  ปฏิจฺจ  นเสกฺโข  จ  นอเสกฺโข  จ ธมฺมา
อุปฺปชฺชนฺติ เหตุปจฺจยา: ตีณิ ฯ
     [๘๙]   อเสกฺขญฺจ  เนวเสกฺขานาเสกฺขญฺจ  ธมฺมํ  ปฏิจฺจ  เสกฺโข
ธมฺโม    อุปฺปชฺชติ   เหตุปจฺจยา:   อเสกฺขญฺจ   เนวเสกฺขานาเสกฺขญฺจ
ธมฺมํ   ปฏิจฺจ   นอเสกฺโข   ธมฺโม  อุปฺปชฺชติ  เหตุปจฺจยา:  อเสกฺขญฺจ
เนวเสกฺขานาเสกฺขญฺจ  ธมฺมํ  ปฏิจฺจ  นเสกฺโข  จ  นอเสกฺโข  จ ธมฺมา
อุปฺปชฺชนฺติ เหตุปจฺจยา: ตีณิ ฯ
     [๙๐]   เหตุยา เอกูนวีส สพฺพตฺถ วิตฺถาโร ฯ
                           ปริตฺตตฺติเก นปริตฺตตฺติกํ
     [๙๑]   ปริตฺตํ    ธมฺมํ   ปฏิจฺจ   นปริตฺโต   ธมฺโม   อุปฺปชฺชติ
เหตุปจฺจยา:   ปริตฺตํ   ธมฺมํ   ปฏิจฺจ   นมหคฺคโต   ธมฺโม   อุปฺปชฺชติ
เหตุปจฺจยา:   ปริตฺตํ   ธมฺมํ   ปฏิจฺจ   นอปฺปมาโณ   ธมฺโม  อุปฺปชฺชติ
เหตุปจฺจยา:   ปริตฺตํ   ธมฺมํ   ปฏิจฺจ   นปริตฺโต   จ  นอปฺปมาโณ  จ
ธมฺมา   อุปฺปชฺชนฺติ   เหตุปจฺจยา:   ปริตฺตํ   ธมฺมํ  ปฏิจฺจ   นมหคฺคโต
จ นอปฺปมาโณ จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๙๒]   มหคฺคตํ   ธมฺมํ   ปฏิจฺจ   นมหคฺคโต   ธมฺโม   อุปฺปชฺชติ
เหตุปจฺจยา:    มหคฺคตํ    ธมฺมํ   ปฏิจฺจ   นปริตฺโต  ธมฺโม  อุปฺปชฺชติ
เหตุปจฺจยา:   มหคฺคตํ   ธมฺมํ   ปฏิจฺจ   นอปฺปมาโณ  ธมฺโม  อุปฺปชฺชติ
เหตุปจฺจยา:    มหคฺคตํ   ธมฺมํ   ปฏิจฺจ   นปริตฺโต   จ   นอปฺปมาโณ
จ   ธมฺมา  อุปฺปชฺชนฺติ  เหตุปจฺจยา:  มหคฺคตํ  ธมฺมํ  ปฏิจฺจ  นมหคฺคโต
จ นอปฺปมาโณ จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๙๓]   อปฺปมาณํ  ธมฺมํ  ปฏิจฺจ  นอปฺปมาโณ   ธมฺโม   อุปฺปชฺชติ
เหตุปจฺจยา:   อปฺปมาณํ   ธมฺมํ   ปฏิจฺจ   นปริตฺโต   ธมฺโม  อุปฺปชฺชติ
เหตุปจฺจยา:   อปฺปมาณํ   ธมฺมํ   ปฏิจฺจ   นมหคฺคโต  ธมฺโม  อุปฺปชฺชติ
เหตุปจฺจยา:   อปฺปมาณํ   ธมฺมํ   ปฏิจฺจ  นมหคฺคโต   จ   นอปฺปมาโณ
จ   ธมฺมา  อุปฺปชฺชนฺติ  เหตุปจฺจยา:  อปฺปมาณํ  ธมฺมํ  ปฏิจฺจ  นปริตฺโต
จ นมหคฺคโต จ ธมฺมา อุปฺปชฺชนฺติ เหตุปจฺจยา: ปญฺจ ฯ
     [๙๔]   ปริตฺตญฺจ    อปฺปมาณญฺจ    ธมฺมํ    ปฏิจฺจ   นมหคฺคโต
