พระไตรปิฎกเล่มที่ ๘ ภาษาบาลี อักษรไทย
พระวินัยปิฎกเล่มที่ ๘ วินย. ปริวาโร

     [๑๐๒๔]   วีสํ   เทฺว   สตานิ   ภิกฺขูนํ   สิกฺขาปทานิ   อุทฺเทสํ
อาคจฺฉนฺติ   อุโปสเถสุ   ตีณิ   สตานิ   จตฺตาริ   ภิกฺขุนีนํ  สิกฺขาปทานิ
อุทฺเทสํ อาคจฺฉนฺติ อุโปสเถสุ ฯ
                ฉจตฺตาฬีส ภิกฺขูนํ               ภิกฺขุนีหิ อสาธารณา
                สตํ ตึสา จ ภิกฺขุนีนํ             ภิกฺขูหิ อสาธารณา
                สตํ สตฺตติ ฉ เจว                 อุภินฺนํ อสาธารณา
                สตํ สตฺตติ จตฺตาริ               อุภินฺนํ สมสิกฺขาตา ฯ
     [๑๐๒๕]   วีสํ เทฺว สตานิ                    ภิกฺขูนํ สิกฺขาปทานิ
                อุทฺเทสํ อาคจฺฉนฺติ อุโปสเถสุ   เต สุโณหิ ยถากถํ ฯ
                ปาราชิกานิ จตฺตาริ             สงฺฆาทิเสสานิ ภวนฺติ เตรส
                                อนิยตานิ เทฺว โหนฺติ
                นิสฺสคฺคิยานิ ตึเสว              เทฺวนวุติ จ ขุทฺทกา
            จตฺตาโร ปาฏิเทสนียา ปญฺจสตฺตติ เสขิยา
วีสํ    เทฺว   สตานิ   จิเม   โหนฺติ   ภิกฺขูนํ   สิกฺขาปทานิ   อุทฺเทสํ
อาคจฺฉนฺติ อุโปสเถสุ ฯ
     [๑๐๒๖]   ตีณิ สตานิ จตฺตาริ              ภิกฺขุนีนํ สิกฺขาปทานิ
                อุทฺเทสํ อาคจฺฉนฺติ อุโปสเถสุ   เต สุโณหิ ยถากถํ ฯ
                ปาราชิกานิ อฏฺ               สงฺฆาทิเสสานิ ภวนฺติ สตฺตรส
                นิสฺสคฺคิยานิ ตึเสว             สตํ สฏฺี จ ฉ เจว
                ขุทฺทกานิ ปวุจฺจนฺติ            อฏฺ ปาฏิเทสนียา
                ปญฺจสตฺตติ เสขิยา            ตีณิ สตานิ จตฺตาริ จิเม โหนฺติ
         ภิกฺขุนีนํ สิกฺขาปทานิ อุทฺเทสํ อาคจฺฉนฺติ อุโปสเถสุ ฯ
     [๑๐๒๗]   ฉจตฺตาฬีส ภิกฺขูนํ              ภิกฺขุนีหิ อสาธารณา
                           เต สุโณหิ ยถากถํ ฯ
               ฉ สงฺฆาทิเสสา ทฺวีหิ อนิยเตหิ
               อฏฺ นิสฺสคฺคิยา ทฺวาทส เตหิ
               เต โหนฺติ วีสติ เทฺววีสติ ขุทฺทกา
                         จตฺตาโร ปาฏิเทสนียา
         ฉจตฺตาฬีส จิเม โหนฺติ                ภิกฺขูนํ ภิกฺขูหิ อสาธารณา ฯ
     [๑๐๒๘]   สตํ ตึสา ภิกฺขุนีนํ                ภิกฺขูหิ อสาธารณา
                               เต สุโณหิ ยถากถํ ฯ
                ปาราชิกานิ จตฺตาริ            สงฺฆมฺหา ทส นิสฺสเร
                นิสฺสคฺคิยานิ ทฺวาทส          ฉนฺนวุติ จ ขุทฺทกา
                                อฏฺ ปาฏิเทสนียา
                สตํ ตึสา จิเม โหนฺติ         ภิกฺขุนีนํ ภิกฺขูหิ อสาธารณา ฯ
     [๑๐๒๙]   สตํ สตฺตติ ฉ เจว      อุภินฺนํ อสาธารณา
                           เต สุโณหิ ยถากถํ ฯ
                ปาราชิกานิ จตฺตาริ            สงฺฆาทิเสสานิ ภวนฺติ โสฬส
                อนิยตานิ เทฺว โหติ            นิสฺสคฺคิยา จตุวีสติ
                สตํ อฏฺารส เจว               ขุทฺทกานิ ปวุจฺจนฺติ
                          ทฺวาทส ปาฏิเทสนียา
         สตํ สตฺตติ ฉ เจวิเม โหนฺติ อุภินฺนํ อสาธารณา ฯ
     [๑๐๓๐]   สตํ สตฺตติ จตฺตาริ      อุภินฺนํ สมสิกฺขาตา
                          เต สุโณหิ ยถากถํ ฯ
                ปาราชิกานิ จตฺตาริ            สงฺฆาทิเสสานิ ภวนฺติ สตฺต
                นิสฺสคฺคิยานิ อฏฺารส        สมสตฺตติ ขุทฺทกา
                            ปญฺจสตฺตติ เสขิยา
         สตํ สตฺตติ จตฺตาริ จิเม โหนฺติ อุภินฺนํ สมสิกฺขาตา ฯ
     [๑๐๓๑]   อฏฺเว ปาราชิกา เย            ทูราสทา ตาลวตฺถุสมูปมา
                ปณฺฑุปลาโส ปุถุสีลา          สีสจฺฉินฺโนว โส นโร
                ตาโลว มตฺถกจฺฉินฺโน          อวิรูฬฺหิ ภวนฺติ เต ฯ
     [๑๐๓๒]   เตวีสํ      สงฺฆาทิเสสา       เทฺว      อนิยตา
เทฺวจตฺตาฬีส นิสฺสคฺคิยา
                อฏฺาสีติสตํ ปาจิตฺติยา      ทฺวาทส ปาฏิเทสนียา
                ปญฺจสตฺตติ เสขิยา            ตีหิ สมเถหิ สมฺมนฺติ
                สมฺมุขา ว ๑- ปฏิญฺาย    ติณวตฺถารเกน จ ฯ
     [๑๐๓๓]   เทฺว อุโปสถา เทฺว ปวารณา
                  จตฺตาริ กมฺมานิ ชิเนน เทสิตา
                   ปญฺเจว อุทฺเทสา จตุโร ภวนฺติ อนญฺถา
                   อาปตฺติกฺขนฺธา จ ภวนฺติ สตฺต ฯ
     [๑๐๓๔]   อธิกรณานิ จตฺตาริ สตฺตหิ สมเถหิ สมฺมนฺติ
                   ทฺวีหิ จตูหิ ตีหิ                กิจฺจํ เอเกน สมฺมติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๘ หน้าที่ ๓๖๕-๓๖๘.
https://84000.org/tipitaka/read/pali_item.php?book=8&item=1024&items=11
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=8&item=1024&items=11&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=8&item=1024&items=11
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=8&item=1024&items=11
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=8&i=1024
             สารบัญพระไตรปิฎกเล่มที่ ๘
https://84000.org/tipitaka/read/?index_8
https://84000.org/tipitaka/english/?index_8