ธมฺโม    อุปฺปชฺชติ    เหตุปจฺจยา:    ปริตฺตญฺจ    อปฺปมาณญฺจ   ธมฺมํ
ปฏิจฺจ    นอปฺปมาโณ    ธมฺโม    อุปฺปชฺชติ   เหตุปจฺจยา:   ปริตฺตญฺจ
อปฺปมาณญฺจ    ธมฺมํ    ปฏิจฺจ    นมหคฺคโต    จ    นอปฺปมาโณ   จ
ธมฺมา อุปฺปชฺชนฺติ เหตุปจฺจยา: ตีณิ ฯ
     [๙๕]   ปริตฺตญฺจ   มหคฺคตญฺจ   ธมฺมํ   ปฏิจฺจ  นปริตฺโต  ธมฺโม
อุปฺปชฺชติ     เหตุปจฺจยา:    ปริตฺตญฺจ    มหคฺคตญฺจ    ธมฺมํ   ปฏิจฺจ
นมหคฺคโต    ธมฺโม   อุปฺปชฺชติ   เหตุปจฺจยา:   ปริตฺตญฺจ   มหคฺคตญฺจ
ธมฺมํ     ปฏิจฺจ    นอปฺปมาโณ    ธมฺโม    อุปฺปชฺชติ    เหตุปจฺจยา:
ปริตฺตญฺจ    มหคฺคตญฺจ    ธมฺมํ   ปฏิจฺจ   นปริตฺโต   จ   นอปฺปมาโณ
จ   ธมฺมา   อุปฺปชฺชนฺติ   เหตุปจฺจยา:   ปริตฺตญฺจ   มหคฺคตญฺจ   ธมฺมํ
ปฏิจฺจ    นมหคฺคโต    จ    นอปฺปมาโณ    จ    ธมฺมา   อุปฺปชฺชนฺติ
เหตุปจฺจยา: ปญฺจ ฯ
     [๙๖]   เหตุยา   เตวีส   อารมฺมเณ   จุทฺทส   ฯเปฯ  สพฺพตฺถ
วิตฺถาเรตพฺพํ ฯ
                 ปริตฺตารมฺมณตฺติเกนปริตฺตารมฺมณตฺติกํ
     [๙๗]   ปริตฺตารมฺมณํ   ธมฺมํ   ปฏิจฺจ   นปริตฺตารมฺมโณ   ธมฺโม
อุปฺปชฺชติ เหตุปจฺจยา: ฯ
     [๙๘]   เหตุยา เอกูนวีส ฯเปฯ อวิคเต เอกูนวีส ฯ
                               หีนตฺติเกนหีนตฺติกํ
     [๙๙]   หีนํ    ธมฺมํ    ปฏิจฺจ    นหีโน    ธมฺโม   อุปฺปชฺชติ
เหตุปจฺจยา: สงฺกิลิฏฺฐสงฺกิเลสิกตฺติกสทิสํ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๕ หน้าที่ ๑๕๕-๑๖๒.
https://84000.org/tipitaka/read/pali_item.php?book=45.2&item=67&items=33
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=45.2&item=67&items=33&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=45.2&item=67&items=33
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=45.2&item=67&items=33
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=45.2&i=67
             สารบัญพระไตรปิฎกเล่มที่ ๔๕
https://84000.org/tipitaka/read/?index_45
https://84000.org/tipitaka/english/?index_45